| الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور | |
|
|
|
|
|||||||
| الانتساب | تعليمات س - ج | قائمة الأعضاء | المفكرة | إشارة الأقسام مقروءة |
إعلانات منتديات منطقة الرياض
|
|||||||||||||||
|
|||||||||||||||
 |
|
|
LinkBack | أدوات الموضوع |
|
#1
|
||||
|
||||
|
العوامـــــــــــــــه ..
 .. كان لزقه بس ولد نعمه ..  وكنا نصادقه عشان يشتري لنا شاورما من شارع العصارات .. ويعطينا دوره بدبابه  كنا جالسين بمجلس واحد من العيال .. اللي يلعب كيرم واللي يلعب ضومنه واللي يلعب اتاري << كح كحدخل علينا( العوامه ..) عرض .. وقال .. شباااااب انا عازمكم على حسابي في مطعم جديد اسمه هرفي ( اول ماطلع المطعم) قام واحد من العيال يقدر الاكل .. قال تم .. انت كريم وحنا نستاهل .. تم .. وقام كل واحد ولقط سيكله .. وهو يمشي قدامنا بدبابه .. ومشينا في شارع العصارات من كبري لكبري .. ومن شارع لشارع .. الين وصلنا شارع الثلاثين ..عند اسواق الجوهر .. مجمع الخيريه << مابقى الاتقول اسم امك المهم دخلنا المطعم وكان كله خواجات .. واشكالنا اللهم كافي مغبره .. على بالنا داخلين مطعم بخاري .. اووووه سي مستر جورج وات هابين .. << الخواجا يحش فينا جعله العيطي يوووووه .. وش زين ذا المطعم زينااااه .. قام ( العومه ) قال وش تاكلون ياعيال ؟ كلنا قلنا .. كبسه وبيبسي  ( العوامه ) الله يفشلكم ماعندهم الا (همبنقن ) قال واحد من العيال ملتزم شوي .. ياعيال لحم خنزير لاتاكلون.. حرام .. ماعندهم شاورما ؟ العوامه .. ياخي فشلتونا الله يلعن اللي يعزمكم مره ثانيه .. خلاص انا باطلب لكم مثلي .. راح العوامه عند الفلبيني وسعبل عليه والفلبيني يطقطق في الجهاز الين وصل المبلغ 200 ريال .. << لو شرى تيس احسن له .. الزبده رجع لنا ( العوامه ) ماسك بطنه ... سلامات سلامات وش فيك عسى ماشر يالعوامه .. قال ياعيال .. والله ان حمود صادق شكل لحمهم لحم خنزير << ابو التصريف كل هذا عشان مايحاسب طلعنا من المطعم .. ورحنا لشارع الوشم .. وأول فوال .. سدحنا سياكلنا ودخلناه .. وطلبنا تبسي قلابه يوم جينا نحاسب .. قال العوامه .. آآآه بطني ياعيال يعورني << يلعن بليسه ذا الولد بطنه مطاوعه قال ابويمن .. الحساب ياجني .. قام واحد من العيال .. قال شف .. تبي الصراحه خوينا هذا طلع نصاب .. قال .. وينه ؟ ندور ( العوامه ) فص ملح وذاب ابن اللذينا ... قال .. ابو يمن .. تدفعوا الحساب ولا تغسلوا الصحون ؟ قلت .. ياخي يمدحون تغسيل الصحون .. وخل الباقي عندك والى يومك العوامه مختفي عن الانظار .. بس سمعت انه اشتغل في وزارة المياه
آخر تعديل ابو مهند يوم 02-01-2005 في 11:25 AM
|
02-01-2005, 11:53 AM
|
#2 | ||||||||||||||||||||||||
|
مراقب سابق
  |
رد : العوامـــــــــــــــه ..
ههههههههههههه الله يغربل بليسك
وذا العوامه ما ينلام شكلكم اربعين واحد وش بيبد عليكم الله يعطيك العافية تحياتي
|
||||||||||||||||||||||||
|
|
02-01-2005, 11:56 AM
|
#3 | |
|
عضو مؤسس
|
رد : العوامـــــــــــــــه ..
حرام عليك ياناصر حنا 23 واحد بس وش خليت ههههههههههههههههههههيعطيك العافيه ناصر |
|
|
|
|
03-01-2005, 05:33 AM
|
#4 | |
|
مشرف عام مطرود من الاكادميه
~*¤*~واســطـهــ~*¤*~   |
رد : العوامـــــــــــــــه ..
هههههههههههههههههههههههههههههههههههههههههههههههههه ههه الله يغربل مخ عدوك ياشييييخ كانك غربلت مخي من الضحك وسويتله فورمات قسمن بالله يابو مهند ان وجهي طلع كنه نهر النيل من دموع الضحك الله يضحك سنك يابعدهم  بس من جد موضوع للتاريخ خاصه انه يسجل حقبه من حقبات الزمن ألا وهي دخول هرفي للمملكه  وأيضا يشرح الحاله الأجتماعيه الخاصه بالشعب السعودي سابقا يعطيك ربي ألف عافيه.. تقبل تحياتي..
|
|
|
|
|
03-01-2005, 08:19 AM
|
#5 | ||||||||||||||||||||||||
|
عضو مؤسس
|
رد : العوامـــــــــــــــه ..
في هذي صدقت .. حيث كان الشعب السعودي ماكل هوا .. وما تشوف في هرفي الا الخواجات |
||||||||||||||||||||||||
|
|
|
04-01-2005, 12:32 AM
|
#6 | ||||||||||||||||||||||||
|
لا تلومونه
|
رد : العوامـــــــــــــــه ..
^ ^ ^ مالومك بعد العوامه الا اقول ابو مهند كم صحن كان فيه وانفسل بعدين هالعوامه ماتعرض للضرب بشارع العصارات او بشارع عسير العوامه ذا كان سوري
|
||||||||||||||||||||||||
|
|
|
04-01-2005, 07:35 AM
|
#7 | ||||||||||||||||||||||||
|
عضو مؤسس
|
رد : العوامـــــــــــــــه ..
لا والله قصيمي |
||||||||||||||||||||||||
|
|
|
04-01-2005, 04:02 PM
|
#8 | |
|
مشرف الـمـجـالـس الـعـامـة
 
|
رد : العوامـــــــــــــــه ..
الله يرجك ياشيخ ..... والله العظيم تسدحت من الضحك وأتخيل اشكالكم داخلين هرفي .. اجل العوامه .. تدري كنا نعير واحد من العيال العوامه ياشيخ سعبولته اصليه ماتنقطع الا اذا وصلت الأرض <<<<<<<<< يع لا يكون هو وترى ذاك راعي جريــات بس على سباهه مامن فووووووووود يسلموووووووووووووو ابو مهند
|
|
|
|
|
04-01-2005, 07:31 PM
|
#9 | ||||||||||||||||||||||||
|
عضو مؤسس
|
رد : العوامـــــــــــــــه ..
هههههههههههههههههههههههههههه عندنا وعندكم خير , بس عوامتنا يشتغل قراي عدادات مويه الحين يسلموووووووو مجنون ؛ |
||||||||||||||||||||||||
|
|
|
04-01-2005, 08:16 PM
|
#10 | ||||||||||||||||||||||||
|
فــارس المجـالس
 |
رد : العوامـــــــــــــــه ..
^ ^ ^ لاتتبلا الناس يابومهند
|
||||||||||||||||||||||||
|
|
|
| زوار هذا الموضوع الآن : 1 (0 عضو و 1 ضيف) | |
| أدوات الموضوع | |
|
|
|
Powered by: vBulletin® Version 3.6.10 Copyright ©2000-2008, Jelsoft Enterprises Ltd.
SEO by vBSEO 3.1.0 Translated By vBulletin®Club©2002-2008 |
