ام العبيد.... مطنقرة...

الــــــوافـي · #1

السلام عليكم ورحمه الله وبركاته

وش مسوين حبايب قلبي... فزبدة الموضوع وما فيه... انه يدور في خلجة فؤادي

سؤال يتدحرج يمين ويسار... حاولت اعرف معناه لكن قلت لازم نسال اهل الخبرة

فيكم... وبما ان البعض فيكم فاصل الفيوز والبعض الاخر فاصل لمبة الريوس

سؤالي يا احباب قلبي (ام العبيد... مطنقرة) وش معناها؟؟

طلعت الليلة .... وحصلت اخوياي واصله معهم... وانا والحمد لله مبسوط...

قلت الله بالخير يا شباب...

قالوا هلا والله... وشلونكم اليوم؟

قالوا : ابد... ام العبيد منطقرة..

من بعدها التزمت الصمت وخفت لا اتناقش معهم... خوفا على وجهي لا يفقعونه

ببراد الشاهي...

قلت يا ولد مالك الا تشيل نفسك وتطلع من عندهم مدام ان الوجه سالم... وعلى طول

مريت على اقرب مقهى... ودخلت الماسنجر... ودخلت على اخوياي في الماسنجر...

وسلمت عليهم... وكل ما سالت عن احوالهم.... قالوا... لا تسال...

قلت : افااااااااا ما هي السالفتووووو؟

قالوا : ام العبيد ... مطنقرة...

قلت : افااااا حتى ام العبيد وصلت للانترنت...

من هنا ومن خلال هذا الموضوع ... حبيت اعرف متى ام العبيد تطنرق؟

وليش الناس كل واحد واصله معه...

الناس في عيد ... وكل واحد لازم ينبسط ويعيش يومه <<<< حكمته

<<<<<<< ما ودك تضف وجهك يا الاخ ... ما تحس انك طولت في الموضوع

خلاصة البربسة اللي فوق :

1- اخي الشاب اذا صارت ام العبيد عندك مطنقرة فاقرب محل واجبات سريعة حط الحسرة في الشاورما ما تسمع المثل اللي يقول اسال مجرب ولا تسال طبيب.

2- اختي في الله اذا صارت ام العبيد عندك مطنقرة فحطي الحسرة في الاكل والطبخ تالي الليل بس اهم شي يكون اهلك نايمين والله الله في الثلاجة <<<<< حشا تقول خرفشة فار.

3- هذا والسلام عليكم <<<<< ما فيه نقطة ثالث بس حطيتها كذا.

4- انا اسف لاخواني واخواتي اصحاب البشرة السمراء اذا في الموضوع حساسيه ((ادهنه بفكس))

واذا فيه تدخل سياسي فنحن دايم في خدمة الشعب والامة الوطنية، وهذا يتماشي مع السياسة

المرسومه من قبل قيادتنا القديرة.

<<<<< ما تحس انك الليلة بتمسي في السجن ..

5- حقوق الطبع محفوظه...

معانق الليل · 26-01-2005, 01:05 AM

^
^
^

ياويلك منهم

الــــــوافـي · 26-01-2005, 01:11 AM

8
8
انت صادق

يعني احط رجلي

<<<<<< افرك لا يفقعون راسك

معانق الليل · 26-01-2005, 01:17 AM

^
^
^

اقراء أية الكرسي وأنا أخوك وقبل ماتنام أقرء المعوذات جعل عمرك طويل

الــــــوافـي · 26-01-2005, 02:03 AM

8
8
اي والله صادق

احس انك تعرف تلعب زين

خلاص تراك مع فريقي

<<<<<< وش دخلها في الموضوع يا الاخ

بنت النور · 26-01-2005, 03:17 AM

<<< ام العبيد مطنقرة

حيا الله وافي

كل عام وانت بخير

بالنسبه للطنقره على حسب معلوماتي الحين انت مره قلت طنقره ولا منطقره

اجل انت مبسوط الله يديمها عليك

بس حبيت اطل عليكم وانتم تسولووفون لاني كني اشوفكم قلبتوها سوالف

تحياتي

بنت النور

الــــــوافـي · 26-01-2005, 03:48 AM

8
8
يا هلا والله ومرحبتين

من العايدين بعد الزحمة

يا الله تحييي ذا الوجه الصبوووح .... وين حلاوى البقر<<<<< حلاوى العيد

شلونتس وشلون الاهل والاخوان والجماعة

<<<<< بالله متى المعرفة الله يصلح بالك

>>>>>>> ما تسمع المثل اللي يقول الحشره مع الناس عيد

<<<<<< يا اخي التلزق وش فيها

>>>>>> اركد الله يصلح بالك

8
8
8
يحاكي نفسه

لا الحمد لله لانيب طنقره ولا منطقره

كلها سيم سيم ما فيه مشاكل مدام

وكل يوم تعالي عندنا وورينا وجهك الصبوح علشان ينور الموزوع

تحياتي لك يا الغلا

المجهول · 26-01-2005, 05:00 AM

والله شف هالموضوع وانا اخوك منتشر وبكثره ولكن وش نسوي ام العبيد دايما تنطقر <<< حلها

شف ام العبيد تعتبر احد الأنواع الهيدروليوجيه لمسمى الطفش

لأن تعرف يعني مشالله الأماكن اللي نروح لها واجده فمن كثرها طفشنا

يارجال انا قريت موضوعك وجتني ام العبيد لانها ذكرتني بالطفش

وترى بيني وبينك يقولون ان ام العبيد ماتجي الا اللي فيه مس مثل ابو مهند وطقته

بس انتبه لاتقوله شي ثمن يرسلهم عليك

على العموم يعطيك العافيه على هالموضوع وأي سؤال ترانا حاظرين<<<<< فاظين وش روانا

تقبل تحياتي...

:ღ: P!nKy sM!Le :ღ: · 26-01-2005, 05:19 AM

ههههههههههه
والله انها شي ام عبيد واصله للانترنت.

قصيمي · 26-01-2005, 08:10 AM

انا الحمدلله ماعرف ام العبيد ولا هي تعرفني لوووووووووووول

ومكشور ياقدع على الموضوع الحلو....

اخـــ قصيمي ـــوكـ ...

ام العبيد.... مطنقرة...

اللي يدور على الجمال الطبيعي !!! (فديو)

حال البنات في الباص غريب وعجيب !!

»

الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور

زوار هذا الموضوع الآن : 1 (0 عضو و 1 ضيف)

أدوات الموضوع
عرض صفحة الطباعة إرسال هذه الصفحة إلى صديق