| الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور | |
|
|
|
|
|||||||
| الانتساب | تعليمات س - ج | قائمة الأعضاء | المفكرة | إشارة الأقسام مقروءة |
إعلانات منتديات منطقة الرياض
|
|||||||||||||||
|
|||||||||||||||
 |
|
|
LinkBack | أدوات الموضوع |
|
#1
|
||||
|
||||
|
غراميات قروووووي
وش علومكم ان شاء الله بخير والشهر عليكم مبارك والله يجعلنا من المغفور لهم ذنوبهم يارب ودي اقول لكم سالفه ربهاا تعجبكم  هذا رشيد المعفن وقصة غراميه له مع بنت قصراهم الاولين موزه الشيفه أم عيون جريئة رشيد عايشن في نخل وقروين بحت ماغير اربع وعشرين ساعه فوق هالجدران اللهم لا شماته ومفشلن ابوه بوساخته ومعه جنط عربيه حاطن فيه سيم ومزبرقه بشطرطونات وحاطن فيه بوري أبو كوره سودا القرواوى بس يعرفونه مثل ابو مهند وما تجي جمعتن في نخلهم الا لازم يندبغ من ابوه من كثر ما يفشله ويا عمري على لبسه  فنيله علاق وسروال هاف أبو خطين ومخباتن من ورا الي يشمر اذا يبس ومن جوده الصناعه شوي ويتكسر واصبعه دايمن  وفي يومن من الايام جوهم قصارهم الاولين مسيرين عليهم في نخلهم ومعهم بنتهم بطلة حلقتنا واسمها موزه الشيفه ام عيون جريئة مواصفات موزه لابستن كرته ( دراعه ) <<< يقالك ترجمها ومكشكشه والعمايل يا عمري عليها شعر أبد ما فيه قمل وصيبان ولا به ملطخ بكريم الابيض ابو غطا أسود وحاطتن بكلات بيض  ويوم شافها رشيد قام يختبص انواع التميلح عندها ويدعي عندها ويتكنبس في حنايا ونيتهم وهي ما عطته وجه وجاها رشيد على غرار غره << والله مدري وش جاب هالجمله وقال لها عندكم بقر قالت له لا قال تعالي اوريتس بقرنا وغمزت السناره  وطيران على حوش البقر ووراها بعد حوش الغنم ياعمري على تشبيك أول في حوشه مو مزي الحين مواعيد في مطاعم وخساير هع  وقام يطارد بها في نخلهم  وتسبحو في الجابيه ( البرتسه ) << مسلح الاولين وهو الي يدعي عندها ويرقى فوق النخله ويطب في البرتسه ويوم قالو أهلها يالله يا موزه تعالي تغدي هو بس درى ان اسمها موزه وهو الي يفز  ومن عقبها وهو يمشي وحاطن لزقه الموز على جبهته المصندحه حب مو أي كلام وما عاد ياكل الا موز وبعد الغدا قام رشيد يناديها وهو حاطن اللزقه على راسه ويقول لها ويحكي لها عن حبه لها وقال لها وراه ما تمرحين عندناا قالت له طيب وأهلي قال لها شوفي انا بأوزي نعالتس وقولي لهم ضيعتها وبأجلس أدورها قالت له خلاص وجت المغربيه وقال ابو موزه يالله يا موزه قالت له يبه مالقيت نعالي قام ابوها وقال لها دوريها زين قالت ما لقيتها قام ابوها ودبغها دبغ وسحبها بعمايلها وركبها للموتر معهم فلقس ويجن من الاولات الي مكينها في الشنطه ورشيد جاء وقال لابوها خلها تمرح عندنا قام ابوها  ويتراد مع رشيد وهو الي يرجفه في شاسلته قام يتلوى منها رشيد بس ما سكت له رشيد قام يرجمه بالحصا وفلق ابوها ومن زود القراده تطاق ابوها مع ابوه وأنقطعت العلاقه بينهم وماعاد سير عليهم ابو موزه ولا عاد شافها الى يومكم هذا والسبب خطته رشيد الله لا يعيدها من خطه وقال فيها كلمات تعور القلب رشيد تعلم الشعر من حبه لها يا موزتن رجفني ابوها في شاسلتي **** ومعطها بعمايلها الله حسيبه ومن عقبها غابت روح روحـــــــــــي **** والموز بعدها ما عاد أطيقــه ومن الحب ما قتتتتل وسلامتكم هذا من سواليفي القديمه وأتمنا تعجبكم سلاااااااااااااااااااام عليكم
|
15-10-2004, 02:24 AM
|
#2 | |
|
عضو فعال
  |
رد : غراميات قروووووي
مســـاء الخيـــر علينا وعليك شهر مبارك مطفوووقي <<<<< يارووحي يالدلع خخخخخخخخخخخخ ذكرتني في هايدي وبيتر <<<<< واااااااااااااااو يالرومنسيه <<<<تسمع في الرومنسيه في كلمات عجزت افهمها <<<<< وش عنده الأسباني وكل عام وانت بخير طال عمرك  وتقبل تحياتي,,,,,
|
|
|
|
15-10-2004, 02:28 AM
|
#3 | |
|
مشرف عام مطرود من الاكادميه
~*¤*~واســطـهــ~*¤*~    |
رد : غراميات قروووووي
صح السواليف ومن طول الغنايم جاب العيد ياخي يازين الحب الأول تحس فيه معاناة وبرتس مهوب الحين دلع وشاليهات  يعطيك العافيه يامطفوق ولاتحرمنا من طلتك يابو كمثرى<<< موزه بس عشان التمويه مايدرون  تقبل تحياتي...
|
|
|
|
|
15-10-2004, 05:22 AM
|
#4 | |
|
كبار الشخصيات
|
رد : غراميات قروووووي
عودا حميدا مع هالموضوع المنتهي ههههههههههههههه الله يوسع صدرك بالعاااااااافيه وربي روعه تحياتي بنت النور
|
|
|
|
|
15-10-2004, 01:19 PM
|
#5 | |
|
عضو فعال
|
رد : غراميات قروووووي
اخبر الرومنسيية ما تجي الا بعد الشبعه مثل زقارة المالبورو او انا غلطان وابلنسبة للحتسيات الي ما عرفتها ترى حاضرين نترجم نترجم بس انت تاشر يا برستيج اقول وش معنا اسمك ياليت تترجمه لي ونتبادل ترجمات سلااااااااااااااااااام عليكم |
|
|
|
|
15-10-2004, 01:26 PM
|
#6 | |
|
عضو فعال
|
رد : غراميات قروووووي
وجه متقطع من الضحك يقولون عندك واسطتن في هالمنتدى ترى معروضي جاهز وصورة البطاقه <<< متعود على الطراره ورمضان كريم مجهول سعيد سلاااااااااااااااااااااام عليكم |
|
|
|
|
15-10-2004, 01:29 PM
|
#7 | |
|
عضو فعال
|
رد : غراميات قروووووي
مرورك الروعه بسم الله علينا واهم شئ انك انبسطتي وشرفتينا اقول خالتي مته الدور عندكم <<< أقول لكم متعود على الطراره سلااااااااااااااااام عليكم |
|
|
|
|
15-10-2004, 11:36 PM
|
#8 | |
|
عضو فعال
|
رد : غراميات قروووووي
 برستيج اكله فرنسيه لا تفووتك تلقاها في اي مطعم صيني خخخ<<<< والله من زين الترجمه انت وخشتك وتقبل تحيااتي,,, |
|
|
|
|
15-10-2004, 11:42 PM
|
#9 | |
|
كاتب قدير
|
رد : غراميات قروووووي
ومن عقبها غابت روح روحـــــــــــي **** والموز بعدها ما عاد أطيقــه 8 8 خلاص يأكل برتقال ... عسى الله يعوضه برتقاله ويكون ابوها ميت وامها متزوجه وهي ساكنه لحالها .. &&& && اخوكم كسير الجناح
|
|
|
|
|
16-10-2004, 12:17 AM
|
#10 | |
|
مراقبة سابقة
 
|
رد : غراميات قروووووي
الله يرحم الحال..
|
|
|
|
|
| زوار هذا الموضوع الآن : 1 (0 عضو و 1 ضيف) | |
| أدوات الموضوع | |
|
|
|
Powered by: vBulletin® Version 3.6.10 Copyright ©2000-2008, Jelsoft Enterprises Ltd.
SEO by vBSEO 3.1.0 Translated By vBulletin®Club©2002-2008 |
يكفي حضوري
