| الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور | |
|
|
|
|
|||||||
| الانتساب | تعليمات س - ج | قائمة الأعضاء | المفكرة | إشارة الأقسام مقروءة |
إعلانات منتديات منطقة الرياض
|
|||||||||||||||
|
|||||||||||||||
 |
|
|
LinkBack | أدوات الموضوع |
|
#1
|
||||
|
||||
بامرح عندكم
.. يوم خلصت العزيمه وبدوا اهلي يولمون عفشهم بنروح لبيتنا في الفوطه .  . وكان في التلفزيون مسلسل صح النوم ..  وكنا انا واخواني وعيال خالتي لينا ..وخالتي روان .. وخالتي رزان  وعيال خالي فهد .. كل ابونا كنا متبطحين قدام التلفزيون ..  وكان ولد خالتي منصور دب .. وكنت نايم على رجله .. يوم جو اهلي يمشون للبيت .. دخلت جدتي بعصاها ..تقومنا . . <<< ماتبينا ننام في حويهم .. خابرتنا جن .. من الجن ..  يوم جت تقومني ..سويت نفسي نايم .. مادريت الا الدب منصور منقلب علي بعد هو يسوي نفسه نايم .. مدري وش فينا مانبي نروح لبيوتنا .. شكل بيت جداني فيه بلا .. المهم .. مدري من اللي سحبني .. من عصاقيلي ..ومادريت الا انا في صندوق الونيت  .. واخواني يضحكون علي وانقهر .. ويوم وقف ابوي عند اشارة شارع الخزان .. نطيت من السياره .. صدق اني تفلقت بس اهم شي المعنويات كانت مرتفعه .. ورجعت لبيت جداني .. وطقيت الباب . . يوم فتح لي جدي الباب ..قال بسم الله الرحمن الرحيم .. من وين طلعت ..انت مارحت مع اهلك ؟ قلت لا .. رحت معهم ..بس ذكرت اني ناسي عندكم بجامتي البونيه .. ورجعت اجيبها .. قال جدي .. والله ياوليدي ذكرتني بقطو (ن ) كان مبهذلني .. حطيته في خيشه .. وذبيته عند سكة القطار .. يوم رجعت للبيت لقيته واقف يحتريني عند الباب  .. قلت افا ياجدي .. تشبهني بالقطو ..الله يسامحك .. قال .. اقول ادخل ولا يكثر لايجي ابوك. . وادخل عندهم .. وتقابلني جدتي بالعصا .. الحين انت وش تبي فينا ؟ صايرن لزقة جنسن وانا امك .. ( الظاهر اني خربت عليهم ذا الشيبان ..خلهم يستاهلون ) .. وادخل في المقلط اللي فيه التلفزيون ..يوم فتحت التلفزيون لقيت فلم النمل وشششششششششش .. قفل الساعه 10 .. يقاله متأخر .. واجلس لحالي في المقلط عند دفاية القاز ام شبك .. ويوم نمت مادريت عن نفسي الا بذاك البنت المزيونه بنت جيران جدتي اللي انا نايم عند جداني عشان اشوفها ..البنت سوريه.. واسمها لميا .. وكانت مسحبه عيال الحاره على خششهم .. وكانت معجبه فيني ..يمكن لان العنز ماتحب الا التيس الغريب .. المهم مادريت الا لميا تطق باب المقلط .. وتدخل .وتجلس معي وكانت تشتكي من ولد جيرانهم ... ووعدتها اني اول ما اصحى .. باروح اضربه لعيونها .  . قالت .. ياحياتي ماتتعب نفسك .. انا ما استاهل .. . قلت ..اذا انتي ماتستاهلين اجل من يستاهل ..جدتي ..ولا جدي ؟! ما كملت الكلمه .. الا اللي يتوطى في بطني .. ( ابوي ) ..وانا قمت باضاربه على بالي ولد الجيران .. ادور لميا .. وش اشوف .. اي لميا .. الله وكيلكم( لي ماء )صحيح انه ماضربني بلي الما .. لكن الكذب خيبه .. 12 كف على 14 بكس ..هذا بس اللي حسبت غير .. كم تفله .. بعدها حرمت اقول لجداني ( بامرح عندكم )
آخر تعديل ابو مهند يوم 06-01-2005 في 04:17 PM
|
06-01-2005, 04:56 PM
|
#2 | |
|
كبار الشخصيات
   |
رد : بامرح عندكم
الله يرجك يابو مهند اجل تبي بيت جدانك عشان لميا خخخخخ والتلفيزون الأسود والأبيض هع هع هع هع هع مشكور حبيب قلبي على هذي السالفه الزاحفه.. ((إزحف تنحف))
|
|
|
|
06-01-2005, 06:29 PM
|
#3 | ||||||||||||||||||||||||
|
مراقب مجلس الكمبيوتر والإنترنت
 |
رد : بامرح عندكم
ابو مهند انت حتى الان ماحصلت من يقدر مواهبك ساعه مثل القطو ساعه مثل التيس وحبيبتك مثل العنز انت يلزمك تهاجر لاي مكان تقدر فيه مواهبك نصيحه ( لاتدفن ) نفسك عند هالشهبان تقبل تحياتي
|
||||||||||||||||||||||||
|
|
|
06-01-2005, 07:58 PM
|
#4 | ||||||||||||||||||||||||
|
عضو مؤسس
|
رد : بامرح عندكم
شفت الصياعه المبكره الله يكفيك شرها يسلموووو على المرور يالغالي ؛ |
||||||||||||||||||||||||
|
|
|
06-01-2005, 08:00 PM
|
#5 | ||||||||||||||||||||||||
|
عضو مؤسس
|
رد : بامرح عندكم
لا ونسيت ولد خالي منصور ( الدب ) يعني العالم الفطري على اصول .. بس ناقص ابراهيم الراشد يعلق علينا يسلمووو الساحر على التشريف اللطيف ؛ |
||||||||||||||||||||||||
|
|
|
07-01-2005, 08:10 PM
|
#6 | |
|
فــارس المجـالس
 |
رد : بامرح عندكم
ابو مهند تعااااااااااال امرح عندنا العب اانا وياك بالسياكل خخخخخخخخخخخ تصدق جيراننا سوريين بس بنتهم ميب لي ما اسمها دين مو ههههههه <====مازال يضحك اثناء كتابة الرد بعدين سلفة القطو صدقيه صااااااااااااارت لنا من سنين يوم التي في يصك الساعه خمس العصر اخذ جدي بس <---- قطو وحطه بخيشه ورماه بشارع الصناعه ويوم رجعنا للبيت على 200 ال سوداء والله ونلقاه بالحوش يحوس تحطم جدي وانا استانست <======= مطول يابو الشباب
|
|
|
|
|
08-01-2005, 04:24 AM
|
#7 | |
|
كبار الشخصيات
|
رد : بامرح عندكم
تراني معانيه انا خخخخخخخخخخخخخخخخخخ الكل يبي يمرح عندنا وخصوصا البزارين مافيه احد بيتنا ولا بزر ولكن يقدرون بيت اهلهم الله لايعيد العدو بنت اخوي اول ماعطلت دخلت علينا العصر تسحب شنطتها تقول بمرح عندكم خخخخخخخ والحين الكل يتواعد بعد العطله عشان يمرح عندنا خخخخخخخخ مدري بيتنا يحسبونه ملاهي عتيقه يحليلهم والله بس اني افقدهم والله بس منيب اواطن البزران المالغين امثال نااااااس الله يستر علينا وعليهم اهنئك على هالابداع تحياتي
|
|
|
|
|
08-01-2005, 06:36 AM
|
#8 | |
|
عضو مؤسس
 |
رد : بامرح عندكم
8 8 8 هالمقطع ذا بلحاله يابو مهند الموسوس حسبي الله عليك تقول مهبول جالسن اضحك بلحالي على هالصبحيه ذكرتني بايامن مضت عندما كنا مبزرتن ماندري وش السالفه
|
|
|
|
|
08-01-2005, 08:13 AM
|
#9 | ||||||||||||||||||||||||
|
عضو مؤسس
|
رد : بامرح عندكم
ياخي سولف احد ماخذ من هالدنيا شي ؟ بس ممكن تفسر لي ( دين مو )  |
||||||||||||||||||||||||
|
|
|
08-01-2005, 08:15 AM
|
#10 | ||||||||||||||||||||||||
|
عضو مؤسس
|
رد : بامرح عندكم
هههههههههههههههههههههههه اجل قلبت عليتس المواجع يابنت النور .. والله ذا البزارين ماينعطون وجه جعلهم العيطي |
||||||||||||||||||||||||
|
|
|
| زوار هذا الموضوع الآن : 1 (0 عضو و 1 ضيف) | |
| أدوات الموضوع | |
|
|
|
Powered by: vBulletin® Version 3.6.10 Copyright ©2000-2008, Jelsoft Enterprises Ltd.
SEO by vBSEO 3.1.0 Translated By vBulletin®Club©2002-2008 |
