| الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور | |
|
|
|
|
|||||||
| الانتساب | تعليمات س - ج | قائمة الأعضاء | المفكرة | إشارة الأقسام مقروءة |
إعلانات منتديات منطقة الرياض
|
|||||||||||||||
|
|||||||||||||||
 |
|
|
LinkBack | أدوات الموضوع |
|
#1
|
||||
|
||||
|
زفة سعودي - خالي من الصور - قليل الدسم
كلمتي واقدر امر وانهى واسوي اللي ابي خلاص كبير محد يقدر يقولي شي وابشركم صار عندي كم طموح حلوين ينفعوني اذا بغيت اغازل بنت عندك مثلا احد طموحاتي اني اطلع لجدة في رحلة سياحية وازلط الشنب (( والله طموح )) :P وبعد عندي .... (( تراك ازعجتنا انك كبير وعضو فعال اخلص علينا والا بنمشي )) طيب امزح تعالوا بقولكم الموضوع , هذا ياجماعة الخير مرتن من المرات قاعد افكر بزفة السعودي يعني السعودي وشلون يزفونه بزواجه تقولون لي وش هالمسكة ادري انها غلط ولاهيب لم جادة (( أي ماعندك سالفة لغير السعوديين )) لكن مرتن جالس اطالع مسلسل سوري واشوف زواجاتهم حركات والله وزفه شي ويغنون شنق ليلي شنق ليل الله يعينه على هالليل ثمن يجونك اثنين ملوين بالسيوف تقول ناوين شر وعينك ماتشوف الا الشرار طراخ طراخ طرررن طراخ طرن طرن طراخ <<< هذا صوت السيوف وهي تضارب خخخخخ ياحبيلي واثري سوري وانا مادري وتشوف العريس وهو يوكل عروسته ويشربها الشربات والفلات شي وربي عاد غرقت في مستنقع احلامي وقعدت اهوجس وشلون راح تكون زفتي عاد وانا منسدح بالصاله قدام الصحراوي وعلى صروال السنه <<< والله شكل عاد اتخيل شكلي وانا معرس (( كثر منها )) مير اجيك مهوجس ومطير في العجه تخيلت شكلي طاقن الفروة معليش اقصد البشت (( ماتعودت والله)) ولابسن غترة بيضاء يابسه من النشاء (( موصي اليماني حق المغسلة يتسود النشاء )) عاد وتشوف الثوب الابيض بس تكفون لا احد يقولي وش تحت الثوب لانه الفنيلة العلاقيه وصروال السنه مصنقه يعني انواع البقع طالعه تقول خريطة العالم هههههههههههههههههه سعودي وش خليت المهم والجماعه صافين حولي يالله يالله اركب اركب ونركب المواتر يقالنا جنب الحين (( جنب أي موكب العريس المتجه نحو القصر لغير الفاهمين )) وماتسمع الا طاط طوط طاط انواع البواري مير تجوزلي :P الشغله ونطيت على الدركسون انا وبشتي ((طبعا انا راكب قدام مشخص يقالي المعرس )) مير اهوش السواق قلت ياخي ماتعرف تشربك وخر بس خلن اوريك الشربكه واقوم اشربك بالبواري واضبط ام الشربكه مير ينط ابوي وكف على علباي ارجع محلك فشلتنا الله يفشلك اقعد مير ارجع واقعد محلي لين وصلنا القصر عاد اول مادخلت القصر وكلهم يسلمون علي مير تجوزلي الدعوة احس انها وناسة ههههه واقول لبوي وش رايك نعيدها باتسر مير يخزن بعين عاد انا اعرف نظرات الشايب على طول برطمت وانحوليت اسلم على الربع مير اشوف اخوياي حقين الحارة جايين وكلهم جالسين مير أروح لهم ويجين ابو البنت وين رايح قلت بروح اجلس عند ربعي ياخي مليت وانا اسلم حلا هو وش فيهم ذولي اول مره يشوفون واحد يعرس خخخخخخخخخ وقال تكفى قهر لا تفشلنا هذ1111ك مكانك رح اجلس هناك ويسحبونن غصب وانا وياهم معافط انا اقول بروح عند العيال وهم يحلفون علي الا تجي تجلس بالمنصة عاد ابوي حا111ر ومل من هالخرابيط وقم واطرقن بطراق قصم بالله اني قعدة بالمنصة عداااال وانا جالس وهالعالم تمر وتسلم وتبوس وخرابيط فاضيه عاد جو العيال وقالوا لي قهر يالله قوه بنروح للشرقية تخاوينا والا لا وانا اتحقرص اقول اصبرو لين نخلص من العرس وامشي معكم ((الله ابو من زوجك والا ناوي تروح يالهدر خخخخخخخخ )) عاد قالوا ماعلينا هات قطتك ونحتريك وافتش مخابيتي مابهن شي كالعادة طفر111ن مير اتلفت على ابوي واقوله معك دراهم يبه مير يطالع فيني وقال ليش قلت ابي قطه بروح مع العيال للشرقيه عاد حمق على هالمره وعصب خلاص ناوي يترفس بطني قدام الناس لكن الحمدلله نقز الخال (( ابو البنت )) وقال اقلطو حياكم الله على عشاكم وتناقزو الجماعه بيروحون يتعشون عاد انا نقزت بروح اتعشى والمثل يقول مقابل العيش ولا مقابل الجيش مير يمسكن ابو البنت وقال يالله مشينا واقوله وين؟ قال بندخلك على حرمتك وانا اقوله اصبر طيب نتعشى وبعد العشى يصير خير قال ابوي امش اوريك شغلك بعدين (( حتى الان منب مقتنع اني بزواجي )) ويوم دخلنا على الحريم هو11111111 خقيت واثرهم مسوين لي زفه يبونن امشي على درب مظلم مافيه ولالنمبه ونهايته فيه دائرة منوره وفيه وحده خبلة جالستن بذاااك يقاله تحتري خط البلده يمر يركبها (( ههههههه عاد اخر شي توني اكتشف انها زوجتي )) عاد انا قمت اتخبط بالممر ياما طحت يمين وياما طحت شمال مير اشب الولاعة على الدرب علشان اشوف (( اثرهم مايدرون اني اتتن )) يوم وصلت عندها وجلست على الكرسي حقي ويوم جلست شبو(( اي اشعلو الاضاة )) الانوار مير اصرخ واقولهم طفوو الانوااااااااااااااااار واثري اشوف وجه قدامي يخوف من الروعه حسيت ان وجهها يعورها ومير تسلم علي وتقولي مبروك وانا خالتك منك المال ومنها العيال مير تطلع ام البنت واتحمد ربي انها مهب هي زوجتي خخخخخخخخ عاد جو الحريم يسلمون علي وهي ماغير تطالع فيني (( اللي هي زوجتي )) وانا مزلبها ماغير اطالع في وجيه الحريم واتمقل وابحلتز (( يعني اناظر في الحريم بشراهه )) طبعا شغل سعودي المشكله وهي بجنبي وتقولي وراك ماتشوفن وتسولف معي واقولها لاحقن عليك لكن خلين اتمقل هالمزايين اول خخخخخخخخخخخخخخخخخخخخخخ (( الله ابوك اشهب اللهب ماكد شفت خير )) عاد البنت زعلت وبرطمت وسكتت وانا اطالع في المزايين واتفل على اللي بجنبي ام البنت واقول الله ابوكم شله (( طبعا اقصد شلتي بالحاره )) اثركم لاعبين علي كل هالسنين الناس تشوف الزين وانا جالسن مقابل خششكم (( وحسافة ايامي اللي راحت معكم يالشيون خخخخخخ والله من زينك عاد )) عاد قامت ام البنت وعطتن كاس عصير وعطت العروس كاس عصير عاد زوجتي تحترين التفت عليها علشان اشربها من كاسي وتشربني من كاسها وانا مادريت عنها سافهها عاد اقولها تتحديني اشرب العصير مرتن وحده وهي تطالع فيني مستغربه وش هالجلف شكلها عاد تقول انا ماخذه عربجي مهوب ادمي خخخخخخخخ والعربجي مهوب ادمي على فكره صحيح اني عربجي لكن انتف شواربي اذا جيت اروح للشرقيه واذا طلعت جده اموطهن بموس ههههههههههههههههه عاد قالت اتحداك مير اشرب العصير كله والتفت عليها وقلت وين كاسك قالت هذا قلت هتي واشرب بعد عصيرها . ههههههههههه قروي ماعليك شرهه . البنت حقدت علي من جد مصختها معها بزيادة المهم والناس في رقص وطرب وفرح جتني امي وام البنت وقالوا يالله امشو نروح للغرفه الثانيه نصوركم مع بعض وانا اقولهم ممدين على التصوير خلوني اجلس اتمقل ماعمري تمقلت مثل هالنوبة مير امي تسوطن وقالت قم قامه وعنز صامه عاد من الروعه خفت انتم ماتعرفون امي هي بطلت الجمباز في رفع الاثقال يعني محد يقواها حتى ابوي مير اقوم على نياتي بطلع للغرفة اللي يقولون مير يرجعونن وقالوا وين تبي قلت بروح للغرفة اللي تقولونها قالوا اصبر لازم زفة وتمسك يد العريسه وتطلعون مع بعض وان اطالع في وجه العروسة واقول عسى هذي اللي بمسك يدها ههههههههه احس اني يوم قلت هالكلمه البنت من جد خلاص تحطمت من وقالت احمد ربك اني انا اتنازل واخليك تمسك يدي يا لتمساح والا انت تخب عليك تمسك خف ناقه هههههههههههههه المهم رجعت ومسكت يدها انتقها من مكانها من قوة النتقه بغت تمصع هههههههههه وقالت ارفق علي تراني بنت قلت والله وانا احسبك واحد من الشله ادري انك بنت وبعدين مهوب ذنبي تصيرين بنت و انا ماتعودت اني امسك بنات ، اختي وهي اختي ماعمري مسكتها الا كود سطره والا بوقس والا غيره ماهناش احمدي ربك اشوه خلينا نمشي عاد وانا امشي انا ويها بالممر ((يقالنا على طبلت اطمخطري ياحلوه يازينه )) والموسيقى تدهر والطقاقه تغني عاشوا عاشوا سرا سرا وانا امشي واهز وسط هههههه الله يفشلك من معرس طلعنا للغرفة الثانيه وجلسنا نصور وانا اول مرة اصور انعميت من فلاشات الكاميرا وبعد ماصورنا قالوا لنا يالله اطلع وخذ حرمتك معك للبيت تلقون السيارة عند الباب الحين دحيم يحتريك برا وانا اقول أي سيارة واي بيت انتم خذوها معكم للبيت وانا بطلع مع العيال للشرقية (( حتى الان مهوب مقتنع انه متزوج )) مير تلتفت امي عاد هي اللعن من ابوي بالنجاسة مير اقول لاهونت امزح معكم بس حبيت اهزر ههههههههه والله من المزح الا قل تروعت طلعنا انا وي المدام احم احم الحين صرت متزوج لا احد يقولي شي وخرو عني يعني اروح أي مكان مايقولون لي عزابي ههههههه طلعنا واشوف اخوي الشين دحيم المنعفط مير يقولي وينك الله يلعن اللي يحتريك ياخي ساعه وانا اصوت لك عند الباب على حمني وعائلته يطلعون (( اخوي من الصتامه راح يصوت لي بالمكرفون هههههههه )) مير التفت عليه بهاك الطراق بحكم اني كبير الحين وقد المسؤليه ومتزوج وابشخص قدام زوجتي قلت له انززلع عن وجهي واركب السيارة والعروس عند الباب واقفه وافتح الدريشه واقولها بتركبين والا امشي خخخخخخخخخخخ يلعن ام الاسلوب والذوق اللي :P تعرفه واثرها تحترين اجي اركبها هي والبقشه اللي تجرها من اليوم وانا سافها مير تفتح الباب وتركب ونص البقشه طالعتن برا هههههههههه واقوم وانطل البشت ورا والشماغ على الكتف والعقال معلق على مراية السياره كالعادة سعودي مراهق وادعس على البنزين قدام الناس اللي بالقصر واخوي دحيم يصفر لي يحسبني افحط خخخخخخخ مير تجوزي لي التصفيره وارجع مرتن ثانيه واصك جلنط وادخل على منصة القصر باستفهام واطلع من الجهة الثانيه وامشي والبنت تصرخ وانا احسبها تشجعني هههههههه مادريت الا وهي تصيح وقالت لي نزلني اقولك نزلني الله يلعن اللي يعرس معك مرتن ثانيه هههههههههههههه قلت ومن قالتس اني بعرس عليتس نوبتن ثانيه الله ابو جهتس اللي تقول غطى فكس هههههههههههه ووقف السياره على جنب ومافيه الا قوة معايير انا وياها مير البنت طلعت فله بس يقالها مستحيه قلت لها لايكثر قوه نتعشى والله انا جوعان الحين وخابر لتس مطعم يبيع فلافل احسن فلافل بالرياض كلها والا تبين فول (( الله ابوك من اولها فول وفلافل )) طلعنا انا وياها واخذنا فول من عند فوال بحلة العبيد بعدين طلعت على الدائري ووقفت على جنب و قلت لها انزلي يالله نتعشى بالصندوق ((تعشي العروس بصندوق الددسن وانت توك متزوجها اول ليله )) مير انقز انا وياها(( ونص البقشه بالشارع طالع لونها اسود من القار )) على صندوق الونيت ومافيه الا ضرب فول وسواليف انا وياها وبعد مارجعنا للبيت ودخلنا للغرفه بدا الشغل السنع بدة اللي يسمونها لليلة حمراء او ليلة رومنصية خخخخخخخخخخخخخخخخخ الا وهي تقولي كلام حلو ياخي اول مره اسمعه في حياتي (( متعود على الدفاشه والتهزيئ)) تقولي ياحبيبي وياروحي ومدري ايش عاد مدتن براطمها تبي تعطين بوسه وانا اعطيها بوسه مادريت الا وريحة خياااااااااس ريحه شيييييينه بوجهي يوم فتحت والا اخوي دحيم المنعفط يضحك بوجهي هو وسنونه السود ولي ساعه القط شفته وععععععععععععععع وش تبي انت وين حرمتي قالي أي حرمة ا لله ياخذك يالجنط انت من يبيك ولا بالاحلام اركد وقم جب خبز يقولك ابوي . اللـــــــــــــه اثري من اليوم وانا احلم وداخل جو نسيت اني نايم بالصالة عند الصحراوي لكن ماقول الا يحسافتي والله على اهلي (( ماتشوف انك ماخذ مقلب بروحك )) وانتهى حلمي الجميل بنهاية تعيسه على خشت اخوي دحيم المنعفط . طهي طهي اهي اهي اهي اهي .. تنويه .. الموضوع كاتبه من زمان بأسم مستعار اخر 
|
04-02-2005, 01:15 AM
|
#2 | |
|
سلطان الرياض
  |
رد : زفة سعودي - خالي من الصور - قليل الدسم
 جاك عاد ألى بالي يسوي الزفهـ .. الله لا يخلينا من الفندق  ماشاء الله عليكـ شكلك تسجل كل حدث مر عليكــ .. والله يحلفون إذا تذكرت وش ألى سويتهـ فى هذاك اليوم  وكل هذا حب لرجيم توكلها فلافل ياأخي كان رحت أقرب مطعم مثلوثهـ
|
|
|
|
04-02-2005, 01:19 AM
|
#3 | |
|
مشرف عام مطرود من الاكادميه
~*¤*~واســطـهــ~*¤*~   |
رد : زفة سعودي - خالي من الصور - قليل الدسم
والله دخلت جو الله يلعن بليسك ياشيخ  شكلك كنت سهران على مسلسل سوري وفيه عرس وردحه ونمت عليه وهذي النتيجه يالسعودي صراحه موضوع غايه بالروعه يابو عبد الله وننتظر عرسك القادم تقبل تحياتي...
|
|
|
|
04-02-2005, 01:38 AM
|
#4 | |
|
مستشار المجالس
 |
رد : زفة سعودي - خالي من الصور - قليل الدسم
. . . هههههههههههههههههههههههههههههههههههه هههههههههههههههههههههههههههههههههه هههههههههههههههههههههههههههههههه هههههههههههههههههههههههههههههه هههههههههههههههههههههههههههه هههههههههههههههههههههههههه هههههههههههههههههههههههه هههههههههههههههههههههه الله يقطع سوالفك يا ابو عبدالله!! اجل تبي تروح الشرقيه!! ههههههه و الا تلتك للبنت بيدها!! مسيكينه!! بس كلها كوم و بوسة اخوك دحيم و سنونه السود كوم ثاني! انا متحمس اقرا و يوم وصلت للريحه الخايسه قلت هذا بسبب الفول و الفلافل <<<< متابع الأخ و يحلل!! بس جره الييييمه! هههههههههههههه مشكور يالغالي على هالمشاركه اللي تفتح النفس! . . تحياتي
|
|
|
|
|
04-02-2005, 01:39 AM
|
#5 | |
|
مستشار المجالس
|
رد : زفة سعودي - خالي من الصور - قليل الدسم
. .  . . |
|
|
|
|
04-02-2005, 01:44 AM
|
#6 | ||||||||||||||||||||||||
|
أميرة المجالس
|
رد : زفة سعودي - خالي من الصور - قليل الدسم
خخخخخخخخ  أمــــووره أنــــا 
|
||||||||||||||||||||||||
|
|
|
04-02-2005, 01:24 PM
|
#7 | ||||||||||||||||||||||||||||||||||||||||||||||||||||||||||
|
عضو مستمر
 
|
رد : زفة سعودي - خالي من الصور - قليل الدسم
ولع لهم النار يا كليب اقلطوا فنطحوا حالكم المكان مكانكم  معانق الليل
هلابك والله يا معانق وانا اقول وراه الليل منهد حيله واثرك متشعمط بكتوفه  وانا اخوك مابعد جربت العرس بس اذا جربته بتختلف الامور بس على الله يستر علينا وما نكع عند المدام بعدين وش فيها الفول والفلافل ندور ندور واخرتها نرد عليهم احسن من اللي يقع يفر الرياض هو وربعه ساعه يفكرون وش ياكلون المجهول
حياك يابعدي كنك جالس معي وانا اتابع هالمسلسل وقلت خلني احلم احلام اليقضه واشوف وشلون زفة السعودي بس خل عنك جدا واقعيه ومافيها كلافه على السليقة جاي الزعيم
ايه عاد هذي شغلتكم تحللون و تتحللون وبالمرصاد لكل شغله أميرة الرياض خخخخخخخخخخخخخخخخخخخخخخ امور انا |
||||||||||||||||||||||||||||||||||||||||||||||||||||||||||
|
|
|
04-02-2005, 02:13 PM
|
#8 | |
|
عضو مستمر
|
رد : زفة سعودي - خالي من الصور - قليل الدسم
حلوووووووووووووووه ودمك خفيف ابو عبدالله بصراحه موضوع رررررررررهيب
|
|
|
|
|
04-02-2005, 04:21 PM
|
#9 | |
|
كبار الشخصيات
|
رد : زفة سعودي - خالي من الصور - قليل الدسم
هههههههههههههههههه سعودي وش خليت المهم والجماعه صافين حولي يالله 8 8 حرام عليك يعني السعووديين وصخين !!! بقدر حلاوة الموضوع ورجته الا انه هالجمله ماهضمتها مشكوره يابو عبدالله على صرقعتك خخخخخخ الله يرجك يعطيك الف الف عافيه تحياتي بنت النور
|
|
|
|
|
05-02-2005, 09:20 AM
|
#10 | |
|
عضو مؤسس
|
رد : زفة سعودي - خالي من الصور - قليل الدسم
والله انك رجه مابعدها رجه .. << تذكر عصير راني ابو الحبيبات ( روووق الزوقااااقه ) الا على طاري الفول والفلافل وحلة العبيد .. ماقابلت المجهول يبيع كوارع فيذاك ؟؟ خخخخخخخخخخخخخ اجل نايم عند مكيف صحراوي .. بعذرك تهذري بالشرقيه .. والله من رطوبة ذالمكيف بصراحه موضوع مهوي ورااااايق مثل صاحبه ؛ الله يوسع صدرك بالعافيه يابوعبدالله .. وعود علينا مرتن ثانيه ؛
|
|
|
|
|
| زوار هذا الموضوع الآن : 1 (0 عضو و 1 ضيف) | |
| أدوات الموضوع | |
|
|
مواضيع ذات صلة
|
||||
| الموضوع | الكاتب | المجلس | المشاركات | المشاركة الأخيرة |
| رابطة زعيم آسيا نادي الهلال السعودي | هلالي ودمي ازرق | عالم الرياضة | 1689 | 15-11-2007 07:13 PM |
| ¤ô§ô¤*~*¤ô§ô¤*~رابطة اليثـ شيخ الأنديــه~*¤ô§ô¤*~*¤ô§ô¤*~ | عاشق الليث | عالم الرياضة | 296 | 07-09-2007 04:27 AM |
|
Powered by: vBulletin® Version 3.6.10 Copyright ©2000-2008, Jelsoft Enterprises Ltd.
SEO by vBSEO 3.1.0 Translated By vBulletin®Club©2002-2008 |
يكفي حضوري
