ღღ الناس سمتها تجارب وأنا أسميها جروح ღღ

حبيـبـــــــ نفسهاـــــة · 18-06-2008, 10:16 PM

اقول وين الجزء اللي بعده
ترى متحمسين

افغاني دلع · 19-06-2008, 03:59 PM

اقتباس


	اقول وين الجزء اللي بعده ترى متحمسين

قريب بس خليك على تواصل

وشاكرين ردك وتعقيبك..

الزيزوم · 22-06-2008, 08:07 PM

صرااااحه حلوه القصه

بس الفواصل طويييييييييييييييييله جدا جعلتها ممله

اتمنى إنك تتقبل نقدي بصدر رحب

ويعطيك العافيه (الزيزوم)

ألماسه وحساسه · 24-06-2008, 07:50 PM

ترى مليت وانا كل يوم ناطه فيذا ولا صار شي جديد

افغاني دلع · 25-06-2008, 02:47 AM

الجزء التاسع

روان:شهد يالله شاركو..

شهد:لاحنا يسمونا التؤام المختلف.

روان:اها يعني مو فواصل.

شهد:تصدقين كل مارحنا مكان قلنا اخوات مو شقيقات ..

روان:وربي كل وحده احلى من الثانيه بس سبحان الله اشباه مختلفه..

شهد:تتوقعين وش سببه؟

روان:الغذاء المتنوع لدى الام الحامل..

شهد ضحكت وماقدرت توقف!

ام فيصل:وش فيكم تضحكون.

شهد:نشوف وش بناخذ اي مركز اذا شاركنا بالمسابقه..

ام سعد:والله اتوقع المركز الاول بس لايشارك الا انتم.

ام فيصل:وين شاليهنا لايكون ضيعنا.

روان:بتروحون للشاليه؟

ام سعد:ايه كلمت ابوسعد يقول بقالنا ربع ساعه.

ام فيصل:يالله خلونا نزهب القهوة لهم.

روان:خلاص روحو وتعالي شهوده نشتري لهنوده.

......................................

سعد:والله فله.

فهد:احمد ربك على العافيه.

سعد:تصدق يافهد احس انك انت الكبير.

فيصل:والله صادق.

سعد:بالله تكفى شيك على بطاقتك لايكون انت سعد.

فهد طلع البطاقه وشافها: يااااااااحبيبي انا فهد وانت سعد

سعد:طيب دام انك تأكدت ليه هالاحترام كله..؟

فهد:شف وانا اخوك يعني صحيح انت اكبر مني..بس ولو.

سعد:ولو وشو؟

فهد:انت الي مطيح الميانة!

سعد:خلاص ياخوي بكره اضف فراشي عن غرفتك وخل تعاملنا رسمي.

فهد:لعلمك تراك ماخذ فراشي وانا ارقد على فراشك.

فيصل:ارجع ياسعد للرياض والله اصرف..

سعد:اه يالرياض ويازينه وزين ايامه.

فهد:ايه تكفى فكنا..

سعد:الا على طاري فكنا..فيصل ابوك عنده واسطه بالابتعاث..؟

فيصل:والله اخبره يقول البعثه محجوزة اذا تخرجت..

سعد:طيب تراك صقيقي..

فيصل:ابشر والله..

سعد:متى التقديم؟

فيصل:بعد اسبوع..

سعد:حلو..

فهد:هي انت وياه..تراني معكم..

سعد:بناخذك مايخالف!

فهد:طيب وش اجيب معي؟

فيصل:رواق-شاكوش-دبة غاز-ليمون ابوزهيره

فهد:ليمون ابوزهيره مكسور الي عندي.

فيصل:وش العلوم ياسعد؟

سعد:تصدق مهيب شينه نكمل ماجستير في استراليا.

فيصل:اي والله ازين من عطالي..

فهد:ليس هناك عاطل في بلادي..

سعد:وليس هناك بياع شريف!

فهد: لو جااااااااااااات من غيرك ترا كان هانت اما تجي منك ياهي قوية..

فيصل:اوف اوف ياهي قويه.

فهد:الله يهديكم وبس..

.....................................

ابوفيصل بسيارته مع ابوسعد يسولفون..

ابوفيصل:وش رايك يبوسعد في السوق هاليومين.

ابوسعد:والله السوق زين بس يبليه واحد هادي.

ابوفيصل:والله انا ما ارتاح الا اذا بعت في نفس اليوم.

ابوسعد:ترا جتني توصية جديده.

ابوفيصل:والله ماوهقني الا توصايتك.

ابوسعد:حرام عليك الاخيره فيها ثلاثين بالميه..

ابوفيصل:والله انها خسرتني ثلاثين ألف.

ابوسعد:انا قايلك لاتبيع الا ببداية الصيف.

ابوفيصل:والله من يوم بعتها وهي ترتفع بس خلاص ماعاد نبيها.

ابوسعد:اجل خذ في سابك.

ابوفيصل:عاد اليوم شاري فيها وبعت بفرق نص ريال.

ابوسعد:اقولك اشتر بسابك ولا تبيع الا بعد ماترجع من اجازتك.

ابوفيصل:الا مار ذكرتني على طاري الاجازة..ماودكم نطلع سوا؟

ابوسعد:ماعندي مانع بس وين؟

ابوفيصل:خلونا نروح جميع لماليزيا.

ابوسعد:والله ام سعد في خاطرها تروح لمصر.

ابوفيصل:مصر في هالحر..؟

ابوسعد:وش نسوي اخواتها راحو لمصر العام ومدحوها وتبي تروح مثلهم..

ابوفيصل:ماعليك انا اكلم ام فيصل تظغط عليها بس انت ماعندك مانع؟

ابوسعد:انا بالعكس احب ماليزيا..

ابوفيصل:التفـــــــت..

ابوسعد:نامو الشباب..

ابوفيصل:شكلهم لاعبين لين قالو بس..

ابوسعد:الله يصلحهم ويهديهم.

ابوفيصل:رااااااااااااااااااااكان قم وانا ابوك وصلنا..

راكان:وين حنا فيه؟

ابوفيصل:في السيارة.

راكان:لمى قومي شوفي الشاليه.

....................................

ام سعد:هنووووووووووودة متى قامت دعد؟

هند:هاه بعد مارحتو بشوي.

ام سعد:ورا ملابسها وصخه.

هند:حمد شافها تصيح وشرا لها ايسكريم.

..................................

فيصل:جووووووووووووووووك الشيبان.

سعد:ماشاء الله على البركة السيارة.

فيصل:الله يبارك فيك.

فهد:يااااااااااااااااااااااااااااااااااااااااااااا اهلا يااااااااااااااااااااااااااااااااااهلا

نزلو ابوسعد وابوفيصل

سعد:الله قووووووووووووووووووهم

الله يقويك

ابوسعد:ماشاء الله وش هالمكان الزين.

فهد:هذا اختيار سعد.

ابوفيصل:فيصل وانا ابوك خذ لبق السيارة زين.

سعد:على البركة السيارة يبوفيصل..

ابوفيصل:الله يبارك فيك.

فهد:ليتك ياعمي ماخذها من عندنا والله..

ابوفيصل:لا ابشرك لقيتها بسعر زين.

فهد:والله ياعمي اخيارك للون قوي..

سعد التفت على فهد ويهمس في اذنه (بلانصب)

فهد بصوت خفيف والله ياهو لون بايخ!

سعد يرد عليه (مدري وشلون ابوي طاع يركب معه)

ابوسعد:وين القهوة؟

فهد:ابشر والله..حمد وينك؟

ابوفيصل:منتاب لاقي حمد دام راكان موجود.

فيصل:أي والله حمد فاقده مره..

سعد:ماكنكم صيفتو شوي؟

ابوسعد:وش صيفنا عليه..

سعد:ليه ماودكم تطرفشون شوي..

ابوسعد:الا ابوفيصل لبسوه مايوه خلوه يسبح..

ابوفيصل:ردي عليك في المكتب..

ههههههههههههههههههههههههههه

طوووووووووووووووووووووووووط

فيصل جته رساله(لايفوتك الحلى خذ الي في الزاوية ترا فيها مفاجئة)

حمد جااااااااااااااااب القهوة

وراكان جااااااااااب الحلى

فيصل يدور الي بالزاوية!

فيه اربع زوايا؟

خذ اول زاوية عااااااااادية

خذ الزاوية الثانية بررررضوه عاديه

الزواية الثالثه مالقاها!

الزاوية الرابعه عااااااااااااديه.

فهد:ماااشاء الله عليك يافيصل تحب الحلى..

فيصل في نفسه(وش هالنشبه)

فيصل:والله شي مو طبيعي..

فهد:عشاني انا الي شاري مقاديرها الصبح..

فيصل:اها الصبح زاد انه شي..

فهد:ماودكم نطلق رجلينا يالربع؟

ابوسعد:وش رايك يبو فيصل؟

ابوفيصل:توكلنا على الله

انت ياعاشق الحلى مشينا.

فيصل:لا لا انا بقعد اتقهوا..

سعد:اجل انتبه للحلى لحد يخطفه!

فيصل:لايكثر يالغالي..

اول ما راحو

فيصل حاس قراطيس اكواب الحلى..

لقى قرطاسه فيها كتابه!

مسح الشوكولاته الي عليها

وقرا
.
.
.
.
.
.
.
.
.
.
.
.
.
.
.
.
.
(أحبــــــــــــــــــــــــك)

كدموس · 26-06-2008, 04:55 AM

روووووعه يالافغاني
يعطيك العافيه .. الحين بدا الشغل العدل ..والحماااس

تعبك راحه · 26-06-2008, 05:42 AM

خخخخخخخ ونااااسه من جد

اما اخر شي حماااس الله يعين ننتظر البقيه

يعطيك العافيه افغاني دلع

بنت النماص · 26-06-2008, 06:04 AM

وااااااااااااااااااااو روعه يعطيك الف عافيه

افغاني دلع · 27-06-2008, 04:20 PM

اقتباس


	روووووعه يالافغاني يعطيك العافيه .. الحين بدا الشغل العدل ..والحماااس

الله يعافيك وردك الاروع..

افغاني دلع · 27-06-2008, 04:21 PM

اقتباس


	خخخخخخخ ونااااسه من جد اما اخر شي حماااس الله يعين ننتظر البقيه يعطيك العافيه افغاني دلع

الله يعافيك وشاكرين تواصلك...

مواضيع ذات صلة
الموضوع	الكاتب	المجلس	المشاركات	المشاركة الأخيرة
ღღ الناس سمتها تجارب وأنا أسميها جروح ღღ	افغاني دلع	مجلس الصرقعة	18	12-04-2008 10:41 PM

ღღ الناس سمتها تجارب وأنا أسميها جروح ღღ

.. القصر المهجور الي بالدرعيه [ اكتشفت اني دجاجة ] ..

اقلاعات سوكا و اوويشا ..

»

الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور

زوار هذا الموضوع الآن : 1 (0 عضو و 1 ضيف)

أدوات الموضوع
عرض صفحة الطباعة إرسال هذه الصفحة إلى صديق