| الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور | |
|
|
|
|
|||||||
| الانتساب | تعليمات س - ج | قائمة الأعضاء | المفكرة | إشارة الأقسام مقروءة |
إعلانات منتديات منطقة الرياض
|
||||||||||
|
||||||||||
 |
|
|
LinkBack | أدوات الموضوع |
|
#1
|
||||
|
||||
فيروس إنفلونزا المراهقة الألمانية ,,,, لا يفوتكم قصة أجهلك الأولى
السلام عليكم ورحمة الله وبركاته كيفك شباب / شابات هذه اول قص اكتبها وانشاء الله تعجبكم يله متشوق خل نطب في صلب الموضوع بعد ما رجعت يا شباب من ألمانيا جاني فيروس خطير جدًا وهو فيروس المراهقه بس مو بأي مراهقه هذي مراهقه تصيب حتى الشيبان والعجايز والبنات والاولاد والبزارين حتى والفيروس ذا ما ينتقل الا اذا ركب الواحد ددسني ما قلتلكم شريت ددسن الله يعطيني خيره ويكفيني شره القصه أجهلك: ( ينزل من الطياره ويروح لددسنه موقفنها في مواقف المطار ويركب فيها ) والله ويوم ركبتها رميت بالشنطه وانا تعبان في مقعدة الراكب واركب السياره واول ما مسكت الدركسون حسيت بشي في يدي مدري وشو المهم ما جاء في بالي وانا من النوع اللي ما يحب التفحيط <<أمحق<< واول ما حميت السياره باريوس بسرعه واصفق في اللي وراي واهرب وانا ما اقدر اتحكم بنفسي يعني الفيروس هذا اصابني وهو فيروس خطير مره ويوم وصلت عند نقطة التفتيش فأدعس للسيارة واسحب قدامهم ثلاث عقد وهربت منهم ووصلت البيت وادخل السياره في القراج وادق الجرس واعلق عليه وابوي يصيح علي ويقول ابوي : شوي شوي على الجرس جاي جاي أجهلك: ( اول ما سمعت صوت ابوي بغيت اصيح قلت الحين بيشلني بالحذيان ) ابوي : ( فتح الباب ) يا هلا والللله ومسهلا واقول وش في البيت منور ادخل أجهلك : ( احب فوق راس ابوي ) كيف الحال ابوي : الله يسلمك يالله حيه بشرنا عنك أجهلك : الله يسلمك والله بخير ابوي : وكيف الجو في الدمام ؟؟ أجهلك : وشو الدمام ؟؟ <<< نصب على ابوه وراح المانيا ابوي : ايه الدمام ليه ما رحت ؟؟ أجهلك : ايه ما رحت رحت لجده ابوي : افاا ليه ؟ أجهلك : ( بيني وبين نفسي اقول هذا وهو لجده وش لو يدري بالمانيا ؟ ) ايه والله سمعت ان فيه تفجيرات كثير بالدمام وقلت ما نباها وندحدر على جده ازين وجبت لك هديه يبه ابوي : ولدي والله كفو سنايدي وش الهديه ؟؟ أجهلك: عود وعطر وشماغ دسار شبابي خلك تطبز وجبت لك بشت من االلي يحبه قلبك فخم ابوي: الله يوفقك اجهلك : طيب يبه تآمر على شي انا بروح مشوار وابرجع ابوي : بدري اجلس معنا اجهلك: والله مستعجل ابوي : خلاص جيب مفتاح الددسن وخذ الفياجرا لاني ابي اشتري ذبايح اجهلك: ( نسيت من الفيروس اللي بالدركسون ) ابشر يبه واعطيه المفتاح ابوي : يالله اجهلك: مع السلامه بس يبه وش رايك لو تخلي جارنا بو مشاري اللي يروح يشتري عشان تريح شوي ابوي : ادري ابخليه هو يروح ولا عاد فيها رجولي تعبانه ولا فيني اروح لسوق الغنم اجهلك: خلاص <<< الاخ ناسي مرررررره من الفيروس والله واروح لاخوياي ويوم وصلت عندهم اسمعهم يتكلمون عن انفلونزا التيوس والله واتذكر فيروس المراهقه وانقز من بينهم وانا ماشي الطبلون الا واشوف راعي ددسن يلزني ويدق لي اشارة تحدي بو مشاري : ( بعد ما وقفنا حول بعض عند الاشاره ) تجاكر يا مال الصمرقع انت ووجهك فرحان بهالفياجرا ؟ اجهلك: ( واضرب راسي بالدركسون واقول هذا اول الضحايا ) والاشاره حمراء ويقطعها ويروح للسوق << صحارى<< يا هووووه اصبر واكبس له والاخ طاير ويساقط من بين الناس وانا خايف على السياره حقت ابوي لا يجيها شي ولا اقدر الحقه والله وعرفت ان الشايب ناوي يرقم وهو عمره 66 ويوم وصلت السوق واشوف الددسن موقفه غلط وداقينها بقسيمه على المرايه وادخل السوق واشوف ابو مشاري عامل عماااااايل خخخخخخخخخخخخخخخخ وقسم اني مت ضحك عليه تدرون وش لقيته يسوي داق باللطمه ولابس نظارة شمسيه وشاد البشت على جسمه طلع عليه جسم غير طبيعي واللي يشوفه هو ومشيته يقول هذا عمره 25 سنه والله واشوف البنات انغبنوا فيه ويطردون وراه وهو يتغلى ويقول ياااااي وخروا عني مايا : بليز ممكن رقمك حبي ؟؟ << لو تدري انه شايب وش بيكون شعورها ؟؟ بو مشاري : تبين رقم الثابت ولا رقم الجوال يا حياتي ؟ اجهلك: ( واضرب راسي ) خخخخخخخخخخخخخخخ الدلخ ذا يبي يعطيها رقم البيت عشان يروح فيها بو مشاري : بلوز قرري بسرعه لان وراي شغل كثير << يبي يروح يشتري غنم خخخخخخخخ مايا : يا ربييييه عليك ابي الجوال بو مشاري : مو مشكله بس عندك بيجر ؟؟ مايا : يؤ شنو بيجر ؟ بو مشاري : هاهاهاهاها امزح بس حبيت انكت مايا : يوووه خفيف دم انت بشكل عجيب بس ممكن طلب ؟ بو مشاري : امري مايا : ممكن اشوف وجهك الحلو ؟؟ بو مشاري : بس اخاف افتنك << عاش مصرف خخخخخخخخ مايا : يا قلبي عليك لا اذا شفت وجهك اوريك وجهي اجهلك: ( ينقذ الموقف وينطلق ويمسك ابو مشاري ) بسم الله عليك من الذيبات ذولي انتبه منهم لا يحسدونك على جسمك مايا : يووووه شتبي انت ؟ اجهلك: خذي رقمه 05..الخ مايا : شكرا والله وامسك ابو مشاري واقول وش هالحركات ترقم على اخر عمرك ؟ بو مشاري : يخوي خلنا نتونس اجهلك: اممممش والله انك فــديـت بقووه بو مشاري : اقول جيب لي مارليبورو ابي اتتــن شوي اجهلك: وشو ؟؟ تدخن ؟؟ بيضرك بو مشاري : ياخي وش دخلك انت اجهلك: وش بيقولون عنك الناس بو مشاري : ياخي وش دخلك انت لا تخليني امصع رقبتك ذي اللي كنها كعب مايا حبيبتي << يقول الكلمتين الاخيره برقه خخخخخخخخخخ اجهلك: هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههههههههههههههههههههههههه اقول من زينك انت وياها امش لحد يشوفك بهالحاله بعدين فك الي رابطه عليك بو مشاري : ياخي اما انت تمساح بشكل ؟؟ وش عليك حركات شباب اجهلك: اقول لا يكثر والله واوديه لابوي واقول لابوي بالفيروس فقال ابوي اف اف اف طيب اسكت ولا احد يدري فتروح فيها ويسجنونك والله وقلنا طيب وكان ابو مشاري عندنا فأدخل عليه وهو بالمجلس فلقيته على قناة روتانا وماسك البشت ويرقص به ويهز خصره <<امحق خصر تقول فيفي عبده خخخخخخخخخخخخخخخ فأمسكه بعلبة الفاين <<< خربت الأخلاق خخخخخخخخخخخ اجهلك : نعن ابو بليسك بهالكبر ترقص وعلى روتانا ؟؟ ياخي استح على وجهك بو مشاري : ياخي اليوم اجازه ازحف تنحف <<< اللي يسمعه يقول انه يدرس اجهلك: يخوي انثبر واقعد والله واشفر روتانا وتشانال تو والال بي سي وكل القنوات الوسخه فنسيت من جوالي وخليته فوق الدولاب وانا ووجهي توني شاحنه بثلاث مية ريال واروح غرفتي ابي انام والله واتقلب بالفراش ولا جاني نوم قلت ننزل نشوف وش بو مشاري ووش اخر المستجدات اللي مسويها ويوم ادخل عليه لقيته على الكويت على برنامج هلا فبراير والأخ يكلم بالجوال اجهلك: من تكلم ؟؟ بو مشاري : ششششششش خلني اكلم معشوقتي اجهلك: بجوالي ؟؟ ومنهي يا حظي ؟؟ بو مشاري : اللي قدامك اجهلك: وين اللي قدامي ؟ بو مشاري : لو انك حول ولا تشوف شوفها بالتلفزيون والله واناظر التلفزيون واشوف حليمه بولند مستغربه من ذا الشايب اللي يغازلها قلت لعن ابوووووك يا شيطان جب الجوال الله اكبر عليك تكلم حليمة بولند بو مشاري : لحضه حليمه شوي ,,, اجهلك ياخي انثبر قربت افوز واذا فزت بأعطيك الجائزة اجهلك : طيب << فرح بو مشاري : ( بعد ما فاز ) حليمة : مبرووووك عليك الفوز بو مشاري بو مشاري : وش الجائزة ؟؟ حليمة : طقم ألماس بقيمة ألف دينار اجهلك: أنا اول ما سمعت الجائزة انهبلت ألف دينار يعني 13 الف ريال سعودي وقلت بأبيع الطقم واحط الفلوس بجيبي بو مشاري : طيب يا ليت تقبلينها من هديه حليمه : شنو ؟؟ بو مشاري : اللي سمعتيه يا بعد حيي الجائزة خوذيها لك وربي ما ابيها اجهلك: ( واسحب الجوال منه ) يا حيوان الله لا يوفقك بو مشاري: تراني كبر ابوك اجهلك: لكن عقلك كبر الجزمه يا جزمة قديمه مقاس 34 بو مشاري : ( ينكس رأسه منحرجًا ) ياخي الوضع عادي والله واخذ الشايب بو مشاري لمكان اسمه ( فــال ) حق بولينج وتنس وبلياردو وبلايستيشن وطقتها بو مشاري : ( يناظر بتعجب ) يا سلااااااام اجهلك : انثبر لا تفشلني بعدين رحت العب بولينج وانا في نص اللعب اسمع الصياح يوم اناظر الا وانا اشوف بو مشاري ماسك عصا البلياردو ويضرب ناس يلعبون تنس بو مشاري : ( وهو يضربهم ) يا قلال الادب ما تستحون ترمون الكورة في وسط لعبتي ؟؟ مالت على يور خشش والله والحق وانقذ الموقف واعتذر منهم واقول لهم ذا عنده فيروس انفلونزا المراهقه لا تواخذونه قالوا لا يا رجال عادي <<< والله وجيههم صارت تضاريس من بعد التفقيع اللي جاهم فمسكته وقلت اجلس على الكرسي وقسم بالله لو تعاودها لالعن خامسك قال طيب والله وانا العب فناظرت له ابي اشوف هو موجود ولا لا فما لقيت له اثر وانا كنت مخلي المفتح والجوال والمحفظة معه <<< دلخ يركن على مراهقين خخخخخخخخخخخخخ وادور يا هوه وينه قلت اكيد انه راح بالددسن فلحقته بسيارة خويي مكسيما 2004 والله وادور له وين راح وين راح وانا ماشي بالطريق الا والشرطة من اليمين واليسار ساقطين علي ومشغلين السفتي قلت قسم بالله انهم يلحقونه وانا اللي بروح فيها فأدعس وراهم وأدعس وأدعس وأدعس الييييين وصلوا له ولقوه بشارع الغروب ( مكان يتجمع فيه الشباب ويفحطون ) واناظر الا والاخ بو مشاري داق باللطمة ومخرج أعلام الهلال من على الددسن ويسحب جلنطات فألحقه بالماكسيما واسحبه بعيد عن الشرطة ويوم مسكته قلت يا الله لا يوفقك قال وش فيها شباب قلت الله لا يوفقك لا انت ولا شبابك قال يا رجال وش اسوي معاناة وبدت عيونه تدمع قلت وش فيك قال وهو مجروح الخاطر تذكرت أيام مزنه خويتي الله يسكنها الجنه قلت وش فيها قال ألفت فيها شعر ولا شعر عبد الرحمن بن مساعد قلت اطلق الشعر وشو ؟؟ ترانا حقين شعر قال يا زمانن مضى عليه سنين ,,, شلون يرجع والوقت ماله رجوع ,,, مدري انا ابكي ولا أتألم وأن أنين ,,, على رفقة حبيبة ما مثلها بهالجموع ,,, بعد فراقي لها صار طبعي حزيـــن ,,, صار اصعب من الموت بالجوع ,,, اجهلك: وفي نفسي امحق شعر اجهلك : يكفي يكفي ( دمعة عيوني ) لا تكمل تهئ تهئ تهئ بو مشاري : ووو أها أها أهاااا خلني افرغ اللي في قلبي من محبه وموده ,,, صار عمري بدونها معفن تهئ تهئ تهئ ,,, لا تحاول اني اوقف كلامي فيها ,,, لو تشوف خشتها تنجن وتفتن تهئ تهئ تهئ ,,, اجهلك : تهئ تهئ تهئ تصدق حزنتني معاك يالله كمل كمل بعد فراقي لها صار طبعي حزين ,,, صار اصعب من الموت بالجوع ,,, << المسكين ام مشاري ما وكلته كانت تدهن شعرها بنيفيا وفازلين ,,, وجهها مشوه وفي يدها صدوع ,,, كانت تمشي معي كل وقت وحين ,,, وتمزح معي وبينا الزعل ممنوع ,,, تهئ تهئ حبيبتي مزنه وييييييييييينك تشوفين معشوقك بو مشاري تهئ تهئ اجهلك: تهئ تهئ تهئ تصدق اني حزنت كثير تدري ليش ؟؟؟ بو مشاري : تهئ تهئ تهئ ليش ؟؟ اجهلك : لاني اول مره اشوف شايب مراهق << مسوي بو مساعد تهئ تهئ تهئ تهئ تهئ وبينما كان الإثنان حزينان في حالة يرثى لها قبضة عليهم الشرطة فمسكت اجهلك وفر بو مشاري هاربــًـا وبعد 20 عام ما مات الأمام لا يزال اجهلك في السجن بتهمة نقل المرض للمجتمع السعودي وحكم عليه بالسجن المؤبد<<ما فيه فتمين واو وبو مشاري انتقل الى رحمة الله بعد أن اشتهر كثيرًا بالتفحيط وبخبرته الكبيره في هذا المجال ثم انتحر من كثر الفلوس اللي جاته من والمعجبين والمعجبات  و تقبلو تحيات اجهلك الحزين من خلف قبضان الحديد وأرجو ان تعجبكم قصتي الأولى وان شاء الله تلقون المزيد
آخر تعديل أجـهـلـك ؟؟ يوم 21-02-2004 في 04:00 PM
|
22-02-2004, 10:26 AM
|
#2 | |
|
عضو مؤسس
 |
رد : فيروس إنفلونزا المراهقة الألمانية ,,,, لا يفوتكم قصة أجهلك الأولى
انت خابر موسم الجح جاي ومحتاجين نوقف بو ه عند الشيراتون ,,,
|
|
|
|
22-02-2004, 01:13 PM
|
#3 | |
|
عضو فعال
  |
رد : فيروس إنفلونزا المراهقة الألمانية ,,,, لا يفوتكم قصة أجهلك الأولى
بس خايف عليك من الفيروس _____________________ وين الشباب مافيه الا ابو مهند |
|
|
|
|
22-02-2004, 01:23 PM
|
#4 | |||
|
كبار الشخصيات
شعلة مجالس الرياض  |
رد : فيروس إنفلونزا المراهقة الألمانية ,,,, لا يفوتكم قصة أجهلك الأولى
 مشكور يالغالي اجهلك على الموضوع الروعه صراحه ابو مهند ماتبي فزعه والربح نقسمه بينا بتساوي انت يابو مهند ربع وانا ثلاث ارباع  تحياتي لصاحب الموضوع
|
|||
|
|
|
22-02-2004, 01:55 PM
|
#5 | |
|
عضو مشارك
 |
رد : فيروس إنفلونزا المراهقة الألمانية ,,,, لا يفوتكم قصة أجهلك الأولى
الله يرجك انت وسولفك وقصصك والله بو مشاري سنايدي .. بس كم رقم البنت مادقت عليكم .. ههههههههههههههههههههههههههههههههههههه ننتظر مزيدك يااجهلك الحديد...خخخخخخخخ تحياتي
|
|
|
|
|
22-02-2004, 02:39 PM
|
#6 | |
|
عضو فعال
|
رد : فيروس إنفلونزا المراهقة الألمانية ,,,, لا يفوتكم قصة أجهلك الأولى
ومملوح مشكور وتر البنت ما دقت بوم شاري وراها وجهه والرقم جايك على الخاص |
|
|
|
|
22-02-2004, 03:08 PM
|
#7 | |
|
عضو مؤسس
|
رد : فيروس إنفلونزا المراهقة الألمانية ,,,, لا يفوتكم قصة أجهلك الأولى
امحق شراكه من اولها ناوي تلطش خخخخخخخخخخخخخخ |
|
|
|
|
22-02-2004, 05:49 PM
|
#8 | |
|
عضو فعال
|
رد : فيروس إنفلونزا المراهقة الألمانية ,,,, لا يفوتكم قصة أجهلك الأولى
ومصدقين اني بعطيكم ددسني انا مخليه معي فغرفتي ومقفل عليه في التجوري مصدقين المساكين هههههههه ويييييييييييييييييو وااااااااههه فيك شده يا فيبو و بو مهند خذوه |
|
|
|
|
22-02-2004, 06:17 PM
|
#9 | |
|
عضو مشارك
|
رد : فيروس إنفلونزا المراهقة الألمانية ,,,, لا يفوتكم قصة أجهلك الأولى
شفي الدب عاد بتطلع هالددسن والا جيتك انا وابو مهند.... وبندبغك ... طيب بدل الدبغ والمشاكل << خاف لاتجيه بالددسن وتكفخه... نستاجره وهين اذا رجعلك... خخخخخخخخخخخخخخخخخخخخخخخخخخخخخخخخخخخخخخخخخ خخخخخخخخخخخخخخخخخخخخخخخخخخخخخخخخخخخخخخخخخخخخخخخخخخ خخ تحياتي |
|
|
|
|
22-02-2004, 07:14 PM
|
#10 | |
|
كبار الشخصيات
|
رد : فيروس إنفلونزا المراهقة الألمانية ,,,, لا يفوتكم قصة أجهلك الأولى
مشكور ياجهلك
|
|
|
|
|
| زوار هذا الموضوع الآن : 1 (0 عضو و 1 ضيف) | |
| أدوات الموضوع | |
|
|
مواضيع ذات صلة
|
||||
| الموضوع | الكاتب | المجلس | المشاركات | المشاركة الأخيرة |
| ((===الـــتـــغـــطـــيـــه الـــمــبــاشــره لــخـــلـــيـــجــــ18ـــي===)) | المجهول | عالم الرياضة | 57 | 31-01-2007 09:05 AM |
|
Powered by: vBulletin® Version 3.6.10 Copyright ©2000-2008, Jelsoft Enterprises Ltd.
SEO by vBSEO 3.1.0 Translated By vBulletin®Club©2002-2008 |
يكفي حضوري
