عآآشق هوآآهـ وتووم كرووز<----بتآإآآع الموووصآآآبقهـ

السلام عليكم ورحمة الله وبركاته

هذي مشآآكة المسآآبقهـ وبإذن اللـــه رح اتآآهل ومخبي لكم مفآآجأهـ لآ تأهلت

وكمآآ وعدنآآ الجنهـ الموقرهـ بالجريش والمطآزيز




^
^
^
عآآد عقب المطآآزيز نعتبر نفسنآآ متآهلين

طيب نبدآآ بالسآآلفهـ

X---------------------------------------------------------------X

طبعا أنا صارت لي سالفه زي ما تشوفون من الموضوع وهي سالفة قديمة لكن توي أكتبها ..

الأشخاص اللي بالسالفة هم ::

عاشق هوآهـ: حضرت فخامتي

جريحووو : خويي المصرقع <<<<<< وآحد من العيآآل مسمي نفسه جريح

بيكاتشوو: كان نعرفه بالحآرهـ<<<<<<<<عيارته بيكاتشوو عشانه اذا عصب تحمرر خدوده

توم كروز : ممثل فرنجي أحمر مرتزق

نجي للسالفة ..

مرتاً من المرارير

وفي فجأة من الأيام وأنا جالس بالبيت أتفرج على الجدران << كالعادة

جتني فكرة (جهنمية)

قلت يا ولد ورا ما أروح أشوف البريد وش فيه من رسايل << والله من زين الفكرة كل يوم يشوف البريد هو وخشته

المهم وأنقز على الهوتميل .. هاه ياصديق وش في رساله جديد << بريدي ملخبط وصاير باللغة الهندية

قال : والله يا عشووق وصلتك بطاقة دعوة لحضور حفل زواج بإيطاليا

وشوووو إيطاليا !! تستهبل (أبو هتمل) << دلع البريد حقي

لا ما أستهبل شف البطاقة وتعرف ..

اخس يا عووويشق يالخطير بطاقة دعوة لحضور حفل زواج (توم كروز) !؟!؟

وقتها ولعت لمبه في مخيلتي << لا يكثر

قلت يا ولد والله فكرة نروح نوسع الصدر ونستانس بدل القعدة بهالبيت ..

طيب يا عوويشق يلزم تشوف لك خوي أزين من تروح لحالك تدربي هالدميجه !!

من غيره خويي (جريحوو) .. مثقف ويعرف ايطاليا ويدل هناك ..

وعلى طول شغل الجاكوار وعلى بيت جريحوو << أشوى إنها ددسن غمارة

وصلنا بيت جريحوو نزلت من الموتر

وادق الجرس ويرد جريحووو :مين؟

انا : عآشق هواه

جريحوو : عشووق هلا والله وين الناس ..

انا : هذاي عند بابكم انزل بسرعة بنروح مشوار ..

جريحوو : طيب هذاي جيتك ..

يطلع جريحوو هاه عشوووقي وش عندك ؟

انا : تعرف توم كروز ؟؟

جريحوو : والله مدري اتوقع انها حلاقة جديدة

انا : والله ما تدري وين الله حاطك المهم أنا بروح لإيطاليا معزوم على حفل زواج (توم كروز) تسان ودك تخاوين ..

جريحوو : قداااام يالسنايدي والله إني ودي أشوف هالتوم ذا اللي أزعجونا فيه العالم ..

بس لازم نأخذ بيكاتشو معنا عشانه يعرف انجليزي ويترجم لنا هناك

المهم ونركب الغمارة وعلى بيت بيكاتشو !؟

وانزل من الموتر (((((عفواً الجرس خربان))))) <<<<<<<<<بيت بيكاتشوو ما تغير من عشر سنين

قلت يا ولد مالي الا آخذ لي حصاة وانتف دريشة بيكاتشو وتنكسر وما اسمع الا صوت ام بيكاتشو تدعي علي

ويطلع لي بيكاتشوو مع الدريشة وواشر له بيدي يعني انزل

ونزل بيكاتشوو
...............


بيكاتشو:هلا والله

ما امداه يكمل الا اقاطعه : لا يكثر تعرف توم كروز

بيكاتشوو: ايه اللي يلعب بنادي النصر <<<<<ثقافته ماتتعدى بشير شنان

انا : كل نعله واركب

وركبنا السيارة وعلمناه السالفة

..........................
بيكاتشو : خل بدق على أهلي أعلمهم ..

جريحوو : وش تبي تقولهم ؟؟

بيكاتشوو : بقولهم بروح آخذ عمرة << التصريفة المعتادة للسفر برا

طلع الجوال بيدق ..

انا : هيييه وقف دقيقة الحين نبي نروح إيطاليا بجوالك الكسره هذا !؟!

بيكاتشوو: وش رايكم وش أسوي ؟؟

جريحوو : وش رايك يعني بنروح محل اتصالات نشري لك جوال زي الناس .. إلا وش اسم جوالك هذا ؟؟

بيكاتشوو : العنيد المطور << امحق .. عنيد ومطور بعد

انا : لا خابر لك جوال جديد يقولون توه نازل نبي نشريه لك

أقرب محل اتصالات على شارع البطحاء العام ..

سلام عليكم صديق .. وش نزل عندك آخر شيء ؟

العامل : والله فيه عشان برد هذا فروة سوري مية مية وفيه يجي جديد فنايل علاق دفه


طلعنا من المحل بلا جوال بلا خرابيط واقترح علينا جريحوو انا نمشي الشرقية ونسافر من هناك بالطيارة عشان مواقف مطار الدمام ارخص<<<<< تفكير مصري

ووافقنا واتفقنا بكرى الصبح نمشي ..

وجا بكرى واقوم على صوت الساعية الخراشية تررررررررررررررررررررررررن <<<<<<< لا زم المؤثرات الكتابية بدال المؤثرات الصوتية

واناظر الساعة الا الساعة عشر يؤيؤيؤيؤيؤ تأخرنا وادق على جريحوو اللي متفقين نروح بسيارته

جريحوو واضح من صوته ان توه قايم:صباح الخير

انا : وينك يا تسلب تأخرنا

جريحوو: يلا دق على بيكاتشوو قله يجدع سيارته عند بيتكم

انا: انت اللحين قم بعدين نتفاهم

جريحوو: طيب

انا : اقول

جريحوو: سم

انا :غريبة تقول سم اثاريك محترم

جريحوو: اخلص يا تسلب وش تبي

انا : لا تنسى تجيب العزبة اعرفك درج اكيد بتنساها ثمن بندق مشوار

جريحوو: لا تخاف ترى منيب على خبرك صاير ذيب

انا : كل نعال واخلص ولا تلطعنا بالشموس

جريحو انشاء الله

والقط شنطتي وانزل اوقف بالحوش واناظر بيتنا واقول الوداع نشوفك بعد اسبوع وما مداني افتح باب الشارع

الا هذا جريحوو جاء ونحتري خوينا وندق على جواله مقفل وندق ويطلع مقفل وندق مقفل

جريحوو: اقول اركب اعرف وين نلقاه ....

ويتجه بي الى بوفية ونلقاه بسيارته يبلع ويوم شافنا انلخم رفع يده يورينا سندويشته ويقول: والله يا عليهم شكشوكة <<<<<يصرف ما يبينا نجلده

ونقوم انا وجريحوو نلحطه لين اذن ونقوله : كانك ولد ابوك جرب تعيدها مرتن ثانيه وتسحب علينا وشف وش يجيك

وصلنا بيتنا لبق بيكاتشو سيارته وركب معنا واول ما مسكنا خط

قال جريحوو: اقروا دعاء السفر

اول ما جاء بيكاتشو بيقراه ويشغل جريحووو اغنية عبادي

وينقز بيكاتشوو بيخنق جريحوو

جريحوو من اللخمه والروعة كعععع فرامل وما تشوف الا دخنه بيضاء وسفط يمين يبي يتهاوش مع بيكاتشوو

ومانشوف الا دوريه فكتوريا ورانا ويتكلم بالجهاز ويقول ولا واحد يتحرك من مكانه وينزل العسكري ومعه خويه وخذ سين وجيم

وش اساميكم وين اثباتاتكم وين ساكنين وش تقربون لبعض وفتشوا السياره وجت 3 دوريات وفككوا المراتب وفتشوا شناطنا

وطلعو سروال بيكاتشوو حق السباحه لونه ازرق مشقوق من عند الفخوذ يوم شفته انا فطست ضحك

قال الشرطي : تضحك يالظريف انا اوريك شغلك يوم عطاهم بطاقاتهم الا انا قلت ابسوي نفسي سبيكه

ابركب عشان يستحي ينزلني لاني عارف انه بيقول امش للقسم

وما امداني افتح الباب ابركب الا هو لاقطني من غالوقة ثوبي ويقول وين رايح يالذيب

الغداء عندنا ان شاء الله وانا التفت عليه واناظره واقوله بضحكه صفراء

وشوله الكلافات الغداء بالدمام انشاء الله فجأه انفجر ضحك وقال خذ الله يقلعك انقلع مع اخوياك

وفجأه جريحوو شاف محطه وهو مسرع ويبي يوقف عندها مادرينا

الا وهو يلف يمين بسرعه من قوة السرعه انا اقول اهب يالأخطبوط ما عاقت معك اللفه يالتسلب

وشوي الا قلبها الحبيب الى الصحن الدوار السياره تدور بنا

وانا اتشهد واقول اتووب ياربي من كل شي سويته بحياتي وتدور وتدور

وبيكاتشوو يصرخ ويقول قسم بالله ابطرررررررررش وهو بيطرش علي وانا ادفه مع فمه برجلي

واقول طرش على السواق مهوب علي انا بس مافيه فايده مازال موجه خشته على وجهي

ويتغر هذيك التغره قلت انا خلاص بينفجر المدفع على وجي (يعني يبي يطرش علي) واقول بنفسي

خلاص رحت ملححح يا جريحوو واندس تحت المرتبه الي قدامي واقول يارب تجيب العواقب سليمه

وانتظر غريبه ما طرش يوم رفعت راسي و (وجه يطالع بشويش وهو مرتاع) فجأه شفته ضحك

وتغرر هذيك التغره الي كنها بلكتن طايحتن في بيررر أأأأأأأأأأأأأأأأأأأأأأأأأأأأأأأأأأأأأع

وريحتها تقول فارر ميت تحت الدرج << شامها الله يحوم تسبدك

تصدقون ان تغرته لها صداء << بايخه كمل ابرك لك

المهم وتدور بنا السياره وتوقف يوم وقفت وينزل جريحوو يبي يهج

وحنا نفتح البيبان ونلحقه وملاحق بالمحطه ويناظرنا فلبيني بيركب تريلته

واحس يقول الله يلعن ابو الي جنسكم يا زيوود ونتلاحق

حافين وبيكاتشوو يقول حده وانا اقول عندك اياه لايهج واخر شي

دخل البقاله ووقف عند برادة البايسن وقال اولي يقاله يصرف عشان ننسى ومانجلده عاد حنا ماتركناه مردغناه

وطلعناه محمول على الاكتاف مايقدر يمشي ونفتح الشنطه نبي نركبه فبها قال وش دعوى تراني خويكم

ورحمناه وركبناه معنا

وصلنا المطار وركبنا طيارتنا واول ما وصلنا نزلنا من المطار وعلى طول التكسي عند الباب ..

راعي التكسي : وين تبون أوديكم .؟

بيكاتشوو : لو سمحت نبي قصر ألف ليلة وليلة

انا : اسكت لا تفضحنا هذا مب هنا هذا بديرتنا .. بالله يالأخو ودنا للفندق اللي بالكروكي هذا ..

دخلنا الفندق وهذا توم كروز حاط يده بيد زوجته وجالسين

ويجيك عاشق هواه طاير ويغطي عيون توم بايدينه ..

انا : هاه يا توم من تتوقع أنا ..

توم : امممممممم ديفيد بيكهام !!

انا : لا
توم : نيكول كيدمان !!

انا : لا

توم : اممممم برتني سبيرز << أروح كنافه على قول الشاعر :

فيه البنات يسابقن الرجاجيل .:. اللي عليهن ضيقات البناطيل .:. فوق الخيول يجاذبن المواويل

مهار لكن فوق غبات المهار

غازلت لي وحده ولا عبرتني .:. حلوه وفيها من ملامح برتني .:. وأقفيت أشيل الهم من فوق متني

عقب ما قالت لي حيوان وحمار

المهم يوم قال برتني
قلت انا : لا

وأنا أنقز بوجهه هاااااااااااااااي

توم : عشوووووقي الله يرجك هذا أنت !!

انا : إيه هذا أنا المهم هاو آر يو << أقوى شيء

توم : (كلينكس) ثانكيو << ينكت هو ووجهه

انا : وش رايك بي عاد يومني شرفت الحفل << مصدق عمره

توم : والله يو آر كريزي ؟؟؟؟؟

بيكاتشوو تعال بالله وش يقول هالفرنجي ..

بيكاتشوو : يقول والله ماقصرت تعبت روحك .. << امحق مترجم

انا : الله يسلمك طيب بهالمناسبة السعيدة وفرصة إنك شفتني وش رايك ناخذ صورة ؟؟

توم : ما في مشكل << صار هندي


8

8

8


شفتوا اللي بين توم وزوجتة هذولا انا و جريحوو واللي على اليمين يصور هذا بيكاتشوو
قبل لا نكمل السالفة ناخذ فاصل !؟!
فاصل إعلاني
--------------------------------------------------------------------------------------
يا جماعة وش رايكم بهالوجه المزيون
7
7
7
7
7
7
7
7
7
7
7
7

8
8
8
8
8
8
8
8
8
8
8
8
والله ياهو رهيب أحس إنه عربجي وزاااحف وشكله كذا ذهين ويحب الحركات النص كم ؟؟
------------------------------------------------------------------------------------
عدنا
بعد ما أخذنا صورة ..
جريحوو : أقول عاشق الحين هذا وراه مطلع زوجته كذا عند الله وخلقه ما يستحي على وجهه
انا : والله ياخي هم كذا هالشقر عندهم عادي ..
بيكاتشوو : لا مب عادي وأنا أوريك فيه << عز الله اللي فشلنا أنا الغلطان اللي جبت هالقروي معي
ويروح بيكاتشوو ويجلس بين توم وزوجته وسواليف حول نص ساعة ولا يحتاج أجيب لكم السواليف أدبل تسبودكم يبي لها موضوع ثاني

المهم وهو يسولف وتوم يلمح يبيه يقوم يبي زوجته تقعد معه ما فيه فايدة <<< بجيح بقوه
توم : أقول يالأخو ما تلاحظ إنك طولتها ؟؟؟
بيكاتشوو : أفا وش دعوى ..
توم : الدعوى عامة ياخي غثيتني !! تراي مسوي حفل عشان (المعزبة) مب عشانك أنت وخشتك
بيكاتشوو : اخس والله هذي آخرتها .. شف عاشق وش يقول ذا !! لكن الشرهه مب عليك الشرهه على اللي يحضر عرسك مره ثانية << يحسبه كل يوم يعرس
وبعدين أنا قايلك يا عشووق لا تمشي مع هالعلوج الأمريكان بس ما طعت شوري << متأثر بالصحّاف
انا : أبد ما لك إلا اللي يرضيك اللي يزعل خويي يزعلني يالله مشينا والله إنك صاز أنا الغلطان يومني مشيت مع هالمرتزق قليل الخاتمة << بعد هو متأثر
والتفت على توم وسمعته من الكلام اللي ما ينبغي ذكره ( آنفا ) وصار العرس هواش << الكلمة اللي بين الأقواس جلس الكاتب أسبوعين ضاغط على عمره لين طلعت
ونطلع ونشغل الغمارة وعلى الرياض ...
(وفي طريق العودة) << متعوب عليها
بيكاتشوو : وش رايك يا أبو الجراريح وش أزين البطحاء ولا إيطاليا << والله من زين المقارنة
جريحوو : والله شف الشوراع أحس إن شوارع إيطاليا أزين لكن المحلات أتحداهم يا شيخ يجيبون محل يبيع ملابس واللوحة اتصالات !! << كلام سليم
انا : بيكاتشوو يابعدي .. أنت غريب الأطوار !!
بيكاتشوو : أفا وش دعوى ياخوي قالوا لك أنا جراده !!
انا : لا بس قصدي إني دايم أشوفك موسع صدرك وسواليف وحتى وأنت توك متهاوش أنت وهالزلابه اللي تو !؟
بيكاتشوو : إييييييييييه يا عاشق لو تدري ؟؟
انا : وشلون ؟؟
بيكاتشوو :
أضحك وأسولف مع هذا وهـذاك .:. والناس ترقب ضحكتي وتحسدني
قالوا سعيد وعايش أحلام دنياك .:. وأنا سجـيـن وهمي اللي حبـسـني
انا : صح لسانك بيكاتشوو
لكن :
حلـي دنـيـاك وتـعـيـش بـحـلا
وخـل غـيـرك فـيـهـا يـضـيـق
وإن شفـتـه يـزود فـيـه الـبـلا
تعال شق لك وسطـه طـريـق
مـن طـاع ربـه وكــتـابـه تـلا
يلقى السعـادة يـغـلـى رفـيـق
ويومه يشـوف الـهـم انـجـلا
وغيره يولع بصـدره حـريـق
هـذي وصـاتـي لـكـل الــمــلا
وأصل الصداقة حب الصديق
جريحوو : صح لسانك يا عووويشق والله لا يحرمنا منك
وضحك الجميع وكانت ليلة سعيدة << خابر هذي بكتاب القراءة يقولونها إذا خلصت القصة
هـــنا وصلنا نهاية القصة اللي (ما فيها فايدة)
وأشوفكم إن شاء الله في مواضيع جاية والجاي أحلى من اللي رايح << صارت مسابقة ملكات جمال
عآد اللحين نحط ذآ الطخم يآآ شينه اتعب ولآ يحسبوونه المشآآركهـ

يالله توصون على شيء لا سمح الله أشوى محد أحد يبي شيء
يالله مع ألف سلامه