اريد حــــــــــــــــلا

السلاااااااااااااااااام عليكم ورحمة الله وبركاته

سلامي على اهل الرياض سلامن تستثيييييييييييييييييييير وعيدكم مبارك مقدما << مستعجلة على رزقها هالبنت

أنا من يوم دخل رمضان وبخاطري أروح أصلي التراويح ,, وكل من قلت له صرفن

بص يوم الخميس هذا اللي ذلف .. قراري كان صارم (( ودوني للصلاة والا بنتحر ))

وتبعن مايبونن أمووت .. فوداني خالي أنا وخالتي مزون

.. وطول الطريق وهو

(( تراي بس بصلي الفرض وبروح .. ماعلي منكم تدبرون أرواحكم ))

أنا ايه انت ودنا بس وأدق أنا على اخوي )

وجدعنا بالمسجد .. وصلينا وتروحنا .. وحشينا << استخخخخخفر الله حتى بالمسجد


الزبدتو .. يوم خلصنا دقيت على فضيلة الأخ

أنا : ألو .. وينك أنت ؟؟
خيو: وشدخل جدتس ؟؟ باللي أنا فيه
أنا: بلاملاغة تعال خذنا بالمسجد حنا خالي حطنا وراح
خيو: أي مسجد بعييييييييد أنا فاضي لكم
خيو: بعدين ماأدل أنا!!!<< يااااااخذ أممم الورطااات
أنا: ياخي دبر عمرك الناس راحوا دق على خالي اسأله عن الوصف
خيو: خلاص يالله
طووووووط طووووووط طوووووووووط

كالتي مزون : ها وش يقول
أنا: يقول انه مايدل لاااا وبعيد
بس قلت له يدق على خالي وان شاءالله يجي
... زين امشي قومي نطلع الناس طلعوا
,
كان باقي مرة وحدة مع بنته ..
,
كالتي : ويين نطلع الحارة ذي توححش ودتس تخطفين << أمححححق ياحليمة بولند
اصبري ان طلعت المرة ذي طلعنا ..
أنا:
طن .. طن .. طن .. طن .. طن <<< دقات الساعة

ويتفاقم الخطب وتنهض المرأة ..
قمزت خالتي وسألته : ياخالة يقفلون المسجد ؟
المرة : لا .. وراكم ؟
خالتي: لا بس حنا اللي بيجي ياخذنا بعيد .. ويبي له وقت شوي
المرة: ولا يهمتس يابنيتي أنا بيتي هنا أقعد معكم ليييين يجي
عاد تدخلت أنا: الله يسلمتس ياخالة ماتقصرين .. مانبي نعطلتس كان وراتس شي روحي
المرة: لاوش دعوى أنتم بحارتنا ضيوف عندي .. ماأروح الا انتم رايحين والا تسان تبون تقلطون عندنا الله يحييكم
خالتي: الله يجزاتس خير الحين يجي ان شاء الله

شوي .. ويضضرب البوري

قمزت أنا أحسبه جا .. طلعنا ,, أثره رجل المرة << وافشلتااااه

رجله معه عياله الثلاثة راكبين يحترونه

خالتي: روحي ياخالة الحين يجي ...
المرة: لااا .. وتلتفت لرجله وعياله :
روحوا أنا هذولي ضيوفي مانب رايحة الا اذا راحوا والا يجن معي << وش نجي معتس والله ان ينعنون خيرنا أهلي
واحد من عياله : أجل نحتريتس

وينزلون ياقفون عند سيارتهم << وخذ ياتفاعل معنا
الأول : هو سيارته كامري ؟

التفت انا لخالتي احتريه تجاوب ..
خالتي: لمتس انتي موب لمي ....
أنا: أنا؟؟؟ التفت لمه (بكل استحياء) لا <<<< داااااخ الولد
هو من جديد : هو اخوتس الصغير ؟؟
أنا: لا .. << بيبطي ذا ؟
هو: قرب للرصيف عند امه .. ويلتفت لمنا :
هو يوم جابكم ليه ماصلى هنا عشان يحتريكم ؟ << انععن ابو القطاات ياشيخ ..
أنا: شكله راعي همق ذا استلميه ياخاله تكفين
خالتي: اخصريه

شوي .. وأدق أنا على اخوي اللي لاطعنا ..
أنا: ياشيخ ويينك .. مخلينا بالشارع عند الرجال << نقطة ضعف الشباب السعودي
خيو: طيب علمين وش أقرب شي عندكم
أنا: دوك المرة توصف لك ..
ومديت الجوال للمرة ... هي أخذته وووووووووعطته ولده عشان يوصف

أنا: << منصدمــة .. عووووووووووع يكلم بجوالي
خالتي: أششش لا ألزقتس بكف والا صار يعني
أنا: قوووووووووق يحطه عند اذنه .. وشلون بكلم به أنا بعده
خالتي: اسسسسكتي غيري الوجه بالبيت خلاص
أنا: انلطست على مضض << احم احم

أما ابو الشباب ذاك .. فبتل يوصف الله يسلمه !!

عز الله ضربت الفاتورة ..

ويخلص عاد .. أنا أشوفه ضغط الحمرا .. وقعد يناظر الشاشة شوي

خالتي: بنوطا .. وش أنتي حاطه خلفيه ؟؟
أنا: مدري .. الله يسسسسسستر عسى مب صورتي << أشهد ان الولد غاااااص

وأخيرن هو وخشته مده .. أخذته سيدا بشوف الخلفية



أششششوى الحمدلله .. صورة هذيك البنيه .. بس وش يناظر به ؟؟

وه ياقلبي .. << كاد أن يقع

ورجع من جديد هذاك ولده اللي هقنا بالأسئلة والتفت لمنا :
هو وش معه سيارة ؟؟
أنا: خالة وشي معرف اسمه .. بعدين هارجيه موب بس ملصقتن أنا به
خاله: معرف اهارج رجال .. اسفهيه انتي
هو نوبتن ثانية:
أنتم أول مرة تجون ؟<< أنا ماأشوووته أنا ..
بيتكم بأي حي ؟؟ << خطر انششب النعلة بوجهه ... افففففففف

وأخخخخخخخخخخخخخيرا


جا .. معاليه والحمدلله غمة وطسسسسسست

وأول ماركبنا .. خالتي صااااااحت

أما أنا تبططططططحت من الضحكككك على ذاك

بس والله الله يفرج عنهم

لولا الله ثمين هم .. كان زمانا مخطووووفين دحححين

اي والله شوي وأدور عليهم أحب روسهم

فــ : أنا الحين اريــــــــــــــــــد حلاااااااااااااااااا عشان ما انلطع مرتن ثانية

واخيرا وليس اخرا اشهدكم بالله انه الموضوع فيه من الصدق القليل واغلبه بنات عم خالات خيالي