| الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور | |
|
|
|
|
|||||||
| الانتساب | تعليمات س - ج | قائمة الأعضاء | المفكرة | إشارة الأقسام مقروءة |
إعلانات منتديات منطقة الرياض
|
|||||||||||||||
|
|||||||||||||||
 |
|
|
LinkBack | أدوات الموضوع |
|
#1
|
||||
|
||||
|
أجهلك يوم خطب ,, شوفوا القصه مفصفصه خخخخخ وباركوا لي
السلام عليكم ورحمة الله وبركاته كيفكم شباب / صبايا انشاء الله بخير  هذي قصتي يم اني بخطب في ليلة من اليالي جمعنا ابوي بعد العشاء وحنا خمس اولاد ابوي : وين محمد ؟؟ <<< محمد اللي هو انا علي : مدري وينه خالد : انا اعرف وينه << هذا اخوي اللي اصغر مني ابوي : طيب وينه ؟ خالد : يتفرج على المباراة ابوي : ( يناديني بصوت عالي ) محمد ,,, محمد ,,, محماااااااااد محمد : سم سم لبيه طال عمرك ابوي : تعال ابيكم في اجتماع محمد : مانيب فاضي اجلوه اليوم مباراة روما والميلان ابوي : اقول تعال الحين اجتماع مهم محمد : أي اجتماع يبه اللي يسمعك يقول انا بمؤسسة كلها غرفتين وحمام ومطبخ ما يبي لها انا بستلم المطبخ وعلي يرتب الغرف والباقين يشوفون لنا صرفه مع الحمام << حقد عليهم خخخخخخخخخ خالد : اقول انثبر لا اجي اتوطا ببطنك ابوي : تعال موضوع بعجبك محمد: قلي اذا عجبني بفكر <<< يتغلى هو وخشته ابوي : الامر فيه خطوبة محمد: ( واننننننقز واطير لابوي طيران ) موافق موافق موافق ابوي : على وشو ؟ محمد : على اللي تقدمت لي ابوي : ليه انت بنت ؟ عزوز : هههههههههاااااي << هذا اخوي اللي اكبر مني بسنه ابوي : يا شيخ اجلس واقولك الحين السالفه وما فيها محمد : ابشر سعد : عطني جوالك يا محمد << اخوي الصغير زاحف البيت خخخخخخ محمد : شوفه ينشحن ولا تلعب فيه سعد : طيب ابوي : انتوا الحين كبرتوا ولازم نخطب لكم بس نبي نشوف من اللي مستعد ونخطب له بكره والزواج بعد شهر بالصيفية علي : خلني اكمل سنتين واذا تخرجت من الجامعة وصرت دكتور ابخطب وشو له العجله ابوي : خلاص وانت يا عزوز ؟ عزوز : والله بشوف بس ابي وحده لبنانية ابوي : اقول لا يكثر ما معك الا سعودية محمد : يا بوي ما عندهم سالفة خل علي يكمل السنتين اللي بقية له وعزوز اذا لقي ريالين صرفها في خرابيط وخالد توه صغير ابوي : طيب وانت تبي ؟ محمد : ايوه وجاهز بس ابي حاجه ابوي : ( اعجب بي يوم وافقت ) امر تدلل محمد : ابي مواصفاتها خليجي ابوي : ( تحطم وفقد الامل فيني ) وش تبيها فتحه ومقاعد جلد ؟ محمد : الله يسلمك ويا ليت يكون لها جنوط ابوي : لا يكثر وانا بوك خلك ساكت ازين لك محمد : اقول ابوي : هلا محمد : خلنا نجيب الخريطة والمكان اللي يعجب اخوي سعد فيها يأشر له نروح له ونخطب وش رايك ؟ ابوي : بس المشكله لا تجيك بنت خربانة ولا ما تشتغل ولا ... محمد : ( يقاطع بوه ) يا رجال اهم شي الاخلاق ابوي : تقول كذا ؟ محمد : ايوالله ابوي : يالله يا عيال ابيكم تتجهزون و محمد : لا لا لا وليه يجون ؟؟ ابوي : اخوانك محمد : لا لا انا وانت وبس انسابي وعلى كيفي <<< ابوووك يا الحقد خخخخخخخخخ محمد : ( يجيب الخريطة وسعد ) يالله يا سعد وين المكان اللي عاجبك ؟ سعد : ( مممممم ويأشر على جيزان ) محمد : ( يدف يده بسرعه بديهه فطاحت على وسط ابها ) ويه ويه الحمد لله ابوي : وش فيك دفيت يد الولد ؟ محمد : لا شفت في يده نامسه وضربتها والحمد لله <<< عاش مصرف خخخخخخ ابوي : طيب نروح لهم في باتسر محمد : خلاص وفي الليل الساعة 11 محمد وخالد وعزوز بالغرفة محمد : عزوز أنت تعال اجلس هنا عزوز : ليه ؟ محمد : وش دخلك اجلس واسكت عزوز : طيب محمد : خالد خالد : وش تبي اخلص محمد : اجلس ابيك تمثل دور البنت خالد : وش تقول ياللي ما تستحي محمد : يا شيخ معليك واعطيك 10 ريال خالد : طاااايب بس كيف امثل ؟ محمد : وانا وعزوز جالسين انت دق الباب وخذ لك صحن واعصر ليمون ولا تحط عليه لا سكر ولا شي خله حامض خالد : ليه ؟ محمد : يااااااااااخيييي عشان اتعود خالد : تتعود على وشو ؟ محمد : ياخي افرض ان اللي ابخطبها اذا جاتني وجابت العصير صار طعمه شين ؟ خالد : ايييه ! محمد : خلاص عشان اتعود واصلح كأن طعمه حلو خخخخخخخخ فهمت علي ؟ خالد : اهااااااااااااا ؟ طيب وش رايك لو ا.. محمد : اقول اسرع خالد : طيب ويسوي خالد عصير ليمون حااااااااااااااااااامض وعزوز يمثل دور ابو البنت ومحمد يمثل كأنه اللي جاي يخطب محمد : السلام عليكم عزوز : وعليكم السلام وش تبي محمد : ( يقطع المشهد ) ياااخي انت بقره ؟ صلح كأنك ابو العروس عزوز : اهااااااااا طيب طيب وعليكم السلام ورحمة الله وبركاته يا هلا والله محمد : الله يسلمك يا وخيي وش اخباركم ؟ وكيف حالكم ؟ عزوز : ( يقطع المشهد ) وش هالاسئله هههههههههههههههه ياخي انت لا تسوي كذا قول وش الاخبار وبس ولا تقول كيف حالكم محمد : ياخي مالك دخل انا ابي اتدرب على الغلط عشان ما اغلط عزوز : طيب طيب ,,, الله يسلمك يالله حي من جانا محمد : الله يسلمك خالد : ( يدخل علينا فجأه ومعه العصير ) محمد : ( يقطع المشهد ) يا هوووووووه مو بكذا اول شي اذا دعاك عزوز ادخل خالد : طيب عزوز : يالله حيهم محمد : الله يسلمك ,, والله يا طويل العمر انا جيت والوالد و عزوز : وين الوالد ؟ محمد : اففففففففففففففف ياخي آآآآآ وش اقولك كأن ابوي معي بس مو بهنا عزوز : طيب كمل محمد : والله جيت انا والوالد عزوز : والوالده موجوده ؟ محمد : لا والله تقول ما بتجي اليوم ذا عزوز : ما يخالف محمد : وبغينا ناخذ بنتكم على سنة الله ورسوله والزواج قسمة وضرب واذا ما عندك مانع فنبي بنتك الكبيرة عزوز : يالله حيهم ويا هلا والله ومسهلا والبيت بيتكم ومثل ما قلت الزواج قسمة ونصيب ومن جهتي موافق بس ابي اشوف رأي البنت محمد : ما يخالف عزوز : ( راح ورجع وكأنها وافقت ) خلاص البنت موافقة واذا تبي تشوفها الحين ما يخالف محمد : خلاص عزوز : يا حصه ادخلي خالد ( حصه ) : السلام عليكم << واضح على خالد انه خجلان خخخخخخخخ محمد : يا هلا والله بالزين كله ,, يا هني الصحن اللي تشلينه ,, ليتني كوب بهالصحن ,, عزوز : على شحم اذا تعرف تغازل ولا انثبر خالد : ( يعطي محمد الكوب ) محمد : ( يشرب ويتحمممممل حموضة الليمون ) ماااااا اطعم هالعصير من ايدينك ,, دامك انتي اللي سويتيه خالد : ( مسوي نفسه مستحي ) لا هذي الشغالة للي سوته محمد : اهم شي ان اللي جابه لي انتي << داخل جو خخخخخخخ خالد : اقول لا تتغزل فيني تراني اخوك محمد : ( يهز راسه وترجع له الذاكره ) وشو فراسه كنت اشوف خشتك كنها خشة باسكال << عاش مصرف خالد : الله يسلمك هذا من طيبك عزوز : ( منفهق من الضحك ) هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههههههههههههههههههههههههههههههههههه باسكال مره وحده خخخخخخخ لحد يسمعك لحد يسمعك محمد : ( عصب ) لا تغلط عزوز : اقول روح نم ازين لك بكره الصبح تروحون لهم محمد : ( بتعجب ) امممممما بكره الصبح ؟ عزوز : ايوالله هذا كلام ابوي محمد : ياخي ليييييييييه ؟ ما ابي الا بالعصر خالد : وليه ؟ محمد : عشان عيون البنت بتجي مليانه غمص عزوز : الحين اللي بيسمعك يقول انك بتشوفها من اول يوم محمد : على شحم انت وياه بروح انام ازين لي وبالله ادعوا لي تكون البنت اخلاق خالد وعزوز : طيب واروح ابي انام واتقلب بالفراش ما جاني نوم ابد يمين يسار ابي انام يا جماعه فكوني على النوم والله ولا شي طول اليوم اهوجس بالبنت اغمض عيوني اشوف وحده فيها من الجمال اللي ما قد جاء في مخلوقه ارضيه واذا فتحت ابي اشوفها ما اشوف شي بعدين اغمض واشوف عجوز وجهها تقول وجه كوفي عنان بس مو بمكوي كله معطف وافتح عيوني من الخوف وكل شوي اشوف رئيس دوله خخخخخخ <<< سياسي يبي يخطب خخخخخخخخخخخخ والله يوم فقدت الامل في النوم قلت يابو حميد ما معك الا تدحدر على النت وتفرغ الطاقة اللي في قلبك من فرح بالشات والله وادخل شات >؟؟؟؟؟< اسمي فيه : عاشق حصه <<< ما لقيت الا هالاسم عاشق حصه : س1 عاشقة محمد : س2 عاشق حصه : ك1 عاشقة محمد : ك2 عاشق حصه : وش اسمك ؟ عاشقة محمد : حصه عاشق حصه : حصة فسحه ولا نشاط هاهاهاههاا ع محمد : على شحم وش اسمك انت ؟ <<<<< الــ ع اختصار عاشق وعاشقه مشوار اكتبها ع حصه : محمد ع محمد : احلف ع حصه : ايوالله ع محمد : من وين ؟ ع حصه : من ابها ع محمد : وانا بعد من ابها ع حصه : اقول ابوي جاء باي << خاف يقول في نفسه وش اكلم بنت وانا متزوج خخخخخخخخخخخخخخ واروح اصلي الفجر وانا طول يومي اهوجس وافكر ومن كثر هواجيسي صليتها ظهر خخخخخخخخخخخخخخ المهم ويوم رجعت بعد الصلاة قلت لابوي نمشي الحين ؟ ابوي : انت من صدقك ؟ محمد : هاهـ ؟ لا لا ايه منهو ؟ << مرتبك خخخخخخخ ابوي : اقول اذا انت مرتبك وخايف فترا مو بلازم وعادي اذا اجلتها سنتين ولا ثلاث محمد : لا لا << يعتدل ,,,,,,, طال عمرك مانيب مرتبك ولا شي ابوي : وشوووووو محمد : طيب متى نروح ؟ ابوي : الساعة 11 محمد : طيب والله واروح اتنظف واتروش واشتري افخم العطور واشتريت بشت من اللي يحبه قلبك وشماغ دسار شبابي وعقال ابو 100 ريال << ابوووها ركبه خخخخخ الساعة 10,40ظهرًا ابوي : يالله يا محمد البس محمد : ( يخرج وهو خارجن من غرفته معه شماغ وبشت واللي تبي جميع المستلزمات الرجالية حتى الدقله< شي علىالثوب يلبس ما خلاه خخخخ ) انا جاهز ابوي : ماشاءالله ماشاءالله ماشاءالله انت محمد ؟؟ محمد : لا عاشق حصه << من غير شعور قلتها ابوي : وشو ؟؟ << وهو معصب محمد : ( ترجع له الذاكرة ) هاااهـ ؟؟ ايه ايه عاشق حصة الكيمياء يبوي وش فيك خبلتني مسرعك قاطعتني ما خليتني اكمل كلامي <<<<<<<<<<<<<عاااااش مصررررف ابوي : ايييه اشواااااا والله ونروح بالفياغرا وناخذ الخريطة معنا ابوي : طلع الخريطة وشوف وين البيت محمد : طيب ويوم وصلنا للبيت دقينا الجرس ابو حصه : ( يرد ) من ؟ محمد : ( يلزق بالسماعه ) افتح افتح افتح افتح ابوي : ( يخرب التشخيصه حقتي ويسحبني ) السلام عليكم ابو حصه : وعليكم السلام ورحمة الله يالله حيهم ( ويفتح الباب ) ويوم دخلنا المجلس محمد : ( يدق ابوه ويشاوره ) الحين نقول نبي نخطب حصه ولا بس نتعرف عليهم ؟ ابوي : وش دراك ان اسمها حصه ؟ محمد : مدري احساس <<<<<< احساس ولا واحد حلو هههه ابوي : لا لا بنخش بالموضوع علطول ويجينا ابو حصه ابو حصه : يالله حي من جانا ابوي : الله يسلمك ويعافيك والله الوضع ان ولدنا يبي يخطب بنتكم و محمد : ( يقاطع ابوه ) حصه حصه ابوي : هه لا معليش الولد اذا صار يعطس يقول حصه حصه << عاش مصرف خخخخخخخخخخخخ محمد : الحمد لله ابوي وابو حصه : يرحمك الله محمد : يهدينا ويهديكم الله ويصلح بالكم ابو حصه : اسلم محمد : حصه حصه << يبي يسوي كانه يعطس >> اعجبته الحركه>> بدو وطاحو في مريس ابوي : ( يدقني ) خلاص خلاااص خلها تمشي على شحم ,, وبغينا نخطب بنتكم على سنة الله ورسوله لولدنا محمد ابو حصه : يالله حيهم ويا هلا ومسهلا والزواج قسمه ونصيب وانا بروح اشوف رأي البنت فمن جهتي موافق بس بشوف رأيها ويوم راح لها الا وابوي ماسكني تهزيء ابوي : وشو اللي حصه الله اكبر عليك فشلتنا محمد : لا اني كنت اعطس << داخل جو خخخخخخخ ابوي : خلاص اذا تكلمت سكر فمك ولا تتكلم ابو حصه : السلام عليكم ردينا عليه : وعليك السلام ابو حصه : والله البنت تقول لها شروط ابوي : ابشروا وش هي الشروط ابو حصه : تقول تبي بيت لوحدها محمد : ( يخش عرض ) وانا وين اسكن ؟ ابو حصه : بيت لك انت وياها يعني تعيشون ببيت مع بعض لوحدكم ابوي : والشرط الثاني ابو حصه : المهر 100 ألف محمد : امممش قيمة ددسنين ابوي : على شحم يا محمد ,, والشرط الثالث ابو حصه : نبيها تكمل دراستها ابوي : ليه وش تدرس الحين هي ؟ ابو حصه : تدرس انجليزي محمد : طيب وهي تعرف انجليزي <<< باين عليه غبي خخخخخخخخخخ ابو حصه : ( يستهزئ ) لا لا ما عندها لغة ,, اجل ليش تدخل انجليزي الا وهي تعرف تدرس انجليزي ابوي : طيب ممكن يشوفها محمد النظرة الشرعية ؟ ابو حصه : خلاص بسألها ( وبعد ما رجع ) ايه ممكن محمد : (يجلس في المجلس الثاني وينتظر طقطق اصابعه ) حصه : ( تدخل ومعها عصير ) سلااام يا ابو <<< باين عليها عربجية خخخخخخخخ محمد : ( خاف من صوتها ) و و و و و و و حصه : و ايش يابو الشباب ؟؟ محمد : وعليكم ال س س س س السلام حصه : ( البنت جثه وتخوف ) كيف الحال ؟ محمد : لااا زين << مرتبك وخايف حصه : وشو ؟ << صوت عرابجه خخخخخخخخ محمد : هااهـ ؟ ايه الحمد لله عم بأزقاااح << لبناني على غفله حصه : ايه ايه ماشاءالله باين عليك ولد حبوب وهادي وجنتل مان محمد : ايه اصلا كل الناس يقولون باين عليك ولد حبوب وهادي و و و وهذي الاخيره اللي قلتيها <<< خجلاان خخخخخخخخ حصه : اقول لا يكثر تعرف تضارب انت وخشتك ؟ محمد : ايه ايه اعرف اضارب ودايم اضرب اخوي خالد اللي اصغر مني حصه :بلا بشكلك انت واخوك خالد هذا تعرف تضارب ناس اكبر منك ولا دجاجه ما عندك سالفه ؟ محمد : ايه لا ما احب المشاكل انا حصه : طيب أي خدمه يالله باي محمد : ( بخوف ) ب ب ب باي ويوم طلعنا ابوي : هاه كيف البنت عجبتك محمد : من ناحية جسم فصراحه جسمها تقول ملاكم من الوزن الثقيل ابوي : وشو ؟ محمد : اللي سمعته ابوي : طيب والوجه ؟ محمد : كوفي عنان [سبحان الخالق الناطق] اللهم ان اللغة عربية ابوي : لا تقول محمد : الا والله ابوي : والاخلاق ؟ محمد : الظاهر انها مبوشه ابوي : اقول على شحم واتركها ولا تخطب عندهم وخل امك تدور لك بنت الحلال ازين لك وبعد هذا الموقف قرر محمد قرارًا صارما بأن لا يقرب تلك الحارة لا لخطوبة ولا لشيء اخر مهما كانت الظروف خوفًا من التلطيم والتكفيخ الذي سيحصل من اخوانا العرابجة ( هاوي الليل, واحد حلو, خالد اليزيد, ابو مهند V I P) وكل هؤلاء الشلة تحت رئاسة حصه والتي لقبها ( بنت النور) وهذه الشلة التي اطلق عليها اسم (لا تدف ) اظاهر محد قراها شكلي طولت عليكم معليش بدوي وتوني اكتب قصص   وتقبلو تحياتي أجــهـــــلــــــــك ؟؟؟؟؟
|
22-02-2004, 03:04 PM
|
#2 | |||
|
كبار الشخصيات
شعلة مجالس الرياض   |
رد : أجهلك يوم خطب ,, شوفوا القصه مفصفصه خخخخخ وباركوا لي
هههههههههههههههههههههههههههههههههه ههههههههههههههههههههههه هههههههههههه مشكور يالغالي على القصه الروعه قسم بالله والصراحه خبال من جد تحياتي لك
|
|||
|
|
22-02-2004, 05:52 PM
|
#3 | |
|
عضو فعال
  |
رد : أجهلك يوم خطب ,, شوفوا القصه مفصفصه خخخخخ وباركوا لي
كل ذا ندلعك <<<<<<<<<< يع من زينك< لا تزعل من الحق ونن تظر المزيد من الردوود |
|
|
|
|
22-02-2004, 06:01 PM
|
#4 | |
|
عضو مشارك
 |
رد : أجهلك يوم خطب ,, شوفوا القصه مفصفصه خخخخخ وباركوا لي
هههههههههههههههههههههههههههههههههههه ههههههههههههههههههههههههههههههههههههههههه هههههههههههههههههههههههههههههههههههههه هههههههههههههههههههههههههههههههههه هههههههههههههههههههههههههههههههه والله ياعليك قصص رووعه ... هاه وناوي تخطب خلاص نتزوج انا وياك سوااا.. ههههههههههههههههههههههههههههههههه... ومن ناحيه فزعها فابشر.. تحياتي
|
|
|
|
|
22-02-2004, 07:30 PM
|
#5 | |
|
كبار الشخصيات
|
رد : أجهلك يوم خطب ,, شوفوا القصه مفصفصه خخخخخ وباركوا لي
اجل بتخطب هاااااااه هههههههههههههه
|
|
|
|
|
22-02-2004, 08:43 PM
|
#6 | |
|
عضو فعال
|
رد : أجهلك يوم خطب ,, شوفوا القصه مفصفصه خخخخخ وباركوا لي
ونشكرك على ردك |
|
|
|
|
23-02-2004, 08:53 PM
|
#7 | |
|
أميرة المجالس
|
رد : أجهلك يوم خطب ,, شوفوا القصه مفصفصه خخخخخ وباركوا لي
تراني مابعد قريت القصه لاني متصله إذا قريتها وأنا قاطعه التصال راح أتصل ثانيه وأرد على الموضوع أوكي تحياتي لك أميرة الكون
|
|
|
|
|
| زوار هذا الموضوع الآن : 1 (0 عضو و 1 ضيف) | |
| أدوات الموضوع | |
|
|
مواضيع ذات صلة
|
||||
| الموضوع | الكاتب | المجلس | المشاركات | المشاركة الأخيرة |
| أحاديث عاشورية غير ثابتة منتشرة في بعض المنتديات | عباس رحيم | المجلس الإسلامي | 3 | 26-01-2007 11:28 PM |
| شهر محرم ويوم عاشوراء | أختـــ، رجـــالـ، مآ تهابـــ، الرجـــالـ، | المجلس الإسلامي | 3 | 26-01-2007 04:25 PM |
|
Powered by: vBulletin® Version 3.6.10 Copyright ©2000-2008, Jelsoft Enterprises Ltd.
SEO by vBSEO 3.1.0 Translated By vBulletin®Club©2002-2008 |
يكفي حضوري
