الف الف مبروك للاعضاء الفائزين بالجوائز

مسيك بالخير يا وجه الخير

وصبحك بالخير يا وجه الخير

وشلونكم عساكم بخير والله اني مقصر ومبطي ما نزلت موضوع

لكن وش اسوي الدنيا مالها امان مرة تصير غني ومرة تصير فقير

مرة تصير ملك ومرة تصير اسير مرة تصير عزيز ومرة تصير حقير

ومرة تكون رجال ومرة تكون مثل الحمير

ومرة تكون تعبان ومرة تكون بخير
هههههههههههااااااااااااااااااي

ترى هالمقطع اللي فوق كتبته وانا توني قاري مجلة فواصل
ومسوي فيها راعي نثر وحركات نص كم


بالبداية احب اقولكم بالتعاون مع الإدارة اتفقنا اننا نعطي جوايز
للاعضاء اللي فازوا

والجائزة عبارة عن كرتون بسكوت منتهي تاريخه ونص كرتون ببسي
والنص الثاني ديو وكلهن باقي على نهاية التاريخ شهر
وتيس اعرج وعنز عوراء وقطو اسود وفار ميت

تبي تقولون وش هالجوائز المخيسة
ابقولكم ليش
لان اذا اكلتوها راح تكونون منتهين ومنسمين
وبكذا راح نشوف مواضيع مهبولة

<== الله ياخذ وجهك انت وجوايزك وشرحك بعد
هههههههههههههههههههههااااااااااااااااااااااي

==========================
الفائز الأول

مزاجي


فاز مزاجي الملقب بالجرذي الميت بجائزة نوبل للخياس والريحة الشينة عن اختراعه للعطر الخايس الجديد (( بيارتنا )) وهذا العطر من قوة ريحته إذا بخيت على نفسك اثنين نفر بخة اصبر بعدها اربع دقائق فقط وبعدها راح تلاحظ من شدة الخياس ان فيه دخان اخضر يطلع من اباطك واثناء رفع يدك سوف تجد الناس اللي جنبك على اليمين وعلى اليسار ميتين كلهم من شدة الريحة وباستطاعتك استخدامها كاسلحة دمار شامل..
وعند سؤال مزاجي عن شعوره بعدما فاز بالجائزة ضحك وقال انا فرحان جدا بهذه الجائزة اللي ما جت الا بعد ان قضيت سنوات في بيارة جيراننا
<== ترى جيرانه لحوج ويشتغلون عسكر وانواع الريحة
اشم الريحة وامزجها مع ريحة اباطي <== بعد هالمقطع اتوقع اثنين داخوا وواحد جته غيبوبة ههههههههههاااااااااي

وبعد عدة محاولات نجحت ولله الحمد وافكر الحين انتج عطر الريحة فيه مركزة دبل العطر هذا واحتمال يطلع الوان الطيف <== عطر حق كشخه
وحتى فيه شيء فوق الدولاب ابجيبه .......طوط طوط طوط

<== رفع يده والريحة نتشرت ومات مزاجي والمذيع والمصور

<== ياحرام مااخذ الجائزة هههههههههههاااااااااااااي
=========================================
الفائز الثاني

المجهول

فاز بجائزة نوبل للفيزياء المخترع المجهول الملقب باينشتاين منفوحه عن اختراعه للنظرية الجديدة وتقول النظرية الجديدة رب قوم زهبوا الى قوم فلما القوم الاولين مالقوش القوم التانيين ركبوا تاكسي ورجعوا تاني

وهذه النظرية تلخص ان الانسان اذا قذف شيء ما على شخص ما فإن الشخص الما سوف يصاب بهذا الشيء الما وسوف يحدث له شيء ما <=== تحسون توه عارف كلمة ما ويبي يحطها باللي هي به

وقد طبقت هذه النظرية في فرنسا وامريكا واليابان ووجدوا ان النظرية متميزة وما قد احد سبقه عليها وقرروا منحه جائزة نوبل للفيزياء ولكن لسوء الحظ لم يستلمها لان صار عليه حادث وتوفي رحمه الله انا لله وانا اليه راجعون
==========================
الفائز الثالث

منسدح في طريق العليا


فاز الشاعر والاديب العالمي المنسدح الملقب بشاعر التحليه بجائزة نوبل للأدب عن قصيدته الحزينة

ياخل مشتاق لك الله ياخذ وجهك
ليش ما ترجع


ونعطيكم مقطع من قصيدة له
طبعا سلملي على الوزن وبطريقك الله لا يهينك سلملي على المعنى والشباب اللي عنده
ههههههههههههههههههاااااااااااااااااااااااي


من زمان انتظرك
وانت ما جيت
من زمان احتريك
ليش ما جيت

لو اني سويت شيء غلط
قلي ترى هرجك غلط

والله مدري انت ادمي والا حيوان
عذبتني ليش ليش ليش ترى انا انسان

ليش ما جيت ليش ما جيت ليش ليش ليش

طرع طرع طرع طرطرطرطرصق صق صق صق
<== عادي تصفيق الجمهور
ههههههههههههههههههههههااااااااااااااي
========================
الفائز الرابع

خالد اليزيد <<< ياحبي له دايم اذب عليه ومايقول شي

فاز بجائزة نوبل للأحياء العالم الكبير خالد اليزيد عن نظريته ان الانسان كان اساسا قطعة جزمة بس مع الوقت تطور الى حمار وبعدها إلى قرد وبعدها إلى ادمي <= بوكيمون ماهو انسان
واستدل بأن بعض الناس شعرهم فلافل وهذي تؤكد انهم من النوع اللي يجي لزاق واللي شعورهم ناعمه استدل على انهم من النوع الجزمات اللي لها خيوط والصلعان او بمعنى اخر الاقرع هو من نوع الجزمات الايطالية والاسبانية اللي ماهي خيوط ولا هي لزاق كذا جايه بس <= تراه تورط ما يعرف يشرح
هههههههههههاااااااااااي

واستدل على الوان البشر لان فيه جزمات لونها ابيض واسود وبني وقد صدم كل من العالم فرناندو جيم العالم الفرنسي والعالم مايكل جونسون العالم الامريكي والعالم المصري مدحت ابو خيشة من اختراع العالم المنفوحي نسبة الى مسقط راسه خالد وهي منفوحه
==========================
الفائز الخامس

واحد حلو

فاز الكاتب النادر من نوعه واحد حلو بجائزة نوبل للسلام عن كتابه الشهير ((ليش نتهاوش)) وذكر فيه اسباب الهوشات وان الدنيا ما تسوى اننا نتهاوش ولازم نصير اخوان وان الهواش يمكن تعدم علشانه يعني يجي واحد ويطلب قلم منك وتعطيه قلم بك ازرق ابو نص ريال وبعد ما كتب وعطاك القلم فجأة طاحت الغطاة وقلت له هاتها قال ماني جايبها وبعد كلام منك وصراخ منه صارت هوشة وكبرت ومات واحد منكم والسبب غطاة قلم
(( والله عاد السالفة هذي حقيقية وصارت يعني مات واحد والسبب غطاة قلم بك ابو نص ريال )) فاستدل بذلك على ان الهوشات مالها داعي
=========================
الفائز السادس

ابو مهند

فاز بجائزة نوبل للموسيقي الموسيقار العظيم ابو مهند عن معزوفته الشهيرة التي اسماها بحيرة الغربان ولازم يكون معك اوركسترا محترم علشان تضبط المعزوفة وايضا لازم يكون فيه قدر ذبايح علشان الصدى ونجر علشان ندخل عليه شوي من فن التراث وربابة وطاولة مدرسة باحد الفصول وياليت تكون الطاولةاللي بالزاوية لزوم الترويس << يلعن يوم الطلعه اللي مدري وش تبي
ونتحفكم بهذا المقطع من المعزوف لتستمتعوا فيها

دن دين دن دان دن دن دين دان دن دين دان رع رع دن دن دين دان <== ما كنه واحد ماسك جواله ويحاول يألف نغمه
هههههههههههههههههههههههههههااااااااااااااي

==============================

الفائز السابع

ملاذ

فاز الجراح العالمي ملاذ بجائزة نوبل للطب <== عاد هذي قوية حيل
ملاذ ويفوز بجائزة بالطب

لا يستاهل يستاهل انا من شفته ذاك اليوم يسولف عن فوايد الحلتيتة والحلبة وانا داري ان هالراس فيه معلومات طبية كبيرة
ههههههههههههههههههههههاااااااااااااااي

المهم فاز عن طريقة اكتشفها لزرع الاعضاء الجسمية ماهو اعضاء المنتدى <= =تراه في هذه اللحظة يستخف دمه
هههههههههههههههههههههههههههههاااااااااااااي

والطريقة هي ان تقوم باخذ عضو معين وتحطه في مكان معين وسط تراب معين وتسقيه بكمية معينة وبعد مدة معينة تاخذ العضو المعين ويكون قد نمى بطريقة معينة <== ياليتهم يصكونك بزبيرية معينة علشان تعرف تسولف بطريقة معينة
ههههههههههههههههههاااااااااااااي

المهم بعد ما تاخذ العضو وتدقه بالنجر لين يصير طحين وتشربه مع القهوة وهو داخل جسمك راح يتكون ويتجمع وينمو بطريقة معينة <= ماش عجزت اصبر عن كلمة معينة توني متعلمها لازم اقولها
<== تعجبني فيك روح الصراحة
<== شكرا ياقلبي
ههههههههههههههههههاااااااااااااي
==========================
الفائز الثامن

الزعيم

فاز بجائزة نوبل للنذالة الاديب المعاصر الزعيم عن كتابه كيف تصير نذلا بطريقة معينة <== الله لايجزاه بالخير اللي علمك كلمة معينة كانك اشغلتنا فيها
هههههههههههااااااااااي

ويحكي الكتاب عن السبل والدوافع اللي تخليك نذل ومنها الحقد، الحسد، والبغض، الكره، والدجة اللي فيك ، عدم ثقتك بنفسك

ويخبرك الكتاب بأن عليك التدريب على اخوانك ومن هم بالبيت حتى تصبح محترفا بالنذالة وبعدها انتقل الى خارج اسوار البيت
<== ترى اسوار البيت غشيتها من جريدة
ههههههههههههههههههههههههههااااااااااااااي

ومنها تخلي اخوانك يتهاوشون والسبب انك سرقت من احد اخوانك شيء ماهو معين وحطيته عن اخوك الثاني ورحت تعلم الاول انك شفت الثاني يسرقه

وطريقة اخرى تذهب مع اخوانك للسوق واذا دخلت محل تقول لهم انا ابشغل راعي المحل وانتم اسرقوا واول مايسرقون وتمتلئ جيوبهم قل لراعي المحل ترى ذولا اسرقوا فتشهم وبعدها جب كرس واجلس استمتع بالطق اللي يبي يجيهم وخصوصا اذا كان راعي المحل له يومين ما باع شيء وحاقد بقوووووة
هههههههههههااااااااااااااي


==========================

الفائز التاسع

فهودي

فاز بجائزة نوبل للبخل البخيل المحترف فهودي الملقب بنص ريال عن كتابه ((مليون طريقة وطريقة لتحافظ على ريالك)) ويتحدث الكتاب عن عدة طرق اذا نفذتها استطعت المحافظة على ريالك ومنها
إذا طق عليك واحد الباب اطلع له وانت طالع صك الباب معاك وكنك ما انتبهت وقل يالله نسيت المفتاح داخل والبيت مافيه احد وبكذا ما راح يقلط وراح توفر شاهي وقهوة على اقل تقدير

واذا رحت تتمشى مع اخوياك حاول انك تصير اخر واحد يقوم من الطاولة لانه الاول اذا قام طبيعي راح يحاسب واذا ما حاسب الثاني يبي يحاسب وهكذا

اذا كنت مسافر لمدينة ما صفط عند النقل الجماعي وشف واحد يبي يروح للديرة اللي انت تبيها علشان يدفع كلفة البنزين وبكذا راح توفر كلفة البنزين وكنك مسافر بلاش

والطرق كثيرة ولا يسع المجال لسردها كلها <== بالله تعظيم سلام لسردها
هههههههههههههاااااااااي
وعلى الاخوة الفائزين مراجعة الإدارة لاستلام جوائزهم
<== حطها براس الإدارة
هههههههههههههههههههههههههههاااااااااااااي

===========================
وفي الختام نشكر كل الاخوة الذين تقدموا باعمالهم لنا ولكن جودة هذه الاعمال هي التي جعلتها تفوز وليس الواسطة زي ما تقول الشائعات الحاقدة
وشعارنا الدائم هو الفوز للافضل


ويابو مهند الله لا يهينك وين اللاب توب اللي تقول انك تبي تعطينياه
وانت يا المجهول ترى ما صارت رخصة فتح محل
اخلص علينا ورانا عيال نطارد وراهم
ههههههههههههههههههههههههههههاااااااااااااااي

واخر شيء ادري ان الموضوع ماهو قد المقام لكن لاني مبطي مانزلت شيء هذا اللي جاء برأسي ونزلته

اتمنى انه اعجبكم

مع تحياتي لكم كلبوووووكم

مزاجي

اقتباس الكاتب : بنت النور لاوالله حلووووووو ومصرقع بجد مشكور والله يعطيك العافيه تحياتي

والله ياردتس يابنت ابوي

احسن من اللي قروا الموضوع ولاردوا

يكفيني ردتس ياغلاهم

اقتباس الكاتب : المجهول هههههههههههههههههههههههههههههههههههههههههههههههههه ه حسبي الله على شرك يامزاجي لاتكبر روووسنا عاد مره صح أني أخذت جائزه بس ماابي اعلم الأعضاء بعدين يحقدون ويصكوني بعين والحسد هاليومين اللهم ياتسافي بس من جد موضوع مصرررررررقع لأبعد درجات القرقعه يابعدي حيي <<< ياحليلي ولا تطول الغيبات مرتن أخرى تقبل تحياتي...

<<< يالبرتقاله عذبتي حاله <<<< يالربع تراه موسوس لاحد يشره على دخلاته

لا يالنذل يالمجهول اجل جاحدن الجايزه

يوم ادق عليك ذاك اليوم تقول ايه معلمهم لا يالسمرمدي <<< ابو الشباب قاط معك

عاد من زينك يوم يحسدونك انت وخشتك ذا فالصوره تحس انه واحدن افدغ مطلعينه يحل مسالة رياضيات

يهيهيهيييييييه

نورت الموضوع ياقشطه

احم احم