آه بس ... ياخرااااااااااابي

السلالالالام عليكم ..

بيخش بالموضوع << === يقال لكم إنه بيخطب هههههههههه




وهذا الموضوع برعاية مجموعة العبداللطيف وبرعاية مدارس المملكة << طاقين لنا لكازس وندرس على حسابهم
الزبده وخلاصة الحتسي إن مهاجروه اللي هو أنــا وبكل تواضع قمت مشكوراً بدعوة نفسي على أحد المطاعم في الحارة اللي ورا حارتنا وأنـا جالس امطمط في هالكبسة اللي ماعندكم مثلها << ينصحكم مطاعم المضغوط لا تفوتكم

قلت في نفسي : اسمع صدى صوتك مع ضجة الناس << صاير أصالة نصري تدور ولدها هههههههههه
بس قلت في نفسي مرتن ثانية ليش ماتنزل موضوع في المنتدى عبارة عن سالفه مو شرط تكون طويلة ولا شرط إنها قصيرة اهمشي إن يكون مجمول فكرتها حلوووة ومنها تكسب مواهب اللي عنده موهبة يطلعها واللي ماعنده نمصع له خشمة لحد ماتصير عنده موهبة << == إلا على طاري الموهبة كم نتيجة مباراة الزمالك والاتحاد << يقال لك ماتابعها قبل يومين ههههههههه

المهم <<= ياكثر حتسيي ههههه تصدقون توي أدري إن غثيث

مرتن من المراريت يعني البارح حصلت لي سالفه والله ياقلبي قام يتناقز من محله من الخرررعه << مرتاع قلبي وش مدريكم
هذا الله يسلمكم ويسمنكم دقت علي وحده من العيال
وقالت : يابعد حيي يامهاجر وش فيك متضايق .!؟
قلت : ابد الله يسلمتس بس ابي اروح للعيال مواعدهم ولا أدري وينهم فيه .!؟ << برئ
قالت : دامك فاضي تعال عندي .. << وين اجي الله يصلحك وعندكم جيش ماشالله
قلت : والله ياخلف ابوي هالخشة ماني بعايف ننفسي << والله اللي تفكيره مثل وجهه اعرفه بيفكر بشي ثاني

<< (( توضيح )) >>
هذي وحده من العيال وقالت تعال : تبي تكشف على أسناني << يقال لكم بيصرررررف
المهم ...
وانا رايح لم العيال << سحب على خويته سيفووون
والله ويركب معاي واحد دلخ وهو عارف نفسه << تراه عضو معنا في المنتدى
المهم

وقال ياخوي ابي اسوق وماأدري إيش ومن هالحتسي اللي يبل التسبد
قلت له : ياعمري كلي لك بس إنت تآمررررر << يبيه يعشيه ماهو لله ههههه
والله وإحنا واقفين عند الإشارة وعندنا جمس صالون محمل من ذا البزران وكلهم الواحد اشين من الثاني << طبعاً ملاقيف الله يمتحنهم
ويقوم اللي معاي الله يآخذه ويلبس مناظر هزار إن كنتوا تعرفونها اللي مع طاش ماطاش
وبما إن العدسه تقول طابق فوول هو إختلفت عليه الأمور وتداخلت الأنوار في العدسه ويحسب الإشارة فتحت والله ويدعس هالخبل والاشارة اللي قبالنا فاتحه وبغينا نروح ملح يوم مر من عندنا صاحب كابرس كحلي << تحياتي للكحلي :sm45:
وقلت اشوا الله نجانا والرجال اللي معاي قصدي الدلخ داخ ووقف في محله ولا يدري وش يسوي وبما إنه يبي ينزل المناظر اللي حاطها واناظر يميني وإلا يجيك صاحب الكامري لونها تفاحي يمشي مليووون والله وانا أشوف الوضع وإلاالرجال إن جاني يبي يدخل الباب علي وطبعاً نستنتج من دخلة الباب علي إني بروح اضف وجهي لأقرب عناية مركزة وطبعاً هذا إن ماتوفيت بعد رحمة الله والله ويطلع صاحب الكامري سواق وينطلها يمين واناظر فيه إلا وهو مبسووط ويخش في الزاوية ويووقف بوسط الشارع وينزل وقام يضحك ..!! << == مشكلة اللي يشرب حمضيات على خلو
ويوم شفته غسلت يدي منه طلع منحاش من الدورية ويقول اشوا إنتم أنقذتواحياتي << الأخ طايح في نار الظاهر
والله واناظر فيه واتخيل شكلي مثل ناصر القصبي يوم يناظر الموظف بتاع الضمان الإجتماعي بطرف عين << حلوة بتاع
وقلت : ورا ماتضف وجهك لا أقوم وأحوسك حووس في هالتقاطع بغيت تروحني بشربة موية
قال: موية ولا بايشن << أحلة تحية معطرة بريح العلك والفول السوداني للي يشربون بايسن
قلت : افا يعني إنت ماش ماحولك أحد تبينن هالحين اطلع المسدس
والله وأتهور وأطلع المسدس حق اخوي والله واصوبه عليه وقام يصايح
لا .. حلاام عليك .. إرحمني << انا إنتفخ راسي قلت مانت بعاقل يامهاجروه صاير أرنولد شوارزنيجر مانت بهين وخر هناك بس
والله واقول في نفسي : دعنا نتخلص من الأشرار ولقد قمت بهذا الفعل مرات عديدة ولقد طفشت مننفسي وقلت مرتن إخرى : هيا إرمه وإطرحه أرضا ودع كل مايسيل يسيل
ويناظر فيني ويقول ودمعته على خده : حرام عليك مهاجر حرااام والله انتا بروح الحين معزوم عند وحده من العيال << هو قال وحده من العيال حقدت عليه قلت : بعد وتلطش هالكلمة ياملا البلش لا خلاص اليوم يومك تشهد على روحك ..
قال : طخني ياولد عمي طخني << =-= تتذكرون طاش ماطاش يوم يذبح ولد عمه الخايس ههههه

قلت : لا إله إلا الله
قال : ومحمد رسول الله
قلت : إنثبر هههههههه << ماهو رايق
قال : هين والله لا أعلم عليك أمي واقول مهاجروه تراه يهددني بالطرد << قالوالك شغال بالجوازات وإنت مقيم ههههههههه

المهم .. وتهورت وأرميه بالمسدس حق المويه وأنا حاط فيها صابون وعلى عيونه وانحاش
وادخل البيت والقى حشد كبير من الإعلاميين حتى لقيت عوني كنانه يلقى احوال الطقس في حوشنا ههههههه
ويجيني احمد الحامد واميرة الفضل ويقولون وش صار عليك ..!!؟؟
قلت والله << انا منحرج منهم لا بس سروال نايلون حق المسبح وراكب سيكلي أبو ثلاث كفرات ولونه كحلي بعد
قلت : خلوني اغير هدومي واخلي مدير اعمالي الدلخ يآخذ فيكم لفة على أرجاء بيتنا وأفضى لكم
المهم خلاصة هالحتسي إني إكتشفت إني نايم واصحى من النوم واغسل وجهي واروح للدوام واطق رقبة من الوناسه << خاف لو يصير حقيقة ويشوف اميرة الفضل وعوني كنانيه في بيتهم تجيني سكته احس إني خبل

والسلالالالالامووووو عليكوووووو

ياحياطي إنطووووو

مهاجروووووه

<--- ضف وجهك