من جديد يثبت الامير محمد بن فيصل بأنه رئيس رائع وجدير...

][المـؤيـد الهـادي][ · #1

السلام عليكم ورحمة الله وبركاته

من جديد يثبت الامير محمد بن فيصل بأنه رئيس رائع ..
ويؤكد قبل ذلك بأنه أنسان رائع بمعنى الكلمة ..
تمعنوا في الموقف التالي واحكموا :

بعد تمرين يوم أمس توجه العشرات من جمهور الهلال الى سيارة الامير محمد بن فيصل ..
كان الامير جالس في المرتبة الامامية ويستمع للجماهير بأهتمام ..
هذا يهني .. وهذا يناقش .. ونحو ذلك ..
فجأة شق الصفوف أحد المشجعين وأقترب من الأمير ..
وسأل الامير سؤال غريب نوعاً ماء :
طال عمرك وش رأيك في اللاعب سعد الدوسري الله يرحمه ..

الأمير : سعد أنسان عزيز وأخ والله يرحمه ..

المشجع : معك يا طويل العمر خال سعد الدوسري .. واليوم فيه مشجع سب سعد في المدرجات ..
يرضيك يا أبوسلطان انه مشجع يسب سعد في المدرجات وامام الله وخلقه ..
( ثم بكى المشجع )

الأمير : لا والله ما يرضيني ان أي واحد يسب سعد .. ومن هو اللي سب سعد ..؟؟

المشجع : ( ع . ح ) وهو معروف عند الجميع ..

الأمير يلتفت في رجال الأمن : تعرفون الرجل المقصود ..؟؟

بعض رجال الأمن : ايه

الأمير : من بكرة يمنع من دخول النادي ..
لا أشوفه في النادي ولا أسمع في يوم من الايام أنه دخل النادي ..
ما أسمح لي احد يتكلم في سعد أو في اي لاعب هلالي داخل النادي ..
واذا دخل النادي هذا المشجع جيبوه لي في الادارة وأنا أعرف كيف اتفاهم معه ..
ومشى الامير بعدها وسط أرتياح تام من الجماهير الهلاليه لهذا القرار ..

ومن جديد نتأكد يا سمو الأمير ان النادي تحت ايدي أمينه ..
من جديد نتأكد يا سمو الأمير انك الرجل المناسب في المكان المناسب ..
من جديد نتأكد يا سمو الأمير انك رائع .. رائع ... رائع ..

====

( قصة المشجع الممنوع من دخول النادي )

هو مشجع هلالي معروف .. كبير السن ..
معروف بتعصبه الشديد للنادي ..
كان غير مقتنع باللاعب سعد الدوسري يرحمه الله نهائياً ..
وفي تمرين الامس قال عن سعد : الله لا يذكره بالخير ...!!!!!
ووصل الخبر للأمير محمد ( كما اسلفنا ) وأصدر قراره بمنع المشجع من دخول النادي .

( رحمك الله يا سعد )

بما أننا ذكرنا سعد في هذا الموضوع ..
فأنني أتمنى من كل من يقرأ الموضوع أن يترحم على سعد ..
رحمك الله يا سعد .. واسكنك فسيح جناته ..
رحمك الله يا سعد .. حيث أن العين الى تدمع كلما حل طاريك ..
رحمك الله يا سعد .. وتقبل الله منا ومنك صالح الاعمال .

تحياتي

سنعوسي 111 · 04-05-2005, 12:49 AM

رحمك الله ياسعد
اللهم يارحمن يارحيم ياغفور ياودود اللهم اغفر لأخينا سعد واسكنه الفردوس الأعلى من الجنة

][المـؤيـد الهـادي][ · 04-05-2005, 01:01 AM

اقتباس

الكاتب : سنعوسي 111


	رحمك الله ياسعد اللهم يارحمن يارحيم ياغفور ياودود اللهم اغفر لأخينا سعد واسكنه الفردوس الأعلى من الجنة

اللهم آمين يارب

لاهنت على المرور
تحياتي

V I P · 04-05-2005, 01:32 AM

الله يعطيك العافيه يالغالي على الموضوع

والله الامير محمد بن فيصل هو بطولتنا الحقيقه

هذا الرجل فعل اشياء خلال موسم لم تفلعها ادارات اخرى خلال خمسة مواسم

ورحم الله سعد واسكنه الله فسيح جناته

تحياتي لك

sporty girl · 04-05-2005, 02:43 AM

ماشاء الله

ونعم الرئيس والله

الله يرحم سعد ويرحم موتى المسلمين

مشكور خيو عالموضوع الرائع

دمت بخير

مجنــــــــون · 04-05-2005, 03:05 AM

الله يعطيك العافيه

اخوي

وصدقني أن الأمير محمد بن فيصل انسان قبل أن يكون رئيس نادي او صاحب سمو وأمير وغيره .. وهذا أقل تصرف ممكن اتصور أن الأمير محمد بن فيصل يتخذ اجراء مثله ..

اللهم ارحم سعد وأغفر له وأرحمه وأسكنه فسيح جناته

الورد الاحمر · 04-05-2005, 03:51 AM

الله يرحمك ياسعد

وذا المشجع اللي سبه والله ما عنده قلب واحسن شئ انه انطرد من النادي لان اللي مثله ما ينتسب لللهلال

وشكرا اخوووي على الموضوع

][المـؤيـد الهـادي][ · 07-05-2005, 01:18 AM

V I P
&
sporty girl
&
مجنــــــــون
&
الورد الاحمر
((وذا المشجع اللي سبه والله ما عنده قلب واحسن شئ انه انطرد من النادي لان اللي مثله ما ينتسب لللهلال))
أيش ينطرد من النادي فقط المفروض ينطرد من الدنيا,,,,,,,,,,,,,,..................

لاهنتو كلكم على المرور................
تحياتي

منسدح في طريق العليا · 07-05-2005, 09:18 AM

8
8

لاعب مايهضم لاعب ... ليش ينطرد من الدنيا

على كذا فيه ناس واجدين راح تطردونهم !!!

الشخص لايستطيع ان يحب الجميع .. هاذا يكره ذاك .. وذاك يحقد على هاذا !!

وهاذي الدنيـا مافيه احد راح يعجبه الجميع

ورحمك الله ياسعد .. وجميع موتى المسلمين

ابو مهند · 07-05-2005, 11:28 AM

8
8

بس يالمنسدح الرجال تكلم في لاعب ميت..

وهذا لايمت لاخلاق المسلم بصله ..

الله يرحمك ياسعد ..

مواضيع ذات صلة
الموضوع	الكاتب	المجلس	المشاركات	المشاركة الأخيرة
رابطة زعيم آسيا نادي الهلال السعودي	هلالي ودمي ازرق	عالم الرياضة	1689	15-11-2007 07:13 PM
لقاء الامير بندر بن محمد مع كل الرياضه (فيديو + صوت )	رومنصي مشاكص	عالم الرياضة	13	08-02-2007 09:15 AM
((===الـــتـــغـــطـــيـــه الـــمــبــاشــره لــخـــلـــيـــجــــ18ـــي===))	المجهول	عالم الرياضة	57	31-01-2007 09:05 AM
تغطيه للأخضر في دورة الخليج	رومنصي مشاكص	عالم الرياضة	68	27-01-2007 06:56 AM

من جديد يثبت الامير محمد بن فيصل بأنه رئيس رائع وجدير...

أبويعقوب سواها قبلك يارونالدينهو

بيكام يتفوق على جميلات هوليوود

»

الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور

زوار هذا الموضوع الآن : 1 (0 عضو و 1 ضيف)

أدوات الموضوع
عرض صفحة الطباعة إرسال هذه الصفحة إلى صديق