الهلال يتخطى الوحدة في كأس ولي العهد السعودي بهديه من الجروان !!!

منسدح في طريق العليا · 12-03-2005, 11:24 AM

8
8

هاذي مايبغالها اعتراف عنوني

بس مسطه عن مسطه .. وهاذا المقصود

ابو مهند · 12-03-2005, 11:36 AM

8
8

خلاص اجل نسميه ماجد ابومسطه

منسدح في طريق العليا · 12-03-2005, 11:48 AM

8
8

ونسمي خويكم

يوسف حمرااان هع هع

نبض المشاعر · 12-03-2005, 03:37 PM

أخي الكريم /

أحترم كلامك إذا كان منطقي..

أما كلام لمجرد الفضفضه وسعة الصدر أقولك ..

شوف وين الهلال والنصر وين ..

من خبرناهم وهم كلام وتشكيك في الهلال والحكام

والله هالشيء اللي مخليكم مكانك سر أنديه أصغر وأقل أمكانات من النصر

قدرت تنافس على بطولات والنصر رغم امكانياته إلا أن إهتمامه بشئون الهلال هو سبب تخلفه وتراجعه ..

عموما هذا شيء راجعكم والهلال والله مايضره كلامكم لا أول ولا تالي لأن البطولات هي اللي تتكلم في النهايه

أما سالفة ضربة الجزاء ..

في نص قانوني معروف حتى للي ماعندهم خلفيه في الكوره وهو الإضرار بالخصم أو محااااااااااولة الإضرار بالخصم في منطقة الجزاء تستوجب ضربة جزاء يعني لاعب الوحده يكفي انه شاد قميص لاعب الهلال وهذا كفيل بإيقاعه في المنطقة الحظورة حتى أنت أتحدى يجي أحد ويشدك من ثوبك وأنت في حالة ركض وما يأثر هالشد عليك سواء بتوقفك أو وقوعك أو الإيقاع بك يعني في كل الحالتين مسك يد الشلهوب أو قميصه وهو مستحوذ على الكوره فها الشيء يستوجب ضربة جزاء لكن شكل التعصب الأعمى معمي عينك من أنك حتى تشوف الصوره مع انها واضحه وضوح الشمس لكن ماتهمنا في شيء أهم شيء ان الهلال تأهل وبجداره سوء اقتنعت أو ما قتنعت فهذا راجع لك ..

أما قولتك أن العمر هلالي أقولك أرجع لنهائي لشريط نهائي كأس الملك عام 1415هـ عشان تعرف ميول العمر وخل عنك بس الهذره اللي مالها سنع يا أما أنك تجيب أدله مقنعه وكلام يدخل العقل ولا لاتطول الهرج الله يعفى عني وعنك والجميع ..

ولجنة الشقير على الأقل أرحم من حكام معروفين ومعلنينها صريحه ان ميولهم نصراويه ويحكمون لنصر قمة التناقض من جد

الحمدان ، معجب ، المطلق واخفي كان أعظم ويكفي ان الشقير والزيد مايحكمون للهلال أي مباراة عشان تعرف بس أن أغلب كلامكم يا محبي النصر تنقلونه بجهل والمشكله أنه كلام نفسه معاد من أكبر نصراوي إلى أصغر نصراوي ..

على فكره :

في ها الإيام مستوى النصر حلو والله اتمنى تحققون بطوله من جد ودنا النصر يرجع لكن قليل من الإهتمام في شئونه وترك شئون الغير خصوصا الهلال ..

تحياتي وإحترامي لشخصك الكريم

وتأكد أن الإختلاف في وجهة النظر لايفسد للود قضيه

تحياتي لك..

أبو مهند /

شاكره لك كلامك ..

وردك وغيرتك على الفريق

والله أن الهلال ماشي ولايضرك نبح من ينبح ..

لا مدير المركاز ولا محللين الأرتي ولاحتى اللي يشخمطون في النت ..

وصدقني كثير يبونها من الله أن الزعيم يسقط لأن سقوط الهلال بحد ذاته بطوله لهم ..

أتمنى أنك ماتشغل بالك في كلامهم ..

ولاتعطيهم أدنى إهتمامك ..

ولاتجاري أحد في أي كلام لايليق بزعماء ..

أتمنى الأ تشغل بالك إلا في بطولات الهلال فقط..

تحيااااااااااااتي لك..

وتمنيااااااااااتي لك بكأس يروي ضماااااااااانا لأنه طويل علينا 4شهور ما رفع الزعيم كأس...

ونحمد الله أننا زعماااااااء ولاعزاء لغيرنا ..

منسدح في طريق العليا · 12-03-2005, 08:20 PM

8
8

اختي الفاضله .. اعجبتني عقليتك الرياضه الواعيه

وياريت بعض الهلالين مثلك <<-- مايقصد الاداري والاصلع

ولاكن .. هل الصوره توضح حاله الشد .. يعني يد اللاعب واضحه وهي تسحب فانيلت الشلهوب

الواضح للجميع .. او لي عشان ماتقولون عمم .. انها ملامسه .. وارجع اقولك ما اتوقع ان هناك قانون ان الملامسه تصير ضربه جزاء ..

وهاذا بالنسبه للي شفته من خلال الصور هنا .. او في موقع الزعيم

وتحيــــــاتي لكي ..

مواضيع ذات صلة
الموضوع	الكاتب	المجلس	المشاركات	المشاركة الأخيرة
رابطة زعيم آسيا نادي الهلال السعودي	هلالي ودمي ازرق	عالم الرياضة	1689	15-11-2007 07:13 PM
ياصر القحطاني يفتح قلبة : الجماهير تطالبني بـ 30مليون هدف	رومنصي مشاكص	عالم الرياضة	12	01-03-2007 03:40 PM
((===الـــتـــغـــطـــيـــه الـــمــبــاشــره لــخـــلـــيـــجــــ18ـــي===))	المجهول	عالم الرياضة	57	31-01-2007 09:05 AM
سامي الجابر [ قائد المنتخب اليمني ] و اداره الهلال تشتكي ..!!	منسدح في طريق العليا	عالم الرياضة	18	30-01-2007 11:31 AM
تغطيه للأخضر في دورة الخليج	رومنصي مشاكص	عالم الرياضة	68	27-01-2007 06:56 AM

الهلال يتخطى الوحدة في كأس ولي العهد السعودي بهديه من الجروان !!!

لمن أهدى قائد ونجم فريق روما الايطالي قميصه !!

في الدوري الايطالي صدارة ميلان أمام طموح سمبدوريا

»

الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور

زوار هذا الموضوع الآن : 1 (0 عضو و 1 ضيف)

أدوات الموضوع
عرض صفحة الطباعة إرسال هذه الصفحة إلى صديق