ღღ الناس سمتها تجارب وأنا أسميها جروح ღღ

افغاني دلع · 15-04-2008, 06:18 PM

اقتباس


	افغاني دلع الله يهديك تحمست متى بلله متى الجزء الثاني الله يعطيك العافيه

مثل ماقلنا كل اثنين جزء ان شاء الله...

مرورك اسعدني..

حكم الدكة · 16-04-2008, 03:46 PM

مششششششكور اخوي افغاني دلع وننتظر منك الجزء الثاني

[لجين] · 16-04-2008, 08:36 PM

قصصة حلوووووة

نستنى الجزء الثاني : )

افغاني دلع · 19-04-2008, 02:29 AM

اقتباس


	مششششششكور اخوي افغاني دلع وننتظر منك الجزء الثاني

مرورك اسعدني...

افغاني دلع · 19-04-2008, 02:29 AM

اقتباس


	قصصة حلوووووة نستنى الجزء الثاني : )

مشكورة على ردك ومرورك..

candy shop · 20-04-2008, 09:20 PM

يؤ يؤ يؤ

والله اني حبيتهم كلهم << حشت جو البنت خخخخخ

يسلموو خيوو افغاني

قصه حلوة

افغاني دلع · 21-04-2008, 05:04 PM

اقتباس


	يؤ يؤ يؤ والله اني حبيتهم كلهم << حشت جو البنت خخخخخ يسلموو خيوو افغاني قصه حلوة

شاكر مرورك وتعقيبك..

افغاني دلع · 21-04-2008, 10:00 PM

الجزء الثاني:

................................

فيصل:هلا فهودي

فهد: هلا والله..

فيصل: وينك نحتريك..

فهد: يالله في الطريق...

فهد وفيصل ومجموعه الاستراحه اصدقاء من المتوسطه لأنهم دارسين سوا وحبايب مره مره

محمد: ياشباب نبي نروح للبحرين الاسبوع الجاي..وش رايكم؟

معتز:والله انا مشغول مع الأهل مافي اروح معكم..

فيصل: معتز طيب الأسبوع الثاني؟

معتز: ماعندي مانع...

فهد:امس داق علي واحد يقول لايفوتك نزل فشار جديد اووه قصدي فلم جديد..

فيصل:ههههه من ناحيتي ما تفرق معي الأفلام الجديدة..اهم شي فيه مايكون رعب..عشان حمامهم بعيد..

محمد:يمدحون فلم SAW4

يرن جوال فهد ويطلع من الجلسة..

هلا حيااااااتي.

.........:هلا فهودتي...وش صار ؟..

اعتبريني خواف بس والله ما أقدر ما أقدر...

........:فهد ترا باريس مو الرياض

فهد:لايقولون زيها...

.......: ابي قصة حبنا تنكتب بباريس..

فهد: بس يقولون مافيه اقلام في باريس..

.......: قدرت تاخذ إجازة؟

فهد: الإجازة أمرها هين..بس والله صعبه فهد يروح لباريس..

.....: انا قلت لك يافهد تراها فرصة انا بتخرج هالصيفيه وبروح لفرنسا عشان اظبط اللغة زيادة ومحتاجه تكون معي..

يقول فهد لأخوياه انها بنت عز تعرف عليها بالشركة وفزع معها فهد بلون سيارتها الغريب وأعجبها فهد بوسامته وصرقعته شوي..

يعني نقول حبو بعض وتقابلو اكثر من مره...بس فهد كان حذر منها!

................................................
.
هند: شهوده ارد ولا ما أرد؟

شهد: منهي؟

هند: رووان..

شهد: لاتردين خليها تتغلى علينا....

هند:والله حرام ترا مالها الا حنا...

شهد: ردي يالله..

هند: قفلت...

شهد:وش رايك بهالموديل؟

هند:والله بتتعبين انا بشتري جاهز وبس...

شهد:شخصي عشان تنخطبين...

هند تغمز انا محجوزة..

شهد:ياملحي ياسندريلا...

وهم يسولفون ارسلت روان رسالة تقول فيها (احبكم ومالي غيركم)..

هند ضاق صدرها مره...واتصلت عليها...

هند:روان ترانا نحبك بعد..

روان: ورا ماتجون عندي..

هند:اذا امي طاعتني جيتكم الحين..

روان: تبين ارسل السواق؟

هند: سعد مايقصر.

روان: لاتنسين تجيبين معك شهوده ..

هند:تراها زعلانه عليك..

روان: احسن بس خليها تجي...

هند:اوكي..باي

هند نزلت من غرفتها للصالة وتنادي امها

سعد: اقصري صوتك يالشينه...

هند: كم صانتي؟

سعد: اقول ذاكري ترا الاسبوع الجاي الاختبارات...

ام سعد: وش بغيتي ياهند؟

هند: يمه بروح انا وشهد لبيت روان..

ام سعد: والمذاكرة؟

هند:والله يايمه راسي بينفجر من الدراسة وعاوزين نفرفش حاقه بسيطه يعني...

ام سعد: بس ترجعون قبل الساعه 11

سعد: يالله اجل انا ماشي....

هند: بنروح معك يافيثاغورس.
.
سعد: انا في السيارة 10دقايق ماتركبون بمشي...

هند قبل مايخلص سعد من كلامه وهي في غرفتها...

شهد: وش فيك يالخبله شوي شوي...

هند: بسرعه سعد يقول 10دقايق ماتركبون بمشي...

شهد: يعني امي كلام موافق...

هند: لا إلغاء الأمر..

وهم في الطريق يسولفون عن الاختبارات وسعد يتفلسف عليهم عن مثابرته يوم كان بالتوجيهي وكيف جاب نسبة 87 وهو مذاكر من شهر!...

سعد: وصلنا .....منهو لايكون ابوهم... لا لا لا اشوى شكله فيصل..

فيصل نزل يسلم على سعد.. وهند وشهد دخلو البيت..

روان تصفر بقوة وتقول الفريقين طبو الملعب... يمكن لانهم لابسين سبورت

هند: اول شي ابوكم فيه؟

روان: لا طالعين كلهم مافيه الا انا ولمو..

شهد: وناسه وين لمو مثتاقه لها...

روان: تبون اوريكم لعبه قديمه وحلوة..

هند: يالله...

روان سحبتهم للغرفه لأنها مجهزة لهم سبرايز...

كيكه على شكل كيرم....

هند:وش السالفه؟

شهد:عيد ميلادك؟

روان: بمناسبة اليوم العالمي للكيرم..

هند:انا باكل الخمسين..

شهد: انا ابي المضراب..

روان: يمكن تستغربون شكلها بس هذي افضل شكل صرقوعي لقيته ....

شهد: والله ذوقك حلو..

اححححححححححححححححححححح

هند: وش هالصوت؟

روان: دقيقه شكله فيصل بيروح لغرفته.

شهد:لايكون ضيقنا عليه..

روان: اقول انثبرو هنا وانا بروح اشوف وش عنده..

نزلت روان لفيصل.

فيصل: كيف الامور تمام.

روان: يعيطك العافيه والله انبسطو من شكلها..

فيصل: الله يعافيك انا بطلع للغرفه اريح شوي عاوزة حاقه..

روان: سلامتك...

فيصل دخل غرفته وخذ شاور...

يفكر...

عن الجامعة...

متى يخلص..؟

مشروع التخرج...؟

الوظيفة...؟

الزواج...؟

لمى تطق الباب...

فيصل: تعالي لمو حبيبتي..

دخلت لمو ومعها قطعة قاتوه وفيصل على السرير وجنبه اللابتوب ...

جلست لمو جنبه ويمزح معها فيصل وفجأة تصرخ لمو( هذي هند)..!

فيصل مسك راسه ....وقال لمو روان تناديك روحي...

فيصل يبي يركز مع الفيديو كليب عشان يتذكر ملامح هند بس ماش مائدرش

يعني لمو ماقالته وهي صغيره الا هي طبق الاصل.. ماشاء الله عليك ياهند والله انك ملكه جمال..

اتصل فيصل على روان

روان:هلا والله

فيصل: انا طالع..

روان:حنا في الغرفه خذ راحتك..

فيصل:وش تتعشون؟

روان:مسوين دايت..

فيصل:مو لك لهم..

روان: لابيمشون..

فيصل: اوكــــــــــــي

فيصل طلع وهو في السيارة يفكر في هند ويتذكر حبابتها وصرقعتها

وشلون جابتها لمو اكيد تشبها مره...

حبيتك ياهنودة وبس.........!

صحيح فيه حب من أول نظره بس يكون من الفيديو كليب والله اني خبل..

لازم أتأكد هي تشبها ولا لا....

فيصل براسه فكره بس تتوقعون نجحت؟؟

...............

معتز: ليه العتاب .. دام الخطاوي حلم في درب السراب...

فهد:صوتك نشاز...

معتز: كان الغياب .. أصدق مشاوير اللقى كان الغياب..

محمد:شكله يغني مع سره...

معتز:يلعن ام التحطيم..

فهد:نبي رابح..

محمد:حلوين..

معتز :لاينشغل بالك..وش قالو عذالك ..

فيصل دخل عليهم

فيصل:يلعن ام الصوت الحارة مجتمعين عند الباب..

معتز:تواقيع مافيه...

فيصل:جرهم صوتك العذب..بالله اغنية عوّد الليل

معتز: عوّد الليل .. اوقد سراجك

واحبس الليل .. واطلق حجاجك ..

فيصل: انشكى العاشق يلام...

فهد :آآآآآآآآآآآآآآآآع اسكتو...

.....................

ابوسعد:حجزنا شاليه انا وابوفيصل بالهوليدي ان الخميس بعد الاختبارات

ام سعد:الله يغنيكم..

شهد:متى نخلص من الاختباارات

هند:اذا خلصنا..

شهد:حفظتي القوانين؟..

هند:ايه بس مو مره..

شهد:ان شاء الله يابوي نكون من الاوائل على المملكة

هند: انا بكون من الشوتايم..

ابوسعد:عسى الله يعينكم ويوفقكم..

سعد دخل عليهم وهم جالسين....وهو مبسوط

هند:مبسوط يافيثاغورس من حقك ماعندك اختبارات..

سعد:اقول اقري هالورقه..

هند خذت الورقه وانهبلت...من وين جبتها؟

سعد: احفظوها تراها نفسها ماتتغير..

شهد:وش السالفه..

هند:اسئلة الرياضيات..

شهد:لايكون قديمة..

هند: لا لا جديده عام 28

سحب الورقة سعد وهو يقول حرام حرام

هند: وش حرامه؟

سعد:مال أيتام..

شهد:وش أيتامه..

سعد:بصراحه ماخذها من يتيم وحادها بـ3000 ريال

هند: بنعطيه 5000 ويجيب معها الكيمياء..

دخل فهد عليهم وهو يقول لاتعطونه عطوني انا..

هند:سعد جاب الاسئلة ..

فهد:قصدكم هالورقه..

شهد:وش السالفه كلكم معكم نفس الورقه..

فهد:بعطيكم بس على شرط ..

هند:وشو..

فهد:تخطبون لي..

هند:موافقين..

هند وشهد خذو الورقة وراحو لغرفتهم يذاكرونها

ابوسعد:ماشاء الله ناوي الزواج اجل..

فهد:هذا وقته..

سعد:عمى طلع تلقيح نخل مو زواج..

فهد: الي انتا بتسميه...

ام سعد:ماودك ياسعد نخطب لك قبل فهد..

سعد: انا لا لا بتزوج امممم مغربيه..

ابوسعد مع غمزة لسعد: وانا الي بخطبها لك..

سعد:وتكون في عقد واحد..

فهد:لاتتغالطون بس..

سعد: فهد من وين جبت الاسئلة؟

فهد:من سيارتك لاقيها مفتوحة كالعادة..

سعد:اجل ارسل رسالة لهند وقلها تراها مقلب وتخلي عنها هالحركات وتذاكر من الكتاب..

فهد:يلعن ام التربية.....دروس في الحياة..

سعد:بالله وش رايك؟

ام سعد: الله يخلف على عيالي والله ماظنيت انكم بتعرسون من هالحركات..

candy shop · 22-04-2008, 12:00 AM

خخخخخخخخخخخخخخخخخخخخخخخ

يا حبي لفيصل اجل هنووووده هااااه هع حبه برئ الولد

مشكووووووووووور اخووي افغاني

من جد قصه روووووعه

تقبل مروري

افغاني دلع · 22-04-2008, 05:10 PM

اقتباس


	خخخخخخخخخخخخخخخخخخخخخخخ يا حبي لفيصل اجل هنووووده هااااه هع حبه برئ الولد مشكووووووووووور اخووي افغاني من جد قصه روووووعه تقبل مروري

شكرا لردك وتعقيبك اسعدني..

مواضيع ذات صلة
الموضوع	الكاتب	المجلس	المشاركات	المشاركة الأخيرة
ღღ الناس سمتها تجارب وأنا أسميها جروح ღღ	افغاني دلع	مجلس الصرقعة	18	12-04-2008 10:41 PM

ღღ الناس سمتها تجارب وأنا أسميها جروح ღღ

من حفر حفر لاخيه وقع فيها (موقف مضحك)

مووووووووووويس يبلغكم تحياته وسلااااااااااااااامه

»

الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور

زوار هذا الموضوع الآن : 1 (0 عضو و 1 ضيف)

أدوات الموضوع
عرض صفحة الطباعة إرسال هذه الصفحة إلى صديق