يبـــــــــــه ابي اعرررررررررررررررس ( الجزء الـ2)

تـ ع ـتب · #1

السلآلآلآلآم عليكم

شلونكم مالونكم

[COLOR="black"]وفعلاً طلع تعتب وهو يسابق ويلاحق احلامه من ربعه لربعه وهي تهج منه واول مخلوق فكر فيه انه يبشره هو البنت الغلطانه > فكوووووك
طبعاً ارسل له رساله وهي ماحلمت فيه بس تجامله خخخخخخخ

^ هذا اخر الحلقه الماضيه خخخخخخخخخخخخخ

وقرر انه يدور موضوعن سنع علشان يبيضه > دجاجه هي يبيضه

ورجع للبيت وهو يفكر ويدور ويحاول يجيب مووضوعن شسمه سنع >> مايدري شلون يبداء موضوعه خخخخخخخ

طبعا دخل للبيت وانسدح على اقرب شي ينسدح عليه وقعد يفكر لين نام
شوي والا يقوم على جرس انذار الحرائق

تعتب / وش فييييييه ..!
اخوه الصغير / قم فز بيتنا يحترق

تعتب / ايه خوش موضوع للصحافه > الناس وين وانت وين

مادريت الا باللي يشوتني ويطلعني من النافذه وللأسم الرجل هذي ماهي غريبه علي دايم تشوتني الا وهيا رجل ابوي
المهم > انت الاهم > شكرا > عفوا > ياخي والله اني احبك > حتى انا ياخي > وش رايك تشطفهم ونترك الموضوع واعزمك على العشى
> تهقى .. > اقول اخرس خالص

>
بعد ماطلعت وشفت البيت من برا يحترق وانا اضرب كفاً بكف > احس اني مثقف
واقول لا حول ولا قوه الا بالله وانا اتذككككر الكاميرا اللى اعطوني اياه الشغل
قلللت افا هذا من اولها كذا لآزم ادخل واجيبها
وانا اشوف البنات يمرن من عند بيتنا وانا تجيني النخوه والقوه يعني اتميلح قدامهن وانقز هذيك النقزه اللى صبخت براسي بالجدار
وحده منهم / بسم الله عليك

الثانيه / يالبي هالزين القوي بس انتبه الثاني مره > تفشلت

تعتب / كح لآلآ لآلآ ماا ماا ماصار شي > حاط يده على خشمه يحس انه صار اكبر شي بالدنيا
سين سؤال : ؟؟
ليش اذا ضربنا الخشم لو ضربه خفيفه نحس انه يكبر

يالله كل واحد يكتب لي الاجابه بورقه ويرسله بالبلوتوث > مايدري وشو البلوتوث

نرجع لموضوعنا
مدت وحده يدها لي وكانت تنظر وتسبل بعيونها وانا عاد اللى اخق > والم

وانا اتذكر البنت اللى ارسله بالجوال واقول في نفسي لآ هذي خاينه > يرحم امك فكنا

وانا اسوي نفسي قوي واقوم وارجع ادخل مره ثانيه ودخل لم غرفتي وطبعا كل هالاحداث تصير بالبطيء مثل افلام كرتون علشان تبين اللقطه
واخذ اغراضي والنار تشتب من حولي وانا اغني .. يانار شبي من ضلوعي حطبكي واخوي وراي يطبل > تقل ماهو وقته
وانقز من النافذه وانا اجر اخوي معي ونطيح على كومه تبن > من وين جت مادري لاحد يسأل

وهم يصفقون لي ويصفرون وانا ازجر واركض مره ثانيه للدور الفوقي واطبح خخخخخخخخخ
لين مسكوني بالمره الثالثه وقالوا لا تزجر يكفي
وصرت اصور بيتنا واصور نفسي > لآزم يدخل بالحدث
ومن بكرا رحت مستانس ماهمني بيتنا اهم شي موضوع اكتبه
وللكن للأسف صبخوا التقرير بوجهي وقالوا لنا هات موضوع مثل الناس

وليش يعني الحرائق ماهي مثل الناس والا علشان الاسعاف جو عقب ماطفينا النار ..!!!!

المهم رحت ادور على اي موضوع يبل كبودهم
ومن ربعه واقعد الحق قطوه شفتها قلت يمكن عندها سالفه بس للأسف دخل من جحر مادري وشو وتركتها
وادخل البقاله واشوف واحد من اصدقاي مرتز يبي يحاسب فجأه هج

قلت لا بس اكيد هج مني

> شاك بنفسه
بس بالاخير طلع مادفع الحساب > ام حق
طبعا جابوه وجروه لين ماوصلوه للبقاله ورجعوا اغراضه
قلت لهم خلوه ودفعت الحساب > قووي كح
وطلعنا انا وياه وانا بيني وبين نفسي مادفعته الا مصلحه بس بصوره واحطه موضوع لي خخخخخخخخخخخخخخخخ
فهد >ماهو ولد ابو فهد هع / شكراً يعني انت اشجع واحد بالعالم > كيفي انا ابيه يمدحني
تعتب / لا عاد ماسوينا الا الواجب > انت بس ورني وجهك بصورك ويصير خير > يقوله بخاطره
فهد / مدامك ياخي كذا انا بعزمك عندي
تعتب / تعزمني بفلوسي > وجهه مغسول بمرق قسم

فهد / هاه ايه ايه فلوسك تعال ياخي من حقك
تعتب / ايه شكراً ماتقصر قوه قوه > نيته شينه
ويوم صولنا البيت وهو يطلع ابوه ومعه خيزران من الخرعه على طول حبيت راسه / هلا هلا ياعمي ا احس عم بالدنيا
هو الظاهر شاف وجهي ورحمني
ابوفهد / وينك توك تجي يالصايع
فهد/ يبه عزمني تعتب
تعتب / يكذب > يا انت تبن ياخي اسكت ابلع العافيه
فهد وهو يضربني بكوعه / كح .. وش تقول
تعتب / هاه ايه ايه صح انا اسف لاني عزمت ولدكم > خخخخخخخ
تعتب / اصلا اصلا انا بس بوصله للبيت وبرجع كح مع السلآمه عمي
مادريت الا فهد لاصقن وراي / هيه لا تتركني
تعتب / ياخي وش تبي ما اعرفك حتى صورتك مابيها
فهد / اي صوره
تعتب / هاه صورتك الحسنه يعني ونيتك الطيبه > عاش مرقع

فهد/ لا تتركني ارجوك > متاثر بالمسلسلات
تعتب / هاه ياخي مشكلتي قلبي طيب تعال اخذك معي
ابو فهد / على ويييين ان شاء الله انت وياه
تعتب / أأ أأ .. أأ ..أأ .. شسمه .. انا والله بروح لشسمه .. ابي .. هذا .. ياربي .. وش كنت بقول .. ييييييييء .. وشو هذا
ما امداه يلف ابو فهد الا وانا احط رجلي وفهد وراي

انت فكوك يافهد تدري خخخخخخخخ
المهم وحنا نتغبى لنا بشسمه بزاويه الين ماراح الخطر
تعتب / ياخي ابوك متوحش انا ابوي من حنانه ما افرق بينه وبين امي > اقعد
فهد / وش اسوي هذا اللى لقيناه وبعدين هو طيب لآ يهمك بس انه احياناً يضرب .. لآ مو احياناً دائماً .. لا تقل انه كل يوم ..
تعتب / اقول الفقه تعال بس دور معي على موضوعن يبل التسبد
فهد / موضوع وشو
تعتب / (وجه يقول السالفه لفهد )
فهد / اهاااااا .. تعااااال بس تبي موضوع انت انا عندي لك مجله مواضيع
تعتب / والله اني اشك لا شفت شواربك
فهد / ليش ماهن زينات
تعتب / الا احسن شي فيك
فهد / اقول قم قم .. تعال لسيارتي
وفعلاً طلعنا وفهد كل شوي قازني بالمرايه وكأنه يبي يقول لي شي
ووقف عند محطه وانا كلي تساؤلات .. ! هالحين شلون يبي يعبي وهو اصلا مادفع فلوس بطاطس وكاكاو حقات البقاله
الهندي / كم ..
فهد / فل ..
تعتب / اقعد فل وانت مامعك حق البطاطس والكاكاو يالدرج > يقوله بخاطره
فهد / ايه اخ تعتب سولف لين مايعبي
تعتب / ماودك تطلع له الفلوس

فهد / اي فلوس
تعتب / اها قل من اول محطه الوالد

فهد / لا ياخي وش ابوي ما اشترى نعول وانت بكرامه تبي يشتري محطه
تعتب / اجل من وين بتدفع

فهد / بدفع من البانزين نفسه
تعتب / اقول اها بلا فلسفه قل لي ..

فهد / ( وهو يشوف للهندي من المرايه يشيل حقت البانزين ) .. كذااا ادفع
والله ويدعسسسسس على البانزييييييييييييييين ونفحط مادريت الا بالرضمه صاعتني من ورى وانا انصفر
ماصحيت الا بعد ساعه وانا اشوف الوجيه قدامي مدنقعه علي
فهد / حي حي ياشباب
تعتب / يقوم وهو منخرع .. وش السالفه منهو ليش .. من انتم
محمد / اقول فهد وش فيه خويك
فهد / خله ماينلام جاء الحجر براسه

تعتب / ( يتلمس راسه ) اييي .. وش السالفه .. ويحاول يتذكر لين ماتذكر المحطه ويشوف لفهد
تعتب / ايييييه المحطه .. فهد وش سويت
فهد / ياخي ماسويت شي .. كل السالفه اني فحطت وجاء الحجر براسك ياخي دنق الثاني مره
تعتب /لآلآبوك لآبو اللى يماشيك يالداشر .. ياخي تدري انه حرام يخصم من راوتبهم هالمساكين
فهد / اقول روقنااا .. شباب هاتوا الورقه نبي نخثرها ونلعب
تعتب / يا انننننننت .. (والف واشوف لي حرمه تبطح على الكنب )

تعتب / اعووووووووذي بالله تغطي يامره تغطي

فهد / خخخخخخخخخخخخخخخخخخخخخخخخخخخخخخخخخخخخخخ هيه انت وش مرته مهنا حريم هنا شقه شباب
تعتب / الا شفها على الكنب منجضعه

فهد / خخخخخخخخخخخخ هذا صديقنا سوسو
تعتب / اجل سوسو .. ليش ماهو حرمه

فهد / لآ وش حرمته يالخبل قم قم العب معنا
تعتب /لآ ماني لاعب روحوا انتم انا مصدع ..>وانا اشوف لسوسو يخزني ويتبسم
تعتب / والا تدري .. خذني معك > انخرش خخخخخخخخخ
سوسو/ لا لا على وين الحلو بيروح
تعتب / هاه من هو الحلو > ياحول ماهو واثق
في هذه الاثنااااء دق جوالي وكان رقم المتصل هذيك البنت
تعتب / لحظه معي مكالمه
فهد / خذ راحتك انا بروح العب .. لآ خلصت الحقني
سوسو / خوذ راحتك ياقلبي
تعتب / انت بس فكني ويصير خير > يقوله بصوت خفيف
تعتب / الووووووووو
البنت / هلا وغلا وحشتني
تعتب / هاااه .. لآ انا تعتب ماني وحشتني
البنت / عاارفه عاررفه وحشتيني يعني اشتقت لك
تعتب / اها قولي هاتس من اول
البنت / وش تسوي وينك فيه يومين ماتدق علي ولا شي
تعتب / هاه لآ بس جوالي عائلي قصدددددددي يعني جوالي يعني يعني .. كله عائلتي وانا تعرفين يعني
البنت / ايه يالبي اللى يهتمون بعائلتهم
تعتب /

البنت / طيب انا بس بشوف كيفك وش اخبارك يعني من زمان عنك
تعتب / يابعد قلبي > اقول تقل تهورت
البنت / ياروحي

تعتب/ ياحياتي

مادريت الا اللى لاصق فيني هو وعلكه يتسمع

تعتب / كح اقول بعدين اكلمك
البنت / اوكي باي ..
واسكر السماعه والف واشوف سوسو هانم قصدي السيد سوسو وراي يمط في علكه / من تكلم
تعتب / وانت وش لك دخل
سوسو / يالله قول حياتي
تعتب / هيه انت اهلي يبوني
سوسو / لآلآ قول يالله عاد
تعتب / هلآ فهدددددددد
اول مالف وانا احط رجلي واهج من شقه العجايب
يعني وش ذا المصاله بهالولد

واقعد اركض بالشارع واركض واركض واركض واشوف زحمه قدامي قلت بس هذا الخبر اللى ابيه
واروح وادخل بالزحمه واشوف الناس تصور والرجال طايح قدامهم
تعتب / شباب وش السالفه
واحد منهم / تعال لا تفوت هالتفحييييييط
تعتب / اييييييوه هذا اللى ابيه
والله وانا اروح ارتز بذيك الزاويه واقعد اصور مسوي فيها ذيبان
واشوف واحد جنبي قاعد يصور
تعتب / مرحبا
الشاب / هلآ والله
تعتب / من زمان باديه هالهيصه
الشاب / يوووه زمااان .. انت توك تجي
تعتب / ايه غريبه الشرطه ماعرفت فيكم
الشاب / لآ ياخي كل يوم نغير مكاننا
تعتب / اها اجل جيتكم صدفه
الشاب / حياك اخوي حياك
مادريت الا السياره مقبله علي
وانا والله امسك شليلي واهججج والحمد لله مكنت روحي
بس يوم التفتت وياليتني ما التقتت .. لقيت
سياره مقلوبه وشباب بعمر الزهور > او مايصلح زهور وشباب
واحد داخل السياره كل ثوبه دم
واتلفت وادور خويي اللى من شوي

لقيته تحت السياره وراح بعمره هالمسكين.. وجواله للى يصور فيه من شوي كان تحتي ومتكسر لقطع صغيره
والثالث اللى كان متمسك بالسياره ويستعرض .. هناك على بعد مسافه ماهي قليله للأسف صار استعراضه نقمه عليه
تألمت من هالمشهد وشفت اضواء وراي ..
اضواء شرطه واسعاف وللأسف الجميع هرب بذيك اللحظه ولآ فكروا باللي متمددين
وقفت وانا بمكاني وجلست اصور المشهد وكيف هالشباب تضيع ارواحها بمثل هذي الاشياء

طبعاً مشيت وانا اتذكر هالمشهد الاليم واسمع صوت الاذان يرتفع ..
رحت اتوضى وقبل ادخل المسجد لقيت عدد الجزم اللى برا قليل جداً ..

هزيت راسي ومشيت داخل المسجد وانا اتذكر الفرق بين التجمع عند التفحيط والتجمع داخل المسجد ..

صليت ومشيت للمكتب مسلمهم الموضوع

مادريت الا ذيك العصابه بطريقي والله وهو يخمطني واحد ويدخلني داخل السياره
تعتب / وش تبووووون ( وجه منخرع )

واحد منهم / اسكككت والا نفصل راسك عن جسمك
تعتب / هاه .. ايه ايه ههههه .. ايه ادري انكم الكاميرا الخفيه

الثاني / لآ والله تسوي فيها تميلح هاااااااه .. انا اوريك
تعتب / وش تبوووون خوذوا كل سفطي ترا كل اللى فيه خمسه ومتعرفطه بعد
واحد منهم > ترا هذا مو اسمه خخخخخ / لآ والله تميلح علينا انت وخشتك اقول اسكتتت اعطنا رقم ابوك بسرعه
تعتب/ ايييه عرفت انتم تصورون فلم صح

الثاني / اييي فلم انت وخشتتتتك اي فلم طلع رقم ابوك
تعتب / وادق على ابوي ويطلع رقمه مقفول .. مقفول

الاول/ لآ والله مقفول هاااه انا اوريك قاعد تصرفنا
تعتب/ والله ماصرفك هه اسمع ان الهاتف المطلوب
ما امداااني اكمل كلآمي الا اللى حاط رجله على رقبتك ويضغط عليها وانا اقول فك وهو مايفك والله بغيت اتوطى فيه بس خفت يتفشل قدام اخوياه > قل قسم

وشوي والا تطق رقبتي وافتح عيوني الا وابوي قدامي ماسك برقبتي وملصقني بالجدار يقومني
ابوي / ققققققققم قم نثرك ... ساعه نقوم فيك

تعتب / يبه يبه اتركني بموت
والله وهو ينزلني واخذ نفس والمس رقبتي واتلفت واشوف غرفتي الحبيبه قدامي
تعتب / من انت

ابوي / لآ الله تميلح
تعتب / انت ابوي الحقيقي
ابوي / لآ انا المستعار شروني اليوم من البقاله
والله واقوم امطخ فيه من كل مكان وامطخ في غرفتي لين قالت تكفى يكفي واحمد ربي اني عايش
واشوف للساعه
يؤيؤيؤيؤ 8 تأأأخرت
والله وانا اقبع ملآلآلآبسي وانطلع للشغل الحقيقي بلآ حلم بلآ خرابيط

مايستفاد من الموضوع
1-انتبه من التزجير عند بنات الجيران ترا كومه التبن ماتجي كل يوم خخخخخخخ
2-لا تميلح عند اخوياك ان ابوك حليل ترا تندم خخخخخخخخ
3-انا ودي اعرف ليش منتشره ظاهره عدم دفع فلوس البانزين ( وجه يقول ترا حسابك عند المحطه مرتفع ) كح ترا مايقصدني الوجه
4-انتبه تركب مع واحدن يهج ترا تصير الصقعه بك
5-ظاهره الجنس الثالث وانتشاره بين اوساط الشباب السعودي

6- التفحيط الموت السريع الا من شاء له الله ان يعيش
7-هجر المساجد اللى باتت تشتكي من قله الشباب روح الوطن .. فقط شيبان .. واطفال !! الا من رحم الله

برب الى الحلقه القادمه

[/color]

candy shop · 26-04-2008, 11:22 PM

خخخخخخخخخخخخخخخخخخخخخخخخخخ

والله انك صادق في سالفه ما يستفاد من الموضوع

من جد هالتفحيط اخذ ارواح كثير من الشباب والمساكين اهلهم

تلاقي امه متقطعه تسأل وينه خايفه عليه وهو ما جاب خبرهاا

ولا المساجد اللي تنادي بأعلى صوت حي على الصلاة ولا في الا قليل يلبيهاا

الله المستعان ....!!

فعلا جبت مواضيع تلامس المشاكل الواقعه في مجتمع الشباب بشكل ظريف

واتمنى انوو ينلقى لهاا حل...!!

يسلمووو خيوو تــ ع ــتب

مصرقـــع مـآركــــه · 26-04-2008, 11:26 PM

هههههههههههههههههههههههههههههههههههههههههههههههههه ه

هههههههههههههههههههههههههههههههههههههههههههههههههه

تعتب لبى قلبك والله قسم اني ماسك بطني واضحك بس بالأخير حزنت على اوضاع شبابنا

اسمح لي اقول .. انت (( ملــك الصرقعـــه )) ..

موضووع مثبت ومثبت ومثبت .. وبمسماار جحا بعد ..

sweet heart · 27-04-2008, 01:50 AM

تعتب ياخوي أنت كذا(أيقونة أصبع لفوق) !!

موضوعك رهييييييييب يا خيوووو أحداث وشخصيات وصرقعة وفايده وكلش !!

وظاهرة الحجر والله إنها تقطع الوجه الله يهديهم ذا الشباب الطايش >>اخووص يالعاقلة!!

مشكوور تعتب على الموضوع تسلم الأيادي اللي كتبته لين طلع لها عضلات خخخخخخخخخ !!

تقبل مروري

ســـآرونهـ · 27-04-2008, 12:49 PM

هههههههههههههههههههههههههههههههههههه
ههههههههههههههههههههههههه

موضوح خطيييييير

كذا الصرقعه والا بلا

بس وقسم عليك خيال

من حريقه لشقه لتفحيط وآخرتها حلم

يعطيك العافيه

وبانتظار الجزء الثالث

ولد ابو فهد · 27-04-2008, 02:18 PM

كني دخلت في الموضوع

<< قلنا موب انت

ههههههههههههههههههههههههههههههههههههههههههههههه

و الله يااهي مواضيعك انت شي

و ذاا ابوي قوي الله

منهو سوسو بعد ما عندنا هالحركات

بس و الله مواضيعك لها اهدافها و فوائدها و اكثر ما حز بخاطري المساجد الفاضيه

كل شي ولا الصلاة

يعطيك العاافيه تعتب

في انتظآآر السبت الجآي

ســلامــ ..

بلوره · 27-04-2008, 08:16 PM

ههههههههههههههه

مشكور اخوي تعتب عالسالفه

ايمان التميمي · 27-04-2008, 09:31 PM

السلام عليكم والرحمه

يطلع منكم ياهل حايل بعد حيي..وه بس احب ذا الديره مرره ^_^

موضوعك مدري قصتك مرره حلوة..وربي يصلح الحال يارب...

اجل بنات وبيت وحريقه ههههههههههههههههههه وربي تخيلت المشهد..اما عاد نطلع يالبنات بالشارع ونتفرج ع الاحداث شطحت بالحيل خخخخخخخ

وبعدين سالفة الابوان الحليلين الله يكثرهم كاثره هالظاهره خخخخخخ

وكلوو كووم والتفحيط كووم اخر ياربيه اكره التفحيط يخوف..وقتل نفس(ولاتلقوا بايديكم الى التهلكه)

وربي يوفقك ويعطيك العافيه يارب

\

miss fulla · 27-04-2008, 09:52 PM

ههههههههههههههههههه
ههههههههههههههههههه

روووعه موضوعك جمع بين الفرفشه والفآئدهـ

تسلم يامبدعــ

تحيتي

أم شوشه منفوشه · 27-04-2008, 10:39 PM

هههههههههههههههههههههههههههههههههههه

قسم انه موضوعك شيييييييييي روووووووعه

بس تصدق تأثرت مع السالفه الي بها تفحيط وماأدراك مالتفحيط الله يهدي هالشباب

والمايستفاد كل كلمه كتبتها صدقت بها أما حلمك هذا مااادري وش يبي خخخخخخخخخخ

ويعطيك ألف عافيه خيووو يامبدع الصرقعه واسدح لنا صرقعاتك كل ابوها<<هع هع هع

تحيـــــــــآآآآتي لك...

مواضيع ذات صلة
الموضوع	الكاتب	المجلس	المشاركات	المشاركة الأخيرة
رابطة الزعيــ نادي الهلال 2007 - 2008ــــــــــــــم	صدى الكلمة	عالم الرياضة	2121	اليوم 12:34 AM
Movies 2008	Empire	مجلس الصوتيات والمرئيات	18	30-04-2008 12:24 AM
بنات وشباب ياليت تدخلون وتشفون اسمائكم بس بدون زعـل	مغروره بكيفي	حدائق الأدب	2	28-04-2008 03:50 PM
يبـــــــــــه ابي اعرررررررررررررررس ( وجه يتعبر )	تـ ع ـتب	مجلس الصرقعة	33	27-04-2008 09:35 PM
ابي هالفلم Runaway Bride	ARWA13	مجلس الصوتيات والمرئيات	13	04-04-2008 05:56 PM

يبـــــــــــه ابي اعرررررررررررررررس ( الجزء الـ2)

من حفر حفر لاخيه وقع فيها (موقف مضحك)

موقف مضحك

»

الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور

زوار هذا الموضوع الآن : 1 (0 عضو و 1 ضيف)

أدوات الموضوع
عرض صفحة الطباعة إرسال هذه الصفحة إلى صديق