ذكريات من الثانوية( الجزء الثاني )

هلا والله وغلا

كيف حالكم ؟ طيبين؟ وشلون الاهل<<<اقول اخلص علينا بس

مرحبا بكم جميعا في الجزء الثاني من ذكريات الثانوية

في الجزء هذا نطرح -الزبنات-يعني الهروب من المدرسه او الحصص الممله مثل الكيمياء والفيزياء ...الخ

الصراحه الحصص في قمت الملل والبلادة وتصلب الشرايين والاوعيه الدمويه<<<قلبها درس احياء
ــــــــــــــــــــــ
أ-الهروب من المدرسة

اخطط من الليل مع اخويياي ونروح لللدوام بشكل طبيعي نجتمع في مكان قبل ما ندخل المدرسه

يعني اهلنا يحسبوننا طالعيين للمدرسه وحنا والله موب حولها

نركب سيارة واحد مننا وندور الي نهايه الدوام

الموقف الاليم الي حصل لي

كنا زابنيين كا عادة يوم الاربعاء في الساعة 11 ونص يعني باقي ساعتين على نهاية الدوام

دق جوالي ولا مكتوب هيئه الامم المتحده<<<يعني الوالدة بس وشرايكم بالاسم خخخخخخخخخ

انا احتست وش اسوي قلت خلني ارد

انا:هلا يمه . امي:هلا وينك فيه . انا: بالمدرسه<<لي وجه بعد اقول بالمدرسه

قالت لي امي ارجع البيت ارجع تو المدرسه متصله وقلو انك غايب

قلت طيب طيب .

رجعت البيت على نهايت الدوام وجبت اختي<<ناشبه لي طول حياتي

رحت رقدت كأن ما في شي

شوي دخل ابوي واخذ بوكي وجوالي ومفاتيحي وطلع

انا قمت وراه كني جرو صغير يلاحق عضمته عو عو

المهم ابو الحمد لله كلمني بهدوء <<اشوي ان الجدار تكسر من صوته

طبعا سحب السيارة والجوال .
ــــــــــــــــــــــــــــــــــــــــــــــــــ ــ
ب- الهروب من الحصص

كنا اذا جا وقت الحصص الشينه او فيها مدرسين فاهمين الدنيا غلط

نطلع من الفصل قبل ما يجي ونقعد ندور بالاسياب و ننزل الساحه

في يوم من الايام زبنا من حصت الرياضيات وكان الوكيل حق المدرسه<<مصري

يدور في الاسياب حنا توهقنا لو ننزل للرياضيات بيحجر لنا الاستاذ ويخصم درجات

قلنا ما في غير الحمامات دخلنا الحمامات وقعدنا فيها شوي قالي خويي نطلع شكله ما في احد

المشكله هو بحمام ونا بحمام

المهم طلعنا ولا الوكيل واقف وماسك عصى طولها يمكن 3 كيلو وهو متسدح من الضحك

قال: ايه مفيش حد بالسيب.

ويقعد يمصط فينا تمصيط الى ان عضينا الارض

انا بدوري لازم اسوي شي مفيد

قمت صطرت خويي كف بن يهود كف على مستوى

الوكيل يناظر خويي الي يدي علمت في خده اما انا ما شافو غير غباري

ومن ذاك اليوم حرمت اسمع كلام اخويي

معليش على الاطاله

نرجو ان نكون متعنا كم في هذا الجزء

اخوكم M&R

مشكور جميعا على المرور

الصراحه انا متخرج صار لي سنه من جامعه سكول اوف مايند في ولاية كلو رادو

و عايش حياتي مثل اي عاطل خخخخخخخخخخخخ