| الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور | |
|
|
|
|
|||||||
| الانتساب | تعليمات س - ج | قائمة الأعضاء | المفكرة | إشارة الأقسام مقروءة |
إعلانات منتديات منطقة الرياض
|
|||||||||||||||
|
|||||||||||||||
 |
|
|
LinkBack | أدوات الموضوع |
|
#1
|
||||
|
||||
سفرتنا وناصه لا تفوتكم
السلام عليكم : : اسمعو قوصت سفرتنا  <<<< لا تعليقالموهم عندما ولعت الرياض وبدأ الحر يصول ويجول في نواحيها وحط الجميع رجله هرباً من السموم والفطسة بدا ابوي وكأنه الوحيد اللي عاجبه ذا الحر ومخمخ عليه بعد خصوصا عقب ماركب المكيف الصحراوي هاللي ماجانا منه إلا الإزعاج والهدرة..وفي يوم جمعة مباركة وبينما انا في المطبخ فاتحة باب الثلاجة وجالسة بذا البراد اتفرج تلفزيون رجع ابوي من الصلاة وهو تافل العافية بعد مالعبت الشمس فيه وحلف ياهي ياهو بالرياض..نادني ابوي بنفس نوعية الدلع اللي معودني عليها << تبطين عظم انتي وهالدلع -طو طو طو وصمممخ << يقالها مشفر قمزت بسرعة ويصك راسي بالفريزر نسيت اني فاتحته من الرووعه  ركضت فازعة لأبوي ومادريت عن راسي << بلاه راس صعيدي مو راس آدميه الموهم يوم شفت وجه ابوي حمدت ربي اني امرأة سعودية لا أطلع اصلي جماعة بعز الظهر ولا اجيب مقاضي للغدا يالله لك الحمد ياربي حواجبه ورموشه تنقط عرق كنه توه متوضي وحالته حاله..رمى علي الجحّه وقال جهزوا شناطكم بنسافر..  وانا اللي دوروني وماتلقوني ماغير اطامر بهالصالة من الفرحة واسوي حركة مالك معاذ يوم يسجل هدف ..  - اخيراً اقتنعت يبه وبتودينا الطايف وابها - شف البنت !! وش قالوا لتس جالس على خزنة الغرفة التجارية - اجل وين بنروح ؟!  - القاهرة..نسيـبنا ابوفيصل بيعطينا شقته اللي بالجيزة.. - لأ مش معقول ..القاهرة مرة وحدة توك تقول ماهنا فلوس من وين بتجيب حق تذاكر الطيارة - وش طيارته ياقدمتس بس الطيارة راحت موضتها الناس اللحين مايسافرون الا بالعبارات ثلاث ساعات وهم بالغردقة شي جونان خلي عنتس بس.. << يمديكم على الكوشخه  واقوم اجهز شنطتي الكبيرة واحشي فيها من هالخلاقين والصنادل والأكسسوارات على العبايات واجلس ساعة احاول اصكر الشنطة وبطلعت الروح تصكرت طالعة من كبرها كنها جهاز عروس..دخل علي ابوي وانا احط العفش الصغير بجيوب الشنطة الي برا - بعدي بنتي جهزتي شنطتس وشنطة اخوانتس .. - وش اخواني ذي شنطتي بلحالي - نعنبو شيطانتس من بيشيلها ذي - مالكم دخل شنطتي وانا بشيلها كلها اشياء احتاجها حاول ابوي يقنعني انزل عالأقل ربعها بس ركبت راسي وطقت في مزاجي عييت انزل شباصه وحدة  عاد ابوي عصّب وحلف انه ماله دخل بذا الشنطة ومهوب شايلها طول السفرة وانا اللي تاخذني العزة بالأثم وقلتله من قالك شلها أصلا شنطتي واتفاهم معها.. مشينا على طريق البر لضبا..كلنا حريم وبزران مامعنا رجال الا ابوي عسى ربي يحفظه ويخليه واخوي الكبير طبعا جايب بزرانه وحرمته وشغالتهم عسى ما يجيبون جيرانهم بعد  الموهيم  وماحسينا بطول الطريق من الوناصة من قدنا رايحين لديار حسين فهمي واحمد عز  << ما اقول الا الله يلعن الفقر الناس تصيف باوربا وحنا منبسطين بفهم وعز وطقته وصلنا ضبا واستاجرنا شقة عشان نريح من تعب السفر وننتظر العبارة.. طبعا مايحتاج اشرح لكم وأغث تسبودكم عن نوعية الشقق بضبا وعن نوعية البزرنج الي معنا قصم قصمات انهم يحومون التسبد وزياده على بجاحتهم عيال اخوي مهوب يسموني عمتي  واخواني مغير هم وذا الشغالات ضرب وضريب ماقول غير لجل عين تكرم مدينة عشانك يأم الدنيا نتحمل المرمطة والغثى..يوم قرب موعد ابحار العبارة تضبطنا وتكشخنا وكل اللي في بالنا بنركب شي يشبه التايتانك  يمكن أقل شوي..وقف ابوي الجمس قدام بوابة ميناء ضبا..ماأقدر اقولكم و أنقل لكمحالة الصدمة اللي عشناها .. باصات و الدنيا موقفة حولينا وعينك ماتشوف الا الصعايدة مدهرين كلن شايل كرتونه وشنطته والمصاريا وبزرانهم وصجتهم كلن يبي يدخل أول  .. قصم قصمات كننا في الجمراتقعدت ادور زول سعودي اوسعودية مالقيت  ..خنقتني العبرة وقلت لأبوي وش رايك نحول للطايف .. ردت اميمتي: مهيب شينة يابوعبد العزيز << يخزياه عرفتو اسم ابوي  يقولون الطايف عليهم أمطار..رد ابوي بكل عنفوانيه : اقول انزلي انتي واياها وكلن يشيل شنطته معه وانت يا عبد العزيز << اخوي الكبير : امسك الجوازت ورح ظبط الامور داخل عاد انتم خابرين اخوي كمخه قال لابوي انت رح ظبط الوراق وانا بودي ذولا لصاله << ذولا يعني حنا يمديكم على الاخلاق  الموهم قال ابوي خلاص وراح ابيي في ذا الزحمات عند كونتر الجوازات << يمديكم على كونتر الموهم وهو يمشي صوت له قلت له يبه تشهد الله يحفظك ناظرني نظر يعني انطمي الموهم خواتي ومرة اخوي كل وحدة سحبت شنطتها والشغلات سحبو شناط البزران وشناط امي وابوي وانا سحبت شنطتي وطيران ورا عزوز اخوي وانا ياحياتي انقطع نسمي وانا أدف شنطتي ابتلشت فيها مره اصلح اللنقاب ومره اجر عباتي من تحت كفرات الشنطة ..قعدت ادف فيها لين وصلت لباب الصالة عاد الموظف الي عند الباب يوم شافني عجزت ارفعها على العتبة أبى إلا ان يشيلها عني << يمديكم على الاخلاقياحبكم ياعيال ديرتي للتميلح ..وتبون الصراحة ماعاقت معي ابد رميت الشنطة عليه ودخلت لصالة الأنتظارآه ياقلبي ماعاد شفت شي من الريحة ثلاث ارباع الصالة صعايدة وعمال والربع عوائل مصرية  والله ماقهرني وحز في خاطري الا إن عباتي جديدة شاريتها من فاشن توب العيد اللي راح.. الموهم لمحت اهلي قليلين الخاتمة جالسين بقسم العوايل وامشي لهم والموظف وراي يجر شنطتي بصراحة حسيت اني ما أنعطي وجه ابد ..يوم شافني اخوي مقبلة والرجال وراي بدت عيونه تحمّر ويده تراوده عن عقاله بس وش اسوي عاد أزريت فيها هالشنطة يمديهم بالراحة يحطون عبارتهم فوقها ويبحرون الله يقلعها عساها تضيع يارب..يوم شفت اخوي مقفلة معه واروح اندس ورا أميمتي إحتياطاً.. الموهم بعد ما جانا ابوي وضبط كلش وبعد جهد جهيد وكرفن مديد دخلنا العبّارة كل واحد يجر شنطته مافيه نظام ابد تحطها تحت وترقى فوق للمقاعد قمة المسخرة كأننا لاجئين ..يوم تواسينا على كراسينا جلست جنبنا عائلة مصرية أنواع الروائح عرق على جزم على بصل ياتسبديييه..توهم قاعدين الا تطلع امهم سطل مليان دجاج  وبطاطس مسلوقة ويجتمعون عليه امهم تفرك الملح والبهار على الدجاج وتزغط وراعينها وزنخة الدجاج مدهرة خلااااص قفلت معي وحامت تسبدي بغيت أذب نفسي في البحر..عقب ماخلصوا وزرط قفلت امهم السطل وهــ كأن الريحة بدت تخف مادري انا تأقلمت معها حطيت راسي ابي انام شوي ماوعيت الا على مخابط عيال المصرية يلعبون حبشةمع اخواني وعيال اخوي.حاولت فيهم اجلس يابابا..اجلس ياشاطر <<يقالي متأدبه قدام العالم اجلس حضرتك يا مافيه أمل..رحت أحايل اختي تبدلني بمكانها قلت ان عيت بروح لمرت اخوي والبنت ماعيت على طول قامت بشكل مستغرب قلت يمكن ضاق صديرها علي يوم شلت الشنطة لحالي للعبارة يعني الدم مستحيل يصير مويه جلست مكانها وروح الأخوة تغمرني قطع انسجامي صوت نشقة عجيبة من المخ طالعة التفت ولا ذاك الصعيدي شكله مرضان يناشق ويتفل بكيس شايله..الأخ ذابحته النظافة مايبلع اللي بخشمه يتفله بكيس عسى الله ياخذه الكيس امتلى وهو معيي يرميه..واطير لأختي ابي ارجع مكاني وبعد نقاش حضاري دار بيني وبينها رجعت مكاني.. وفي عز المعاناة وفي اللحظة اللي لم اتوقع ان الأمور ممكن تسوء أكثر.. فتحت المصرية السطل مرة ثانية وكملت على الباقي ..  يقولون من ضبا للغردقة ثلاث ساعات طبعا وكالة يقولون غير الواقع الرحلة اخذت خمس ساعات ونص يوم وصلنا الغردقة استاجرنا باص بسواقه ومغطنا للقاهرة بعد ان تفاجئ ابوي بأسعار السكن هناك حيث انها خمسمية دولار وانت طالع . من الغردقة للقاهرة اربعمية كيلو اخذت معنا خمس ساعات ثانية لأن الخط سيء والباص ماشي ثمانين وكل بعد شوي نوقف نعطي بخشيش ونمشي ..وصلنا الشقة صراحة كشخة ومأنتكة صدق ماعندك سالفة يابو فيصل تارك هالشقة ورايح جنيف.. من يوم طبينا الشقة ويطير النوم والتعب كله وننشب في حلدز ابوي حتى عيال اخوي الي ما يستحون قاعدين يقولون لجدهم ولا قالو لابوهم ذا الكمخه << عيب ذا اخوتس اللي يقوله تكفى ودنا السنيما واللي يقول ودنا لأبو الهول واللي يقول ودنا لأم كلثوم ويهوج عليهم ابوي بالعقال وقالهم نومو الحين واذا اصبحنا افلحنا <<< ياكرهني لذا المقوله الموهم من باتسر تمشينا بالقاهرة وشمينا ديزل لين سطلنا واللي يقول الرياض زحمة احب اقوله على شحم لوسمحت.. يازين الرياض ويازين مشاويرها ..وحنا نتمشى لمحت ذيك الصورة اللي سيطرت على كياني مكتوب عليها بالبنط العريض حفلة الفنان راشد الفارس في الفندق الفلاني القاعة الفلانية وباأسرع مايمكن سجلت المعلومات والرقم وانتظرت لين نوصل الشقة..في البداية ماعرفت وشلون أفاتح ابوي بالموضوع قلت ابروح لخوي يمكن يتقبل قلت لا ذا الكمخه مهوب موافق بروح لوبيي احسن بعدين شديت حيلي وقمت صلحت له شاهي كشري يحبه قلبه ... - يبه يعطيك العافية فيه حفلة باتسر سمعت جيراننا يقولون يبون يرحون له وش رايك نروح - حفلة وش وانا ابوتس.. - حفلة ذاك اللي يغني الأماكن وياليل خبرني ذاك اللي مرة سمعته واعجبك - على هالخشم يابنيتي..انا جايبكم هنيا تفسحون وتنفهون و.. - خذ رقمهم واحجز الحين قبل لاتخلص التذاكر. كلمهم ابوي وحسيت كن ملامح ابوي تغيرت شوي قلت في نفسي لايكون التذاكر خلصت علينا صك ابوي السماعة من هنا وانط له من هنا ..هاااه وش قالك.. - قالي يمدحون كورنيش النيل.. - يبه تكفى تو تقول على هالخشم يووباااه تكفى - أقول اهجدي لا بالعقال الحين التذاكر النفر على ستمية والله لو اني ماخلفت غيرتس . والله وأبرطم عليهم وكالعادة ماحولك أحد برطمي صقع بالأرض ومحدن درى عني يوم شفت الوضع تسذا قلت لابو الحفله خل اوسع صديري محدن داري عني الموهم قررنا نروح الأهرامات اليوم ونمر بعدها عالمتاحف ..ومن الصباح وحنا عند ابو الهول ونمشي من عنده للهرم الكبير واشوف خواتي ومرت اخوي فحمانات يبون يركبون الحنطور للهرم وانا اقول لامايحتاج نمشي أحسن رياضة ومن هرم في هرم وبعدها للمتاحف المهم مارجعنا البيت إلا حول المغرب كلن تعبااان ويدور فراشه.. الموهم وروح واخمد في اقرب سرير قدامي وفجأأأأأه كني قمت من النوم وحولي غبار واقوم البس عباتي اخذت تاكسي للفندق ودرعمت عالحفلة .. ياااااااي أول مرة أشوف حفلة وجهاً لوجه ونااااصة وهيصة ..بداية الحفلة كنت أصفق وأرقص وانا جالسة عالكرسي يقالي مستحية بعدين الله يهديه راشد استلج وغنى عزاااه وأقوم ارقص يمين يسار فوووق تحت واسبح واسبح وعااااشووو..يوم جلست جاء القرسون يقولي الطاولة اللي هناك عازمينك يوم التفت ولا عائلة سعودية ثلاث رجال وحريمهم بالعبايات صراحة استانست بدال ماجلس لحالي اقوم أدردش مع هالحريم..رحت لطاولتهم وجلست وسط الحريم وقلت لهم أخيراً شفت حريم سعوديات ردت وحدة منهم..دحنا مش سعوديات - ماشاالله وكلكم ماخذين سعوديين!؟ - ههههههههأأأي بص ياتووركي دي دمها شربااات - الله يسلمك مير << بصراحة فاجأتني بحياتي محد قالي دمك شربات امي دايم تقول بناخذك تبرعين بدمك كوده يخف سألني واحد منهم..أصب لك وسحب كاستي..للأمانة القوارير شكلها مايطمن قلت له ماأشرب هالخرابيط - برافوو عليكي كفو والله بنت ديرتي ..طيب وش تشربين منقا ..فراولة..شيفاز - وشو ذا الأخير!؟ - أبد ذا من طقة بلو كاديه وسفن أب.. - خلاص هات واحد شاهيناز الله يخليك شربته وحسيت فيه طعومة .. - أقول توووركي شكله منتهيه صلاحيته.. قال وهو يضحك الخبيث الحين أشيله ونادى القرسون .. قلتله لا وش دعوة خله دامك دفعت حقه وتراهم دايم يقدمون شهر على تاريخ الأنتهاء الصدقي خله ماعليك وتوني باخذ الجغمة الثانية إلا أشوف ذاك الرجّال اللي يركض بين الطاولات شبهت عليه بصراحة بس ماعرفته إلا من العقال..طلع ابوي سبحان الله الموهم وفجأأأأأأأه امي تقبص فيني قومي صلي الفجر باتسر بنرجع للسعوديه اثاري روحتي للحفله صارت حلم وهـ ياقلبي ارتحت راحه مهيب طبيعيه بغى ابوي يجلدني اشوا انتس قومتيني لصلاة يا اميمتي الموهم ونرجع من باتسر بالطياره للرياض ياعمري مايبي يتعبنا بالعبارة مرة ثانية .. وسلامتكم  الزبدة 1- لاتروحون مصر أبد . 2- اذا سافرتوا سياحة لاتشيلون عفش واجد ثم تبلشون فيه. عاد الله الله باردود تراي تاعبتن عليه
|
29-08-2007, 12:00 AM
|
#2 | |
|
عضو مشارك
  |
رد : سفرتنا وناصه لا تفوتكم
الصــــــــــــــــــراحه ضحك يا حياتي انتي مدري شلوووووووووووون تحملتي يمدحون ابها و الطائف هـــــــــــا ثااااااااااااانكس على الموضوع يا قلبوو
|
|
|
|
|
29-08-2007, 01:30 AM
|
#3 | |
|
مراقبة سابقة
  |
رد : سفرتنا وناصه لا تفوتكم
هههههههاي وقسم اتخيل شكلك وانتي تجرين بذا الشنط ه يختي يومك تقولين عبايات واكسسورارت وصنادل  حسيتني اني ماني بنت ماعندي هالاشياء وبالذات بالسفر موضوعك حلووووووو يابنت
|
|
|
|
|
|
29-08-2007, 10:16 AM
|
#4 | |
|
عضو جديد
 |
رد : سفرتنا وناصه لا تفوتكم
عاد أحلى شي بالسفرة طلع حلم الله يرج عدوينك وشولة ما خليتي جلستك بالعبارةهي الحلم ههههههههههههههههههههههههه تسلمين يالغاااااااااااااااالية
|
|
|
|
|
|
29-08-2007, 03:14 PM
|
#5 | |
|
عضو مؤسس
|
رد : سفرتنا وناصه لا تفوتكم
ياعمري انتي اشوى انه طلع حلم.. يعطيك العافيه.. على السفره الجونااااااان..
|
|
|
|
|
|
29-08-2007, 03:59 PM
|
#6 | |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
مشرف المجالص الترفيهيه
 |
رد : سفرتنا وناصه لا تفوتكم
يامرحبا يامرحبا بلعيبة الصلله
عليكم الصلام والرز والايدام
دكيزه اطفي الطياره قصدي المكيف
تفضلي معك القرقفون 
هههههههههههههههههههههه ههههههههههههههههههههههههه اقول ياصقيقتي شمص الرياض لو تجلصين فيها نص صاعه تبيضين
يؤ اصمك طوفرية ؟
ههههههههههههههههههههههه هههههههههههههههههههههههه من البراااد انعفط مخك
وش وراكم يالجنص الناعم مغير طبخ ونفخ تحت المكيف وحنا الي ناكلها ويتنقع نفوخنا من هالشموص
ههههههههههههههههههههههههههه ههههههههههههههههههههههههههههه ههههههههههههههههههههههههههههههه الله يرررجك لين تطيشين
عباررره اجل وتصمينها صفرره ؟ قومي قومي خليك واقفه
شكلك تحطين مشط على الجيب اليمين وزيت ام دابرررر باليصااار وولعباتك يابطللله
ههههههههههههههههههههه لو احلف نصها شباصات تركدين شوشتك والنص الثاني جززم حقت النقااا
اهم شي الشباصات ماتنززل
امش يابو رمشش
|
<<<الا ليت الجمال يعود يوما
