يبـــــــــــه ابي اعرررررررررررررررس ( 4 _ وهـ بس :$)

طبعاً الكل يعرف .. قصدي اللى قروا الاجازاء الاولى يعرفون اني تعرفت على شسمه بالتليفون

والجزء الاخير جلست تهايط الا تكتب فيني

وش هالبلشه خخخخخخخخخخخخخخخخخخخخ

وراح اتكلم عن > لآلآ مسوي فيها يحمسكم > اعصابك بس

قصتي والحب من اول كلمه ونظره

طبعا بعد ماقمت من النوم وانا اتنمغط واتذكر اليوم خميس .. يعني مافيه دوام مافيه صحافه خخخخخخخخخ مافيه دناو مافيه عصير ام حق شربته مره ومغصن بطني

تذكرت اني انسان ادرس هع

دقيت على صقيقي .. المقهول > المجهول لغير الناطقين بلغه القاء

وجاء لنا طبعاً هو مايصدق خبر خخخخخخخخخ على طول رز وجهه

كنا ندرس انا وياه بالحوطه طبعا ندرس علوم الطيران والكمبيوتر وشوي فرنسي

المهم مادريت الا ويدق الرقم وانا اتنحنح واقوم اخر الحوش مسوي فيها ان عندي موضوع مهم هع

تعتب / هلآ وغلآ ومسهلآ وطرىلآ وحلآ ..
البنت / يكفي عاد ترا استحي
تعتب / وينك ياخي جاء دورك اسولف بتس
البنت / صدق ..
تعتب / ايه صدقين .. وثلاث صدوق > مشكله لا تهور المراهق
البنت / يعني كيف بنلتقى اخيراً
تعتب / اخيراً وليس اخراً .. انا لآزم اشوفتس .. عاجلاً وليس آجلاً >
البنت / الظاهر مأثره فيك نشره الاخبار
تعتب / هاه لآ بس قاعد اطرس بالحوش مقطعن نفيستي
البنت / انت تدرس والا تشتغل
تعتب / كلهن
البنت / ايه مشاء الله عليك لآ قوي قوي
تعتب / ( وجه حس ان عضلاته اكبر شي بالدنيا ) هذا وانا مولود بالشهر السابع
البنت / مو كأنك قلتها قبل لي
المجهول واقفن وراي / تعتب تعتب وين حمامكم
تعتب / ككككح .. هيه انت وخر محارمنا
المجهول يشوف لي مفهي مادري وش السالفه ../ وش تقول انت ..
تعتب / هاه .. لآ قصدي شوي لحظه ..وارجع للبنت بالسماعه .. اقول .. انا بسكرها بعدين ادق عليك > مسوي فيها اني اكلم ولد
البنت / اوكي باي حبيبي
تعتب / ياويييييييييل قليبك ياتعيتب عز الله انك رحت وطي
المجهول / وش فيك انت
تعتب / هاه لآ الظاهر من زود المذاكره

وسكرت السماعه ودليته الحمام ( وانتم بكرامه )وانا اقعد اتبطح بالحوش وافكر فيها ..

طبعاً .. ذيك اليلة جالس انا و المقهول نسولف وكنا مخربينها سهرانين الين الساعة 12 جت الساعة 12 ونص بعد
بعدها المقهول .. من زود المذاكره يعني وتقطيع النفس .. قعد يتثاوب ومع المثاوب القوي والتوجد على النوم .. شبص فمه او اثمه وعيا يصك.. نبية ينصك نرصصة يمين يسار افم الرجال
شاقص ... والقطه واودية يم مستشفى .. حاولوا يصكونه ما قدرو ويجى الدكتورور قلب المقهول على راسة ووطى على حنكه يبية ينصك ما فيه فايده .. طقطقناه يمين يسار ماش ...

قال مالك الا مستشفى الشميسي في الرياض .. يا دكتور بعيد وليل قال ما فيه الا ها الحل خويك فيه شد عضل قوي في حنكة ويبي له واحد مختص .. وان تركته وقت طويل يمكن يعيش باقي عمره وهو فاتح فمه .. يعني معاد ينصك ابد .. .. يوم قال هالحتسي ... ونركب في الدتسن ووينك يا الشميسي ...جايننننننننك

وأفم مجهول مفتوح طول الخط وقفنا عند تفتيش الخرج ونشبوا في حلوقنا عيوا علينا نمر ...
الشرطي / والله ما تمشون الين يصك هذا افمه
تعتب/ يا ابن الحلال خلقته كذا
الشرطي / ولا تمشون انا اعرف حركات الشباب النص كم
تعتب/ والله حااااااله

ونحاول وحنا وياهم واشوى عقب الشيون اقتنعوا وخلونا نمشي ...
طيران للمستشفى امشي 80 قلت اما غناة الذيب والا مماته ...
ونوقف عند المستشفى ..
عاد وحنا جايين ماكان في السيارة مكيف وفاتحين الدرايش القويه

ودخل فيه بعض الطيور والجراد والفراش الي على الخط وأنا اوقف وأملا فم مجهولي فيري عشان الخط ...
المهم وصلنا للمستشفى ..
جا الدكتور
الدكتور / سلامات
تعتب/والله الرجال تثاوب ولا عاد انصك افمه ونبيك تصكة والا تدبره ..
المجهول / آآآ .. آآ .آ. .آ...آآآآ > لآ تكفى عاد نبي نفهم عليك

قام الدكتور يكشف ويشوف ومع الانهماك والقلق
.. ويشوف رجلين المجهول الله يكرمكم ذاك اليوم لابس جزمه > اول مره يعني مسوي فيها اروح للرياض كاشخ خخخخخخخ
الدكتور/ افصخ جزمته عشان يرتاح ..
تعتب/ لا يادكتور بيتسبب في مشاكل على المستشفى واختناقات ..
الدكتور/ لازم يرتاح والا مااراح ينصك افمه ابد مدى الحياه > برنامج خخخخخخخخ..
المهم الله يعزكم وافصخ جزمته وتفوح ذيك الريحه تقول منفقش في وسط الغرفه بيض مع شوي كرشة ذبيحة قوويه

ما قدرت اقعد في الغرفه قلت بطلع برا حتى كان معنا ممرضتين طلعو قبلي ما بقي الاالدكتور واسمع الممرضات يقولون ان الدكتور طالب كمامات وصراحة يحق له والله يحق له

جلست برا ..وانا افكر بذيك البنت واخذ نفس يعني اني احب من قلب ...
قلت بس يارجال دق عليها ..
والله واطلب الرقم وانا كاشخ توي معبي بعشره ..
وهي ترد ..
البنت / اهليييييييين
تعتب/ يررررررررحم امتس خفي علي
البنت / وينك انتظرك ..
تعتب/ وين تنتظريني
البنت / انتظرك تحدد لي موعد اللقاء
تعتب / ( وقلبه على الرصيد يخاف يخلص).. شسمه انا اصلا بالمستشفى
البنت / لآلآلآلآه .. كيف يعني بالمستشفى .. فيك شي
تعتب / لآ والله المجهول فتح افمه ولآ عاد انصك
البنت / يووه سلآمات .. اي مستشفى
تعتب / ليش بتزورينه > مفهي
البنت / لآ بس بحاول اتحجج اني مريضه واجي اشوفك وتشوفني ونبداء مشوار حبنا
تعتب / يالبيييييه بس .. الشميييييييييييسي ..
البنت / اوكي يالله ثواني وجايتك
تعتب / هاه صادتزه انتي .. !!
البنت / ايوه يالله بايييي حياتي ..
تعتب/ العن ام ابو جد عم خال الحب شو بيزل


قعدت نص ساعه تقريباً وانا امرجح برجولي على العتب وافكر ..

ما دريت الا ذيك الي جايه بنقابها ....
عيون وطول وش فتنه
.. يا ارض احرسي ..
طبعاً قربت مني وانا فاتح افمي اقول يارب هي يارب هي ..

لين ماوصلت لي وقالت .. / امممم ..

تبون تعرفون وش قالت

الجزء الجاي ان شاء الله هع

مافيه يستفاد

سلآلآم