فحزولي بينكم ابي اقولكم سالفه خطنطيرهـ ..(خاص بالمسابقه)

صباح / مساء .. الخيير

يله فحزولي بينكم وابي اقوولكم سالفتن رافعتن ضغطي حبتين وجابت لي الحكه في اسناني وكنت شووي وأشقق وجهي منها

بيوم من الايام طنت براسي وجتني ام العبيد الا ابي اشتري لي مناكير ومش أي مناكير .. لونها كان شوووي طقن طقن يعني
<<< طقن طقن هذي سالفه ثانيه خ خ خ

قبل ماقولكم وشهو اللون ودي اتفلسف شووي واعلم الشبااب يعني وش مناكير
<<< يعني كانهم مو فاهمين

المناكير : هذا طلاء متعدد الالوان تضعه الفتاة على اظافرها حتى يصبح طقما مع لباسها عندما تذهب الى الناس وحتى تصبح كشخه فتطقم اللباس مع الاظافر مع الشباصات اللي تضعها في شعرها مع الالوان التي تضعها على شفاتها وعينيها فتصبح هذه الفتاه كشخه X كشخه

<<< قال كشخه قال أي كشخه اللي تسير البنت كلها لون واحد طيري بس ..

اللون اللي ابيه أخضر ومو أي اخضر ابغا الاخضر اللي زي لون العلم اللي يرفرف في ربوع بلادي ويعلم الناس انه هذي هي المملكه العربيه السعوديه
<<< احلفي بسس

مافي محل الا رحته من جنوب وشمال وشرق المملكه مالقيت اللون اللي ببالي ففي يوم من الايام سمعت انه في معرض اسمه معرض الظهران الدولي قعدت اقلبها براسي اروح والا ماروح اروح والا لا .. بالنهايه اصدرت قراري ورحت كله عشان عيون هاللون اللي ابيه لانه مدري مين قالي بتلاقينه في الاماكن اللي مثل كذا يامعارض يامحلات بو هنوده
<<< تحطيم ..

رحت لهالمعررض وقاعد ادوور وعيوني طايره كل ماشفت مناكير رحت لها ادوور للون الاخضر بالنهايه فقدت الامل وكنت بطلع الا بنت اخوي الصعنوونه تصيح تبي طاطس واتشب << بطاطس يعني وكاتشب ..

شلت عفشي وقشي واخذتها معي ورحت اجيب لها طاطس وانا امشي واسمع واحد سوري مدري لبناني يقوول :: يامدام يامدام .. هنا طلعت لي قرون وجتني ام العبيد خييير ان شاء الله يقوولي مدام ووجع يعني عشان معي عفشش وبزر قالي مدام
قلت : لو سمحت انسه << بعد ماكملت جملتي الا اشوووف عند هالشامي المناكير الخضرا وارمي العفش واترك البنت واروح رككض واجربها على طوول من غير أي كلام ووقتها كلمتني وحده من صقيقاتي واصارخ واخيرا اصبح الحلم حقيقه خ خ خ وطبعا شريته وقلت له تكرم عينك مدام يعني مداام لو اسير عجيز عشان خاطر هاللون اللي ابيه ماعندي مانع ..

طبعا هذا الكلام كله قبل ماشتري المناكير الخضرا ..

بــــــعـــــــــد ماشريتها شووفوا وش صار ...

طبعا مبسوطه بهاللون وكاشخه فيه ورايحه للكليه وكلهم عجبهم ومره لونه رايق ونايس وووين لقيتتيه وووو ... الخ الخ الخ ..

رجعت البيت وشافني اخوي الصغيير قال :: وش ذا اللي بيدك
قالت ها وش رايك وطنيه صح وانا مبسووطه عالاخر

قال : يعععع فكرتها طحالب
<<< تحطيم

شووي يجي اخووي الكبير قال وش ذا اللون قلت اخضر على لون العلم واقووله وانا مستانسه والابتسامه شاقه وجهي قال بصراحه وعع مافكرته مناكيير على بالي شي ثااني خخخ << ؟

<<< وجتني هنا حاله ام العبيد وكرهت هاللون وماعاد حطيته

وطبعا هاللون اللي تعبت عشانه قررت اني ابيعه
وهذي صوورته اللي يبي يشتريييه
7
7



والمزاد يبدا بــ عشرطعش ريال ..

<<< تكسر الخاطر تبغا من يواسيها



بعد هذي الزحمه كلها عندي سؤ1111ليشن يطرح نفسه ..

الحين وش الصح أي جمله
(( مناكير خضرا )) والا (( مناكير أخضر ))
انا أقول مناكير خضرا لانها هي الصح !!
بس في نااس يقولون لااااع مناكير اخضر !!
وسارت حرررب ونقاااش طوويل عريض على هالجملتييين


انتوا وش تقولون ؟؟
<<< لقافه هع هع ..