نصــائح تجــميــل للـمـرأة (( ببــلاش ))

ايه ... لحظه .. لحظه



الله اللي جابني بالساعه المباركه


اسمعن يابنات .. تراني اعرفه زين ثم زين .. اكبر نصاب على وجه الارض 0

هذا غشاش ونصاب وكل ( الموبقات فيه ) بس لا تسمعن كلامه ونصايحه وتروحن فيها 0

ثلاثة ارباع اللي قاله نصب وغش .. وزودٍ على هذا أكبر عدو لدود للمراءه 0
تدرون وش اسباب هذه العداوه والكراهيه للمراءه .. انا اقول لكن وفتحو مسامعكم زين 0
هذا اللي اسمه رومنصي .. كان مسافر براً ولطول المسافه رغب ان ياخذ قسطاً من الراحه
لدى اقرب مركز خدمات الطرق ( محطة بنزين وغرف عوائل ومطعم وغيرها ) وعند توقفه
بالمجمع اذ بأمراءة يتراوح عمرها ما بين ( 70 ــ 90 ) سنه .. تتجه نحوه ( اخونا
رومنصي .. قام يصلح شماغه وعقاله ( يشخص ) المهم اقتربت منه والقت السلام عليه
ثم قالت ( الله لا يخرمك الاجر انا محتاجه لمساعدتك وفزعتك فلا تخليني ) .. قال ..
( ابـشــري وش تبين آمـري ) قالـت ( في عـوزة 500 ريال الله لا يعوزك ) رومنصي
يوم قال ابشري يحسب ان فيه شباب يتحرش فيها .. اعرفه زين .. راعي قشر ويحب
المطاق والصياح والنياح ... المهم هي قالت ( 500 ريال ) قال رومنصي بس غاليه
والطلب رخيص ابشري وهو يطلع محفظته ويمد عليها ( 500 ريال ) العجوز اخذتها
ما صدقت .. ورومنصي ميت قهر ما في جيبه ولا هلله .. يعني مطفر على الحديده ..
هذه هي اسباب الكره والحقد والعداوه للجنس الناعم .. يقول حتى كلمة شكراً ما قالتها
( اخذت الفلوس وديورت ) لا المشكله ان رومنصي متسلفها ( 500 ) من الهندي حق
مغسلة الملابس اللي جـــوار بـيـتهـم بـشــرط ان اخــر الـشـهـر يـســدد الــهـــنـدي
( 500 + 200 فوائد ) لكن اقول اسمع نصيحتي واصلح نيتك وعلم البنات باهم وصفه
للجمال والرشاقه صحيح لا قالوا ذنب الكلب اعوج .انا اللي اقول لهن الشغله بسيطه جداً
ولا اسهل منها شي لكن اهم شي الاصلي اذا ماهــو الاصـلي انا خارج الـمـســـئـولــيـه ..
الــلـــه ام انـي بــلـــــغـــــــــــت فــاشـــــــــهـــــــــــــد .

اخــــواتي الــعـــزيزات : لجمالك ولرشاقتك اقدم لكن الوصفة التاليه :

1 ــ ( 5 ) كيلوا من السمن النباتي المعروف باسم ( ابو ملعقه وشوكه ) 0

2 ــ ( 5 ) علب زيت الخروع الاصلي 0

3 ــ ( 5 ) علب كلوركس المطور 0

4 ــ ( 5 ) قوارير شامبو ( الاحمر ) 0

5 ــ ( 5 ) علب اسيد ناري مركز ( للمستعجله ) أو ( 20 ) علبة فلاش ( للعادي ) 0



رومنصي .. لا عاد تنصب على المسلمين وانا موجود .. والله لفضح بك بين الله وخلقه 0


تـحــــــيــاتــي حــــــــبـايـبـنـا الـنـواعـــم ... ( والــمــــعــــــــذره ) مـــقـــــدمـاً 0