هل هل - انا بعشئك انا كلي لك - مشارك بالمسابقه

عـبدالعزيز · #1

ترى لو [ ركزوا على لو ] اشوف الموضوع منسوخ لاي منتدى ثاني ابفقع وجه اللي سرقة وابلحقها رجفة بخشته وعقبة لكمة خطافية ببطنة ثم بسوي سبلكس خلفي

واتمرطخ بمرارته .. يعني انتبهوا

وهـ بس حسيتن قوي << ابضاي

تراه اول موضوع لي هنا

* في يوم ممطر صباحاً ومشمس حار مساءً ولد شاب لطيف يدعى هلالي ..

ولد هذا الفتى وولدت معه الدلاخه والوسامة معاً .. فكان كل ما راح يشتري شيء من البقالة باشر له الهندي علشانه زين ويذكره بشاروخ خان ..<< امحق

ويعد هلالي اول مولود في العالم يولد وبوجه شامه زرقااء عشان كذا سموه هلالي << علم مب وجه ..

* وفي نفس هذا اليوم وبعد خمس طعش دقيقة ولد شاب مملوح يدعى طرمبه ..

طرمبة شاب يتميز منذو نعومة اضافرة بالعصبية .

. حتى انه عاض بطن امة يومه تأخرت ولا رضعته .. ويقولون انه صفق الدكتور اللي طلعه كف يومنه سحبة بقوه ..

* ومن بكرى [ يعني بعد يوم ] ولد شاب جميل يدعى صعفق ..
يتميز صعفق بانه شاب طويل القامة .. حتى ان امة يوم تولده كانت متسلفه بطن ام جيرانهم علشان يكفي رجلين صعفق .. ويقال ان سيقانه كانت سبب في ضياع

مستقبل عدد هائل من بنات حارتهم اللي بالجراديه ..

* ومن نفس البكرى وبعد خمس وثلاثين دقيقة وسبع وستين ثانية ولدت فتاة تدعى هيله .. لبا قلبها بعد
هيلة كانت فاتن حمامه العود .. وتتميز بالجمال المهوب طبيعي .. وكانت دايم تقلد ليدي وتحط قرنين براسه مما ادى بدورة الى تجمهر السمرمد عند بيت ابو هيله

واللي قرر بدوره انه يجلس بالسطح ويمسك الساكتون ويرمي كل سمرمدي يمر من عند باب بيتهم ..

* ابو هيله عنده ثلاث بنات توم ومن قوه الشبه الي فيهم مختلفات عن بعض اتحدى ابو ام اي واحد يصدق انهم خوات ولا توم .. وطبعا هو ماصار اسمه ابو هيله الا

عشان هيله املح بناته ..

*موضي قزما ومن يومه طلعت من بطن امه وهي مصقعه ماله شعر ..

* ومزنه اصغر التوم هالبنت اوب طبيعيه ابد تقول لهذا وخر وانا اجلس مكانك بس انه عرجاء

^
^
فتيات تشارلي هع

كبر الشباب الثلاثه وجمعتهم صداقة حميمة لدرجة ان كل واحد فيهم قام يباشر على الثاني وكل خميس وجمعة ينامون مع بعض بالبرحة اللي قدام بيت ابو هيله ودايم يفزعون

لبعض ويجدعون بيض على الهنود اللي يمرون بالحارة ..

وفي اليوم الثامن من يوليه الخامس من شباط السابع من عام الف واربعميه وسبعه وتسعون من نوفمبر الجاري للميلاد قبل الهجرة .. << اماعاد

في ذالك التاريخ اللي قبل شوي ذكرته لكم...........

هل هل .. هل هل ووجع قم [ هذي ام هلالي جالسه تقومة لصلاة الفجر ]

قام هل هل من فراشه وبكل حنية قال ايييه خلاص قمت تراتس ازعجتينا بس ماعندك الا انا تنافخين علي ..
قام هلهوول من النوم وكان احساسه زي احساس اي واحد يدقون عليه اهله وهو جالس يلعب بالوت ويقولون له جب خبز ويوم خلص لعب نسى وش هم يبون ..

قام [ ماتلاحظون اني علقت عليه ] من نومة وغسل وطلع وتوضاء وراح للمسجد .. وبينما هو يمشي ويسحب رجوله الا وهو يشوف هيله تفتخ باب بيتهم وتجدع

الزبالة عند الباب .. وهـ بس

وفجـأه ...

التفت هيله على هلوول وبادلته النظرات لدرجة انه بغت تقول له يالعن ابو الجمال اللي فيك ياشيخ ..هل هل تنح مع البنت اول مره يشوفه بلحاله ومايكون بوه احد معهم

ومع تبادل النظرات وتناثر المشاعر والعالم صلو وخلصوا والنظرات مستمره ..

فجأه ... دون سابق انذار

[ طراااخ ]

الا بزبيريه بعلباته [ طراااخ ] << ابوهيله ايا هيس بقس من هنا وركبه من هنا الا هل هل متساوي مع الارض

وكانو توهم طالعين من الصلاه ويركضون

صعفق و طرمبه لمساعده هلوول الي فقد وعيه في لحظه من احسن جميع لحظاته الي شافهن وفي ظل الاوضاع المتأزمه في العراق وافغانستان وسيطره امريكا على

العالم كان هلوول بغيبوبه وماينطق الا بأسم هيله هيـــــــــــــله هييييييييييييييييييله ..

* استمرت المحاولات لانعاش هلوول واعادته لطبيعته لكن ! دونما اي شي يتغير مثل من اول ماطاح خطفت جفينات قلبه هل هيله وبعد اجتماع مجلس الامه << اها بس .. ومناقشاات الدختور الربيعه << وش دخله . مع عدتن من الاطباء قالو الحل الوحيد ان هلهول يرجع مثل اول انكم تزوجونه هالي غثنا بها هيله ولا انسوى انوه يطيب لكن!! ام هلول ماتدري منهي هيله لأن الحاره فيها 12 هيله << ياكثركن

جابت صعفق وسئلته منهي هيله صعفق بحكم طويل كان خواف وحس ان الدعوه فيها جريه وقال مادري منهي هيله .. << آه يالخاين هين بس اصبر علي يابو طويله

احتارت ام هلوول وش تسوي مابقى له الا صديق واحد بس طرمبه هل يكون هو المنقذ
وياترى ماهي الدوافع التي ادت لذلك
<< متأثر بالجزيره الرياضيه << برا
وبعد بحث في حواري الصالحيه والجراديه تم العثور على طرمبه وتم التحقيق معه منهي هيله ..
من هيلته مدري عنتس ..
اقول اعترف وبعطيك نص ريال تباشر

على اخوياك فيه ..
اعترف هيله بنت ابو هيله الي بالعاير اول بيت على اليسار الي بنته العرجا والصقا .. ام هلهل تفاجأت انه بنت جيرانهم وهي ياغافل ماتدري ..

* ام هلهل داهمت دكان ابو هلوول وضفته معه وراحو لبيت ابو هيله يخطبونه لولدهم ..

لكن !!

ابو هيله رفض رفضا قاطعا صارما

وشارط ماتتزوج هيله لين يتزوجن العاهات الي عنده

اابوو هلوول - يابو هيله هذولي تسميهن بنات .. تبرع بهن بس

ابو هيله - تبون هيله خوذو خواته معه !! دبرو انفسكم وزووجووهن << ناشبات ينعن ام الحاله

طلعت ام هلوول من بيت ابو هيله وهي تفكر وتمخمخ شلوون تصرف هالعلل الي ناشبات

جته خطه جهنميه

انه تزوج موضي ومزنه لصعفق وطرمبه

لكن وشلون ماراح يوافقون على هالمعوقات

ماله الا تخدعهم راحت للمستشفى قالت ان جاء احد يسأل عل هلوول قول انه طلع وانه طاب واتفقت مع ابو هلول انه يمول الصفقه هذي << تجاره اسلحه ..

واستدعت لأجتماع عاجل مع صعفق وطرمبه.

* شوفو ياعيالي ترى زواجكم مع هلوول الشهر الجاي كلكم بنفس اليوم صعفق انهبل احلفي ومن بتزوجينا وليه وشلون طفران مفلس طرمبه عصب بسرعه وهذي عادته

وصفق صعفق كف اسكت لا اتمردس ببطنك . .
كملي يا ام هلوول وش بعد قالت انتم مثل خوان هلوول ومارضى لين ازوجكم مع بعض طرمبه طيب وشلون قالت له ماعليك بخطبلكم كلكم وبزوجكم وتراه مفاجأه لكم ولهلوول يعني

لاتقولون لوه شي وانا وابو هلوول متكفلين بكل شي من طقطق لسلام عليكم ..

بعد تفكير ومشاورات صعفق وطرمبه لقو انه صفقه رابحه بكل الاحوال ماراح يخسرون شي وافقوا وهم يدربون روسهم طيب من بتزوجينا
اقول بدون اسئله بعلمكم بيوم العرس وتجون متكشخين كلكم
وتم توقيع اتفاقيه بجامعه الدول العربيه << اويلاه بس

* طقت العباه ام هلال << قصدي ام هل هل وراحت لبيت ابو هيله وخطبت البنات الثلاث ..
هيله لـ هل هل

موضي لـ صعفق

مزنه لـ طرمبه

ام هيله ماكذبت خبر ووافقت على طول بدون مشاورات لكن هل هل للحين بغيبوبه ومنشحط مخه بهيله اخذو هيله للمستشفى وهو مازال يتمتم هيله هيـــــــله هيييييييله
واول مادخلت عليه هيله الغرفه ومسكت يده وقالت هالا بالحلوين هلوول رد علي
الا وهو مبقبق عيونه وبدأ بذرف الدموع في لحظات الصمت والذهول << مايدري هو بحلم ولا بعلم
علمتوه امه كل السالفه وانهم بيزوجونه هيله استعاد وعيه وبعدها بخمس دقايل الا وهو مثل الحصان قايم ومقشع المغذي مني ايده ونقز متى العرس طيب قال ابو هيله

الاسبوع الجاي << عجل الشايب يخاف يهونون وينشبن له العاهات

ام هل هل ماعلمت هلوول السالفه وقالت له مابيك تشوف صديقااك ولا شي تجهز للعرس
وقالت لطمبه وصعفق العرس الاسبوع الجاي تجهزو

* اجتمعوا المعاريس كلهم كل واحد بغرفه مايدري منهي زوجته ولا من بيعرس عليه الا هل هل كان مبسوط ورايق بقوه << يحق لك يااعم

ابو هيله شرط انهم يزوجون البنتين موضي و مزنه قبل مايزوجون هيله لهلوول عشان يضمن .. وفعلا زوج موضي لـ صعفق ومزنه لـ طرمبه

والمساكين مايدرون من بيعرسون عليه لحد الحين وقعو ووافقوا وقالت لهم ام هلوول روحو لبيوتكم وبجيب لكم حريمك لحد عندكم << توصيل مجاني عشان مايتفاجأون
وتم تزويج هلوول لـ هيله << تحققت الامنيه من النظره الاولي

مسك هلوول يد هيله وركبو بالكارته << ياعيني وكان يجر الكارته حمارين << انعن ام الرومنسيه
وراحوا لبيتهم .. << فاصل ونواصل

مسكت ام هلوول موضي و مزنه وطارت بهم لبيت صعفق طقت الباب وفتح صعفق واللهفه والشوق والانتظار ملامح في خشته وقالت له ادخل داخل يالله دخل صعفق

مبسوط وقالت لموضي يالله ادخلي وقفلي الباب ودفي المفتاح من تحت الباب فعلا دخلت موضي وقفلت الباب وجدعت المفتاح على ام هلهوول ودخلت على صعفق وبدأت

القلوب بدقاتها << تقول سامري وصعفق يبي يدري وش تحت هالعبات وقف صعفقك ولاحظ فرق الطول الشاسع بينه وبين موضي وهو مايدري حتى وش اسمها جلس

يفكر لحظااتن بسيطتن بعدين حاول يمسك يدها بتردد واستحى جت موضي ومسكت يده قالت له هلا حبيبي << انعن ام البجاحه
صعفق خق وحمرن خدوده قال وش اسمتس ياحلوه ؛؛ ردت عليه انا حبيبتك الي كل ابو دايم تتسدح عند بيتنا << ماخذه مقلب واول مافتشت وجهه صعفق حس بأحساس

وشعور غريب بغى ينهبل من حلااوه البنت ولما شال العبايه الا البنت صقعا

<< مايدري انها موضه
انصدم وجته سكته قلبيه

وفارق الحياه على الفور

وكانت ام هلوول بطريقها لبيت طرمبه ومعها مزنه طق طق طق << تطق الباب
فتح طرمبه الباب ومن شاف عيون مزنه خق وتنح قالت له ادخل << نفس الطريقه الاولي وبعد مادخلت مزنه وجدعت المفتاح ودخلت على طرمبه لغرفته الا وهو

يناظرها وهي تعرج

يشوف يمكن الكعب مكسور شي ماشيات منا مناك يتمقل

.. على طول مزنه واثقه من جمالها وتبي تلهيه عن انها عرجا شالت العبايه

وخلته يشوفها طرمبه في لحظه تأمل وعجز عن الكلام من جمال مزنه من العاهه الي بها

فجأه ..

انقطعت لحظه الصمت وسألها ليه تمشين كذا !! < < ابو الدلاخه

ردت عليه اهم شي الاخلاق << علثه السحالي دايم هع
طرمبه بحكم انه انسان مادي ويفكر دائما انه مايخسر شي جلس يفكر بداخله طيب هذي الحين عرجا طيب انا مادفعت شي طيب طيب طيب .. الخ ) اقتنع وماقال

شي وانبسط شي ببلاش ربحه بين .

عدنا < سبيس تون

اول ماوصلوا هلوول وهيله عند البيت هلوول شال هيله وفتح الباب ودخل هو وياها البيت << وهـ بس
وكانو يفكرون بأن امنيتهم تحققت
دخل هو وهيله للبيت وجلسوا بغرفه النوم فسخت عبايتها وغيرت ملابسها وهو جايب لها العشااء
تعشوا وعينو من الله خير ومع السواليف ويحكي لها هلوول عن حبه لهامن النظره الاولي وانه تحققت كل امنياته بالحياه ويقول لها ( انا بعشئك انا كلي لك ).. واول ماقرب منها مسك يدها

الا

فجأه

8
8
8
8
8
8
8

ابو هلالي يرجف الباب

...................
هلالي
نعم ..

**************

ابو هلالي
خويك صعفق مات

^
^
^
ماصار حلم شفتوا

هلالي هاه مات شلون وش صار .. سكته قلبيه

اجتمعوا وصلو عليه ومسكين هلوول ماتهنا بهيله وابو هيليه مافتك من بناته من اول يوم رجعت له وحده

* بعدها بسنتين طرمبه طلق مزنه بعد مارزقه الله وتزوج مدرسه .. وهلوول جاب له بزر وسماه صعفق على اسم خويه وعاش في تبات ونباات

وتوته توته خلصت الحتوته

قسم اني مابغيت اخلص

ان شااء الله يعجبكم

ونتأهل للمرحله التاليه

توتة · 04-01-2008, 10:26 PM

هههههههههههههههااااااي رهيييييييييييب

لي عوده يالهلمصرقع هع

دمت بخير

فجر الأمل · 04-01-2008, 11:25 PM

ههههههههههههههههههههههههههه

هههههههههههههههههههههههههه

الله يرجك هل هل يبو شاما زرقا اقسم بالله مواصفات معوق هع

ومتشمت في مزنه وموضي هع

ودخلت على صعفق وبدأت القلوب بدقاتها << تقول سامري

خخخخخخخخخخخخخخخخخخخخخخخخخخخخخخ

عليك تعبير يموت من الضحك

بس موضوع مصررررررررقع و مهبول

فااااااااااالك النهائي والفوز يارب ...

فتـــــــMـــــــو · 04-01-2008, 11:37 PM

حياااااااااااااااااااااااااااااااااااك

رهييييييييييييييييييييييييب يالهلالي

وقسم على بالي بتسحب علاااااااااااانا

والله القصه خياااااااااااليه تنفع حلقه من حلقات طاش

بس ياخي ليه صعفق مات

يومني تعاطفت معه

>>>مسكينه كل ماتخق على احد يموت او يمرض

بس بصراحه عليك شطحه وصواريخ فنااااااااااااااااان وقسسسسسسسسم

ههههههههههههههههههههههههههاي

فااااااااااااااالك الفوز

نوره القشرا · 04-01-2008, 11:45 PM

خخخخخخخخخخخخخ عاد من زين صعفق يومه يموت

اقتباس


	انقطعت لحظه الصمت وسألها ليه تمشين كذا !! < < ابو الدلاخه

بحياتي ماشفت تناحه زي كذا

..خخخخخخخخخخخخخخخخخ

اما هل هل تدليعه رايـــــــــــــــــــــــــــقه بس احسن شي الزبيريه اللي خمت راسك

..

يسلمووووو خيو الهلالي بس اعترف منهو قحشه صعفق ولا طرمبه

ولا تنصب تقول مابعد انولد خخخخخخخخخخخخخخ ..

عقبال مانشوفك متأهل يارب ..

تقبل مروري

:

نوره القشرا ..

حلوه بااخلاقي · 05-01-2008, 12:35 AM

ههههههههههههههههههههههههه رهييييييييييييييييييييييييييبه القصه صراااحه"

تصلح تكتب سينـــاريـــو مسلسل"

<<ضايق صدرها على صعفق الله يرحمه"

اما ابو هيله صراحه اسمحلي يخرب الأجواء الرومانسيه داائما<<<تحمست خخخخخخخخخخ"

يسلموووو الهلالي على الطرح اسلوبك رووووعه صراحه"وياااااري تتأهل انشالله"

تقبل مروري"

بنت الاديب · 05-01-2008, 12:36 AM

هههههههههههههههههههه
ههههههههههههههههههههه
هههههههههههههههههههههه<<< الى بكره

من جد انت منتهي الله يخلف على العقل

فيه واحد بالدنيا اسمه صعفق لا وبعد يتشرط يبي مزيونه ازين انه مات اصلا ماله داعي <<<< بتنجلد

ولاالاطخم ابو شامه زرقا رح اكشف لايكون الدم متحجر به ولا شي

لكن بصراحه موضوع تووووووووووووووووووحفه ياابضاي

من جد انواع الصرقعه

الله يعطيك العافيه

وان شاء الله تتاهل للنهائيات كاس اسيا >>> برا

وفالك البيرق >> هم يقولون كذا

تقبل احترامي

عـبدالعزيز · 05-01-2008, 12:48 AM

اقتباس

الكاتب : توتة [عزيزي الزائر يتوجب عليك التسجيل لمشاهدة الرابط للتسجيل اضغط هنا]


	هههههههههههههههااااااي رهيييييييييييب لي عوده يالهلمصرقع هع دمت بخير

الله يسلمك

بإنتظاارك

تحيتي

عـبدالعزيز · 05-01-2008, 12:49 AM

اقتباس

الكاتب : فجر الأمل [عزيزي الزائر يتوجب عليك التسجيل لمشاهدة الرابط للتسجيل اضغط هنا]


	ههههههههههههههههههههههههههه هههههههههههههههههههههههههه الله يرجك هل هل يبو شاما زرقا اقسم بالله مواصفات معوق هع ومتشمت في مزنه وموضي هع ودخلت على صعفق وبدأت القلوب بدقاتها << تقول سامري خخخخخخخخخخخخخخخخخخخخخخخخخخخخخخ عليك تعبير يموت من الضحك بس موضوع مصررررررررقع و مهبول فااااااااااالك النهائي والفوز يارب ...

بسم الله علي من الرجه ان شااء الله عدوييني ههههههههههههههه

انعن ام الغيره بس

الله يسلمك

مشكووره ع مرورك

تحيتي

الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور

05-01-2008, 12:50 AM	#10
عـبدالعزيز المراقب العام