| الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور | |
|
|
|
|
|||||||
| الانتساب | تعليمات س - ج | قائمة الأعضاء | المفكرة | إشارة الأقسام مقروءة |
إعلانات منتديات منطقة الرياض
|
|||||||||||
|
|||||||||||
 |
|
|
LinkBack | أدوات الموضوع |
|
#1
|
||||
|
||||
|
// .. مذكـرات مخـلبية .. الجزء الخامس .. //
شخباركم عساكم بخير اسف على التأخير << محد درا عنك استكمالا لمذكراتي المخلبية الجزء الأول  [عزيزي الزائر يتوجب عليك التسجيل لمشاهدة الرابط للتسجيل اضغط هنا] الجزء الثاني  [عزيزي الزائر يتوجب عليك التسجيل لمشاهدة الرابط للتسجيل اضغط هنا] الجزء الثالث  [عزيزي الزائر يتوجب عليك التسجيل لمشاهدة الرابط للتسجيل اضغط هنا] الجزء الرابع  [عزيزي الزائر يتوجب عليك التسجيل لمشاهدة الرابط للتسجيل اضغط هنا] اسمحو لي اعزائي الكويسين ان اقدم لكم الجزء الخامس ارجو ان ينال على اعجابكم << شعنده  بسم الله نبدأ ][][ تقي الدين أورلان يعقوب ][][ شخص من الشخصيات الأسطورية اللي مرت بحياتي  تقي الدين هو : سواق صديقي المليح أيمن .. هالسواق مميز عن باقي السواقين بانه يتملك كمية كبيرة هائلة جدا من الغباء المستفحل والفهاوة مسيطره عليه بشكل كلي .واليكم بعض مواقف الغباء من هذا الشخص المليح * مره من المرات كنت مع أيمن .. وجالسين نتكلم عن السواقين وعن مشاكلهم .. تنهد وقال : اااااااااااه يانواف .. والله ياعندنا سواق يررررفع الضغط قلت كلهم أغبياء وسع صدرك قال : لا يا نواف صدقني هذا غييير قال : تصدق نواف مرة أمي قالت لي خل السواق يبدأ يرش الحوش " الساحة الخارجيه " بمبيد حشري لأن الحشرات بدات تفلها بزيادة وازداد عددها بشكل مريع .. رحت وجبت للسواق ثلاث علب فليت .. جيت اعلمه التقنية اللي يقتل فيها الصرصور قال أيمن : تقي الدين قال : نعم سير قال أيمن : تقي الدين انتا في امسك هذا فليت واول ماتشوف صرصور في بخ عليه << امحق شرح قال تقي الدين متعجبا مما سمع : يعني انا في شووف صرصور في بخ !! قاله أيمن : ايه قاله تقي الدين بنظرة ذكية مخلبية : طيب اذا ماااافي شوف صرصور ايش سوووووي ؟  ناظره أيمن وخنقته العبرة وقال : اذا مافي شوف رشه على نفسك .. وتركه ومشى طبعا انا ابد ماتسدحت ضحك على غباء هالشخص  قصة ثانية للشخص الاسطووري تقي الدين كانت أم أيمن تروح مع السواق لمحل ايكيا .. ودايم هي اللي توصف له لدرجة انه راحت مع السواق سبع مرات للمحل يعني المفترض انه حفظ الوصف خلاص مرة راحت معه ولا وصفت له << على اساس انه كائن طبيعي وحفظ المكان .. ومانتبهت للطريق شوي تناظر ولا هي بطريق المطار .. ناظرت لقت تقي الدين يناظرها بالمراية ويقولها : مادام انتي مايبغى سافر ؟  << لاعاد تصرف الله يخليك ام ايمن خقنتها العبرة وقالت له : لا مايبغى سافر ارجع الله يثيبك من عجائب هالشخص اللطيف انه لاجا يعد الفلوس مايقول مية وواحد وثلاثين .. لايقول مية ثلاثين واحد لاضاق صدري اخذت معي فلوس ورحت لايمن اعطيه الفلوس على شان يعدها لي واسمع الارقام العجيبة انتهتـ ][][ تبرع الدم ][][ ملاحظة : الكورة المذكورة بالقصة .. هي اللي يضغط عليها المتبرع بالدم على شان الدم يدز ويطلع << كيف الشرح قبل سنتين تقريبا .. باجازة الصيف .. كنا نتمشى انا وصديقي عبد الكريم . قالي عبد الكريم : نواف شرايك نتبرع بالدم قلت : نتبرع نتبرع ورانا شي << فاهمين الفضاوة غلط رحنا المستشفى نتبرع .. عبينا البيانات وكل شي ودخلنا الغرفة على شان نتبرع . عبد الكريم جاه دكتور سوري حبيب ابتسم بوجهه وسلم عليه وجلسه وبدأ يسحب الدم منه . انا ربي بلاني بممرضة قشرة ناظرتني قالت: امش يالله << حشا خروف مب مـُـتبرع جلست .. قالت لي: ارفع كمك .. قلت طيب .. ورفعته قالت : ارفعه زياده .. قلت بعقلي الله يعيني عليك .. ورفعته قالت: لي امسك الكورة .. قلت : طيب .. و مسكتها قالت لي: ثبت الكورة قلت : حشا جاي اضرب بلنتي مب اتبرع ؟ ناظرتني نظرة شريرة و قالت : تثبتها وحركها طيب .. قلت طيب الله يعين << عبد الكريم يناظرني وفيه الضحكة خلصنا وتبرعنا .. بعد كذا طلعنا وانا امشي ولا الربطة اللي ربطتها لي الممرضة القشرة ماربطتها زين ونزل دم من يدي .. رجعت للغرفة قلت للمرضة : حتى الربطة ماربطتيها زين بعد قالت : قلتلك ثبت يدك ماثبت شسويلك << صدق لاقالو شين وقوي عين .. جا الدكتور السوري ضبطها لي ومشينا .. ناظرتها بحقد وطلعنا من المستشفى بسلام امنين انتهتـ ][][ عبد الرحمن !!! ][][ قبل اسبوعين تقريبا بغرفة الأشعة .. كان الدكتور يشرح لنا .. طبعا كنا مقسمين لقروبات بحكم ان الغرفة مرة صغيرة ويالله تكفي خمس ست اشخاص وحنا كنا تقريبا 11 شخص مع الدكتور . كان الجو كتمه مرة ومافي اكسجين لدرجة اننا محنا قادرين نركز زين بسبب هالشي جلس يشرح لنا ولا فجاه عبد الرحمن طاح علي ركبتي  .. انا من الخوف وخرت عنه وكمل عبد الرحمن طيحته للارض - فـاصل - هالموقف قد سار مرة .. مرة من المرات طاح شخص قدامي نفس الطيحة ووللاسف بعدها اكتشفنا انه ميت .. على شان كذا أول ماشفت عبد الرحمن طاح تذكرت نفس المنظر - عـدنا - أول ماطاح عبد الرحمن واغمى عليه .. نزلت الارض مسكت قميص انادي " عبد الرحمن عبد الرحمن عبد الرحمن رد رد رد رد رد عبد الرحمن رد " << ببغاء العيال وخروني وطلعوه برى الغرفة وانا للحين احسبه ميت .. لما طلعووه برا الغرفة وبدأ يتنفس زين صحى شوي اول ماشفته صحه شقيت الابتسامه شق ض2 يناظروني الطلاب يقولون بعقلهم " وش ذا الخبل خويه مغمى عليه ومستانس " مادرو اني خليت الولد ميت المهم .. جا الدكتور وبدأ يسويله حركات غريبة لين ماعبد الرحمن صار شبه طبيعي .. حطيناه على السرير شوي وشرب موية وخليناه يريح لين ماصحى وصار زين بعدها قلناله خلنا نوصلك بيتكم قال لا صرت زين بقعد معكم بعدها رحنا صحارى نتغدى بالبريك .. وحنا ناكل جبنا طاري الموقف لباقي الشلة وقلنا السالفة كامله . ناظرني عبد الرحمن قالي : نواف ودي أسألك سؤال قلتله : تفضل أخوي عبد الرحمن << صاير معه اخلاق بعد ماطاح علينا قالي : الحين انا مغمى علي وجالس تناديني .. وش المفترض مني اسويه اقوم اقولك هلا نواف أمر << هو قالها منا وكل الشلة جلست تضحك على الغباء اللي طلع مني قلتله : الله يخسك يامخيس انا من الخوف احسبك ميت قمت اهز فيك ابيك ترد علي عاد كل ماتخيلت الحركة الغبية اللي سويتها اضحك على نفسي ..بس هذا مايمنع اني حنون وكنت خايف على المخيس عبد الرحمن << صرف يامصرف عاد الحين عبد الرحمن كل مانزعله يقول هاه ترى اطيح عليكم .. الله يهديك يابو داحم انتهـتـ // لحــظات فهاوة // مساحة .. أعرض فيها بعض لحظات الفهاوة التي مررت بها انا واصدقائي المماليح ض2 * نبدأ بزعيم الفهاوة مسفر مرة مسفر اخذ ثوبه يوديه للمغسلة .. بنص الطريق اكتشف ان الثوب اللي ماخذه مب ثوبه ثوب اخوه مشكلة الفهاوة على طاري المغسلة .. مسفر مايتعامل الا مع مغسلة وحدة .. ليش؟؟ لأنه كائن دايم ينسى اغراضه بملابسة .. كل مايروح يستلم ملابسه من عند المغسلة يعطيه الرجال الملابس مع الاغراض اللي فيها على شان كذا مسفر يثق بها الشخص ولا يتعامل الا معه لانه يدري انه راح ينسى اغراض بملابسه .* مرة كنت اكلم خويي بالجوال ومتحمس وانا اكلمه جيت بطلع جلست ادور على شي ادور ادور ادور .. لين مامليت قلت يلعن ابليسه وين راح خويي قال : وشو اللي ضايع منك قلت : جوالي مدري وينه .. سكر الخط بوجهي من ضيقة الصدر << يحقله صح * مرة طاحت محفظتي وانا نازل من السيارة وداخل البيت .. وشافها جيراننا وهي تطيح جا بيسوي فيني مقلب اخذها ولاقالي انها طاحت .. جلست يومين مدري عنها .. جا عندنا ثاني يوم يتقهوى عندنا بعد العشا قالي نواف منت مضيع شي ؟ .. قلتله لا ليش ؟؟ قالي ابي اشوف بطاقة احوالك وين محفظتك .. قلت لحظه اجيبها من فوق .. طلعت ادورها مالقيتها .. نزلت قلتله شكلي مضيعها بالغرفة .. ضاق صدره من فهاوتي وقالي حسبي الله على ابليسك خذها ولا عاد تضيعها مرة ثانية ابوي ناظرني كذا  حس بأن ولده عنده كمية فهاوة مب طبيعية وهكذا انتهى الجزء الخامس بسلام اتمنى ان تكون قد حاز على رزاكم بإنتظار تعليقاتكم
|
30-12-2007, 06:07 AM
|
#2 | |
|
مراقب مجلس الصور
   |
رد : // .. مذكـرات مخـلبية .. الجزء الخامس .. //
من ناحية فهاوه انت ملك الفهاوه بلا منازع والشــاهــد جـوالك يوم تكلم خويك لؤؤؤؤؤل المهم انا حبيت تقي الدين عرفني عليه لؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤل يعطيــك العافيــة ..
|
|
|
|
|
30-12-2007, 10:06 AM
|
#3 | |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
مشرف الـمـجـالـس الـتـرفـيـهـيـة
 |
رد : // .. مذكـرات مخـلبية .. الجزء الخامس .. //
هلا هلا والا هلا ماتكفي منور القصم بعد الغيبه يالغالي
بخير الله يصمنك
عادي تحصل باكبر العوائل
وصلت للجزء الصادص وتوه يوصل الخامص عندنا  كمل كمل يارفيزي بسم الله نبدأ
بدايه تعريفيه واضحه لهذا التقي ماعطاه ربي من اصمه شي 
تفضلل غررد
حلوو حلووو
وتقولين ليه مايصير غبي تبي الصز والا ولد عمه شرح ايمن فيه الكثير من الاعاقه واصتر ماوجهت كمل كمل ياصقيقي
الله الله في بخ هههههههههههههههههههههه هههههههههههههههههههههههه
ههههههههههههههههههههههه ههههههههههههههههههههههههههه
تفضللل يابعدهم
هههههههههههههههههههههههههههه ههههههههههههههههههههههههههههههه صرت اشك انه كائن طبيعيي
الله يلوم الي يلومها
هههههههههههههههههههههههههههه صاقط في الرياضيات مع الرصد والتحري
هههههههههههههههههههههههه هههههههههههههههههههههههههههه شررررح واضح ومفروض يحطونه في مناهج الابتدائي
حلوووو
شكل الممرضه مفطره على بصلل نفصها خااااايصه الله يجزاكم خير على التبرررع 
ايوووه
افااا وش صار بعده 
فاصل توعوي اهنيك عليه
هههههههههههههههههههه هههههههههههههههههههههههه ايوووه
|
