الحق . . . ماتلحق

الحق ما تلحق .........؟







طبعا اسم الموضوع مااااااااله دخل بس بشد انتباهكم ....

طبعا عندي شي ودي اقوله ويخصنا يالعيال والعيالات ومهم .وبنفس الوقت مهم واجد واجد

طبعا انا سويت من راسي دراسه على الشباب والشبابات والقيت اكثر من ستين بالميه من

العيال يتتنون (( يدخنون )) واكثر من عشرين بالميه طايحين بالشيشه

وبرضه البنات يتتنن دفي دوووف علشانه خفيف . طيب تتنا . وش استفدنا ولا مسوين فيه يعنني

اصلا لو تعرفون وش معنا كلمه تتن كان ماتتنتو اصلا الكلمه شرق اسيويه ولا يتبين معانيها الا بعد ترجمتها وتاتي كالتالي

ا = ضمير مستتر تقديره التتنه (( الزقاره ))

ل= هذي الجزاء الاخير من الـ التعريف

ت = ترى بحوس صحتكم ترى بحوس ماديتكم

ت= تاكيد ترى بحوس صحتكم وماديتكم

ن= ناوي ادمركم ناوي اطفركم

وقبل ذا كله التتن ماهو زين لا شكل ولا طعما ولا رايحه جرب اجلس بجنب واحد دب وبالصيف ويتتن

قسم بها لحظه تتمنا مالك خشم علشان ماتروح شي (( تشم )) واصلا اذا مالك خشم تحس ان عيونك توجعك من ريحته

وربي تقل ريحه واحد يتتن .

لكن بناخذ السلبيات و الايجابيات (( تحسونني فاهم من هالجمله ))


الايجابيات :
1-لايوجد
2-مافي شي
3-يفتح الله
4-بح
5-جميع ماذكر اعلاه

السلبيات :
1-تسويد البراطم
2-ريحه قشرا
3-تصفير السنون
4-يحوس الدوره الدمويه عندك
5-تشقيق الثوب

وغير وغير وغير

دعونا نفكر ونشارك وناخذ مثال بسيط جدا جدا

تعال انت يالي تقرا تقول انك لك حضورك لك وجودك وشايف بنفيستك انك احسن واحد

بالمنتدى وغيره لو اقولك تصدق انت غبي زعلت وسويت زحمه بشارع فاضي وسويت فيها يعنني

خصوصا اذا قلت هالجمله بمكان عام . ولا اقولك بتهاوشني ونتطاق طبعا معك حق زعلتك وقلت كلمه

مو حلوه بحقك . لكن تخيل انت تمشي بمكان عام وكل ما مريت قروب وقفت وصحت ياعالم ياهوه يانا س انا غبي

مريت القروب الثاني ياعالم ياناس ياهو انا مثل ماقلت عند القروب الاول

مريت القروب الثالث ياعالم ياناس ياهو انا مثل ماقلت عند القروب الاول والثاني

مريت القروب الرابع ياعالم ياناس ياهو انا مثل ماقلت عند القروب الاول والثاني والثالث

الحين نقول انه مضر و مافيه فايده وخساير فلوس وكلن يكرهك من ريحتك ومع ذالك تتن . انت ماهتميت لنفسك وصحتك

اهملتها بدون سبب وانت عارف ان كل هالمضار بالتتن ومع ذالك عيني عينك تتن قدام هالناس

وهذا دليل غباء الي يتتن

وبعدين وش مكتوب عليه . هااااه قلي تحذير صحي

سرطان . بانواعه . تسديد الشرايين والاورده غير كل من جاء جنبك تلطم

هذا وانت دارس بالسادسه الجليس الصالح والجليس السواء

الشاطح وش دخلك خلني اعبر على كيفي<====< هذي مالها دخل هذا ولد عمي يقولي وش دخلها بس قطع على

حبل افكاري .

ولو اقولك تتحداء انا انسان مثلي مثلك نتحداء باي شي لعبه او غيرها طبعا راح تتحداء عارفنا محهم محهم عليهم عليهم

وراح يصير اخذ وعطاء راح يصير حماس واجتهاد وفي النهايه اذا فزت راح تقول شفت تحديتك وفزت واذا انهزمت

راح تقول عادي انخسرت من انسان مثلي

لكن انا بتحداك تتحدى علبه (( كرتون )) فقط لمده سبوع جرب منت خسران شي ولا من هالحين اعلنت انهزامك

اجلس قدامه وقله اتحداني ما تتنك . راح يرد عليك ويقول اقول لا يكثر بالله انت كفو تحدي . لا ويمكن يقولك قم بس قم

ويلقسك (( يضربك برجله مع ارجولك )) .

لانه عارف شي اسمه عزيمه واصرار صفرررررررررررررررررر عندنا ماهو صفر وبس الا لو نجمع ماوصلنا الصفر

انا قلت بفرصه انا نتركه وادري نص العيال والعيالات جت في بالهم فكره تركته قلنا نذكرهم انهم بيتركونه

والا نسان خصيم نفسه وكلن ادرى بحاله اذا انت مستفيد من التتن تتن وتتن ولا يهمك احد وربي لاتتن معك فزعه

اهم شي فيه فايده . واذا مافيه غير المضار اوعدني انك تمر اقرب سطل زباله (( كرمكم الله )) واقرطه فيه

لاحظو اقرطه ماقلت حطه اي بمعنا رمي الشي بقوه

واصل كلمه اقرطه يوناني وتعني حذف الشي من قمه عاليه و وفي الادب الانقليزي تعنــــ ....
هييييييييييييييييييييييييييييييييييييييييييييييييي يييييه يالاشقر هاه وش فيك

ياخي وش فيك غيرت الموضوع من التتن الي اقرطه

طيب لاحول ابلشنا هالولد يحمد ربه اني مروق ولا كان غفصته

المهم بس مع السلامه . احد يبي شي من البقاله بروح اجيب تتن منها واجي

هيه لحظه : قسم من دقق بالاخطاء الاملائيه ان ينصدم ويقول عد دراسه القواعد من جديد تراهااااا معقتدني هههههههههههه