اللي تبي تعرس تدخل...

مملوح الرياض · #1

السلام عليكم ورحمة الله وبركاته

هذي اول مشاركه وان شاء الله تعجبكم...

الى كل سحليه ناشبة في حلق أهلها وماتصرفت مع انهم حاطين معها أختها مجانا (لترويج البضاعة المتحرجمة في البيت )

كيف تصطادين تمساح دون اللجوء للأساليب المعهودة والسقيمة)
للاجابة على هذا السؤال اليك مايلي :

أهم نقطة :نشني على العجوز اللي حاطة عينك على ولدها ثمن نفذي مايلي :

1-خليك مع أمك لاتروحين مع البنات وتهيبلين ماورى ماتهيبلتي اصبري عنهن كم شهر لين تتم العملية

2-امشي وانتي حاطة راسك بين كتوفك لاترفعينه أبدا حتى لو يصير كله صعارير (خلي الفكس دائما في متناول اليد ) علشان يقولون مؤدبة ومب متكبرة

3-كلمة خالة خليها على لسانك وخاصة لأم التمساح علشان تحس بنوع من التميز عن بقية العجز .لامانع تنادين وحدة ثانية بخالة علشان إذا مانجحت الخطة مع العجوز نمبر ون تنجح مع الثانية اتبعيها كخطة احتياطية (يعني ستبنة )

4-إذا بدت أمك تتكلم انغزيها بكوعك علشان تدخلك بالموضوع حتى لو مالك داعي تطبيقا للمثل (كثر الطق يكسر الحديد) أدري إن المثل ماله داعي بس مالقيت غيره

5-اخوانك الصغار لاحقيهم وطامري وراهم وين مايروحون حتى لو مب عادتك بس تصرفي معهم كأنك أمهم لأن هذا يوحي بما لايدعو مجال للشك عند العجوز بأنك حريصة على ذريتك (اي هين:cool

6-مهما أكلت أمك من أكلة زينة خليها تقول :نفس الاكله اللي تسويها بنتي (حتى لو الاكل من المطعم الصيني أو المكسيكي )

7-اذا جيتي بتمدين ايدك اعبطي خشتك وتويجعي (مب قوة علشان مايقولون جوارة) وخلي أمك تقول :قايلة لك وأنا أمك لاتنظفين جدران الفلةالخارجية بس أنتي الله يهديك ذابحتك النظافة (جعلي ماأبكيك أجل بتنظفين جدران الفلة نظفي غرفتك أول اللي تقولين ثايرة فيها قنبلة ذرية )

8-دايم ارتزي كأنك بالعة قصبة علشان ماينقص من طولك ولا سنتيمتر (للقصيرات)

9-اذا تكلموا الحريم عن أي عرس اكتمي نفسك لين تحمر خدودك علشان يقولون البنت تستحي ومالنا حق تكلمنا عندها (بس لاتكتمين نفسك مرة أخاف تروحين فيها وأصير قتلت نفس بغير حق

10-مهما كان موضوع الحوار حماسي لاتبدين رأيك وخليك مثل الطرما لأن اللقافة تجيب أجل الخطة يالشينه

11-شعرك افرديه لين يتحسحس لاتخلينه طاير وشوشة مهما كانت الموضة لأن العجز مايدورون الا اللي شعورهن ناعمة والا ياعمري اللي شوشهن طايره ماحد يلتفت يمهن

12-إذا أدلت العجوز (أم المتوهق) بأي رأي سواء كان سياسي أو وطني أو اقتصادي وافقي عليه حتى لو هو ماسخ وماله داعي مثلا تقول العجوز:أمس بوش متقهوي عندنا قولي لها :وليه ماعلمتينا ياخاله نجي نعاونكم

13-في العروس لاترقصين اربضي واقضبي ارضك واعتبري الرقص عيب وشق جيب

-اذا جا طاري السوق وطبعا هو لازم يجي الطاري لأنه ملح الجلسة عند الحريم خلي أمك (الله يعظم أجر أميمتك)بناتي مايطلعون للسوق أغراضهم أبوهن يجيبها (وانتي شكلك مقطعه السوق تقطيع )
احتمال وارد الحدوث
ممكن تكون العجوز منشنة على بنت غيرك لكن بعد النقاط السابق ذكرها بتصرف نظر عنك وعنها < (أمزح لاتصدقين )
الحين بتكون العجوز وقعت باالفخ
نرووووووووح للتمساح الحين :
اهجدي في بيت أهلك ولاعاد تطلعين واذا جاء المعرس بيشوفك خلي أبوك يقول له :والله ودي تشوف البنت بدون ماتدري علشان تأخذ راحتك وانا عمك وبعدين تشوفها على الطبيعة علشان ماتقول بعدين غشيتوني (ايه هين ياالشايب لو يحصل حطيت بدالها باسكال مشعلاني والا أليسا والا مايا هالي مطيراتن عقول عيالنا
وقبل يجي اليوم اللي بيشوفك فيه بحوالي اسبوع أو أكثر (على حسب شين وجهك ) ادهري من مشغل لمشغل (صبغه ،فرد،تنظيف بشره،الخ) لاتخلين على روحك قاصر
ولما يجي المعرس خلي أخوك ياقف بجنبه عند الشباك علشان مايطول بالتبحلق ويبان المستخبي وذلك تطبيق لنظرية اللمحة ذبحة
بعدها عاد كيف بيشوفك هذي عليك مب كل شيء بعلمك اياه دبري عمرك
بس خلي أبوك في نهاية المشاهدة يقول:العذر والسموحه وأنا عمك (الأخ ضمن الولد يوم انه يقول وأنا عمك ) ترا (البنت حوسة (مع انك طاقة كل زينك بس يعني اني في هاللحظة الولد بينط على راس أبوك وبيمطخه لين يشفط مخه وبيقول متى العرس ياعم (اللهم ارحمه فقد كان ولدا بار بوالديه )
عاد الله يوفقك ولاتنسينا من حلاو العرس واياني واياك تعلمين الولد من اللي معلمك هالعلوم لأني أعتقد انه بيسوى مصيبه وأخاف يحط حرته فيني
تحذير
ابعدي عن أمهات العيال اللي متعلمات راعيات الشنطة مثل لون الجزمة لأن هذولي يبيلهم خطط بعيدة المدى
نصيحه
رفيقاتك بيلاحظون التغيرات المفاجئة اللي صارت لك فانتي قولي لهم :انك خلاص انسانه عرفتي درب السنع والعداله (فاصل دعايه للطقاقه فطومه )
تدرين ليه؟؟خوفا من سرقة الفكرة الادبية

وعلى كذا بتشوفين طوابير عند بيتكمجايين يخطبونك

<< الا انا عرفت الطريقه..خخخخخخخخخخخخخخخخخخخخخخخخخ

تحياتي
مملوح الرياض

أجـهـلـك ؟؟ · 19-02-2004, 10:41 AM

أقول وشعليك من بنات الناس اولا

تزوج انت بعدين فكر تزوج بنات الناس

يا الخطابه ولا الخطاب

على فكر ابي بنت وش حليلها وذا لقيتها ارسلي صورتها على الخاص

تحياتي

[MARQ=UP]أجـــهــــلـــك ؟؟؟؟[/MARQ]

مملوح الرياض · 19-02-2004, 01:35 PM

اقول ...

انت من بياخذك هاه

..
ههههههههههههههههههههههههههههههههههه
هههههههههههههههههههههههههههههههههههههههههه

انا ابتزوج وقريبا باذن الله وبزوج كل المجالس وبخليه ( مجالس الرياض العائليه)...

وانت منيب مزوج اباخليهم يطردونك يالعزوبي..ههههههههههههههههههههههههههههههههههههه

<< اقول لا يكثر ...

تحياتي
مملوح الرياض

مواضيع ذات صلة
الموضوع	الكاتب	المجلس	المشاركات	المشاركة الأخيرة
رد على قصيدة حااامد زيد ((الجمهرة))	الحمررري	حدائق الأدب	1	20-02-2007 10:55 PM
الجمهرة .. جديد الشاعر : حامد زيد	ســـــواح	حدائق الأدب	17	20-02-2007 03:30 PM
قصة ساره والذائاب الي اغتصبوها <== توجد اسماءهم بالداخل	عاشق منفوحه	خارج السرب	6	09-02-2007 03:51 AM
الكلمه اللي تجرح الخاطر وينطقها اللسان00 زله وشرهتها على الرجال يوم يزلها	تــرا كلكــم تحبـــوني	حدائق الأدب	4	08-02-2007 08:39 AM

اللي تبي تعرس تدخل...

اول حالة وأد للبنات في الرياض...؟؟؟؟؟؟؟

كيف أعتنق الحواطه الأسلام ؟ ( نكته )

»

الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور

زوار هذا الموضوع الآن : 1 (0 عضو و 1 ضيف)

أدوات الموضوع
عرض صفحة الطباعة إرسال هذه الصفحة إلى صديق