عشقي ليوم الخميس خلاني احلله بقووه هع

* درر * · #1

السلام عليكم

في ليله من لياالي الشتاء الباارده <-- بدايه مشوقه

امزح بس عجبتني المقدمه

اقولكم يوم الخميس اللي رااح وانا افكر ياربيه وين نرووح وين نروح

طبعا انا من عشااق يوم الخميس مدري ليه احسه غالي علي <-- علينا كلنا

وما احب اضيعه في اي مكان مثال:لسوق - الجيران ---- الخ

بعدين لا يمكن يعدي يوم الخميس وانا مرتزه في البيت

وافكر واخطط لين جت فوق راسي لمبه <-- متأثره افلام كرتوون

رحت عند امي

انا : يما وين بنروح اليوم ؟

امي : مدري والله يقولون مرت ولد عمتك ولدت نبي نروح نزورها

انا : هااه <-- ماتبي تضيع يوم الخميس ع حاجه ماتسوى

امي : ليش وش عندك ؟

انا : صديقتي عند ابوها استراحه دقي على صديقااتك وخلنا نتجمع هونييك

امي : قالت ايه والله صح من زمان عن صديقاتي ودي اني اشوفهم

انا : واخيرا نجحت الخطه ونااااااااثه

وارسلت لهم رسايل تقريبا كلهم وافقو الا وحده قال وش رايكم نروح حديقة الوطن بلا استراحات بلا وجع راص

مير وكلهم يوافقون ع الحديق

وانا البس العتاد واضبط شغل الطلعه <-- حسستيني انك رايحه البر

خخخخخخخخخخخخخ

الموهيم

رحنا للحديقه عاد ما جو الا 2

بس ماعليه برضو وناثه

تعرفون صديقات امي ذوول كانو في مدرسه وحده يدرسون <-- يعني معلماات

لين الحين كل وحده فيهم راحت مدرسه وتفرقوا

امي طبعا راحت مركز التدريب والثاانيه راحت مكتب التوجيه الثاالثه اداريه

يعني كل وحده فيهم شافت مستقبلها

مير لمن تقابلو يوووووووه صدق من قال سواليف الحريم ماتخلص

شفتي فلانه تزوجت ياحليها والا علانه ذييك اللي زوجها مات والا زيك اللي من بعد10 سنين طلعت حامل

وقسم بالله اني انغثييت مررره ومدري وشو هرج حريم مايخلص <-- لا انتي اللي يخلص خلي الطابق مستوور بس

رحت انا بنات وحده فيهم ندور في المنتزه الا ياطويلين العمر اقنصلكم هوااش من بعيد

ياحلاوه ونااااااصه واسحب وحده معي ونجي مدرعميين نبي نشوف وش الساالفه

الا طلع هواش بناات كبار تسذا كنهم بالثانوي وانوااع الفشاايل اللي عبايتها انفصخت وطاالع كل الشغل

صراحه لو كان الجوال معي كان صورتهم ونااصه تخيلوو معي في مكان عام وتلاقون ذا الشئ

والله استاانست مرره رحت طلع الهواش مع تكرونيات ووحده من اهل الرياض

التكرونيه من زود حلاها لابسه تنووره فووق الركبه وبلووزه مايحتاج ماكنها بلوزه اصلاً

والجسم والبلاااوي والشغل كله طااالع استغفر الله

من زين الجسم الحمدلله الذي عافاانا بما ابتلاهم به وفضلنا على كثير من خلقه

وقداام الرياجيل تشووفهم مستانسين ع هييك منظر <-- الله لا يلومهم

اول مره يشوفون طقااق بنات متعودين ع العجرا والشغل اما بالشعوور ذي قديمه

مير اني اتصمر في مكااني لين تخلص الطقااق وتجي الادااره وتفكهم

بس بيني وبينكم التكاارنه سيطروو ع الوضع تماااماً

اكلو اللي قدامهم واللي وراهم بكل اماانه هم 3 نفراات على نفرتين كل الدلع يعني تصفقون قليل فيهم

والحمدلله عدا الموقف على خير

يوم احنا راجعين كذا ع السااعه 10

كان فهد عنده كووره وطاق مشواار من البديعه لييييين الحديقه ذي

ويقولون انه كان معصب <-- هذا ماشهدته الاخبار يوم امس

ويوم احنا في السيااره مير وامي تقول درر ماودك نروح عند عمتك

وفهد يزيد الطنقره مو كفايه مشورتووني كمان نبوتي اوديكم

ماني موديكم اصلا مو على طريقي بيتهم <-- كلها فشخه رجل بينا وبينهم

ومير وامي تسكت شوي وبعدين قالت هااه تودينها عشان لو بتودينا نكلمهم

قال كلمووهم <-- يالبيه يا احلى اخ

<-- الله يخلي المصاالح

قالت امي درر كلميهم ودقيت على بنت عمتي قلت لها انتو وينكم وتقوولي احنا في مطعم وش بغيتو

قلت لها لا بس تونا راجعين من المنتره وبغينا نمركم <-- قصدي نسمر لين السااعه 1-2

قالت اصلا احنا خلصنا والحين راجيعين البيت <-- نبي نتقابل بعض بأي طريقه هع

قلت طيب هالسرعو عشان مانروح بيتكم وانتم موب فيه <-- ماتستحي مااره

يوم قفلت قلت لامي تقول انهم بمطعم والحين خلصو وراجعين للبيت

قالت امي طيب هم باي مطعم وادق مره ثانيه انتم وين بالضبط وتقولي احنا عندي بيت ام فلاام

<-- مشوووووره

يووم قفلت قلت لامي تقول انها هااهـ حول بيتنا <-- ابووك يالفقش

قالت امي دام انهم حول بيتنا خلهم هم اللي يجونا <-- مير بالغصب نبي نتقاابل

وادق مرره ثاانيه تعالولنا انتم قالت اصلاً احنا من الاساااس ناويين نتعشى ونجيكم

مير الله يحييكم خلاص اوكي

وعمتي ووبنتها وهم بالطريق قالت عمتي لبنتها دقي عليهم شوفي مرت خالك بنتام والا لا

عشان امي الله يصلحها اذا جاها النوم تحجد ابو اللي عندها وتنااام

دقت بنت عمتي وبالاسااس هي اصلا مادقت بالعربي تسلك لامها وقالت اقول درر امك بتناام ايه اجل خلاص مع السلاامه

<-- ياحبنا لبعض وقسم ان نبي نتقاابل باللهيبه

هذا كله وانا وبنت عمتي ومدرينا عن الفقشات اللي قلناها لامهاتنا

هههههههههههههههههههههههههههههههههه

وه بس امي وامها يوم درو وقسم ان ع باااالهم متفقاات واحنا والله ماجبنا طاري

وخ بس ياحبني لها

وبث هذا يوم الخميس تبعني حللته من جميع الجهات خخخخخخ هع

هاه وش تسون يوم خميسكم ؟؟

انشالله ما طولت عليكم <-- قولي قآآ

ههههههههههههههه

خالص ودي

درر

candy shop · 26-04-2008, 05:34 AM

خميس انمااا ايه شـــــــــــــــــــــــــــــــــــــئ

ما شاء الله عليك مابقي مكان مارحتي له<< هــــــــــــــــــــــــــــــب خخخخخخخخخخ

اهم شي انبسطتي ؟؟

وهـ بس يا حووووبي للخميس ....

مصرقـــع مـآركــــه · 26-04-2008, 11:04 AM

ههههههههههههههههههههههههههههههههههههههههههههههه

ايه تعجبيني انتي وبنت عمك ياهيك الشغل يا بلا

بس ما شاء الله عليك فريتي ابوووهم فر

والخميس آآه من الخميس << الناس تآخذ اجازه وانا الكرف يجيني بالخميس

بس اهم شي ذيك التكرونيه فاازت << انبسط يا موويس ربعك سااطين عليهم

ثااانكس درر ،، والله يجعل ايامك كلها ونااااسه ..

fragrance · 26-04-2008, 11:35 AM

ياحليلك من جد وانا اقرا حسييييته اسبوووع موخميس

والاكشن من ذي التكرونيه ميه ميه

والله خميساتنا مشكلات يوم نطلع ويوم نطلع وعشرا مانطلع خخخخخخخخخخ

الله يهنييييييييييك بكل الايام مو بس الخميس

من جد قطعتيه بالطووووووووول وبالعرررررض

يسلموووووووووا ع موووضوعك الراااااااااائع ياقلبوا

تقبلي مررررروري الصباااااااحي<<<<اكيد انتي في الدوااااام<<<<<<<اللهم لاشمااااته

تشااااااااااااااااو

هلاليه للابد · 26-04-2008, 02:01 PM

اهليييين درر حبيبتي ..

والله انتي وبنت عمتك رايحين وطي من جد زااااااحفيييييييييييييييييييييين <<<احلى ياموأدبه

انا اعششششششششششششششق يوم الخميس

وهـــ بس فديييييييته والله

عاد الخميس هذا غيييييييير كان زواج عمتي والله فلللللللللله الله يوفقها وعاد انا ماافوتها على نفسي ماخليت رقصه مارقصتها حتى دسكو رقصته

تسلميييييييييين خيتو على هيك طرح..

دارت الإيام · 26-04-2008, 02:02 PM

ياسلاااام ههههههههههه خطيرين انتي وبنت عمتك

ياليت اعرف امك وربي اقول لها *_*

بس اذا على طاري طقاق البنات مره شفت بس من بعيد لبعيد

ههههه صراحه ودي افزع مع وحده مسكينه مع انها الغلطانه

بس بجد تصفقت على خشتها ..

الموهم ماعلينا ...

الزبده من موضوعك الحين تتلخص في انه يوم الخميس وش سويت فيه

صراحه انا اول يوم الخميس و الاربعاء مافوتتها لازم اسوي شي اعتبره يوم استثناي يكون

غير عن الايام العاديه بس الحين صراحه صار كله واحد

يعني يوم السبت مثل الخميس

استراحه و نادي هذا اهم شيئين اسويها في روتيني اليومي طبعاً بعد العمل ويفرق الخميس والجمعه مافيش عمل

بس هالمره الخميس اللي فات غير شوي من زمان بجد عن طلعات الثمامه

يمكن اكثر من 8 شهور الموهم صحيت من النوم الساعه 8 اذان العشاء يوم الخميس

وكنت نايم في المحلق ., واشوف 13 مكالمه تقريباً من ماما ..

قلت غريبه وش هالمكالمات .,, الموهم دقيت عليها قالت حنا في منتزه الواحه في الثمامه

وعمانك وخواتك معنا تعال غير جو .. قلت والله مب شينه نروح من زمان عن هالاماكن

الموهم انا صراحه لبست ثوبي وشماغي طبعاً قبل خذت دش وصليت ومسكت الطريق

اول ماوصلت المنتزه اعطيهم اسمي وادخل بعد ماحددت رقم الشاليه طبعاً دخلت امشي على رجولي..

انا صراحه اول مادخلت قلت الله الله وش هذا كله مو على منظر المنتزه .. على شي ثاني *_*

بس بجد كان ضايق صدري مو على شي بس على اني ماكشخت ذيك الكشخه على بالي انها عاديه

ولي اسبوع او اكثر ماحلقت مع اني في الاسبوع مرتين احل الا هالمره على حظي

.. صراحه ضاق صدري وقبل ماطلع بعد ماتعشيت الساعه وكانت وقتها الساعه 2 الليل

رحت لماماااا وقلت متى تطلعون ثاني مره تكفين قولي لي قبلها بيوم علشان اخذ احتياطي

صراحه عجبني المنتزه .. *_*

هذا يوم الخميس ورجعت ثم رحت الاستراحه حتى الفجر بعدها دخلت النت حتى صلاة الجمعه ثم صليت ونمت..

بالتفصيل *_*

تقلبي مرروري ومشكوره علي قصتك

sweet heart · 26-04-2008, 02:52 PM

ياللــــــــــــــه إنك تحيي درر يالله

عرفت ليش تحبين الخميس؟

لأني مولوده يوم الخميس لبى صماصيم تسبد قلبي<<وااااااثقة!!

والله ذكرتيني في بنت خالي وأختي ياهم يكذبون كذب يشق الأرض بس عشان يتقابلون ويقرقون!!

عاد الله يلجهم ياعليهم قرقه قسم بالله بثروا ذا البنتين ماعاد أبي اسمع سواليفهم مره مره خلاص اكتفيت منهم!!

والتكارنه مافي كلام إنهم اللي بيفوزون!!

Enjoy your Thursdays

مشكورة على الموضوع الحلو00 تقبلي مروري

n0nah · 26-04-2008, 06:40 PM

خخخخخخخخخخخخخخخخخخخخخخخخ

الله يرووووووووجتس يالخبله هع هع هووع

فيه مثل .. انا متمسكه فيه بيدي ورجليني ...

( ضيع قميصك ولا تضيع خميسك خخخخخخخخخخخخخ )

وانا ماالوومتس والله على التحمس لهذا اليوم الخطنطير خخخخخخخخخخخخخخخخخخخخ

اهم شي يادووبه انك استاانستي ... ووسعتي صدرتس ...

تقبلي ودي ..

عنقليزيه فله · 27-04-2008, 01:32 AM

ههههههههههههههههههههههههههـ يــــــــــــــــــــــــــــاحليلك يادرر خميسكم بصرااااااااااحهـ شي وهـ عســـــــــــــى ماتعبتي انتي وامك احسك غااااااااااااااااااااااامرتي يوم الخميس ........... اما انا الخميس طقيت هوشه مع عبيييييييد ( تكرونيات) في الملاهي انا وصديقاتي !!!!!

* درر * · 27-04-2008, 05:24 PM

اقتباس

الكاتب : candy shop [عزيزي الزائر يتوجب عليك التسجيل لمشاهدة الرابط للتسجيل اضغط هنا]


	خميس انمااا ايه شـــــــــــــــــــــــــــــــــــــئ ما شاء الله عليك مابقي مكان مارحتي له<< هــــــــــــــــــــــــــــــب خخخخخخخخخخ اهم شي انبسطتي ؟؟ وهـ بس يا حووووبي للخميس ....

قولي ماشالله لا يجي الخميس ذا وارتز بالبيت

مشكوووره ع المرور ياحوبي

خالص ودي

درر

عشقي ليوم الخميس خلاني احلله بقووه هع

اسأله حيرت العالم ادخل وجاوب خخخخخخخ

يــــــــــــدا" بيـــــــد نقضي عليه!!؟

»

الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور

زوار هذا الموضوع الآن : 1 (0 عضو و 1 ضيف)

أدوات الموضوع
عرض صفحة الطباعة إرسال هذه الصفحة إلى صديق