نسيت..نسيت..نسيت...إلى أن جاءت الوررررطة...!!!

السلام عليـــــكم يا الغالين..
:
أخباركم....؟
عساكم بسعادة وخيــــــر...؟
:

المهم...
أنا اليوم صــــــــــار لي موقــف يفشششششل...
و كان ودي أعرضه لكـــــم عشان تستفيدون منه ولا عاد تطيحون فيه.....
..
..

الموقـــــــف
..
..

تصدقون..
اليوم كنا رايحيـــن حنا وخــــالي وبعض البنات للخبر...Ok..
إللي صار إني متفقــــة مع البنـات إني أكون مسئولة المصـــاريف أثناء الرحلة...عشان تكون منظمة وما يكون فيها إسراف...>>مقتصدة...Ok..
وافقـــوا البنات على الفـــكرة إللي أعجــــبت خالي لأنه ما بيدفع ولا قرش من جيبه غيـــر حق الشـــاليه...

وعلى طول كل وحدة جابت القطة((الفلوس)) المتفق عليها مسبقاً وأعطوني إيها عشان تكون معي...وأكون مسئولة عن الدفع طوووووول الرحلة إللي بتستمر اسبوع....

كلنا جهزنا الشناط وأعطيناها خالي إللي رتبها بالجــــــــمس ونظف السيارة ورتبها وعطرها....>>مين قده بنات خواته الغاليات بيركبون معه.....لا يسمعك بس


مشينا الساعة تسع الصبح..طبعاً كنا مواصلين وما نمنا...ومن يوم ركبنا السيــــــارة....أنواع الدجة والإستهبال والضحك... حتى خالي دخل جو معنا..((للمعلومية خالي هذا أصغر خوالي وبعضنا أكبر منه لكنه فله))..
ساعة ونص ثمن كــــــــــــل إللي بالسيارة هجدوا...كل أبوهم نااااااااااااااااااموا وأنواع الشخير والحركات والزحمة....لييـــــن وصلنا كذا على الساعة وحدة ونص الظهـــــر..ثمن اتجهنا لم الشـــاليه على طووووووول..

قمنا طبعــــاً بعد ما تسبحنا بالما البارد إللي قعد يرشة علينا خالي عشان نقوم...وبعد تهديد و وعيد وصراخ فكرنا نقوم....>>خفنا يردنا للرياض...موب لله

المهم دخلنا الشــــاليه إللي كان روووووعة..من اختيار خالي...نصنا دخلوا ينامون والباقي قعدنا مع خالي وطلبنا غدا...وحلف خالي هالمرة يكون على حسابه بس مرة ثانية ماله شغل...>>قعيطي

جا الغدا وتغدينا...وعينا من الله خيـــــر وقعدنا نخطط وين بنروح له الليلة...إللي تبي المول وإللي تبي الملاهي وإللي تبي الواجهة البحرية وإللي تبي الهاف مون...وهواش ومضارب..وحالات لين اتفـــقنا انا نروح ألحين الهاف مون...ثمن نرجع على المغرب...نتسبح ونروح لفؤاد سنتر إللي بالواجهة البحرية...ثمن نتعشى بحدا هالمطاعم إللي هناك...

جهزوا البنات إللي عليهم التجهيز...الشاهي والقهوة والعزبة وكل شي....
قاموا البنات وطلبوا لهم ساندويتشات سفري ..عشان ياكلونها إذا وصلنا لأن خالي يمنع الأكل بالسيارة نهائياً...
ركب الجميــــــــــــــع السيارة وخذينا معنا بعض العصيرات البااااااااردة..والكاكاوات..والشيبس...وهذي الأشيا....ثم مشينا...

المهم...
أنا طوووووووووووووووووول الرحلة وأنا أحس إني فاقدة شي....ياربي وشنهو؟؟؟؟
ثم تذكرت إني نسيت الآي بود حقي.....لكن بعد فيه شي ناقص.....مو مهم..

المهم
وصلنا الهاف مون وجلسنا وقعدنا نشرب شاهي وكشخة...ثم فتحنا الشيبسات والعصيرات وفليناها...

شوي طرت في بال وحدة من البنات فكرة جهنمية....قالت وش رايكم نقول لخالي إنا نبي دباب..!!!
كلنــــــــــا مع بعض قلنا وااااو والله فكرة خطيرة..بس هيهات هيهات خالنا العزيز يوافق....لأن كان حولنا شباب واجدين....

لكن ليش ما نحاول....يمكن يلين راسه ويرضى لنا...
راحت بعض المتخصصات في الإقتاع والتنويم المغناطيسي وحاولوا يقنعـــون خالي بشتى الطرق لكن...خالنا العزيز رفض رفضاً قاطعاً من دون أي نقاش...وما نفع لا إقناع ولا تنويم مغناطيسي...

فقدنا الأمل وقعدنا نقول في قرارات أنفسنا إذا هذا أولها الله يستر من تاليها.....

شوي وبينما نحن زعلانات جداً ولاويات البوز...أتى إلينا خالي الحبيب لكي يراضينا...ولكننا لم نرضى...>>أقول احمدوا ربكم أحد فكر فيكم وسافر بكم يمشيكم...
الموهيم...قال لنا خالي خلاص تركبـــون دبابات بس موب هنا....ناخذ الدبابات ونروح مكان بعيد مابه أحد....وعلى حسابي بعـــــــــــــــــــــد.....

كلنا...
هييييييييييييييييييه
ثانكس يا أروع خال بالدنا كلها...
طبعاً خالنا فهمها...
..
ثمن رحنا للمكان إللي به الدبابات البانشي وخذينا لنا أربعة بانشيات لمدة ساعة...>>عادي على حساب هالمسكين خالي...>>من قال له يوعدنا
لعبنا بهالساعة لين طاح كل إللي في روسنا ثمن رجعنا لم الجلسة إللي كنا قاعدين به وتاركين بعض الأغراض فيها...
وشرا لنا خالي عسكريم ثمن تقهوينا ومشـــــينا...عالشاليه...
تسبحنا ولبسنا ورحنا لم فؤاد سنتر مثل ما خططنا...كل وحدة من البنات ناوية تشيــــل السوق كل أبوه من الشفاحة...
مشينا جميع بأمر من خالنا الموقر....أول محل دخلناه توزعوا البنات فيه بسرعة فائقة...
كل وحدة شالت إللي تقدر عليه....وخالي يقول لنا اصبروا باقي السوق كله وانتم ما خليتوا شي بذا...>>مشافيح أعوذ بالله....البلا أنا معهم...

ويوووم جينا لم الكاشير....
آآآآآآآآآآخ الله لا يعيده من يوم....
طبعاً هنا توجهت كل النظرات إلي أنـــــــــا....يعني يلا ادفعي من القطة...طبعاً أنا وبكل ثقة فتحت الشنطة وطلعت هذيك المحفظة إللي ما أكبر منه.. وفتحتها بثقة بعد ويوم أفتحــــــــــــــها....
وش تتوقعون..؟؟؟؟
أكيييييييييييد عرفتم...
طبعاً انصــــــــــــــــــــدمت بقووووة يوم شفت ان المحفظة ما بها ولا ريال واحد...!!!!!!!....>>وش هالوهقة
طبعاً كلهم إلى ألحين ينتظرون....
وأنا تمنيـــــــــــــت لو الأرض تبلعني وسطها ولا أنحط في موقف زفت مثل ذا....
فكرت أني أعطيهم الخبر بالتقسيط أو عن طريق الواسطة...

فأخذت أطيب وحدة فيهم ورحت بها بعيد عنهم شوي...وقلت لها يافلانه ترا السالفة كذا وكذا...أنا توقعت انها تتستر علي وتساعدني بحكم انها حليلة.....إلا أنها صرخت بوجهي قايلة..::وشوووووووووووو...هذا إللي كنا ناقصينه...أصلاً حنا وشلون وافقنا على خطتس الخايبة...؟؟؟

طبعاً أنا دوروني ما تلاقوني....صوتها مافي أحد ما سمعه.....
كل الناس تناظرنا
لين كلهم جو وقالت لهم كل شي...

طبعاً أنا هربت للسيارة بسرعة قبل لا أنطق أو أنذبح...

إللي صار إن خالنا الوافي أخرج بطاقته الفيزا بعد أن خلص كل إللي معه من قريشات ولأول مرة يستخدمها في شي تافه مثل ذا...>>على قوله هو

ومن يوم ما رجعنا رجعنا على الشاليه طبعا مافي مطعم ولاشي..

أنا جهزت نفسي من داخل لإستقبال الشتائم والسباب والهواش والــــ....إلخ
المهم.....جلست في الكنبة إللي تطل على البحر...عشان بس أسمعهم ما أشوف وجيههم الغـــــــــــــــــــاضبة....
وفعلاً صار إللي توقعته...أكلت على راسي كل البلاوي....
حتى إني إنطقيت كم طقة بس مدري من مين لأني بس أسمعهم....حتى ما رديت عليهم....

أنا بعد الجلسة رحت للسيارة بحجة إني ناسية شي فيها....وحتى الآن وأنا أتلقى تعليقات عن النسيان والفغارة...
المهم
رحت أنا للسيارة وكلمت بابا وطلبت منه انه يحول على حساب خالي المبلغ المطلوب...
أبي الغالي وافق على ذلك وأرسله على شرط إني أرده له لا رجعنا...

بغضون ساعات قليلة وصل المبلغ...وخبرت خالي عليه وقال لي...::زين رقعتيها...تصدقين بغيت أردكم وأخذهم وأخليك....؟؟
طبعا أنا تقبلت الكلام بصدر رحب بحكم اني مجرمة بحقهم....

والحمد لله تم ما تبقى على خير بعد أن كل وحدة خذت قروشها وصارت تصرف على نفسها بنفسها....
والحمد لله بعد رجعت العلاقات بيني وبينهم منتازة..ومية على مية..

.................................................. .................................

إللي جيت أبسألكم فيه...
(1) هل انت من النوع إللي ينسى كثيــــر؟؟؟
(2) وش نسبة نسيانك؟
(3) كم نسبة نسيانك؟؟
(4) وش تنسى عادةً؟؟؟
(5) هل حصلت لك مواقف مع النسيان؟؟؟وش هي؟؟؟و وشلون حليتها؟؟
:
:
أنتظـــــــــــــــــــــــــــر تفاعلكم معي يالغالين....




محبتكم....::


حبة حب