| الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور | |
|
|
|
|
|||||||
| الانتساب | تعليمات س - ج | قائمة الأعضاء | المفكرة | إشارة الأقسام مقروءة |
إعلانات منتديات منطقة الرياض
|
|||||||||||||||
|
|||||||||||||||
 |
|
|
LinkBack | أدوات الموضوع |
|
#1
|
||||
|
||||
|
جربع مع الجربعه وعوده مع ماجاء في باب الإيميل المنتشر
الجربعه نسبة الى طرد الجرابيع يقال يجربع اي يقوم بطرد الجرابيع  والجربعه فن لا يجيده الا من تتوفر به بعض الصفات  وذلك مثل :اولاً : مهارة القفز من صندوق الونيت والونيت يمشي . ثانياً : طول السيقان والرشاقه والسرعة  ( يعني الدب مثل اللي في بالي يلزم ارضه ابركله ) ثالثاً : الرساوة ،، اي انه من حيث مايفرفر الجربوع يكون معه ،، يعني مايقلب مع اللفه ( مواصفات المانية ). ومن اهم الشروط في الجربعة ، مايلي: اولا ً : ان يكون السواق متمرس على الطردي  وان يكون نظرة قوي بحيث ان الجربوع مايفلت منه للبته طبعاً نفس الوضع لمساعد السواق لازم يكون مفتح عيونه.  ثانياً : ان يجيد المجربع مسك طرف الثوب بفمه  لانه لو فك الثوب من فمه وهو مسرع ياعزتي له بيتكرفس ويطير الجربوع من يده أو انك تربط ثوبك زين على وسطك بس اهم شي لا تجربع وانت مجنتل ثالثاً : ان يكون المجربع غشيم يعني حط الجربوع نصب اعينك ولا يمنعك اي شي عنه حتى لو توطيت خويك فهذه مصادمات عادية يعتبرها المجربعون ضريبة الجربعه رابعاً : ان يكون هناك تنافس بين المجربعين يعني الطيب من يطرح اكبر عدد من الجرابيع خامساً : إذا أصبح المجربع في نزال خاص مع الجربوع اي سنّد الجربوع وسنّد معه المجربع على الباقين ان يتحلوا بالروح الرياضية ويتركوا زميلهم واذا غلبه الجربوع يعاقب المجربع وذلك بأن يحرم نوبتين ما يطرد. والطريقه المثلى لمسك الجربوع من اقصر الطرق وهي كالتالي : المرحلة الاولى : هذه المرحله تعتمد على السواق يعني اذا شاف الجربوع يلحقه لين يحطه على نور السيارة ثم يولع ويطفي يولع ويطفي  طبعاً بعدها الجربوع بيوقف فجأة لانه انعمى وماعاد يشوف .  المرحلة الثانية : اللي عليهم النوبه يفزون ويطمرون من الصندوق طبعاً كل واحد معه جريد نخل واحد يجي على النور من يمين والثاني من يسار المرحلة الثالثة : عندما يحس الجربوع أن هناك من يحاول الاقتراب منه سيطلق ساقيه للريح ويولي بالفرار وعندها تبدا المهمة الصعبة  وعلى السواق في هذه المرحله الإنتباه للمجربعين لانه وقتها يمكن مايشوف الجربوع ويعتمد على تحركاتهم ( الله يستر لا يجربعهم  ).نقطة اخيرة : رحلة الجربعة لازم يكون فيها من يسمونه ( فاكهة الطلعة ) وهو إما ان يكون دب واما ان يكون ما يعرف وشهو الجربوع ؟؟  اتمنى ان يكون الدرس مفيد للجميع وتقبلوا تحياتي 
|
05-11-2004, 05:57 AM
|
#2 | |
|
فــارس المجـالس
  |
رد : جربع مع الجربعه وعوده مع ماجاء في باب الإيميل المنتشر
يالله خل نروح نجررررررررررربع
|
|
|
|
05-11-2004, 06:00 AM
|
#3 | |
|
فـقـيـر الـحـــظ
شاعر المجالس   |
رد : جربع مع الجربعه وعوده مع ماجاء في باب الإيميل المنتشر
^ ^ هات يدك ولا يردنا إلا شبك العراق |
|
|
|
|
05-11-2004, 06:08 AM
|
#4 | |
|
عضو مؤسس
 |
رد : جربع مع الجربعه وعوده مع ماجاء في باب الإيميل المنتشر
أبوتس يا الجربعه اللي على أصولها تعرف شوقتني أروح أجربع .... والظاهر بسويها قريب عموما كل المواصفات تنطبق علي <<<<من أبرز العداءات وقريبا إن شاء الله أفاجئكم بمغامرت الجربعه ...  رحلة الجربعة لازم يكون فيها من يسمونه ( فاكهة الطلعة ) وهو إما ان يكون دب واما ان يكون ما يعرف وشهو الجربوع ؟؟ 8 8 8 8 بخصوص الفاكهه .. في واحد تجتمع فيه الصفتين اللي ذكرتها ...أمممممم  ما غيره الدب موهاقر .... يعطيك العافيه على النصايح للجربعه ... تحياتي لك .
|
|
|
|
|
05-11-2004, 06:11 AM
|
#5 | ||||||||||||||||||||
|
فـقـيـر الـحـــظ
شاعر المجالس |
رد : جربع مع الجربعه وعوده مع ماجاء في باب الإيميل المنتشر
^ ^ ^ كني اشوفتس حاطتن شماغي على طرف كتفتس الحين إنتي إذا جربعتي يلحقونتس ولا تلحقينهم خخخخخخخخخخخخخخخخخخخخخ |
||||||||||||||||||||
|
|
|
05-11-2004, 06:16 AM
|
#6 | |
|
عضو مؤسس
|
رد : جربع مع الجربعه وعوده مع ماجاء في باب الإيميل المنتشر
7 7 7 7 7 7 لا ألحقهم ولا يلحقوني ..  أجلس أتمقل فيك وإنت مسوي فيها تلحقهم وهم وراك ما دريت عنهم
|
|
|
|
|
05-11-2004, 06:19 AM
|
#7 | |
|
فـقـيـر الـحـــظ
شاعر المجالس |
رد : جربع مع الجربعه وعوده مع ماجاء في باب الإيميل المنتشر
^ ^ ^ على الأقل هم وراي ماهو مثل بعض الناس سيقانها متشطبه وهم لهم ساعه يطبخون الجرابيع وهي تركض وشوشتها طايره ماتدري وش السالفه لا ومن زين الحلايا حاطتن شعرها كعكه خخخخخخخخخخخخخخخ |
|
|
|
|
06-11-2004, 12:41 AM
|
#8 | |
|
مراقب مجلس الكمبيوتر والإنترنت
|
رد : جربع مع الجربعه وعوده مع ماجاء في باب الإيميل المنتشر
من الشبك لقوانتنامو تصيد تماسيح اهناك يعيك ربي الجرابيع قصدي العافية تقبل تحياتي
|
|
|
|
|
06-11-2004, 03:33 AM
|
#9 | |
|
عضو فعال
 |
رد : جربع مع الجربعه وعوده مع ماجاء في باب الإيميل المنتشر
ذكرتنا باللي مضى نطلع مع خالي ونبدا بالمطامر والركض ورا ملعون الوالدين وما من امل حتى نتكرفس كلنا على بعض والباقي يضحكون علينا ونتوب ابدن ما نتوب نركض وراه مرتن يمين ومرتن يسار ليمن وحدتن منا توصل عنده وقلنا خلاص مسكنا الجربووووووووع وبدينا كلنا بانواع التعليمات خلاص وصلت وقربت ورفعت الشماغ واخرتها تعطيه تحيه سلام ههههههههههههههههههه هذا وقته يحن فيها عرج الانوثة وتكش منه وتسلم
|
|
|
|
|
06-11-2004, 11:46 AM
|
#10 | |
|
سلطان الرياض
|
رد : جربع مع الجربعه وعوده مع ماجاء في باب الإيميل المنتشر
^ ^ اقول يا حللاه .. من يجربعكم واحد واحد
|
|
|
|
|
| زوار هذا الموضوع الآن : 1 (0 عضو و 1 ضيف) | |
| أدوات الموضوع | |
|
|
|
Powered by: vBulletin® Version 3.6.10 Copyright ©2000-2008, Jelsoft Enterprises Ltd.
SEO by vBSEO 3.1.0 Translated By vBulletin®Club©2002-2008 |
