ღღ الناس سمتها تجارب وأنا أسميها جروح ღღ

افغاني دلع · 09-05-2008, 03:24 PM

اقتباس


	هههههههههههههههههههههههه حلوهـ الروايهـ بانتظار البقيهـ

ردك اسعدني وترقبي الاجزاء المتبقيه..

افغاني دلع · 09-05-2008, 03:25 PM

اقتباس


	خخخخخخخخخخخخخخخخخخخخخخ كلف على نفسه من الهرم عااااد قلت المحلات هع هع يسلموو افغاني على الجزء الظريف

حرام عليك احلى محل هههههه

مرورك اسعدني...

افغاني دلع · 09-05-2008, 03:26 PM

اقتباس


	إبدااااااااااااااااااع خاصة فهد احس إنه مصرقع من جد ننتظر الباقي من القصة بسررررررعه ويعطيك العافيه أفغاني دلع

طالع على جده ههههههه
الله يعافيك ومرورك اسعدني...

افغاني دلع · 09-05-2008, 03:26 PM

اقتباس


	والله القصه جنان خشيت معهم جووو يالله نستنا الجزء 5 يعطيك العافيه

الله يعافيك وخلك على تواصل...

افغاني دلع · 13-05-2008, 08:02 PM

الجزء الخامس
....................
معتز: ولك فينك ياماما

ام معتز:شو بدك تأبر ألبي

معتز:امي ولك متى حنسافر للشام.

ام معتز:بنروح على شهر اوغست عشان بدنا نحضر عرس ابن خالك تيسير

(اسمه تحس انه يقدر الحمص)

معتز:ماما انا مابحب تيسير.

ام معتز:لازم تحبه كرمال خالتك ميسون.

(اسمها تحس انها دوووووبا وقصيره)

معتز:والله ياماما مابدي بس كرمالك راح احضره.

ام معتز:هيدا حكي هيدا كلام...لا حبيبي كرمال زوج خالتك دكتور أكثم..

(اسمه تحس انه طويل وسنونه بارزه)

معتز:ماما شو بدي اخبرك..

ام معتز:شو حكي معك اخوك نوفل ؟

(عليكم اسامي...بالله فكنا من سواليفهم وودنا للحبايب)

......................

هند:اليوم اليوم طالبين الله!

شهد:تصدقين ماجاني نوم!

هند:يالله خلينا نشوف امي عامله ايه!

هند وشهد نزلو من الغرفه يساعدون امهم..

ام سعد: ماشاء الله هند وشهد قايمين الساعه 10 مايصير أكيد المكيف خربان!

هند:والله ماخرب بس بناتك سنعات لازم يبيضون الوجه..

شهد:انا اعذروني تراني ما اعرف ولا ابي اعرف..باي

هند:هي يالدافورة تعالي نبي منك حلا بس.

شهد:يمه فيه كرون فلكس...ابي فتور.

سارونه:ايوا فيه في ثلاجه.

هند:اوف مثل صوت فراش مدرستنا..

شهد:افتحي الدريشة صوت حادث..

ام سعد:ههههه استغفرو ربكم ترا ربي بيعاقبكم..

دخل عليهم فهد..

فهد:انتبهو ترا ربي بيعاقبكم بس على وشو؟

هند:صوت سارونه..

فهد:قصدك جورج وسوف شرقان..

شهد:سارونه تكفين موال قالوا حبيبي ..

فهد:هي الاغاني حرام نبي موال صمتاٌ..

ام سعد ضحكت وماقدرت توقف!

فهد: يمه سروالي السباحه وينه؟

ام سعد:والله مدري دورة في المستودع في كراتين الملابس..

فهد:لايكون فيثاغورس ماخذه.

طب عليهم سعد

سعد:جبت لكم فطور على كيفكم

فهد:ياخوي رابي مع زيود انت ووجهك.

سعد:حرام عليك احلى فول وعدس

فهد:وجايب عدس وش شايفنا مساجين..

سعد:ترا مازدت لك.

افهد:اقول افرش السماط بس.

سعد: متى بتروحون الاستراحه؟

فهد: تراني بخاويك موتري بدخله للمغسله ويغمز فهد لسعد

سعد:اقول خل بنقالي المسجد يغسله من زينه الحين

فهد:وانا ولد ابوي بنقالي يغسل موتري هالكشخه

سعد:ااااااوه صح صح اللون اللون

فهد:أكيد

سعد:بالله احد يشتري اكسنت برتقاليه

فهد :اكسنت في عينك

سعد:قصدي اودي برتقالي

فهد :ياحبك للتريقه انت وجمس الطقاقات الي معك

سعد:على طاري الطقاقات يمه من بيوديكم؟

ام سعد:انت الله يعافيك

شهد:بس شف لاتزعجنا ترا بنمشي الساعه 5

سعد:ماودكم تبكرون ترا المشوار يبيله ساعه

فهد:ودي اتقهوا العصر في الشاليه

سعد:ياخي انت تنفع تطلع اخوي

فهد:يمه ترا بنمشي الساعه 3 وزينو القهوه والحلى

سعد:تخيل تغطس رجل في البحر ووتقهوى في نفس اللحظه

فهد:دقيقه انت تقول رجل في البحر والثانيه؟

سعد:الثانيه بشوتك به
ا
...........

روان:فيصل فيصل فيصل

هااااااااااااااااااااااااااااااه

روان:قم افتح الباب الغدا وبعدين ترا الاستراحه اليوم

فيصل فز من فراشه

حنشوف الحبايب اليوم

رن جوال فيصل برقم غريب

....:الو

فيصل:يس

....:ثس از ماندو فرم بيتزا هت

فيصل التفت على روان طالبين من بيتزا هت..

فيصل:اي ثنك سير غلطانو..

....:اوكي ام سوري بااي

فيصل التفت على روان امي وش طابخه؟

روان :سندوشات خفيفه..

فيصل:اشوا مهوب رز بس.

روان:يالله ترانا نحتريك تحت..

فهد غسل وجهه وصلى ..

ونزل..

فيصل :وش هالحركات الحلوة..

ام فيصل: احمد ربك والله ناوين نروح للشاليه من الصبح..

فيصل:طيب وراكم؟

ام فيصل:ابوك انشغل شوي بالعمل..

فيصل:انا اوديكم بس متى تبون..

لمى:الحين.

روان:يمه انا مكلمه شهد امس في الليل وقلت لها بنتغدى بالشاليه مع ابوي .

فيصل:جاهزين تبون نمشي الحين........ اركبو..

فيصل اتصل على سعد ..

سعد:هلا بنومان..

فيصل:هلا والله.

سعد:وش الاخبار.؟

فيصل:تسرك...حركتو؟

سعد :على الطريق..وانتم؟

فيصل:شويتين ونحرك..

سعد:بنسبقكم هع هع هع.
.
فيصل:دقيقه وش هالصوت؟؟

سعد:صياح فهد انكبت عليه البياله..

فيصل:الله يكون بعونه...يالله اجل تاصلون بالسلامه

سعد:الله يسلمك..

سعد ألتفت على فهد ويهوشه..انت خبل؟؟

حمد:مسوي يعلمني وشلون تثبيت البيالة على الركبه!

فهد:ياخي مادريت انك ماتعرف تسوق..

سعد:احد يحط بيالة الشاهي فوق ركبته..

فهد:وش اسوي ابي افتح زراري مختنق..

سعد:والله عاد اعذرني المكيف مايشتغل وانت موجود..

فهد:ياخوي وش دعوه ترا اهلي معنا وبعدين لاتخاف ماسكها مظبوط..

سعد:لاوبعد ماكل فول يعني مدفعجي صح..

هند:يازين البراد زيناه.

شهد:قصر على المكيف شوي ياسعد..

ام سعد:اقول وش هالكلام اعقلو..

سعد:بالله مانيب صادق؟

فهد:احمد ربك اني جالس في اخر المرتبه ترا والله حر حرام عليك ..

ام سعد:والله ان تشغله ياسعد فكنا من ازعاجه..

سعد:يمه لاتتحمسين انتي اهم شي يجيك البراد ماعيك منه خليه يخيس عشان على المسبح على طول..

ام سعد:والله ان تشغله ..حلفت..

سعد انصاع للأوامر العليا وشغله..

فجأه صرخ فهد وفتح باب شنطة الجمس ويصرخ ترا بطب...

كلهم بصوت واحد "طـــــــــــــب"

فهد:يمه ترا فيثاورس حاطه على الحار!

سعد:اجل شكل المكيف خرب.ويغمز للمرتبه الورانيه..

فهد:سعد هذا شورتك؟

سعد:خله في مكانه..

فهد:اقسم بالله اذا ما قلبته على البارد الحين لأنطله مع هالباب..

سعد يعرف فهد يمكن يسويها..

سعد:شغلناه يالعله..ليتك جاي بموترك والله اصرف..

ام سعد:ورانا مانسمع صوت حمد..

هند:نام يامامتي..

ام سعد:انتبهي لايكون المكيف عليه..

فهد:هذا فايدة السهر نسأل الله السلامة.

هند:سعد أبسألك؟ من قالك ان الهوا جرح وعذاب واجمل ايامه غياب واجمل ايامه غياب ..

شهد:حرف الباااااااااااااااء

سعد:بدي اشوفك كل يوم ياحبيبي ماتغيب عني كل يوم ياحبيبي

فهد:حرف الطااااااااااااااء

هند:ياذكي حرف الياااااااء

ام سعد:يانا يانا يانا يانا في ابوسعد بموت انا

ههههههههههههه

حمد:ازعجتونااااااااااااااا

..............

فيصل:اوف الله يستر وش هالزحمه.
.
روان:شكله حااااادث

ام روان:الله يستر!

فيصل خااااااف واتصل على سعد

سعد:هلا والله.

فيصل:وينكم فيه؟

سعد:وصلنا للخبر..

فيصل:الحمدالله...لأني بزحمه حادث وقلت خلنا نتطمن.

سعد:لاحول ولا قوة الا بالله..

فيصل:بالله قل لفهد لايسبح لين اجي..

سعد:اوك..
...........

بلوره · 14-05-2008, 12:31 AM

يسلمو على البارت اخوي

تعبك راحه · 14-05-2008, 08:37 AM

رووووووووووووعه

مشكووووووووور اخوي

افغاني دلع · 14-05-2008, 04:21 PM

اقتباس


	يسلمو على البارت اخوي

الله يسلمك وشاكرين مرورك..

افغاني دلع · 14-05-2008, 04:21 PM

اقتباس


	رووووووووووووعه مشكووووووووور اخوي

مرورك اسعدني اخوي..

الزيزوم · 15-05-2008, 04:32 PM

شي ممتع بكل المقاييس

من جد تسلم أخوي افغاني دلع على هذي القصه

بس فيه سؤال كم جزء هي؟

تقبل مروري(الزيزوم)

مواضيع ذات صلة
الموضوع	الكاتب	المجلس	المشاركات	المشاركة الأخيرة
ღღ الناس سمتها تجارب وأنا أسميها جروح ღღ	افغاني دلع	مجلس الصرقعة	18	12-04-2008 10:41 PM

ღღ الناس سمتها تجارب وأنا أسميها جروح ღღ

موقف اليوم (تموت ضحك)ج4

وضحى الكذبيه ووضحى الصدقيه

»

الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور

زوار هذا الموضوع الآن : 1 (0 عضو و 1 ضيف)

أدوات الموضوع
عرض صفحة الطباعة إرسال هذه الصفحة إلى صديق