| الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور | |
|
|
|
|
|||||||
| الانتساب | تعليمات س - ج | قائمة الأعضاء | المفكرة | إشارة الأقسام مقروءة |
إعلانات منتديات منطقة الرياض
|
|||||||||||||||
|
|||||||||||||||
 |
|
|
LinkBack | أدوات الموضوع |
|
#1
|
||||
|
||||
|
//.. مذكـرات مخلبية .. الجـزء السـادس ..//
شخباركم عساكم بخير ؟؟  بهذا الجزء المخلبي .. سوف أتحدث عن لحظات عصيبة ومضحكة بنفس الوقت  على شان كذا لحد يشره علي اذا الجزء هذا طلع ثقيل دم شوي لاني بكتب لكم تجارب فعلا كانت صعبة علي بس بنفس الوقت لاتذكرتها ضحكت على نفسي وفي هذا الجزء أعرض لكم زاوية جديدة تسمى بـ // لحظـات غباء // .. أستعرض فيها بعض اللحظات الغبيه  أتمنى ان تنال على رضاكم  << شعنده// .. نيفو الإرهــابي .. // <<ماتجي نيفو وارهابي ولا؟ بثاني متوسط على ماعتقد .. أيام أحداث 11 سبتمر بالتحديد . مرة كنا بحصة الرسم .. لحظة فيه نقطة ابي اوضحها2 - فـاصل اعلاني - طبعا المعروف عني .. اني ادمي خطي خرابيش دجاج :D .. يمكن هالشي يحطمني بس مرات احس له فايدة .. يعني مثلا لما اكتب بالإختبار كلام كثير ويجي المدرس يصحح يناظر الخط تحوم كبده ويحط صح بدون مايكمل تصحيح .. مرة كانت عندنا حصة رياضيات .. وكان المدرس يكتب بسرعة ونكتب وراه .. مسح السبورة .. الطلاب قالو لااااااا يا استاذ شدعوة ماكتبنا  .. قال من كتب فيكم يرفع يده .. محد رفع يده الا انا .. ناظرني بنص عين وقال : يعني مافي احد كتب .. الله يعين .. ورجع كتب الكلام مرة ثانية <<< احساس صعب حطمني اللعين - عـدنا - بحصة الرسم .. طلب منا المدرس نرسم أي شي يخطر ببالنا .. منظر أعجبنا أو موقف نرسمه . فكرت وش اكتب فكرت فكرت فكرت جت ببالي فكرة ورسمتها .. ورحت مستااااااااانس للمدرس :هي: اقول ببالي " يارب يمدحني ولو مرة بس " << ماقد قاله رسمك زين ملاحظة : هالمدرس أستممتع لما استهبل عليه .. انا خلقه رسمي زفت واذا قال ارسمو ارسم بسرعة واروح عنده اقوله شف الابداع شلون يناظرني كذا  << لعين من يومي صغير ياحبيلي المهم نرجع لمحور حديثنا بعد مارحت وعطيت المدرس الرسمه ناظر المدرس الرسمة ... لقاني راسم برجين وداخله فيهم طيارة <<< ماجبت العيد أبد قال: مجنون انت !! يارب وش هالبزر اللي ابتلشت فيه !!! من اللي علمك على هالاشياء << لما قالي كذا حسيت اني راسم اصبع حشيش مب برجين حولني للمدير .. قاله يا استاذ شف هالولد وش مسوي .. قال غريبة نواف اخبرك هادي ومؤدب .. ناظرت المدير وقلت : ومازلت كذلك يا أستاذ .. المدرس شافني بارد واستلكع طرطع قال المدرس : يا استاذ يا انا يانواف .. عطى المدرس المدير الرسمة .. ناظرها وفقع ضحك قال : الله يقطع ابليسك قلت : ماذا فعلت يا أستاذ << ومازال الاستلكاع مستمرا قال المدير : الله يهديك ياولدي تبي تسكر مدرستنا انت خل عنك هالخرابيط .. قلتله ان شااااااء ماطلبت شي << المدرس جالس يسمع الحوار وشكله كذا من بعدها .. المدرس قالي لاترسم شي بتاخذ فل مارك بس فكناا من شرك  انتهتـ // .. مأسـاة حفل التخرج .. // الجميع يعلم ويعرف أن حفل التخرج من المرحلة الثانوية يعتبر من أحلى اللحظات التي يمر بها الشخص في حياته الدراسية . أما الشخص المدعو نواف .. كان له رأي اخر في ذلك قبل حفل التخرج بثلاث أيام .. اختارت ادارة النشاط الطلابي فصل ثالث سابع لاداء بعض العروض المسرحية بحفل التخرج لطلاب ثالث ثانوي .. ويرجع هذا الإختيار لدجة الفصل وتنسيمه ولله الحمد والمنة والفضل المهم << زهق من العربي الفصحى جانا مسؤول المسرح رش رش << رش رش ماغيره مدرس الفيزياء :D واختار كم واحد فينا وكنت انا منهم .. بدينا من قبل الحفل نسوي بروفات لبعض المشاهد .. وطبعا لايخلو التدريب من بعض الإستهبال على رش رش المهم .. تدرربنا وجا يوم الحفل .. جهزت ثوب جديد توي مفصله << عرس مب حفل تخرج وقمت داومت الصباح بالمدرسة وتدرربنا بالفسحة شوي على كم مشهد .. ولما خلص الدوام طلعت اتصل على ابوي قالي رح خذ اخوك من المدرسة .. قلت ابشر رحت مدرسة اخوي .. لما وصلت عند بوابة المدرسة بدت زحمة البزران وقلق الابتدائيه .. وناس تركض وحالة وفجـأه !!! طلع لي بزر من ورى باص يركض .. ماقدرت اوقف السيارة ونتفت البزر !! نزلت ادور البزر تحت الكفر .. نزلت ارجف وحالتي حالة .. قام البزر ومن الخووف جلس يبكي .. قلت عسى ماجاك شي مارد علي وجلس يبكي .. جيت بسأله وين ابوك تارك كذا!! ولا نقز بخشمي مصري قال : اييي ياعم انتا مابتشوفش قلت : الحين انت وش تبي !! قال : انا سواق الواد قلت : يعني انت المسؤول عنه ؟ قال : ايوه تبعا <<< غلطة حياته انه قال هالجمله مسكته من رقبته ولصقته بباب السيارة .. قلت : ياثور الحين بزر بها العمر مخليه يركض بالشارع مثل الفار ليه !! وش هالإهمال !! كنت معصب ووجهي احمر وارجف من اللي صار وحالتي حالة لين ماجا وكيل المدرسة .. اخذني لغرفته وقالي حصل خير وتطمن على الولد طلع مافيه شي وهزأ السواق شوي . اخذت اخوي ورحنا البيت رجعت وجهي أسود من الصدمة للحين مني مستوعب اني كنت صادم بزر !! صح ماصارله شي بس الموقف صعب شوي دخلت لقيت ابوي بالصالة .. شاف وجهي متغير .. قال وش مسووي بعد صادم !!! << ذيك الفترة كنت توني مستلم السيارة وكنت صدمة صدمتين كل اسبوع المهم قال ابوي : صادم قلت : ايه صادم قال : وش السيارة االلي صدمتها ياحظي قلت : لا ياحظي ماصدمت سيارة صدمت ادمي <<< خبرة 21 سنة برفع ضغط ابوي ابوي وجهه صار اسود من وجهي وتجمد بمكانه وقال : وش وش ووشووووووو !! صاااادم ادمي !! قلت : لاتخاف ماجاه شي الحمد لله ابوي تنفس الصعداء وارتاح وناظرني وقال : رح الله يلعنك ياشيخ انا ان جاني شي بيوم من الايام انت السبب !! قلت : لا ان شاء الله يابعدهم مافيك الا العافيه ناظرني كذا << ماينلامتركته ومشيت وانا بنفسي فيني الضحكة1 << استمتع لما ارفع ضغط ابوي طلعت رحت اريح لي ساعة قبل لا اروح قاعة المدرسة اللي بنسوي فيها حفل التخرج .. قمت من النوم اخذت ثوبي االلي راح احضر فيه حفل التخرج ولبست ثوب ثاني حق تدريب المسرح ورحت المسرح . تدربنا على المشاهد لاخر مرة .. لين مابدأو طلاب الحفل يجون رحنا ورى المسرح على شان كلن يبدل ملابسه ويستعد للحفل اللحظة الحاسمة رحت لقيت ثوبي مسروق ض2 << ياناس فيه ثوب ينسرق دورت يمين يسار مالقيت . اللحظة الاحسم من االلي قبلها اكتشفت اني نسيت عقالي << فهاوة + قرادة = ارمي نفسك من اقرب عمارة اريح لك قفلت معي ووصاااااااارت اخلاقي سياحية .. رحت لمسؤول المسرحية رشوان وقلتله : مش عاوز امسل .. شوف لك حد غيري << وشعنده احمد حلمي ض2 ابركها ساعة جلست طول فترة عرض المسرحية اشووف المسرحية من ورى المسرح << انرحم مو ؟ لين جا وقت العشا .. قلت والله لو ماعلي الا شورت سباحة لا أتعشى << الجوع كافر وبعد العشا ركبت سيارتي ورحت البيت حالتي حالة وكاره نفسي . بعد ثلاث أيام من هاليوم التاريخي ..رحت لاخوي اجيبه من المدرسة .. لقيت البزر اللي صدمته يطالعني من سيارتهم ويقولي هيييي هييي << يأشر لي بيده مستانس  ناظرته وقلت بنفسي : تف على ذا الوجه الطريف بالموضوع اني لما صدمت هالبزر العجيب ... نور السيارة دخل على جوا بس راسه ماجاها شي << حشا مب راس ادمي وكل ماجي اركب السيارة واشوف اثر الصدمة .. اضحك على الموقف واليوم التاريخي المليء بالقرادة ... مع انه كان موقف مأساوي .. شر البلية مايـُضحك انتهـتـ // .. لحـظات غبـاء .. // * من الغباء انك تدق على تلفون البيت ويردون عليك وتسألهم ..أنتم بالبيت ؟؟ <<< دااااايم تصير بمجتمعنا وبالتحديد عند شيابنا الله يحفظهم // * من الغباء انك لاجيت تبي تركز وتشم شي معين تفصخ نظارتك <<< وش تحس فيه يافلان يوم سويتها * مرة كنت أصلي العشا ..المهم لما سجدنا .. اللي يصلي جنبي جالس يدعي .. سمعته يقول " ياااااااااااااارب ..داخلن على الله ثم عليك انك توفقني " بغيت اقوم واساله كم رب عندك انت :D ذكرني بالمصارية بأفلامهم لاجا احد منهم يدعي " يارب والنبي يارب " <<< استحو على وجيهكم انتهتـ وصلى الله على نبينا محمد / /
|
09-01-2008, 01:45 PM
|
#2 | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
مشرف المجالص الترفيهيه
   |
رد : //.. مذكـرات مخلبية .. الجـزء السـادس ..//
ياهلا والله وصهلالا منور القصم بعد العووده
منييح يامال المنييح شخبارك انت
تفضل يابعدهم كلنا اذان صاغيه 
غرررد ياقميييل
معليك ان شاء الله بتنال على رضاؤنا < مع تحيات دجاج الوطنيه
حلو الكلام ارهابي مدلع عمرره
هههههههههههههههههههههههه ههههههههههههههههههههههههه هذي موهبه صعبه تلقاها عند غيررك الف مبروك النجاح مؤخرااا
حييييهم يارب حييهم
ايوووه
ههههههههههههههههههههه قرونك نابته من يومك وروور 
هههههههههههههههههههههههه ههههههههههههههههههههههههههههه زين مارصمت ابره وكتبت عليها مفيده للجصم حولني للمدير .. قاله يا استاذ شف هالولد وش مسوي .. قال غريبة نواف اخبرك هادي ومؤدب .. ناظرت المدير وقلت : ومازلت كذلك يا أستاذ .. المدرس شافني بارد واستلكع طرطع قال المدرس : يا استاذ يا انا يانواف .. عطى المدرس المدير الرسمة .. ناظرها وفقع ضحك قال : الله يقطع ابليسك قلت : ماذا فعلت يا أستاذ << ومازال الاستلكاع مستمرا قال المدير : الله يهديك ياولدي تبي تسكر مدرستنا انت خل عنك هالخرابيط .. قلتله ان شااااااء ماطلبت شي << المدرس جالس يسمع الحوار وشكله كذا من بعدها .. المدرس قالي لاترسم شي بتاخذ فل مارك بس فكناا من شرك ههههههههههههههههههههههه ههههههههههههههههههههههههههه اقلعت بالمدرص .. اهم شي انك مارصمت بن لادن
ماهو ياترىى
ابد ابد ترانا عرفنا رش رش ذاك الي له خشم وعيوون مثلنا
ايوووه
ايووه وهنا كلاها نوااااف
ههههههههههههههه اهنيك على اللهجه المصريه ايوووه
اهاااا
ههههههههههههههههههههههه هههههههههههههههههههههههههه ايووووه
شكلك شارب لبن على الريق مخك ثقيييل
الله يقطعه طارق العلي ههههههههههههههههههههههه ايوووه
هذا الي ياكل فول بالصدندوويش
|
