| الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور | |
|
|
|
|
|||||||
| الانتساب | تعليمات س - ج | قائمة الأعضاء | المفكرة | إشارة الأقسام مقروءة |
إعلانات منتديات منطقة الرياض
|
|||||||||||||||
|
|||||||||||||||
 |
|
|
LinkBack | أدوات الموضوع |
|
#1
|
||||
|
||||
|
أنا والشوق والدكتور عادل!!!<<< ترى احبه مرره!!!
بسم الله الرحمن الرحيم معليش ياجماعة الخير كان ودي أجيبلكم وليد يوسع صدوركم لكن الحمدلله ماحملت هالترم  صراحه عدينا هالترم بشق الأنفس والجيوب ولكن مانقول الا الله على اللي يخون والله على اللي ينكر الطيب  ياناس لأول مرره أعدي ترم أو انجح عموما حتى بحياتي المدرسيه وأفرح هالفرحه  والمشكله لاحظوا ان فرحتي مو عشاني عديت كل المواد أو عديت الترم لا عشاني بس عديت ماده وحده  والله ياناس ماده وحده بس هي اللي سببتلي عقده في نفسيتي كنها عقدة الكامري اللي فحطت في صلعة ابو مهند كان عندي <<< ولاحظوا كان لأني بالعربي الفصيح مافي أمل أدرس عنده مرره ثانيه أنشالله  كان عندي دكتور ياعالم والله العظيم مو يجيب الظغط والسكر ألا أشك انه هو سبب أحتلال أسرائيل لفلسطين بسبب نذالته  تصدقون من بداية الترم والرجال مستقعد لنا حسبي الله على شره وتحديدا مستقعدلي انا وبتعرفون ليه لاحقا<< ياليل ماطولك أصلا غسلنا يدنا منه يوم قال الطلبات اللي يبيها الله يهديه جورج بوش على غفله  <<<<<< أقول لحظه وش اسم الماده لاتلخم العالم<<<<<< طيب يابو أسمها تشريح وهي على فكره اسم على مسمى حتى مع الطلبه لانها شرحتنا وقطعتنا ومابقت فينا الا المناخر  المهم كانت طلباته كتابين ياناس قيمة الواحد على ميه وشوي واللي قاهرني انه الترم كله مااستخدمناها  وغير كذا جيبوا معكم كراسه عشان تكتبون نقول ليه يادكتور ماتصورلنا زي الأوادم يقول عشان الفايده<<<< ياناس اللي قاهرني آخر الترم صور نصها الباقي ماكتبناه وذبها في وجيهنا يقول لأننا ماراح نلحق نخلص المنهج وبدا الترم الرائع مع هذا الدكتور الضائع  =========== فاصــــل =========== نبذه عن الدكتور الفاضل مع هذا الفاصل  الأسم: عادل حسن<<<<< والله راسه فيه من حسام حسن لاعب مصر كلهم لو يصفون جنب بعض يغدون طقم أباريق في محل ابو ريالين  العمر: والله ياناس ماتصدقون أقص يميني أذا مو صاك السبعين وفيه نشاط أبو 17 تقول توه بالغ ومسوي فتوه  المؤهلات: طبعا الأخ أستاذ ودكتور وبرافسور ومو ناقص الا يركبونه صاروخ ويودونه القمر ويصير رائد فضائي  من سواليفه اللي غثنا فيها: يقول انا دررست في ألمانيا وأمريكا ومصر والبحرين والسعوديه <<< حشا صار رونالدو  يقول أنا لي أربعين سنه أدرس قل لي أربعين سنه اذبح وأصللخ في الطلاب أصدقك:sm63 مثلكم يالشباب السعودي في البلاده والأهمال ماقد شفت<<<< في هذي أنا معك  والله ياناس هذي هو قايلها مو من عندي يقول أنتوا عارفين ليه الأمير الوليد باني المملكه العماره الطويله ديه؟!! والله دا عشاني أنا!! لأني حروح فوق وأرمي نفسي من هناك من بلاهتكووو بلا في أمن جابتكووووو<<< هذي من عندي ==================================== نرجع لمحور حديثنا صادووووووووه  المهم بدا الترم مع هالأطخم اللي كنه ديك جالس في الشمس تسع ساعات  وتبدا معاناة الطلبه معه!!! والله ياعالم يقولنا شاركوا معايا ليه مابتتكلموا انتوا عاوزين زغطي_ ظغطي بالعربي _ يرتفع؟!!كيف ياحبيبي نشارك وانت محاظره طولها ساعتين ونص وانت تبربر والنص الثاني حنا نكتب  وبعدين الشي اللي ماتعرفونه انه كان قصير مرره!!! لدرجة واحد من العيال عليه اصبع كنه سماعة كمبيوتر من كبره!! رفع يده بيشارك والدكتور كان قدامه مادرينا الا الدكتور متعلق فوق في أصبع الطالب  الزبده جت على نهاية الترم وانا بيني وبينكم وضعي مزري معه الحظور سيء ولاأكتب وفوق كذا جايب في الأمتحان الشهري 12 من 30 <<<<<<< كيف الدفره  بس والله ياناس لو تشوفون أسئلته هذا وهي شهريه تصدقون بالله انها ست صفحات او سبع؟!!! وطبعا بدت حركات عادل امام التمثيل والصياح والظروف يادكتور وغيره وكنت انا دايما وخاصه آخر شهر أجيه بعد كل محاظره وأصكه فلم يحبه قلوبكم لدرجة انه كان يقول للطلبه أي واحد يدخل عليه يسوي مثلي يقوله أيييييه حتبدا حركات الواد المجهول بستعبطلي عاوز انجح وأبويا في باريس وانا ماسك البيت؟!!<< ماتركب بس وش اسوي المهم جا يوم الأمتحان العملي اللي هو السبت اللي راح وكان هي مادته يومين يوم عملي ويوم نظري جعل نظر عدوي ينخفس خفسة وادرين<<< وش معناها والله ماادري أسمع جدتي تدعي بها  جا الامتحان العملي وكنت انا اقول للعيال انا آخر واحد تكفون ناوي طبعا أسويله الحلقه الأخيره من المسلسل المشكله الدكتور كافشني لأن أي طالب يطلع يقولي ياهو قطع فيك كل ماجينا نقوله شي يقول أيوووه دي حركات المجهول جا دوري وأدخل عليه وأصكه بضحكه وبادلني الضحكه وبعدين رقمته وطلعنا نتعشا<<<<<< مسكت خط لا والله ضحكت في وجهه وجلس يضحك يقول أييييه الفلم الجديد ده بتضحك في أول الأمتحان؟!! قلتله يادكتور أنا متفائل عشان كذا أضحك لأني واثق فيك أنك بتقيمني وتخليني أعدي طبعا الدكتور جلس يضحك بعدين قالي بص يابني أنا مش عايزك تعدي عايزك تبقى معايا الترم الجاي والسنه اللي بعدها كمان قلت أنا ليييه يادكتور؟!!  <<<< من جد غدا وجهي كذا!!قال بترضى عليااا ماحدش حيضحكني وأجلس أنا ماضحكش ترم كامل؟!! لا أنا عاوزك معايا تضحكني بغيت أقوله ليه منطول عندك أضحكك<<<< طبعا هنا العربجه طلعت بس تقديرا للموقف اللي كنت فيه قلتله لا يادكتور نجحني والله تشوفني كل يوم أنط عندك نص ساعه لا ولو تبي أوديك الثمامه وادخلك الفانتزي لاند واركبك خيل وديتك<<<<< الأخيره قويه قاللي دنتااا بكاااش يالله أختر ورقه_ طبعا كان حاط ثلاث ارواق اللي تطلعلي أشرحها_ قلتله طيب... وأختار ورقة ويطلعلي العمود الفقري جعل عموده منيب قايله!!! وأناظر في وجهه يقول أييه بتبص على أيه قلت يادكتور أحس انك حبيب ياخي مدري ليه قال أشرح يابني عالجهاز وماتعطلنيش وأبدا اشرح وطبعا الشرح مهوب من جنبها الا من وراها ثمن سكت وبدا يسأل وأنا أجاوب وهو يقول بزمتك_بذمتك_ دا جواب؟!! وأصكه بنظره فيها برائه قلت يادكتور والله هذا اللي اقدر عليه هلكتني المذاكره ماقدرت أركز قالي طيب يالله يابني هات كيس النايلون ده وأجيبله الكيس والشنطه والقلامه وأقول والله لو تامر على رقبتي يادكتور قالي يابني شد حيلك بكرا وربنا يسهل<<<<< زبد الدكتور  ويجي بكره يوم الأمتحان النظري وانا حاظر بدري وأدووور مع واحد من العيال يذاكرلي كالعاده ألا على هالظاطور الشارد الدكتور يمر جنبنا ويناظرني واانا شوي ويطلع بلعومي من قوة الأبتسامه لدرجة أن ضروسي وسمت في خدودي وقف الرجال وقالي بص يامجهول أنا اليوم قريت أعلان بالجريده عاوزين ممسلين_ممثلين_ روح هناك والله تنفع أحسن لك من الجامعه وبلاويها دي ميش بتاعتك وحتصير مشهور وسيارت وبنات وعز  أنا هنا بغيت اصيح من جد قلتله يادكتور حرام تحطمني والله اني اذاكر شاد حيلي شفني مع خويي نراجع<<<تبون الصراحه جالسين نتبادل انا وخويي بلوتوث أهداف الثنيان ويجي وقت الأمتحان وأناظر في الأوراق أنا بغيت أنجلط كالعاده  تدرون كم يبيلي أجيب على الورقه عشان أعدي؟!!! ياناس لاحظوا أعدي يعني دال نجاح على الحفه!!!؟!! لازم اجيب 40 من 50 على الورقه وطبعا عليه أسئله من عقب الشهري وانا غاسل يدي بجل الشعر من قوتها  والله وأبدا سواليفي المعتاده على الورقه والأبداع والتشريح اللي خليته ترشيح من قوة اللخمه  وأطلع وأنا أقول ياأبيض ياأسود لكن مش رمادي وأجلس أهز في نص الكليه والعالم تتحمد ربهم وألتفت على أخوياي كلهم قلت اللي يبشرني اني ناجح في هالماده له مني رحله ألى أسبانيا وحظور مباراة لبرشلونه وأقامه في فندق خمس نجوم يعني بالعربي أنسوا النجاح وأغير نغمت جوالي واحطها أغنية العراقي حبيب علي وآني أنتهيت والله انتهيــــت وش ظااال بياااااا بيااااااا!!!! وأجلس انتظر النتيييجه كل يوم كل ساعه كل دقيقه كل لحظه وأتصالات ونزلت مانزلت <<< أصانصير والله ويجي ذاك اليوم اللي هو يوم الأربعاء وتحديدا الساعه الثالثه الا دقيقتين كنت جالس في الخيمه وقدامي صحن أندومي أو بالمعنى الأصح بقايا صحن أندومي من أخواني الصغار وقناة سبيس تون تدهر وأخواني ينططون في كل عايره بقيادة الكابتن حمودي سليم طش أم طش باريس  <<<< أخوي الصغير وأثناء صرختي على شغالتنا ياتي لانها تأخرت ماجابت غداي وأثناء ماكنت أهم بأني أقوم أسطر حمودي لأنه غير القناه وأنا كنت متحمس مع كونان سمعت وآنييي أنتهيييييييت والله انتهيييييت وش ضااال بياااااا <<< دقت جوالي فعرفت أن جوالي يدق<<< قل قسم  وأناظر الرقم أبو أصبع يتصل بك طبعا عرفت انا ان السالفه فيها جامعه!!! وأرد عليه ألو هلا أخبار علوم تمام اقول هات رقمك الجامعي والسري بسرعه قلتله ماحطيت رقم سري أفتح الجهاز وهو على طول يشتغل قال وش تقول انت<<< على بالي كمبيوتري الله يقطع شرك يامجالس الرياض ماخذه عقلي قلت لا أبد ليه وش تبي خير كم القطه أبوي ماعطيته أعطيك أنت قال الشرهه مو عليك الشرهه علي اللي بشوف نتيجتك حقت التشريييح  <<<< هذا انا طارت عيوني  قلتله لا وش دعوه أمزح أفا بس وش دعوه يابو العشا عندي بس قل تم قال اقول لايكثر طووط طووط طوووط<< القطار وأدق عليه وأقوله سجل عندك ياعمري400000000 هذا رقمي والسري 0000 <<<<<< مايلعب المجهول ويقولي طيب_ اتوقع هنا خق خويي مع ياعمري ماتعود _ انطق دقيقه يادرج وانا اقوله سم طال عمرك بس ياناس قسمن بالله العلي العظيم ان امي تناظر فيني تقول تغد قلت ماابي تقول وش فيك قلت يمه قولي يارب انجح وطبعا اهلي لأول مرره في التاريخ يشوفوني اذاكر ليلة أمتحان التشريح فقدرت الوضع وقالت ياوليدي الله يوفقك ويزوجك بنت الحلال قلت وش تبين انتي الحين الزبده أقول لخويي ها يابو أصبع ياكبيير بشر كيف حملنا ولا يابو؟!!<<< مسوي انا الولد الزاحف اللي متعود قال وش لي اذا كنت ناجح؟ قلت أبد عشا من هرفي<<< طموح أبو اصبع قال لا أبي المطعم الجديد ماكنونالز_ ماكودنالدز بس بلغة خويي_ قلتله انت خلني انجح وأعشيك في برقع كنك_ برقر كنج بس عشان يستوعب_ قال هاه قلت يارجال وش النتيجه؟؟!! شوي وقال طلعت طلعت يووووووه قلت خييييييييير؟!!! قال صراحه مااقدر اقولك رح اطلع انت شفها  أنا قلت يارجال أصلا عادي داري اني بشيلها!!<<<<< ولسان حاله يقول وانيي انتهيييت والله انتهيييت وش ظاال بيااا قال طيب ماعليه انشالله ربي يعوضك الترم الجاي!! قلت يارجال تبي شي؟!!<<<<<< قفلت قال طيب يالله من عمك؟!! قلتله ماقد احد صكك بزبيريه ميلانو على جبهتك؟!!<<< ماتجي ميلانو وزبيريه بس مشوا قال ياورع تراك نجحت <<< هذا ظغطي أرتفع وأنخفض لعب في حسبتي حسبي الله عليه!!!قلت شف ترى امي عندي والله بخليها تدعيلك انك تعرس بس قللي الصراحه نجحت ولا لا؟!!<< جبتها عالجرح وكنك مادريت قال والله نجحت والله أنا ياناس ذيك اللحظه والله ياصارخت صرااخ ياسويت حفله في البيت ياشغالتنا ظفوا عفوشهم بيطلعون للمطار قالوا مانشتغل عند ناس مهبل والله ياعالم نجحت!!! قسمن بالله نجحت!!!!!!!! وعلى طووووووووول غيرت نغمت جواااااااااالي!!! وأخليها طويييييييييينا صفحة الماااضي بدييييييينا صادق الأحساااااااااااس  ورقصني ياقدددددع تقبلوا تحياتي...
|
16-01-2005, 03:02 PM
|
#2 | |
|
كاتبة قديرة
   |
رد : أنا والشوق والدكتور عادل!!!<<< ترى احبه مرره!!!
الف الف الف مبرررررررررروك النجــــــــــــــــــــــــاح هههههههههههههههههههههه هههههههههههههههههههههههههههههههه هههههههههههههههههههههههههههههههههههههههههه وربي موضوع عجييييييييييييييييييييب والله معاناة الطلاب واحده ... بس احلى شي يوم الدكتور يقولك انا بخليك هالسنه ... مين يدحكني بعدين ؟؟<<< تخيـــــــــــــــــــــــل مقعدك عشان تضحكه << وربي تغتاله انت سويت مثلي عند العله مالي اذا جا يووم نتايج الامتحانات يصر على انه يقولنا بالقاعه وواللي يجيه بالمكتب ما يعطيه الدرجه .. المهم هذا الدكتور المشهور مالي موب صاحي يموت على اننه يرجعنا لسوالف ثانوي .. فكل واحد يهزئه قبل لا يعطيه الامتحان ويورينا اشلون ذكاؤه ,,, ومن خبرتي في هذا الدكتور حيث اني خذيت الماده عنده ثلاث مرات ... اذكر في احد التيرمات ان احدى الطالبات بجت منكثر ما هزأها حسبي الله عليه ... اكره كلمه كان يقولها انا مش حطلعكم الا و انتم فاهمين << حسبي الله على ابليسك لا عزة الله غرزنا خخخخخخخخخخخخخخخخخخخ المهم اللي بقوله انك انت قعدت ببيت اهلك وقاعد تلعب مع اخوانك عشان النتيجه ... اشرايك باللي انحاشت من البيت بكبره( طموح عن بيتنا .).. ورحت لبيت خوالي << لاني بصراحه وجهي انقص من السقوط ونطرت النتيجه عندهم احسن لي واشرف على الاقل لي سقطت كملت اليوم عندهم ونمت ذيييك الليله عندهم بس لله الحمد نجحتتتتتتتتتتتتتتتتتتتتتتتتتتتتتتتتتتتتتتتتتتت وسويت احتفال مابعده احتفال وتسلم على الموضوع الرووووووووووووووووووعه موضوع يستـــــــــــــــــاهل التثبيت <<< وانتي شكووووو
|
|
|
|
16-01-2005, 04:49 PM
|
#3 | |
|
كبار الشخصيات
كاتب قديـر |
رد : أنا والشوق والدكتور عادل!!!<<< ترى احبه مرره!!!
هههههههههههههههههههه الف مبروووووك وطويييييييييينا صفحة الماااضي هههههههههههههههههه الله يوفقك يالغالى ويسعدك
|
|
|
|
|
16-01-2005, 05:37 PM
|
#4 | |
|
عضو مؤسس
|
رد : أنا والشوق والدكتور عادل!!!<<< ترى احبه مرره!!!
قسم بالله داخل المنتدى وصدري ضايق << وده الخياط بس بعد ماقريت موضوعك .. جتني حاله هستيريه .. حتى اللي في المحل .. خافوا اموت من الضحك على فكره يالمجهول متى حولت لكلية الطب ( تشريح ) ؟ ياخي من زمان ماشفنا مواضيع صرقعه بصراحه .. اما ذا الدكتور مجلسك عشان يضحك عليك خخخخخخخخخخخخخخخخخخخخخخخ لي عوده ..بس خلني افصل الاتصال .. بصراحه موضوعك يبي له باعشن تحياتي ؛
|
|
|
|
|
16-01-2005, 05:44 PM
|
#5 | |
|
عضو مؤسس
 |
رد : أنا والشوق والدكتور عادل!!!<<< ترى احبه مرره!!!
الف الف الف مبرررررررررروك النجــــــــــــــــــــــــاح هههههههههههههههههههههه هههههههههههههههههههههههههههههههه هههههههههههههههههههههههههههههههههههههههههه
|
|
|
|
|
16-01-2005, 06:12 PM
|
#6 | ||||||||||||||||||||||||
|
مشرف عام مطرود من الاكادميه
~*¤*~واســطـهــ~*¤*~ |
رد : أنا والشوق والدكتور عادل!!!<<< ترى احبه مرره!!!
^ ^ ^ هلا وغلا بالجادل <<<<< بسوي أشاعات ياوخيتي خليها على ربك بس والله ذبحونا وجنوننا ورقصونا أما دكتورك هذا تحفه وشكله تخرج مع دكتوري من نفس الجامعه أو العفو مستشفى شهار لأنهم أثنينهم مجانين لو انا مكانك وصديقتك بتبكي لا أقولها ليه البكاء شوفي انا ثالث ترم عنده يعني أيزي ياعزيزي يوم قريت طلعت من البيت بكبره بيني وبينك انا قلت انهبلت الجادل بس يوم قريت بيت خوالي تأكدت أنك خبله وعالبركه النجااااح وعقبال مانفرح فيك متملكه انشالله<<< جبتها عالجرح وكنك مادريت مشكوره على مرورك الأكثر من رائع وبالنسبه للتثبيت صعبه أكتب الموضوع وأثبته بعدين تطلع اشاعات <<< وش عنده المجهول لوينسكي تقبلي تحياتي...
آخر تعديل المجهول يوم 16-01-2005 في 06:24 PM
|
||||||||||||||||||||||||
|
|
|
16-01-2005, 06:22 PM
|
#7 | ||||||||||||||||||||||||
|
مشرف عام مطرود من الاكادميه
~*¤*~واســطـهــ~*¤*~ |
رد : أنا والشوق والدكتور عادل!!!<<< ترى احبه مرره!!!
^ ^ ^ الله يبارك بعمرك يابو ركان وعقبال راكان انشالله يتعدا ثاني ثانوي<<<< بيكبر راكان عشان يطيح سوق ابو راكان وعز الله تسطرنا مشكور على مرووورك اللي اثلج صدري وغدا كنه بر الرياض قبل ثلاث أيام<<<< يعني برد تقبل تحياتي... |
||||||||||||||||||||||||
|
|
|
16-01-2005, 06:28 PM
|
#8 | ||||||||||||||||||||||||
|
مشرف عام مطرود من الاكادميه
~*¤*~واســطـهــ~*¤*~ |
رد : أنا والشوق والدكتور عادل!!!<<< ترى احبه مرره!!!
^ ^ ^ أبو مهند يابعدهم والله من اللي بس يضيق صدرك وانا جبهتي تشم الهوا؟!! وبسم الله عليك من الموت في عدوينك انشالله<<< وش عنده ام مهند وبعدين لو سمحت مو عشاني تربيه رياضيه يعني ماعندنا الا ندرس صلعتك وبلاويها=الكوره بأنواعها قدم طائره يد راس خشم عندنا دراسه وذبح وذبيح بس متى يقتنعون الناس أو عفوا بعض الناس بأهمية هالقسم على العموم مواضيع الصرقعه موجود بوجودك ياكبير والبركه بالأعضاء النشامى ورح كبر راسك بباعشن وأرجع حيااااك يابعدهم... تقبل تحياتي... |
||||||||||||||||||||||||
|
|
|
16-01-2005, 06:32 PM
|
#9 | |||||||||
|
مشرف عام مطرود من الاكادميه
~*¤*~واســطـهــ~*¤*~ |
رد : أنا والشوق والدكتور عادل!!!<<< ترى احبه مرره!!!
|
