حليب المـراعــي نظـافة لا تـقـــاوم (مشارك بالمسابقة)..

ابو شلاخ · #1

اولا ترى العنوان ماله دخل بالموضوع يعني العنوان في سوريا والموضوع في المجمعه ..

بصراحه احترت وش اشلـخ واحط لكم من موضوع ..

لكن بعد تفكير طويل دام لعدة ثواني قلت مالي الا اشلـخ لهم وحده من مواقفي اللي امر فيها يوميا ..

تدرون ان المواقف صايره زحمه هاليومين والواحد يفر ساعتين يالله يلقى له موقف اجل لو ساقوا الحريم وش بنسوي <<< وش دخل هذا بالموضوع

المهم ..

بعد رجووع الدووب ((ابو دغش)) قصدي رومانصي من السفر قلت ياولد لازم اني اعزمه واتمشى انا ويااااه واخذ علووومه ..

مع العلم انه مسوي ثقل علينا من بعد ماراح لأندونيسيا اجل لو انه رايح لـ ام الحمام كان ماعاد كلمنا مره ..

دقيت عليه وقلت له وش رايك <<< مامداني اكمل كلامي الا هو قايل(ن) تــم

<<< مايصدق خبر ويشم ريحة العزيمه من سماعة الجوال

المهم علشان مايوهقني بربع تيس مندي قلت له عازمك في يوم القهوه على شارع التحليه

واطق الرسم

وامر ابو الشباب والقاااه مرسم

قلت اركب انت ووجهك اللي من جهه دائري ومن جهه طريق خريص <<< قالك يذب

قال لا بنروح على سيارتي قلت كفو يابو مشاكص

المهم من ركبنا وهو يسرد لي السالفه من ركب الطياره الين بغينا نخش في كورلا 84 في طريق الملك فهد

<<<راعيها زوول لو صدمناه وش كان بيفكنا منه !!

قلت تدري خل باقي السالفه اذا وصلنا ..

وبعد الشطفاااات والحداااات والفراملاااات وصلنا يوم القهوه ..

دخلنا الكافي ونجلس على ذاك الكنب اللي من زينه ودك تنام عليه ..

المهم انا طلبت قهوه ايطاليه وقلت اطلب اللي تبي ..

قال وانا ابي كابتشينو ..

قلت له شرايك تطلب مثلي تراها حلوه ..

قال لا انت وش عرفك انا ابي كابتشينو ..

قلت طيب لاتزعل <<< هذا والحساب علي زعلان اجل لو هو اللي بيدفع كان بيصفقني

جانا الطلب وقلت له كمل السالفه

قال ودي بس ماعرف اسولف وانا جوعااااااان

<<<قلت في نفسي والله الورطه انا وش خلاني اعزمه

قلت ولا يهمك وحنا راجعين للحاره امر شفيق واخذ لك ساندوتش جبن مربى يحبه قلبك ..

<<< شفيق: بنقالي صاحب بوفيه في حارتنا اول مره تاكل من عنده يجيك صداع في بطنك وبعدها تكتسب مناعه دائمه ..

قال لا ابي ذييييييك ويأشر بيده =====>>>

قلت ترى اكل شفيق احسن منها ..

قال لا

انا نفسي في هذيييييييك =====>>>

<<< انا ماودي اطالع كل اللي عندهم غالية ..

واطالع الا هو يأشر على كرواسون قلت طيب ولا يهمك

واطلبها له كان ينبسط ويحط رجل على رجل ويطلع سيقانه !!

اول ما شفت سيقانه احسبها حطب ((سمر)) .. والغريب إن كل رجليه يسار !!

المهم ويكمل السالفة ..

ترررررررن تررررن دق جوالي ..

قلت رومنصي ون دقيقه بليس <<< سوا يعرف عنقليزي

طلعت اكلم برى ..

رجعت واطالع !!

اتمقل زيييييييين !!

ياولد ذا وش يسوي !!

الا ابو الشباب مبسووووط قاعد يغمس الكرواسون في الكابتشينو وياكل ..

قلت رومانصي وش تسوي ؟؟

قال تعال جرب طعمها زين ..

قلت الله ياخذك هذي تسويها هناك في بيتكم بتميس وشاهي والا بشااااابوره وحليب ..

اللي يشوفك يقول عايش في عزبة باكستانية ..

المهم قعدت اطالع يمين ويسار عسى احد ماشاف ..

الا الناس كل واحد ماسك(ن) جواله ويصور ..

قلت في نفسي وياكثر ماقول في نفسي لو جالسين عند شفيق نشرب شاي حليب موب احسن ..

قلت قم قم اطلع برى ابيك ..

قال وش فيك ؟ قلت ابد يومين وشيك على مجلس الصوتيات والمرئيات او مجلس الصور وتعرف وش فيني ..

طلعنا من الكافي ..

قلت له تدري دامنا متكشخين وطالعين نلق اجل بنروح احد هالاسوااااق نكحــل ..

قال وين تبينا نروح ..

قلت على كيفك ..

<<< بس موب على كيفك اللي في موضوع مجنون هذي على كيفك يعني على كيفك >>> لا عز الله شرحتها ..

قال مشينا البطحاء ..

هو قال البطحاء وانا جاني عسر هضم في اصابع يدي وبغيت اسطره ..

قلت ترى لو ماتسكت بمردغك هنيا

.. بس تدري سديت نفسي وماعاد ابي اتمشى ادعس للحاره ..

استغرق وصولنا للحاره 2 ساعه و14 دقيقة و 36 جزء من الثانية ..

بس ابشركم وصلنا سالمين ..

نزلني عند سيارتي ورحت لبيتنا وراح لبيتهم ..

انا ماقهرني الا انا رحنا وجينا وهو ماخلص السالفه !!

واول مارجعنا للحاااره وهو في السالفه توه واصل اندونيسيا ..

هذي احدى شلخااااتي اتمنى تعجكم ..

تحياتي لكم ..

كتكوتة الرياض · 03-01-2008, 02:51 AM

تدوّر الحليبـ وينهـ >> جوعانهـ

اقتباس


	نزلني عند سيارتي ورحت لبيتنا وراح لبيتهم .. انا ماقهرني الا انا رحنا وجينا وهو ماخلص السالفه !! واول مارجعنا للحاااره وهو في السالفه توه واصل اندونيسيا ..

ما ينلآإآمـ شاف الوجيهـ الودرَهـ

و الطبيعهـ اللي تخقخق لو يسولفـ منّا للصمانـ ما ينلام

ابو شلآخو

الموزوع هييكـ ماعليهـ كلامـ

موفّق خيو

ومرهـ ثانيهـ لا كتبتـ العنوان فيهـ شي ينوكـل حطّه بالموزوع

قدّر مشاعر اللي يقرون العنوان و يخقّونـ و تطيح سعبولاتهم

سي يآ

ابو شلاخ · 03-01-2008, 03:04 AM

اقتباس

الكاتب : كتكوتة الرياض [عزيزي الزائر يتوجب عليك التسجيل لمشاهدة الرابط للتسجيل اضغط هنا]


	تدوّر الحليبـ وينهـ >> جوعانهـ ما ينلآإآمـ شاف الوجيهـ الودرَهـ و الطبيعهـ اللي تخقخق لو يسولفـ منّا للصمانـ ما ينلام ابو شلآخو الموزوع هييكـ ماعليهـ كلامـ موفّق خيو ومرهـ ثانيهـ لا كتبتـ العنوان فيهـ شي ينوكـل حطّه بالموزوع قدّر مشاعر اللي يقرون العنوان و يخقّونـ و تطيح سعبولاتهم سي يآ

ياهلا وغلا كتكووته

ولا يهمك المره الجاية اكتب ملاحظه في بداية الموضوع لاحد يقرا الموضوع الا وهو شبعان

نورتينا بمرورك وردك الجميل زز

والله يوفق الجميع ..

توتة · 03-01-2008, 03:08 AM

ابو شلاااااااااخ عليك هبال مب طبيعي

وربي وانا اقرا مت من الضحك

اجل عازم رومنصي على قهووه في التحليه زين ماالي ماجب العيد فيك

صح وفشلك واحمد ربك ان جاك تليفون وطسيت عنه شوي

والا كان الحين صوركم في الصور والصوتيات

اجل يارومنصي كروسون على كابتشينو انواع البربسه هههههههههههههههههه

ابو شلاخ المره الثانيه دور لك ولد عز يعزمك مب تعزمه هههههههههههههههههههههه

موضوعك شيء

تسلم والله عليه

دمت بخير

صغيره ومدلعه · 03-01-2008, 03:14 AM

اقتباس


	المهم من ركبنا وهو يسرد لي السالفه من ركب الطياره الين بغينا نخش في كورلا 84 في طريق الملك فهد <<<راعيها زوول لو صدمناه وش كان بيفكنا منه !!

هههههههههه شكلك جاي من السويدي والا الشفا

المهم انا ضحكت واجد مره حسيت انك فله

وخويك اللي غط الكوسان في الكابتشينو يعجبني مايحب المظاهر

يعطيك العافيه على الشلخ هووووع

تقبل مروري

مونيه · 03-01-2008, 03:15 AM

الا ابو الشباب مبسووووط قاعد يغمس الكرواسون في الكابتشينو وياكل ..

قلت رومانصي وش تسوي ؟؟

قال تعال جرب طعمها زين ..

قلت الله ياخذك هذي تسويها هناك في بيتكم بتميس وشاهي والا بشااااابوره وحليب ..

اللي يشوفك يقول عايش في عزبة باكستانية ..

المهم قعدت اطالع يمين ويسار عسى احد ماشاف ..

الا الناس كل واحد ماسك(ن) جواله ويصور ..

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههههههههههههههههههههههههههههههههههه

موتني من الضحك

حلوووووووووووووووووووووووووووووووووووووووووووووووو ووه الشلخة

ياويلك من رومنصي

دمك شرباااااااااااااااااااااااااااااااات ماشاء الله <<< لاتقول طقتني عين

هذي تحيه لك

مخيفه بس ظريفه · 03-01-2008, 03:29 AM

انا انصحك بأنك تعط

ترى اول ما يجي رومانصي

بيصفقك تصفيق

ههههههههههههههههههههههه

ابو شلاخ · 03-01-2008, 04:09 AM

اقتباس

الكاتب : توتة [عزيزي الزائر يتوجب عليك التسجيل لمشاهدة الرابط للتسجيل اضغط هنا]


	ابو شلاااااااااخ عليك هبال مب طبيعي وربي وانا اقرا مت من الضحك

ياهلا والله بـ توته

عساااااااه دوووم الضحك موب الموت

اقتباس


	اجل عازم رومنصي على قهووه في التحليه زين ماالي ماجب العيد فيك صح وفشلك واحمد ربك ان جاك تليفون وطسيت عنه شوي والا كان الحين صوركم في الصور والصوتيات

صليت ركعتين شكر لله انه جاني اتصال واللي دق علي من بكره عزمته عند شفيق

اقتباس


	اجل يارومنصي كروسون على كابتشينو انواع البربسه هههههههههههههههههه ابو شلاخ المره الثانيه دور لك ولد عز يعزمك مب تعزمه هههههههههههههههههههههه

ايه صادقه وبيني وبينك

اخطط الحين على بعض الشباب احس انهم كاش

اقتباس


	موضوعك شيء تسلم والله عليه

والله الشي مرورك الكريم وردك الرائع ..

مشكوره على المرور..

ابو شلاخ · 03-01-2008, 04:18 AM

اقتباس

الكاتب : صغيره ومدلعه [عزيزي الزائر يتوجب عليك التسجيل لمشاهدة الرابط للتسجيل اضغط هنا]


	هههههههههه شكلك جاي من السويدي والا الشفا المهم انا ضحكت واجد مره حسيت انك فله وخويك اللي غط الكوسان في الكابتشينو يعجبني مايحب المظاهر يعطيك العافيه على الشلخ هووووع تقبل مروري

ياهلا وغلا صغيرررررررررره

يعني لازم الاحراج والواحد يقول من وين جاي

على العموم انا حولها وحواليها

ايه صادزه انا ورومنصي فله ونعجبك بعد

الله يعافيك ومشكوووره على المرور ..

الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور