ღღ الناس سمتها تجارب وأنا أسميها جروح ღღ

افغاني دلع · 27-06-2008, 04:22 PM

اقتباس


	وااااااااااااااااااااو روعه يعطيك الف عافيه

الله يعافيك وشاكرين لك ردك..

سحاب الوسم · 30-06-2008, 03:00 PM

شكرا على القصه والقصه لازم تكون بقسم القصص

ألماسه وحساسه · 30-06-2008, 05:29 PM

وااااااااااااااااااو والله تحمست ادخل كل يوم فيذا ..خخخخخخخ

تسلم ولا تطول علينا ..

بانتظار ابداعك .. ويعطيك العافيه ..

افغاني دلع · 02-07-2008, 05:11 PM

اقتباس


	شكرا على القصه والقصه لازم تكون بقسم القصص

مشكور اخوي على ردك وتعقيبك..

افغاني دلع · 02-07-2008, 05:12 PM

اقتباس


	وااااااااااااااااااو والله تحمست ادخل كل يوم فيذا ..خخخخخخخ تسلم ولا تطول علينا .. بانتظار ابداعك .. ويعطيك العافيه ..

مشكور على تواصلك وردك وانتظر الجزء قريبا..

افغاني دلع · 02-07-2008, 11:33 PM

الجزء العاشر

فيصل يشوف القرطاسه ويضحك ع الفكره

طلع البوك وصفط القرطاسه وحطها تحت بطاقة الأحوال

ورد عليها (يالبى قلبك وخطك البايخ)

...........................

ابوسعد:لا لا ما اتوقع ترا المساحه يبوفيصل كبيره..

ابوفيصل:والله انك صادق تراه كبير بالحيل.

فهد التفت عليهم:الحين من شوي تقولون صغير وشلون تغير رايكم في دقيقه..

سعد:وسع صدرك هذي حسابات مهندسين ارامكو.

فهد:راحت فيها ارامكو..

ابوفيصل:ورا ماتسكت عيالك يابوسعد.

ابوسعد:والله صادقين..كم مره غيرنا اوراق اخر مناقصه..

ابوفيصل: اسرار عمل..
ابوسعد:ماودك يبوفيصل نشتري لك حلاو قطن.

ابوفيصل:لايردك شي.

ابوسعد راح للكشك وشرا واحد..

فهد:اقول بايو لاتعرفوني ولا اعرفكم..

سعد: مشكله يعني لو انكم تدلون المكان كان خليتكم..

فهد:والله ياسعد ما اتوقع بتطلع بعثه اذا مشيت معهم والحلاو في يدينهم..

ابوسعد وابوفيصل ماسكين الحلاو وياكلون ويضحكون على حالهم..

سعد:بالله لاتتوصخ ملابسكم ثم نبلش..

.......................

شهد:طن طن طراااااااااااااااااا

الكيـــــــــــــــــــكة

قبل الكيكه معنا كلمة من الأخت روان..

روان:

بسم الله الرحمن الرحيم

الحمدالله الذي خلق هذين التوأمين وجعلهم في مدرستن واحده

وجعلهم دوافير اينما كانو..

واللهم صل على نبيك وحبيبك محمد صلى الله عليه وسلم

اما بعد:

في هذا اليوم المبارك يوم الخميس الموافق امممم

اجتمعنا في هذا الشاليه المبارك ليكون الفرح هو العنوان والتهنئة الموضوع ولن يكون هناك توقيعا لأنه ممنوع

لقد شاهدنا هذه الكيكه وسنتعاون جميعا لقطع دابرها

فلنقم بذلك الان!

شهد:شكرا شكرا ..الان جميعنا سنكون يدا واحده لقطعها من المنتصف!

.......................................

فيصل:وش جابك يافهد وين الشيبان؟

فهد:يمارسون طقوسهم الطفولية.

فيصل:ياشيني...وينهم ترا الكيكه جاهزة..

فهد:يارجال اقطع وعطنا بس.

فيصل:ابقطع والله رقبتك.

فهد:يوووووه شكلي صيفت ابمشي..

فيصل:صادق والله تراك صيفت..

فهد:امزح معك.. تعال عشاك وينه؟

فيصل:ماعليك في دقيقتين..

فهد:اهم شي نكهته وشو..

فيصل:بنكهة القطو الاسترالي..

فهد:اوف نوع جديد..

فيصل:ليه انت وش تحب؟

فهد:انا وميري دايم ناكل نكهة الدجاج..

فيصل:جبتوها معكم؟

فهد:وانا وشوله اقولك صيفت على البيت؟

فيصل:بالله كذا نظامك..

فهد:ياخوي لاتفهم غلط لازم انا الحفها اخر الليل.

فيصل:اهااااااااا..وبحلف انك ماتقدر ترقى درج السطح..

فهد:تصدق عاد فيه لمبه تولع اذا رقيت.

فيصل:ايووووه.من حاطها؟

فهد:الكهربائي.

فيصل:لاياشيخ..قصدي من حركته..؟

فهد:شف اذا رقيت تولع عند غرفة امي لمبه بس اللون حسب النية

فيصل:يعني ملونه؟

فهد:انا اقولك اذا رقيت ابي صروالي تولع خضراء.

فيصل:واذا بغيت تلحفها؟

فهد:حمرررررررررراء مع صوت بوري سيارة ابوي..

فيصل:طيب اقطع السلك.

.

.

.

.

.

لاتقطع اي شي..انتبه!

فهد:جاك فيثاغورس.

سعد:اقول لاتقطع اي شي وبس..

فيصل:وانت جاي لحالك بعد..

سعد:ماشاء الله عليك شوفك زين.

فيصل:لاصدق وينهم؟

سعد:وراي جايين...

فهد:ولو حر وش رايكم ندخل داخل؟

سعد:اي والله بس احلى من داخل..

فيصل:تبي تقزقز ياسعد.

فهد التفت على سعد وغمز له (وين الشورت الاحمر ياسعد!)

سعد:لزوم التميلح بعد العشاء..

فهد:بالله سؤال محدد يعني مانبي اجابه فيها نوعا من الغموض..من الاحلى(ويأشر على نفسه وعلى سعد)

فيصل: طيب وقفو جنب بعض..

فهد قام ...سعد يأشر له بيده اجلس اجلس خلك ثقل..

اول ماجلس فهد قام سعد بسرررررررررررررعه من الاحلى؟

فهد قااااام وحب راس اخوه سعد وقال سامحني..

سعد:والله ماتوقعتها منك ياخويااااااااااااااااااااااااااا.

فهد:ارجوك سامحني!

سعد طاح على الارض:اه ياقلبي قلبي قلبي..

فهد:لاتموت ياسعد تكفى لاتموت..

سعد:الا بموت..

فهد:ياسعد اذا بتموت من يرجع اهلي للجبيل؟

سعد:أكيد انت.

فهد:والله تعبان.

سعد:يعني من يرجعهم؟

فهد:انتا بعد عمر طويل..

سعد وهو يقوم:ياخوي ماودك الواحد يموت مع اخوه الصغير..

الســــــــــــلام عليكم.

فهد:جاااااااااااااااااااااااك وفد أرامكو..

سعد:

طووووووووووووووووووووووووووووطو

الكيـــــــــــــــــــــــكه

فهد:

بسم الله الرحمن الرحيم

الحمدالله الذي جعل الهندسه من اصعب الدراسات

وجعل لها أسدها فيصل

وكما يعلم سعد ولا يهون وفد أرامكو ان اطوال الكيكه مناسب جدا لعددنا فلنقم بتقطيعها الأن!

فهد:بالله من الحين حرف الفاء تراه لي..

فيصل:هااااااااااااات السكين واقربو عشان نقطعها سوا.

فهد:ياخوي مافيه قطع عام..

..........................

ام فيصل: انا قضيت والله...

ام سعد:وش فيك ترا كل واحد له قطعتين..

ام فيصل:لاياعيوني مكان لعشا وليدي..

ام سعد:قصدك لكيكته..

ام فيصل:الله يعينا على بطونا اليوم..

روان:يمه ترا اذا كلتي وانتي مبسوطه ان شاء الله مايعور بطنك.

هند:فعلا انا سامعه مريم نور تقوله..

ام فيصل:وش تقول يالزينه؟

هند:تقول مافيكم ماتاكلو لو تكونو مبسوتين..اكلو مابتخافو مابتحسو مابببببب

ههههههههههههه

شهد:وانا سامعه بأذاني هذول الدكتور جابر القحطاني..

ام فيصل:وش يقول بعد.

شهد:يقول اذا كنتو في شاليه فعادي تاكلون الكيكه بس اهم شي ماتغلينها..

ام سعد:ماشاء الله على بناتي متابعين..

روان:يمه الحين بتصل على فيصل يجيب كيكته..

.............................

ابوسعد وابوفيصل يسولفون بينهم..

فيصل:يالله يافهد خلصنا انت وراسك.

فهد:بالله سؤال وش دخل راسي؟

فيصل:معجبني الفلقات الي فيه.

فهد:والله عاد شاري كاااااااب بس نسيته في السياره..تروح تجيبه ياسعد؟

سعد:ياخوي خلصنا خلنا نذوق الكيكه الثانيه..

فيصل:يالله انا بوديها اهم شي احفظو الطعم عشان نشوف الفرق..

فهد:يعني ما أبلع؟

سعد ألتفت على فهد وبصوت خفيف(اعقل لأبلعك رجلي)

فهد ألتفت على سعد وبصوت خفيف(ماعندي مانع بس اهم شي تكون راضي على اخوك الصغير)

سعد(ياخوي اثقل شوي تراك مخربنها)

فهد: تراك ايش؟

سعد:مخربنها..

فهد:لين الحين تسمع ميحد حمد..

سعد:لين بكره..

فهد:بالله تكفى اذا قابلته قله قبل لايغني ينظف خشمه..

سعد:فاين ولا كلينكس؟

فهد:لو بشماغه بس اهم شي ينظفه.

الكـــــــــــــــــيكه

فيصل:ولو الحريم يعرفون يقطعون..

ابوسعد:والله الحريم ماعندهم واحد مثل فهد..

ابوفيصل:حرام عليكم احلى تقطيع تقطيع فهودي..

سعد:لاتزعلونه ترا ماياكل..

فيصل:قصدك ياكل شوي..

فهد:كلكم ماتحبوني وينها تسمعكم!

كلهم (منـــــــــــــــــــــهي؟)

ولا واحد فيكم ملقوف ماشاء الله عليكم؟

سعد:لاصدق يعني منهي؟

فهد:كل واحد ياخذ باله من كيكته وبلا تريقه..

..............................................

شهد:بصراحه انا اعجبتني شوكلاته هذي بس الكيك هذيك أحلى..

هند:والله انتي مشوار قولي كلهم حلوين وانتهينا..

روان:المره الثانيه ناخذ كيكه من ذولي ونعطي ذولي يحطون عليها شوكولاته

ام فيصل:الله يعين ذولي.

هند:والله ذولي شغلهم حلو..

ام فيصل:وراك ساكته يام سعد..

ام سعد:قاعده افكر في ام زياد الله يكون بعونهم..

ام فيصل:وش فيها..

ام سعد:توفى أخو العروس واجلو عرسهم..

ام فيصل:الله يصبرهم اكيد حادث..

ام سعد:ايه حادث والله يصبرهم وبس..ولا المفروض يكون اليوم..

بنت النماص · 03-07-2008, 04:53 AM

يالبا القصه وصاحبها وربي تهبل وانك صرقوع من جد يعطيك العافيه ولاعدمنى صرقعتك ومبروك التثبيت وربي تستاهل .

ألماسه وحساسه · 04-07-2008, 02:00 AM

لا لا لا ذس از امبوسبل ..

مشكور ولا تحرمنا الجديد

توته افندم · 04-07-2008, 08:57 AM

<< متابعين بصمت

مشكوور خيو على القصمة المجزئه ..تسمع بالتشويق انت !!!

يامال اليسلمو ... وسر ويا كتابتك واحنا نسير وراكـ ...

حبيـبـــــــ نفسهاـــــة · 05-07-2008, 04:23 AM

اخيرا نزل الجزء العاشر
والله توني اشوفه
المفروض اذا نزل جزء جديد يولع لمبه حمراء زيهم خخخخخخخخ

يعطيك العافيه

ويامال اليسلمو >>>>>>>ماتقلد توته

مواضيع ذات صلة
الموضوع	الكاتب	المجلس	المشاركات	المشاركة الأخيرة
ღღ الناس سمتها تجارب وأنا أسميها جروح ღღ	افغاني دلع	مجلس الصرقعة	18	12-04-2008 10:41 PM

ღღ الناس سمتها تجارب وأنا أسميها جروح ღღ

.. القصر المهجور الي بالدرعيه [ اكتشفت اني دجاجة ] ..

اقلاعات سوكا و اوويشا ..

»

الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور

زوار هذا الموضوع الآن : 1 (0 عضو و 1 ضيف)

أدوات الموضوع
عرض صفحة الطباعة إرسال هذه الصفحة إلى صديق