اويلااااااه يالتاكســي ( خاص بالمسـابقة )

مجنــــــــون · #1

الرجاء من الجميع ..

الألتزام بالتالي ..

الهدوء + علبة بيبسي + طفوا الزقاير + وأهم شي تنسون أني اكتب بالمجلس العام هع هع

[عزيزي الزائر يتوجب عليك التسجيل لمشاهدة الرابط للتسجيل اضغط هنا]

ذات مسائن باهررن ..

وجميل كجمال هيفاء وهبي لامنها تدلعت .. وكجمال ابتسامة نانسي لامنها ضحكت .. وكجمال مناخر راشد الفارس لامنها تنفخت

كنت أتمشى كالعادة بالتاكسي حقي .. <<< معلومة جديدة عني

وكل ماوقفت عند اشارة أكتب بعض ذكرياتي المتواضعتي ..

وآخر الذكريات اللي كتبتها ( 25 يوم ماركبت معي ولا بنت كل ماوقفت عند وحده وطالعت فيني تقعد تصرف ماتبي تركب حتى أن وحده منهم قالت بكم الآيسكريم << على بالها تصرف .. مع ان امي تقول اني مزيون بس البنات ظالميني )

فجأة ..

قطعت كل حبل ذكرياتي ..

وحدة تأشر بيدها .. وانا واقف عند الأشارة ..

لاشعوريا دعععععست وقطعت الأشارة ووقفت عندها ..

صح انها دبى هع هع

وسمرا هع هع

وتذكرني بوحده اعرفها

بس على الأقل تسمى أنثى يعني نقدر نقول عنها حرمه بعض الشئ

وقفت وفتحت الدريشة قلت وين يالـ ؟؟؟

فتحت الباب وركبت بدون ماتكاسر .. انا تشققت من الفرحة قلت بس هذي كاااااااااااااااش

قلت وين ..

قالت سيده ..

اشارة اشارتين ثلاث .. قلت وين بالضبط قالت سيدة ..

انا كنت على شارع الأبراج بالبديعة .. مشيت لين طلعت على الدايري الجنوبي

قلت وين قالت سيده

قلت والله خلاص مافيه سيده مافيه الا سور تبينا نصدمه

قالت طيب رح يمين طلعنا يمين .. شوي تقول يسار شوي تقول سيده

المهم بالأخير حامت كبدي منها قلت وين تبين بالضبط بنفخه وبضيقه <<< يقالك عصبي ..

قالت وقف وقف وقف ..

انا افكرها تبي المحل اللي على اليمين وقفتها قدام الباب هع هع

ونزلت .. وتفتح الباب اللي قدام قالت ..

( انا طفشانه ومابيك تضايقني ابيك تمشي زي ماأبي وعلشان كذا وعقاب لك ماراح اعطيك فلوس )

وترجف الباب حسيت السيارة تبي تنقلب على الجهة الثانيه

وانا أنزل وأناديها

يالأخت يالحبيبه الحساب

شفتها ماتلتفت ولاهي معبرتني ..

قلت يالعبــده هع هع ..

التفت ونزلت راسها فصخت الجزمة .. وتجي تتدربى مدري تركض مدري تتقلب

المهم انها كانت هاجمة علي ..

عاد والله بيني وبينكم .. هجيت قلت مالها داعي نتشرشح قدام العالم

رحت وانا كلي قهر وكلي غيض وفيض << احس انها معبره

وجالس العن لدرجة اني كرهت السحالي بجميع الأشكال ..

وبعدها بشوي وانا في معركة محتدمه مع افكاري <<< متعوب عليها

الا تمساح طويل عريض يأشر لي .. بصدق بصدق شكله مره يخوف

ووراه حريم ..

وقفت عنده قلت وين يالحبيب ..

قال شفت هالحريم .. قلت اي وش فيهم ..

قال ابيك توديهم على كيفك !!!!!!!!!!!!!!!!!!!!!!!!!!!!!!!!!!

علامة التعجب براسي صارت كبر الفيصلية

قلت شلووووووووووووون

قال ياخي على كيفــــك !!!!!!!!!!!!!!!!!!!!!!!!!!!!!!!!!!!!

انفجرت وكلي غضب

..

قلت ياااااااخي شلوووون اوديهم على كيفي ..

قام مسكني وقال مب على كيفك انت يادلخ ..

في محل في آخر الشارع اسمه (( على كيفك ))

شكلك راعي لف ودوران توكل على الله لاأفقع وجهك

قمت تفلت العافية ومشيت

وأندب حظي العاثر وش هالحظ

كل مالقيت احد جبت العيد معه .. اخاف من كثر هالأعياد يطلع لي بابا نويل فجأة <<< عليك تفكير بعد

المهم مشيت ..

دخلت سوق قمت افر فيه .. فجأة تنط قدامي

ذيك الشمحووووطه اللي طولها فارع وبياضها ناصع

وقفت عندها .. قلت اروح اجيب لك بي أم بليو تشيلك <<<

لانهو بصراحة مافيه أمل هالأشكال تركب تكاسي

ضحكت وركبت ..

كان تقول على طول شغل غنييية على زوئك ..

عرفت من اللهجة أنها فرنسية <<< مقطع باريس شلخه شلخه

كان اشغل لها أغنية التاكسي

ويالتاكسي ..
خذني لها يالتاكسي ..
وفي سكتك خلنا نمر ..
ناخذ عطر رومانسي

وتنكككككككس يالتاكسي هع هع

قالت بتعرف انو أنا تعبانه كتير كتير ..

قلت سلامتك والله في سواقين التكاسي كلهم ولا فيك <<< ماخق ابداً

وش متعبك وش تونسين <<< يبي لها ترجمه على شان تفهمها

قالت احس انو ألبي عم ينبض ..

وبحكم اني مفهي معها قلت بكل صدق ..

قلت والله سلامتك وماأخفيك ترى مشكله كبيره القلب اللي ينبض .. لازم تروحين للدكتور <<< امحق صدق

قالت تتوئع شو سبب هالنبض

قلت يمكن البرد هاليومين نشف قلبك وصار ينبض .. تسمعين فيه اصوات

قالت آآآآه عم بيئول تك تاااك تك تاااك

وانا ادوخ بغيت ادخل في تريلة من التكتكه اللي صارت

قلت اقول يامدمدمد مزيول <<< يقصد مدمزيل

وهي اللي تضحك ذيك الضحكه اللي خلتني ادخل مع كبري الحراج بالغلط

قالت يادلي على البي شو مهضووم .. ألي شو بدك

قلت وش اسمك .. قالت نانسي

قلت بنت الشيخ عجرم ماغيره

كان تفهمني انها من عائلة وعجرم وبنته من عايلة ثانيه

المشكله انها طقت الميانة وانا طقيت الميانه بعد معها

وانا اذا طقيت الميانه مع أحد أسوي بلاوي .. اذكر طقيت الميانه مع المدير نسمت كفرات سيارته

واذكر مره فليتها مع شايب من جيرانا رفسته <<<<

المهم ..

قالت تؤبر ئلبي ممكن تسفط عن سوبر ماركت <<< هذي لبنانية من الحاير هع هع

قلت ابشري .. والله وأوقف

قامت مدت لي 7 ريال قالت بالله جب لي سجاير دافيدوف وآداحة

من قوة الصدمة اللي جاتني دخلت الكبد في المعده ودخل المرئ في الشريان الأورطي

قلت افاااااااا يانانسي هذي تاليتها تدخنين

قالت شو دخلك انا حررره بعمل اي شي بدي اياه

قلت ماتعقبين وتخسين مابقى الا هي بنت تدخن <<< ماقلت لكم ميانتي بايخه

قالت لك شو عم بتئول .. يعدمني هالخليئة

جيب المصريات ..

وأعطيها الفلووووس وكان تنزل وترجف الباب

وانا اللي انزل حسيت اني جبت ( الطعه )

يانانسي .. يابنت

ياغلامه

يا أم الشباب

وكأني أكلم الجنط مب آدمية

كان توقف تاكسي ثاني وتركب معه ..

وانا مسوي فيها نشمي وأبن اجواد ..

كان اقول بخاطري اليوم مالنا حظ ..

قلت ياولد خلني أسجل مايستفاد من هالخمبقه اللي صارت لي في ورقة

يعني للفايده في المستقبل <<< عقبال طيارة مب تاكسي

وطلعت بهالخلاصة ..

* لا تشيل اي عبده دبى وشينه اذا كان معك تاكسي

* خلك ثقيل ولا تمون على أحد توك مركبة

* اذا شفت احد يبي يدخن دخن معه ولا كل هوا

* خشبة الحبس خمس خشبات وخشبه ومرقة رقبة بقرتنا احلى من مرقة رقبة بقرتكم

* الرياض مليان بالخاط والخيط << يعني الصالح والطالح .. ركب الخاط وخل الخيط هع هع

ونشوفكم في حتحوته أخرى

زين الصبايا · 01-01-2008, 09:49 PM

هههههههههههههههههههههههههههههههههههههههههههههههههه هه

كله كوم وعلى كيفك كوم ثاني

تسلم يدينك

مجنــــــــون · 01-01-2008, 09:52 PM

اقتباس

الكاتب : زين الصبايا [عزيزي الزائر يتوجب عليك التسجيل لمشاهدة الرابط للتسجيل اضغط هنا]


	هههههههههههههههههههههههههههههههههههههههههههههههههه هه كله كوم وعلى كيفك كوم ثاني تسلم يدينك

اهلين وسهلين

زين الصبايا

والله على كيفك

عاااد كله كوم صدق والولد اللي وقفني كوم ثاني

من جد يخوووووف

شكراً على المرور

لبوة بنت أسد · 01-01-2008, 10:32 PM

[quote=مجنــــــــون;1908781]

وآخر الذكريات اللي كتبتها ( 25 يوم ماركبت معي ولا بنت كل ماوقفت عند وحده وطالعت فيني تقعد تصرف ماتبي تركب حتى أن وحده منهم قالت بكم الآيسكريم << على بالها تصرف .. مع ان امي تقول اني مزيون بس البنات ظالميني )

ههههههههههههههههههههههه

القرد في عين امه غزال

لبوة بنت أسد · 01-01-2008, 10:35 PM

وآخر الذكريات اللي كتبتها ( 25 يوم ماركبت معي ولا بنت كل ماوقفت عند وحده وطالعت فيني تقعد تصرف ماتبي تركب حتى أن وحده منهم قالت بكم الآيسكريم << على بالها تصرف .. مع ان امي تقول اني مزيون بس البنات ظالميني )

ههههههههههههههههههههههه

القرد في عين امه غزال

موفق[/quote]

فجر الأمل · 01-01-2008, 10:43 PM

ههههههههههههههههههههههههههههه

ههههههههههههههههههههههههههههههههه
الله يرجك هههههههههههههههههههه

بس ميانتك مو سهلة << تبي تقول لا تاخذ عليه

ابي عمري خخخخخخخخخخخخخخخخخخخخ

الله يسعدك على موضوعك الخطير ..

بالتوفيق ان شاء الله ..

الحلوة h · 01-01-2008, 11:12 PM

الا تمساح طويل عريض يأشر لي .. بصدق بصدق شكله مره يخوف

ووراه حريم ..

وقفت عنده قلت وين يالحبيب ..

قال شفت هالحريم .. قلت اي وش فيهم ..

قال ابيك توديهم على كيفك !!!!!!!!!!!!!!!!!!!!!!!!!!!!!!!!!!

علامة التعجب براسي صارت كبر الفيصلية

قلت شلووووووووووووون

قال ياخي على كيفــــك !!!!!!!!!!!!!!!!!!!!!!!!!!!!!!!!!!!!

انفجرت وكلي غضب

..

قلت ياااااااخي شلوووون اوديهم على كيفي ..

قام مسكني وقال مب على كيفك انت يادلخ ..

في محل في آخر الشارع اسمه (( على كيفك ))

شكلك راعي لف ودوران توكل على الله لاأفقع وجهك

ههههههههههههههههههههههه
ههههههههههههههههههههههه
ههههههههههههه.........والله انــــــــــــــــــك مصرقــــــــــــــع يامجنون..

ذكرتني بالسدحـــــــــــان وهو على التكسي..
فلللللللللللللللللله الموضوع...يعافيك ربي..

مجنــــــــون · 01-01-2008, 11:18 PM

[quote=لبوة بنت أسد;1909004]

اقتباس

الكاتب : مجنــــــــون [عزيزي الزائر يتوجب عليك التسجيل لمشاهدة الرابط للتسجيل اضغط هنا]


	وآخر الذكريات اللي كتبتها ( 25 يوم ماركبت معي ولا بنت كل ماوقفت عند وحده وطالعت فيني تقعد تصرف ماتبي تركب حتى أن وحده منهم قالت بكم الآيسكريم << على بالها تصرف .. مع ان امي تقول اني مزيون بس البنات ظالميني ) ههههههههههههههههههههههه القرد في عين امه غزال

الله يخلي الوالده

والله من كثر ماتمدحني ..

احس مافيه فرق بيني وبين توم كروز <<< طوط طوط

يعني نفس الملامح مع اختلاف بصيلات الشعر هع هع

شكرا على مرورك

عيوني المرسى · 01-01-2008, 11:21 PM

ههههههههههههههههه

انا ما ابي اطول عليك وتمون واذا منت صارت مشاكل .

لكن بقولك فالك التوفيق , والله يوسع صدرك زي ما وسعت صدري

ارق التحايا خيوووووووووووو

مجنــــــــون · 01-01-2008, 11:35 PM

اقتباس

الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور