ღღ الناس سمتها تجارب وأنا أسميها جروح ღღ

كدموس · 16-05-2008, 05:05 PM

يعطيــــــك الف عافية على القصة
الصراحة تحمست معها ...
صرت احب يوم الاثنين >>موعشانك يالافغاني ...عشان القصة (*-*)

سع ـوديه · 16-05-2008, 08:56 PM

روووع ـه ؛

بس لو أنهــآ بقسمـ القصصـ أفضـــل ؛

يسلمووو ع القصــهـ ×~

افغاني دلع · 18-05-2008, 08:45 AM

اقتباس


	شي ممتع بكل المقاييس من جد تسلم أخوي افغاني دلع على هذي القصه بس فيه سؤال كم جزء هي؟ تقبل مروري(الزيزوم)

الله يسلمك اخوي الزيزوم

بالنسبه لسؤالك ولا انا ماعندي اجابه<<مسوي بريزن بريك..

تابعنا ياحلو..

افغاني دلع · 18-05-2008, 08:46 AM

اقتباس


	يعطيــــــك الف عافية على القصة الصراحة تحمست معها ... صرت احب يوم الاثنين >>موعشانك يالافغاني ...عشان القصة (-)

الله يعافيك مرورك أسعدني

ان شاء الله موعدنا الأثنين وليس الثلثاء (*-*)

افغاني دلع · 18-05-2008, 08:47 AM

اقتباس


	روووع ـه ؛ بس لو أنهــآ بقسمـ القصصـ أفضـــل ؛ يسلمووو ع القصــهـ ×~

مرورك الاروع

والله ياوخيتي فيها صرقعه يعني مكانها هنا مهوب شين..

G a l a x y · 18-05-2008, 08:18 PM

روووووعه × روووووعه

القصه مررره حلوه

يسلمووووو

افغاني دلع · 19-05-2008, 07:43 AM

اقتباس


	روووووعه × روووووعه القصه مررره حلوه يسلمووووو

تعقيبك اسعدني..وشاكرين مرورك..

افغاني دلع · 20-05-2008, 09:37 PM

الجزء الثادس<<متعشي من جاد..

سعد:تعال نزل الاغراض معنا يافهد.

فهد:ياخوي وش تنزل يجيك الهندي ينزل اغراضك وانت جالس..

سعد:يالله رح ناده..

فهد تعب لين لقى الهندي

سعد:الله من اللقافه يافهد.

فهد:صديق انتا كم راتب ؟

الهندي:يالقفكم يالسعوديين..

فهد:تكلم عربي وش تقول؟

الهندي:انا كلام 600 ريال..

فهد:يعني في اليوم اممممم 20 ريال صح.

الهندي:صهيه.

فهد:بعطيك 50بس تنزل الاغراض وتعطيني جوالك اذا يبغى من بقاله انتا يروه يزيب.

الهندي:بقاله بعيد..

فهد:وانا ليه معطيك 50ريال.

الهندي:صديق والله انا تعبان شغل 40 ساعه باليوم

سعد:بالله خلني اجلده هالبكاااااش

فهد:لا لا خله تراه صادق يعني 40 ساعه يالله يلحق باقي يومه.

سعد:يومه 48 ساعه.

الهندي:انا سيم سيم هذا ماصورة دايم موجود في شاليه.

سعد:تشبيه في محله.

فهد:صديق شيل اغراض بس..وخذ هالمقسوم.

العامل:معليش صديق فلوس بحريني مايشيل.

سعد:معطيه بحريني يالخبل؟

فهد:هذا فلوس بحريني 5 دينار يعني 50 ريال يبغى..

سعد:بدلها بخمسه ريال.

فهد:شكله مهوب راعي خربطه الرجال ماشي في السليم.

وفهد وسعد نزلو الاغراض و يسولفون..

سعد:اما ذا الهندي والله تحفه..

فهد:40 ساعه شغل ههههههههه

سعد:بس تبي الصراحه والله ظالمينهم..

فهد:كسر قلبك ياحياتي.

سعد:بالمره..

فهد :ماااااااااااماااااااا ناقصكم شي؟

ام سعد:الله يسلمك انا برسلك الي ناقص رساله على الجوال..

فهد يمد لسانه (ياحبكم للخساير)

سعد:شكلهم وصلو..

فهد:يالله اجل حنا بنكون في شاليهنا

سعد:اي شي تبونه كول على طول..

ام سعد:ماتقصرون..

فيصل:فهد تعال ننزل اغراضهم.

فهد ياااااااهلا ياااااااامرحبا

فيصل يكلم امه:كل حاقه حتوصلكم زي مابتكون بس انتم ادخلو..

فهد:دقيقه قبل ما أشيل..خلنا نتفق تبيني اشيل الاغراض مع التأمين ولا بدون.

فيصل:هههههههه لاتكفى مع التأمين..وانتبه تشوف لأنك بتدوخ.

سعد:في شي يحرك الضرس؟

فهد:اوف وش هذا يدوخ الضرس..

فيصل:بشرو عسى حمد جاي معكم؟

سعد:ايه شفه ذاك يسبح..

فيصل:عساه يعرف يسبح اهم شي..

فهد:بصراحه هالادمي مواهبه واجد.

فيصل:صح وش صار على مسابقة الرسم؟

سعد:انشقت كراسته في الدقيقه 42

فهد:والمشكله كل التغيرات استخدمها..

فيصل:انا اخبره عنده اصابه.

فهد:قصدك رباط صليبي في الاصبع الثالث يمين؟

فيصل:لا لا فيه تمزق في الاوسط..

فهد:الخنصر ولا البنصر..

فيصل:البنصر.

سعد:اتوقع هو السبب تمزق ومزق الورقه معه..

فيصل:اقول بلا استهبال انت وياه..

سعد:للأسف مافاز ..

فيصل:المستقبل أمامه..

فهد:و غنوة قدامه..

سعد:والله ذيك الغنوه..

فهد:عيب...وينها؟؟

فيصل:والله هالشاليه لو تدخله هيئة ضفت نصهم..

سعد:خل الناس على راحتها..

فهد:ما شفت اخر الليل ..

فيصل:انا ناويها دباب بحري..

فهد:خل الشمس بس تبرد شوي وابشر بها..

يرن جوال سعد

سعد:هلا ابوي ..الله قوه

ابوسعد:الله يقويك..كيف الوضع؟

سعد:كل شي تمام.ماناقص الا شوفتكم انت وابوفيصل..

ابوسعد:ان شاء الله على الساعه 8

سعد:وابوفيصل بيجي معك ولا؟

ابوسعد:ايه بنجي انا وياه.

سعد:حياكم الله..

..........

شهد عطتهم احلى تصفيره

هند صرخت ولكـــــــــــــــــــــم تو شاليهكو

يااااااااااااااااااااااااهلا ياااااااااااااااااااااااااهلا

ام فيصل:مساء الخير

مساااااااااااااااااااء النور حياكم الله..

هند وشهد وروان طلعو يتمشون يشوفون الشاليه..

هند:تصدقين تغير هالشاليه شوي..

روان:بالعكس انا اشوف انه نفسه.

شهد:يمكن عشانهم غيرو مكان البوابة

هند:الجو اليوم يفتح النفس.

روان:بشرو يالدوافير وش ناوين اي قسم؟

شهد:ان شاء الله انقلش

روان:وانتي ياهند.

هند:والله ياحياتي مترددة بين الطب والحاسب.

روان:تبين رايي؟

هند: ايوه

روان:انتي يهمك مستقبلك ولا نظرت الناس؟

هند:والله ياروان الاثنين.

روان:اجل ادخلي حاسب افضل لك.

شهد:اهم شي ياهند نظرة الناس.

هند:طيب يعني اذا ماطلعنا طبيبات من يعالجكم؟

روان:صادقه ياهند بس الطب اختلاط.

هند:والله لو ابي طب ماعلي من نظرت الناس.

روان:انتي تراك عايشه بالمجمتع يعني لازم تمشين معهم.

شهد:شاوري ابوي وربي يكتب الي فيه الخير.

روان:وش هاللوحه لاتفوتكم.

هند :يااااااااااااسلام فيه ألعاب نارية.

G a l a x y · 20-05-2008, 11:52 PM

يعطيك العافيه

قصه رائعه

افغاني دلع · 21-05-2008, 03:49 PM

اقتباس


	يعطيك العافيه قصه رائعه

شكرا على المتابعه...وردك أسعدني.....

مواضيع ذات صلة
الموضوع	الكاتب	المجلس	المشاركات	المشاركة الأخيرة
ღღ الناس سمتها تجارب وأنا أسميها جروح ღღ	افغاني دلع	مجلس الصرقعة	18	12-04-2008 10:41 PM

ღღ الناس سمتها تجارب وأنا أسميها جروح ღღ

ايها الشعب السعودي ارجو التركيز عندي حكي

عيشــــــــــــنا يومـــــــــــــــــــــك((مساابقه))

»

الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور

زوار هذا الموضوع الآن : 1 (0 عضو و 1 ضيف)

أدوات الموضوع
عرض صفحة الطباعة إرسال هذه الصفحة إلى صديق