| الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور | |
|
|
|
|
|||||||
| الانتساب | تعليمات س - ج | قائمة الأعضاء | المفكرة | إشارة الأقسام مقروءة |
إعلانات منتديات منطقة الرياض
|
|||||||||||||||
|
|||||||||||||||
 |
|
|
LinkBack | أدوات الموضوع |
|
#1
|
||||
|
||||
يازين العيد ..وبسطة العيد هع
مرحبا بكل المصرقعين والمصرقعات  وحشتوووووني  وتمنيت اقضي ايام العيد مع مصرقعات وافلها صح  احس العيد مع اصحاب النفوس الخفيفه والظريفه شيييييييييييييييء تدرون قبل مايجي العيد قررت اسوي اكشن >>>نصابه كل سنه في العيد اكشن جديد  المهم هالسنه في العيد كانت البسطه علي  قبل ماادخل في الموضوع  شكل المصرقعين مايعرفون اللهجات السديراويه البسطه تعني اني ابسط ببضاعه حلاو وعصير ووو ....على المبزره والكبار  قرب العيد وماشريت البسطه فقررت اني انقز للمعيقليه  تمنيت ان البطحاء ماحترقت  >>انواع الزحمه في السووق ماهنا موقف للسيارات بعد جهد وعناء ومناقر لقينا موقف وانقز لسوق الجمله  وانشب في محل عنده كل مالذ وطاب من حلاو ايام زمان  وانا اللي اطلب عطني هذا ومن هذا وووووو ..>>>بغيت اشتري المحل كله من الرخص  بس المشكله اخاف تقعد هالبسطه في حلقي وابحل بها هع المهم شريت انواع مدري وشهي ..>>>غرني اشكال الحلاو وبحلت به >>>يعني ماشراه احد وبعد ماطلعت من محل الجمله مريت اشيقر وشريت عصير غوار  هذا اللي يخقون عنده المبزره وخصوصا اذا كان بااااارد في هالحر  رجعنا للبيت تالي الليل مع طريق الملك فهد انواع الزحمه  تدرون اني هالسنه مهتمه في البسطه اكثر من لبس العيد >>>لاتلومونها من زود الفرحه بالبسطه وجت العطله وغادرنا الرياض للديره ..>> قبل يوم العيد ونااااااسه نقزت للبسطه وانا اللي اسعر البسطه واتخيل الارباح  هههههلو البسطه كلها شريت كان رابحه خمس ميه >>>ارفقي على عمرك هع وجا يوم العيد وفي ليلة العيد صفيت البسطه على طاوله ورتبت الحلاو والفشارات وووو ....بشكل مغري للمبزره والكبار  بعد توزيع العيديات كل بزر جاه مبلغ وقدره .. وحتى الكبار جتهم عيديات خرافيه.. جا دوري في سحب عيدياتهم واعلنت افتتاح البسطه >>>المبزره يحتروني افتح البقاله ومستحين يقولون لي هع القهر ان ماجهزت صرف للمبزره اذا شروا  بس استغليتها فرصه خليتهم يشترون باللي معهم  وكل ماخلص حلاوهم طلبوا من البقاله قصدي البسطه ودكم تشوفون امهاتهم ياتوتة قفلي البقاله اسنان بزرانا خربت>>>مب خوف على اسنانهم خافوا تخلص عيدياتهم وانا اقول لهم لاتقفلون باب رزقي هع المهم حصلت راس المال وباقي الارباح وبضاعتي ماخلصت.. فقررت اني اضف بسطتي واروح بها يوم ثاني العيد عند قرايبي  وازين شي ان المبزره كلهم متجمعين واكثر من اول يوم في العيد  تصدقون جازت لي الفكره والبسطه وشكلي بخليها كل سنه علي ههههههههههه وازين مافي العيد البيع على البزران شييييييييء من مواقف ايام العيد يجون مبزره صغار ويقولون ابي حلاو وانا اقول قل لماما تعطيك فلوس وتعال بسرعه خخخخخخخخخخخخخخ بغيت ابسط على عيال الحاره بس استحيت ان شاء الله انكم انبسطتوا مع بسطتي  صوره لجزء من البسطه هع [عزيزي الزائر يتوجب عليك التسجيل لمشاهدة الرابط للتسجيل اضغط هنا] فتو ..رومنصي لاتقولون ان موضوعي بايخ >>>من قال انه حلو ثبتوه والا ضفيت بسطتي هههههههههههههههه >>امزح بس ان شاء الله عجبتكم صرقعتي دمتم بخير 
آخر تعديل توتة يوم 21-10-2007 في 04:10 AM
|
21-10-2007, 04:53 AM
|
#2 | ||||||||||||||||||||
|
السبع الاربع
مراقب عطر القوافي    |
رد : يازين العيد ..وبسطة العيد هع
يا عليك مخ مجنوووون ما شاء الله يعني مكسبك يوم العيد فوق 500 ريال ؟؟ وانا مكافأتي بالشهر 1000 ريال بس ..  توتة .. وصفيلي محل الجملة اللي بالمعيقلية .. عاد حنا بزرانا واجد الله يكثرهم .. وكل شي يشترونه .. حتى الزقاير .. بصراحة انبسطت كثير بقراءة الموقف الأكشن .. وإنبسطت أكثر بعودتك للمجالس .. وعقبال ما نشوفك مغطية على العثيم .. <<< تبطين .. تقديري ..
|
||||||||||||||||||||
|
|
|
21-10-2007, 10:01 AM
|
#3 | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
مشرف المجالص الترفيهيه
 |
رد : يازين العيد ..وبسطة العيد هع
هلا والله ومليون غلالا
مررررررحبن الف والباقي اقصااط يله حيييهم المهلي مايوووولي توحشناك برشا برشا وينك الغيبات عن القصم !!! 
الشيييي طلللللتك الله مير يوفقك في بصطتك وتصيرين اقوى من ام محيصن الله يرحمها < تذكرينها ؟ والا بقالة الأبد الي يبيع في بيتهم وكل بضاعته حلاو حلقوم وبصكوت ابو ميزان طاقه الشمص
ابد معطينك الضوء الاخضرررر صوي اكششنات لين يطلع نخل براصك
طيب لاتغلطين ترانا عيال حاره وحده ماله داعي يقولون تطاقوا عشان لهجه
يازين المعيقليه وانتي تخمين كل ماتشتهيين
وصفيلي مكان المحل < يقدر حلاو القديمين
الله يدوم الرررخص لو انك جايه قبل العيد بتلقيييين البضاعه ارخص من تصذا بواجد < كيف اللهجه الصديروايه
اهم شي ابحل بها هذي الكلمه لغير الناطقين عفون لغير الفاهمين يعني للي مايفهم لهجة صدير خلني اشرح لهم الكلمه ابحل بها معناه : تقعد في حلتزي < مطفي النور وبقووه
عصير غوار لين الحين يصنعونه تذكريني اياماً مضت كنا نثلجه ونقصه نصيييين وماتصمعين الا صوت الضروص ششغ ششغغ
بالله عليك طريق الملك فهد زحمه ! توقعتك جايبه معلومه جديده < كيف التحطييم
البصطه ناقصك صندوق اخضرررر الي يجي مصتطيل ومتوازي الاضلاع ولديه قفل من عند بـوزه ( خشتـه )
تتخيلين الارباع وتقصمينها على عدد الي شريتيه والناتج تفكرين تشترين فيه الروج الصحري
بشكل مغري للمبزره والكبار للمبزره يمديك تغرينهم بص الكبار كيف اغريتيهم
ترا عادي لو تعزموني معكم عيد الاضحى اصلن دايمن اهلي يصون عيد بص انا ما احب اتعيد معهم
كني اشوف اشكالهم يتناقرون بالكتوف وخر انا اول
امش يام مخ اصتثماري .. انصحك تخططين لبناء فرع للفيصليه في الديره
امهاتهم فاقين الخشه مبصوطين عيالهم مايطلعون الشوارع البقاله جتهم لين رجوولهم وش يبون اكثر من تصذا
هههههههههههههههههههه اذا خلصت عيديتهم بيحطون الطقه فيك
ارررحمي يابلشرف البديييعه
متجمعين المبزره .. جاك يامهنا ماتمنىىى
|
