شـهـر الـعـســل .. !! (خــاص بالـمـسـابـقـة) ..

ابو شلاخ · #1

بعد معركه دموويه ودصائص ودنفصه بين صعيدان وخرفاش ( اخو حصه )
تمكن صعيدان بنفوذه الداخليه والخارجيه الزواج من حصيصه
وذلك بعد القبض على شقيقها خرفاش من عمدة الحي
بتهمة تزوير حبوب الكيرم ورشوة حكام لعبة المصاقيل
اقيم العرص الرجال في خيمه جنب البيت والحريم في صطح جيرانهم بحضور فنان الغفله عليان ابو شامه ..

ـــــــــــــــــــــــــ

المفروض ان العرس احياه عليان ابو شامه بس مسكه سعيدان وابوه ودبغوه لين اخفوا شامته

.. وجابوا طقاقه ارخص منه ..

اقتربت ساعات الفرح وهاهو سعيدان الافدغ في البيت يتجهز ويتكشخ

(( لابس بشت صوف و عقال مخمل و شماغ ملكي طبعه سوداء و طاقيه زري و كبك عليه رسمة سيفين ونخله و شراب عايلة و نعال زبيريات برتقاليه ومتعطر بـ كلونيا سارقها من قصر افراح ))

<<< يسمع بالكشخه

ابو سعيدان : يالله تأخرنا على الرجاجيل

سعيدان : ياويلي ويلااااااه آه يابطني

ابوه : وش فيك .. طس هناك لا تخيسنا

سعيدان : لا لا خلاص يبه مابي اعرس

ابوه : اقول تعال <<< ساحبه من قفاه ومطلعه برى البيت

سعيدان وابوه دخلوا على الرجاجيل
ارحبوا هلا ومرحبا الطيب ياولد القهوه الشاهي الـ... صجه ولجه واخرتها انكب الشاهي على ثوب سعيدان

وبينما سعيدان وابوه والحضور يسولفون وماخلوا احد الا حشوا فيه

الا ويقطع متعة حشهم صوت الطقاقه اللي كنه صوت ددتسن منشقه كنداسته

قاعده تغرد فوق السطوح

طمبق طمبق طمبق كل آل بو سعيدان كلهم
طمبق طمبق طمبق لا فرق الله شملهم
طمبق طمبق طمبق يازين سعيدان بينهم

سعيدان ضاع وجهه نادى واحد من البزران ودفه بخمسه ريال وواعده يعطيه بسكوت سفاري وقاله رح اقطع اسلاك السماعات

بعد العشى
ابو خرفاش : سعيدان قم

سعيدان : يبلع ريقه وين

ابو خرفاش : امش ادخلك على حرمتك وتطس انت وياها

سعيدان : الله يسلمك مايجي لي خلها على فرصه

ابو خرفاش :عطاه نظرة مثل اللي يقول قم لا اثور فيك

سعيدان : ابشر طال عمرك

ابو خرفاش دخل سعيدان على حصيصه وقاله خذ حرمتك وطس لبيتكم

اخذ سعيدان حصيصه وراحوا لبيتهم بعد ثلاث ايام ..

سمع سعيدان ان خرفاش طلع من السجن وقال ياولد مالي الا اهج وافتك من هالغثيث اللي بينكد علي ..

سعيدان : حصيصه وش رايتس نسافر باريس ونقضي فيها شهر العسل <<< تهور الولد

حصيصه : اي والله ياعمري بس وش الابعد هي والا الخرج

سعيدان : الظاهر انها ابعد من الخرج بشوي <<< موب متأكد

حصيصه : طيب فيها بحر زي الدمام

سعيدان : ايه فيها بحر ازين من بحر الدمام .. بس انتي ضفي قشتس وتجهزي بنسافر بكره

سعيدان : هاه جهزتي الاغراض

حصيصه : ايه شفها في هالكراتين المسكره اللي عليها شطرطون اخضر

سعيدان : ياثقلها ثقلاه انتي وش حاطه فيها

حصيصه : ابد بس ملابسنا وبطاطينا والعزبه وشوي حطب

<<< رايحين كشته موب شهر عسل

سعيدان وحصيصه في المطار حطوا عفشهم واتجهوا للطياره ركبوا الطياره واقلعوا

يطالع سعيدان بالطياره والمقاعد والناس

شد انتباهه واحد جالس على يساره لابس نظاره شمسية
يطالع فيه ويقول الخشم هذا موب غريب علي ويتمقل فيه زين قال في نفسه خلني اسلم عليه يمكن اني اعرفه

سعيدان : مسيك بالخير يابو

....... : هلا مسيك بالنور

سعيدان يقول في نفسه الصوت ذا اعرفه وريحة هالفم اللي تصرع لها ثور شامها

سعيدان : كيف الحال يابو

....... : نزل النظاره وطالع فيه

سعيدان : انخرش وجاته ام الركب

هلا ابو الخرافيش <<< قالك بيدلعه .. وش لونك ابو نسب

خرفاش : تسافر ولا تعلمني .. تبي تنحاش والا وشو

سعيدان : لايارجال بس علشانك طالع من السجن مابغيت ازعجك ابيك ترتاح <<< عاش مصرف

سعيدان يقول في نفسه وش درى هالعله

حصيصه : وش رايك في المفاجأه .. علمت اخوي خرفاش علشان يوسع صدره معنا

سعيدان : طلع بوجهه الوان الطيف .. ياحلوها من مفاجأه
يقول في نفسه جعل الطياره تطيح به <<< يالحبيب عسى مانت في الطياره اللي جنبه وانا مدري

بعد الوصول اتجهوا الى الفندق اللي حاجزين فيه ودخلوا غرفهم بعد العشاء قالوا بيرتاحون وينامون
دخل سعيدان وحصيصه غرفتهم

سعيدان : حصيصه حبيبتي

مادرى الا صوت خرفاش حبتك القراده

وينقز سعيدان ويطالع الا خرفاش جالس جنب السرير

<<< ناشب له

سعيدان : خرفاش وش تسوي هنا رح لغرفتك

خرفاش : ابي انام عندكم استوحش لحالي

<<< والله النشبه

يقول في نفسه هين ياسعيدان اذا ماطفشتك انت ووجهك المحفر اللي كنه بيت نمل

سعيدان استسلم للأمر الواقع وخلاه ينام عندهم

من الصباح شالوا عزبتهم وراحوا يتمشون شافوا حديقه وجلسوا فيها

سعيدان : ماشاء الله وش هالربيع

حصيصه : شرايك ادق على ابوي واخليه يجيب الغنم والحلال

سعيدان : الا وش رايتش تخلين ابوتس عند امتس ذي اللي وجهها مبنشر

خرفاش اخذ الحطب وشب النار وحط دلة القهوه وبراد الشاهي

ما امداه يحطها على النار الا (( طاااااا طي طااااا طي طااا طي )) <<< المطافي حقتهم

ويطفون النار وينط خرفاش في وجيههم بغى يتهاوش معهم

<<< في روضة خريم ماشبيتوا النار تبي تشبه في حديقه عامه في باريس

قام سعيدان يبي يتفاهم معهم ويكلمهم ومايعرف الا ( وي ) كل ماقالوا له شي قال (وي)

المهم مسكوا الضعيف سعيدان وصكوه بقسيمه قصدي غرامه ومافكوه لين سددها

راحوا لشارع الشانزليزيه وماخلوا محل مادخلوه ولا شروا الا جزمه وشنطه وخلصت فلوسهم

سعيدان كان مجمع له عشر آلاف ريال نصها راح في الجزمه والشنطه ونصها في الغرامه اللي دفعها

<<< ابو الشباب معه عشرالآف ورايح لباريس يحسب انه رايح للطايف يومين وبيرجع

رجعوا للفندق وقال لحصيصه جمعي قشتس وعفشتس

ماجاء الصبح الا هم في الطياره راجعين

وصلوا وخرفاش ناشب لـ سعيدان من مشكله لمشكله

قعد يفكر سعيدان ويقول انا كيف افتك من ابو ريحه ذا

احط في مخباه زقارة حشيش وابلغ عنه

والا ادعسه بالددتسن

بعد التفكير الطويل اللي كلفه بكت مالبورو احمر جت الفكره في راس سعيدان

وهو انه يكسب خرفاش في صفه

راح سعيدان وشرى له عشرين جوز حمام وحط عشه فوق سطح بيت خرفاش وعلم خرفاش

خرفاش شاف الحمام والا ماشافه ماصدق خبر ماخلا مكان براس سعيدان ماحبه وماسعبل عليه

ومن عقب الحمام وهو سالك صح مع سعيدان ..

ـــــــــــــــــــــ

(( عصرت مخي عصر يالله طلع معي هالموضوع .. اتمنى يعجبكم .. واتمنى ما اكون طولت عليكم ))

على فكره ترى
7
7
7
7

تحياتي لكم ..

* درر * · 28-02-2008, 12:28 AM

هههههههههههههههههههههههههههه

وش ذي الريحه عسى ماعمته ذا الخايس

لو انا بداال سعيدان كان صكيييت حصه بذاك الكف لو اني مو في الطياااره

عشام لا يطيح وجهها

ويقالها توها عرووس

خخخخخخخخخخخخخخخخخخخخ

وبالتوفيدز لك بالمسابقه

درر

رومنصي مشاكص · 28-02-2008, 12:08 PM

هههههههههههههههههههههههه
هههههههههههههههههههههههههههه
ههههههههههههههههههههههههههههههههه
حلوووه الخرج ابعد من باريص بشوووي

لاجديييد يابو شلاخ عودتنا على الصرقعه والهبال

تصللم انامللك على الموضوع الخنفشاري
عموما اخوي شليخينهوو
مشاركتك نشرت بعد انتهاء الفترة المحدد
صيتم مخاطبة الغالي الوافي والغالية كعبوره
بخصوص قبولك في التقييم
اشكرك جزيل الشكر على هبالك
تقبل تحياتي

كــعــبوره · 29-02-2008, 12:19 AM

هههههههههههههههههههههههههه

من جد وش ذا النشبببه والله لو انه عندي كان صفقته

مسويه تحب اخوها حصيصه

..

يعطيك العافيه ابو شلاخ ..

ابو شلاخ · 29-02-2008, 02:37 AM

اقتباس

الكاتب : * درر * [عزيزي الزائر يتوجب عليك التسجيل لمشاهدة الرابط للتسجيل اضغط هنا]


	هههههههههههههههههههههههههههه وش ذي الريحه عسى ماعمته ذا الخايس لو انا بداال سعيدان كان صكيييت حصه بذاك الكف لو اني مو في الطياااره عشام لا يطيح وجهها ويقالها توها عرووس خخخخخخخخخخخخخخخخخخخخ وبالتوفيدز لك بالمسابقه درر

دوووم الضحكه يارب ..

الريحه هذي لو تشمينها بتفقدين الذاكره

الله يوفق الجميع يالغلا ..

مشكوره على المرور ..

ابو شلاخ · 29-02-2008, 02:47 AM

اقتباس

الكاتب : رومنصي مشاكص [عزيزي الزائر يتوجب عليك التسجيل لمشاهدة الرابط للتسجيل اضغط هنا]


	هههههههههههههههههههههههه هههههههههههههههههههههههههههه ههههههههههههههههههههههههههههههههه حلوووه الخرج ابعد من باريص بشوووي لاجديييد يابو شلاخ عودتنا على الصرقعه والهبال تصللم انامللك على الموضوع الخنفشاري عموما اخوي شليخينهوو مشاركتك نشرت بعد انتهاء الفترة المحدد صيتم مخاطبة الغالي الوافي والغالية كعبوره بخصوص قبولك في التقييم اشكرك جزيل الشكر على هبالك تقبل تحياتي

هلا والله وغلا بـالغالي رومنصي

دوووم الضحكه يارب ..

صدقني يالغالي اهم شي عندي ان الموضوع يعجبكم ..

ومسألة دخوله بالتقييم ماتهمني كثر مايهمني انكم تقرونه وتنبسطون ..

الشكر لك يالغالي على المرور ..

ابو شلاخ · 29-02-2008, 02:49 AM

اقتباس

الكاتب : كــعــبوره [عزيزي الزائر يتوجب عليك التسجيل لمشاهدة الرابط للتسجيل اضغط هنا]


	هههههههههههههههههههههههههه من جد وش ذا النشبببه والله لو انه عندي كان صفقته مسويه تحب اخوها حصيصه .. يعطيك العافيه ابو شلاخ ..

هلا وغلا الغالية كعبوره ..

دوووم الضحكه يارب ..

ذا النشبة لو انه عندك كان انصرعتي من ريحة فمه

مشكوره على المرور يالغلا ..

فجر الأمل · 29-02-2008, 03:48 AM

هههههههههههههههههههههههههههههههههه

هههههههههههههههههههههههههههههههههه

ابو شلاخ قسم بالله انك مهستر هذي الشلخات والا بلاش ..

ايوا يعجبني سعيدان الدبلماسي خخخخخخخخخخخخ

موضوع خطير رررررررر

بس علمهم اننا مسكونا تفتيش عند باب المنتدى ما خلونا ندخل لين يقرون مواضيعنا

علشان كذا تأخرنا

فالك الفوز ابو شلاخ ...

ابو شلاخ · 29-02-2008, 04:11 AM

اقتباس

الكاتب : فجر الأمل [عزيزي الزائر يتوجب عليك التسجيل لمشاهدة الرابط للتسجيل اضغط هنا]


	هههههههههههههههههههههههههههههههههه هههههههههههههههههههههههههههههههههه ابو شلاخ قسم بالله انك مهستر هذي الشلخات والا بلاش .. ايوا يعجبني سعيدان الدبلماسي خخخخخخخخخخخخ موضوع خطير رررررررر بس علمهم اننا مسكونا تفتيش عند باب المنتدى ما خلونا ندخل لين يقرون مواضيعنا علشان كذا تأخرنا فالك الفوز ابو شلاخ ...

ياهلا وغلا بـ فجوووووره

دوووم الضحكه يارب ..

ايه تراها صادزه مسكونا تفتيش علشانهم شموا ريحة خياس في المواضيع ..

وآخرتها طلعت ريحة فم خرفااااش ..

مشكوره على المرور يالغلا ..

sweet heart · 29-02-2008, 04:36 PM

وعععععععععع قسم حقدت على خرفاش من ريحته !!

مشكوووووور ** ابو شلاخ ** على الصرقعة الظريفة..

شـهـر الـعـســل .. !! (خــاص بالـمـسـابـقـة) ..

ماهذا الحتسي ... ؟ ( خاص بالمسابقه )

ســـــــــــــــــاره ماتت

»

الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور

زوار هذا الموضوع الآن : 1 (0 عضو و 1 ضيف)

أدوات الموضوع
عرض صفحة الطباعة إرسال هذه الصفحة إلى صديق