يـوم ميـلآدي بـآيخ هـع ...

* درر * · #1

اول شئ السلام عليكم ياقماعه

ازيكم كويسيين

بما اني يوم الاربعاء مساافره فحبيت اسوي وداعيه بذا الموضوع الخنفشاري

وانشالله اني مازعلت احد ولا حشيت في احد <-- ابد ماتسويها

المهم ببدأ في الموضوع دغري

تعرفون الواحد يستاانس لا جىآ يوم ميلاده <-- يستانس بس مو يسوي مدري ايش ومدري ايش

<-- ابد ماتقصد الغرب هع

فأنا جاي يوم ميلااادي غلط في وقت محد فااضي لابووه

جاي في نص الاجازه يعني وش بقعد اسوي ما اذكره الا اذا عدى

في شهر 7 <-- ينعن شكل اللي ينولد بالاجازه

بقولكم في السنه اللي رااحت مدري اللي قبلها

كنا في جده وانا من يوم رحنا وانا قاعده احسب كم باقي يوم ؟؟

ماغير اشتغل في ذي الاصااابع اللي تقوول كنها 11 اصبع من كبرها

ويالله هااتك ياتقويم وبالهجري والميلادي ذا كله عشان ما انسى

وكل شوي رايحه لاختي باقي 3 ايام ويوم يجي بكره الا اقولها باقي يومين

المشكله مدري وش بسوي يعني لاني اللي بسوي حفله ولا شئ بس

ابى استااانس ابي احس اني كبرت سنه وكذا

اكملكم يووم باقي يوميين عليه

انا يعني وشلوون اذكره اذا صحيت من النوم اقوما احسب زي كذا يعني وبااقي اليوم انسااه

وجا يوم كانت امي مواعده صديقتها من الصغر وانا ما احب اقعد معهم

المهم قلت لامي بقعد عند خالتي قالت ع راااحتك بس قمنا انا واختي نضف قشنا ونصلح الشوشه حبتين

ورحنا عندها وفلينااها بس مالقينا احد يجيبنا نمنا هنااك

لييين قمنا من النووم عاد تعرفون اجازه وكذا يعني بالكثير المغرب نقوم

قمت انا واختي وبنت خالتي الصغيره

وما نلاااقي احد في البيييت

انهبلنا مرره

دقينا عليهم قالو احنا في البحر قومنااكم قومنااكم ما قمتو رحنا <-- سحبه ولا احلى

المهم جلسنا شوي نفتح التلفزيون وكذا والبييت مرره هااادي مافيه مبزره يزعجوون

عااد قامت اختنا في الله تفتح في ذي الاصااابع هع

وقمت احسب عاد تخيلو الشكل صاحيه من النوم الوجه لسى ما استقر على وضعه الطبيعي هع

وانا احسب كم بااقي يوم <-- ياليل الميلاد الزفت

طلع اليوم ميلادي هع والبيت مرره هدوووء يعني ابي احس ان في احد فرحان لي <-- اها بس

انصدمت

واختي ماغير تضحك علي

تقوول ياحسااافه العدعده كل يوم وكذا طلع اليوم خايس

طيب لو اني رايحه معهم البحر ما كان فليتها حبتين

او لو اني في بيت جدتي كان اهون من اليوم التعيس اللي مره علي هع

ياحليلها قامت اختي تبي تفرحني شغلت غنو لحبيبي وقدموله التهاني ذييك حقت عبدالمجيد

وانا عاد قمت فليتها ع خفيف ههههههههههههههه

بقولكم السنه اللي بعدها وش صار

كعادتها الكريمه اختنا في الله

مير تعدعد وكذا لين جى وقته نست الخبله

وكالعاااده ذي السنه

انشغلت بالشغل مع امي وكذا لين وقته رااح وانا مادريت الا اليوم

صدق انه باايخ مايستحي طيب ع الاقل حبتين فرحه

مو يمر ولا يسلم بعد

طيب لو في احد مهتم فيني كان ماصار اللي صار هع

مير امي عندها عشرطعر بزر بتذكر مين والا مين

بسم الله علينا

المشكله اختي الحكيره ابد ماذكرت

انه جىآ

اما اختي ياحظها ماشالله عندها زوج وجع ابد ماينسى يوم ميلاادها <-- اذكري الله فقد الذاكره هع

عاد الحين بقولكم يوم ميلادي ابيكم تفرحووني السنه الجايه

السنه ذي خلااص عدى النذل ولا سلم علي

بعدين وش ذي الذاكره اللي بتخليييكم ماتنسوون ماشالله

انا يوم 13/7/1411هـ

انولدت

والحين بسم الله علي كملت 18 سنه <-- عسااني العمر كله يارب

يالله عاد اشوفكم ع خير

انا نزلت ذا الموضوع عشان لا يزعلون علي

قرقاانسه وتوته ورمنصي

لاني انسحبت من مسابقتهم الانيقه <-- متعوب عليها

لاني بسافر وما اضمن اذا كنت ادخل المنتدى والا

واعتبروا ذا الموضوع رضااوه

انشالله بكون متابعه للمسابقه من المدرجات التشجيع

ايه صح بقولكم شئ

تذكروون مرره نزلت موضوع العربجه والهياط

تذكرون بعد يوم قلت حركات الهياط تبعي وكذا

ترا يوم رحت الجامعه مع بنت عمتي

لقييت بنات استغفر الله ماكأنهم بناات

حشى والله

بس حبيت اقولكم

لا يكون تحسوبووني زي ذوول البنات

ترااني اكوس وحده واحط روج وكحل بعد هع

يالله بس لا تآخذون عني فكره اني مسترجله

الرجوله للرجال والانووثه للبنوتاات الحلوات اللي زيي هع

اشوفكم ع خيرات الله

درر

كتكوتة الرياض · 21-07-2008, 04:11 PM

اقتباس


	اول شئ السلام عليكم ياقماعه ازيكم كويسيين

وعليكم السلام يا قماعآ >> تحسب قماعآ من السلام امشي بس

حنا بخير الله يسمنك و عيال جيرانا يسلمون عليكم

وشلونك وشلون اهلكم >> ذكرتْ نفره تروح كل مكالمتها ع وشلونكم وش اخباركم

اقتباس


	بما اني يوم الاربعاء مساافره فحبيت اسوي وداعيه بذا الموضوع الخنفشاري

يا قلبكْ تروحين و ترجعين بالسلآإمآ يآ ربِ

لا تنسين هديتي تراني اول نفره ترد عليك

اقتباس


	في شهر 7 <-- ينعن شكل اللي ينولد بالاجازه

و اللي ينولد بين العيدين صدق وقت بدل ضاايع

المفروض يجيبونا بوقت حلو ولاّ كان ما جابونآ

اقتباس


	طلع اليوم ميلادي هع والبيت مرره هدوووء يعني ابي احس ان في احد فرحان لي <-- اها بس انصدمت واختي ماغير تضحك علي

احساس مدري وش يبي >> آتلعي براا

اقتباس


	تقوول ياحسااافه العدعده كل يوم وكذا طلع اليوم خايس طيب لو اني رايحه معهم البحر ما كان فليتها حبتين

مآلك نصيب تفرحين يوم انك كبرتي

اقتباس


	مير امي عندها عشرطعر بزر بتذكر مين والا مين بسم الله علينا

تف عليكم >> لا تفهميني غلط بآكمل الجملهـ

تف عليكم ما شاء ربـونا

اقتباس


	انا يوم 13/7/1411هـ انولدت والحين بسم الله علي كملت 18 سنه <-- عسااني العمر كله يارب

الوعد السنه الجايه ان الله احيآناْ

و عقبآإل بليون سنهـْ >> بتسيرين ديناصورا و بتنقرض فسيلتك

اقتباس


	تذكرون بعد يوم قلت حركات الهياط تبعي وكذا

و التفحيطات و كذا اييه >> برّا لو سمحتي

اقتباس


	ترا يوم رحت الجامعه مع بنت عمتي لقييت بنات استغفر الله ماكأنهم بناات

لقد انكِ ذكّرتيني فينيْ آول اسبوعين بالدّامعآ كنت واقفهـ عند مقهى هناكاْ

الموهيم مرّت نفرهـْ خالية من الآنـوسه تمآماً لا سوتاً ولا شكلاً كلها ×

و طبعاً جنبها القيرل فرند ع قولتهم

شوي قلبت ع فريندتها و رفعت تنـورتها بتتضارب معها و اذا بالمصيبه العوظمى

{ لابسهـ السروال حق العيال هذاكا الطويل الآبيز عرفتيهـ }

من هول التكفيخ و المنظر ما ردّتنيْ الاّ اقرب بوابهـْ

اوقّف بالحر و الشمسْ استنّى السيارآإ و لا اشوف هالآشكال قسم قررف

اقتباس


	ترااني اكوس وحده واحط روج وكحل بعد هع

الله يديم علينا آنوثتنآ و براءتنا

صح علينا شطحات بس عند هزوليكا الرجّالاتْ قسم اننا أأنث المؤنثات >> عيدي هالجمله 3 مرات

.

.

يعتيكِ العافيا

دردورهـ ع هيك سعـة سدرْ

و تروحين و ترجعين بالسلامآ ألبيْ لا جيتي نبي خوبال الرحلا و هيك

عوافيْ

اريوفه · 21-07-2008, 08:39 PM

هع يااا حلييلك بث

al-remo · 21-07-2008, 09:52 PM

وااااااااااااو يازين الزين وياحبي لقلبك

ويالله خيرها بغيرها
ذكرينا السنه الجاايه ونحتفل فيك نسوي حركاات وهذاك الشيء واللي تبغين هع

واذا على السنه هذي مافات شيء
كل سنه وانتي طيبه وعقبال مية سنه << عاد يهنيك ابو العيال زي اختك هع هع

وترجعون بالسلامه ان شاء الله
تقبلي مروري

الجني العبد · 21-07-2008, 10:21 PM

مير على الاقل ازين من الي يوم ميلاده يوافق 27 رمضان مايقدر يدشر ولا يسربت << مايقصد احد

وانشاءالله يوم ميلادك الجاي تستانسين بالملاهي الي بجنب سوق الخضره <<< كلهم عبيد يخوفون

هلاليه مصرقعه · 21-07-2008, 11:00 PM

الكلآم اللي بقولهـ الحين كنت برسلهـ ع الخآص بس علشآن يستفيد منهـ الجميع ..

..[[اعيآد المسلمين 2 عيد الأضحى والفطر .. "فقط" .. غيرهآ محرررررم ..

كل ها الحركآت للأسف اخذناهآ من الغررب .. (عيد ميلآد,عيد حب,عيد ام..الخ) ]]..

انتبهوااااا انتبهوااااا عقيدتنآ في خطرررر ..

fragrance · 22-07-2008, 01:46 AM

اقتباس


	اول شئ السلام عليكم ياقماعه

وعليكم السلام ورحمه الله وبركااته شرفتينا ونورتينا<<<<<<مسكت خط

اقتباس


	ازيكم كويسيين

اكوووس الاكوسين

اقتباس


	بما اني يوم الاربعاء مساافره فحبيت اسوي وداعيه بذا الموضوع الخنفشاري

وداااااااااااعيه يااخر ليله تجمعنا

اقتباس


	المهم ببدأ في الموضوع دغري

دغري اخت سيده

اقتباس


	تعرفون الواحد يستاانس لا جىآ يوم ميلاده <-- يستانس بس مو يسوي مدري ايش ومدري ايش <-- ابد ماتقصد الغرب هع

يعني وشلووووووووون

الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور