رئيس النصر السابق يعترف بأن النصر استفاد من التحكيم أيضا ((تسجيل صوتي))

رومنصي مشاكص · 03-04-2006, 12:32 PM

اقتباس

منسدح في طريق العليا
اقول انت متوكد انه تصريح

مثل ما انت متأكد من تصريح ابوسلطان

اقتباس

والا نغــمه رساله

بنزلها بصيغة الجوال
وارسلها لك
بس شغل البلوتوث

اقتباس

يالغالي هالتصريح مافيه اي اثبات ..
لأن ماتدري وش الكلام الي بعده ..

مافيه اثبات .. والصوت صوت ممدوح ؟

اقتباس

يعني انا اعرف ان نادي النصر استفاد من الحكام ................. وبعدين هنــا مربط الفرس !!
ولا وجود للمقارنه بتاتاً بين التصريحين
كمل التصريح .. وذيك الحزه يكون لنا راي ثاني
تحيــــــــتي ،،

ياعزيزي << ابد مايقصد احد

مربط الفرس من التصريح موجود بالرابط

ليه انزل تصريح كامل ولا احصل الفايده منه الا في هالكلمتين ؟؟

نوفر المشاق عليكم وتسمعون الي قاله سموكم

نأمل منك كـ نفر من جمهور النصر

تجيب على الاسئله الموجوده في الموضوع فضلا وليس آمـرا ..

تقبل تحياتي

منسدح في طريق العليا · 03-04-2006, 12:50 PM

8
8

يـاعــزيزي انا لم اقل انه مزيف ..

انا قلت كمل التصريح ..

استفاد من الحكام .. كيف ؟؟ وشلون ؟؟ وش قال بالضبط ؟؟ عشان اعرف اجاوبك ؟؟

اقتباس


	ليه انزل تصريح كامل ولا احصل الفايده منه الا في هالكلمتين ؟؟

والا قل التصريح مو عندي وريحنا

رومنصي مشاكص · 03-04-2006, 01:07 PM

اقتباس


	منسدح في طريق العليا يـاعــزيزي انا لم اقل انه مزيف .. انا قلت كمل التصريح .. استفاد من الحكام .. كيف ؟؟ وشلون ؟؟ وش قال بالضبط ؟؟ عشان اعرف اجاوبك ؟؟

ابيك تجاوب على الي سمعته

اقتباس


	والا قل التصريح مو عندي وريحنا

أذا اثبت ان تسجيل محمد بن فيصل اعتراف ضمني بالرشوه انزل التصريح .

فهاذا ممدوح قال في غير هالتصريح ان الهلال يرشي ؟؟

منسدح في طريق العليا · 03-04-2006, 01:26 PM

يـــــــاربيــــــه وش كثر اعـــاني من الهلالين

عــزيزي ..

هل تقارن مقطع 9 دقايق وواضح .. بمقطع 3 ثواني !!!

ابقولك مثل يوضحلك ان كلامي صحيح 100 %

جاك احد من الناس وقال لك ..

قال تعالى (( ولاتقربوا الصــــــلاه )) وسكت بعدها ..

هل يعتبر كلامه صحيح .. هل يكون هناك اتمام للمعنى ..

ولاكن لو اكملها وقال ..(( ولا تقربوا الصــلاه وانتم سكارى ))

هنـــا اتضح المعنى جلياً ..

لــذا ياعزيزي .. اتمنى منك ومن الاخوان في موقع الزعيم ..

ان يبحثوا على التصريح كامل ..

وبعــدها نجاوب على اسئلتكم واستفساراتكم ..

تحيــــــــتي ،،

رومنصي مشاكص · 03-04-2006, 01:43 PM

اقتباس

منسدح في طريق العليا
يـــــــاربيــــــه وش كثر اعـــاني من الهلالين

يادلبوو

اقتباس

عــزيزي ..
هل تقارن مقطع 9 دقايق وواضح .. بمقطع 3 ثواني !!!

مقطع 9 دقايق بدون اثبات ماله معنى ..
يكون مقطع ثلاث ثواني وفيه الاثبات .. هنا المعنى

اقتباس

ابقولك مثل يوضحلك ان كلامي صحيح 100 %
جاك احد من الناس وقال لك ..
قال تعالى (( ولاتقربوا الصــــــلاه )) وسكت بعدها ..
هل يعتبر كلامه صحيح .. هل يكون هناك اتمام للمعنى ..
ولاكن لو اكملها وقال ..(( ولا تقربوا الصــلاه وانتم سكارى ))
هنـــا اتضح المعنى جلياً ..

اخوي كلامي واضح
الي ابيه منك تجاوبني بعد ماسمعت التصريح

اقتباس

لــذا ياعزيزي .. اتمنى منك ومن الاخوان في موقع الزعيم ..
ان يبحثوا على التصريح كامل ..:
وبعــدها نجاوب على اسئلتكم واستفساراتكم ..

بالعقل خذو مقطع الثلاث ثواني من دون مايكون التصريح موجود ؟
انت مثل الي يقول .. درسوهم وغالطوهم ؟؟

ذكرت بـ ردي السابق تعطيني اثبات

بأن ابو سلطان يرشى الحكام ..

ولد منيـرهـ · 03-04-2006, 01:52 PM

ههههههههههههههههههههه

اقول سمعتو الشاعر الي يقول

تدور الزله تبي تروح تزعل * * * ما عد لك خلقي بس لحظات

لله يا الدنيا الله يا والله ياول * * * تشتاقلي توله على كل الاوقات

الله يعنينكم يا هلاليني

تدورون زله صغيره على النصر

الله يعنينكم

والف شكر لك اخوي

منسدح على الدفاع عن العالمي

ولا تتعب حالك

ودمتم سالمين

ولد منيره .com

منسدح في طريق العليا · 03-04-2006, 02:05 PM

اقتباس

الكاتب : رومنصي مشاكص


	يادلبوو مقطع 9 دقايق بدون اثبات ماله معنى .. يكون مقطع ثلاث ثواني وفيه الاثبات .. هنا المعنى اخوي كلامي واضح الي ابيه منك تجاوبني بعد ماسمعت التصريح بالعقل خذو مقطع الثلاث ثواني من دون مايكون التصريح موجود ؟ انت مثل الي يقول .. درسوهم وغالطوهم ؟؟ ذكرت بـ ردي السابق تعطيني اثبات بأن ابو سلطان يرشى الحكام ..

لاحـــــــــول ..

يا حبيبي .. يابعد قلبي .. من جاب طاري الرشوه ..

السالفه .. انكم طلبتوا اثبات تصريح صوتي ..

والتصريح وصلكم كامل وواضح ..

جيتوا الحين وجبتوا تصريح لنا .. زين .. بس هالتصريح ماله اي معنى <<-- تفهمون هالكلمه

كملوا التصريح .. ونتفاهم على كل الي تبونه ..

مــلاحظه :

تعبت وانا اشرح .. ولاكن وش نقول في الهلالين

الي مع الخيل ياشقراء

وتراني مانيب معقب مرتن ثانيه ..

استوعبتوا وكملتوا التصريح رجعنا ..

والا اتوقع ان الشرح بالمثل واضح جداً ..

تحيــــــــــتي ،،

رومنصي مشاكص · 03-04-2006, 02:11 PM

اقتباس

ولد منيره
ههههههههههههههههههههه
اقول سمعتو الشاعر الي يقول
تدور الزله تبي تروح تزعل * * * ما عد لك خلقي بس لحظات
لله يا الدنيا الله يا والله ياول * * * تشتاقلي توله على كل الاوقات

ناقصك لبن وتدخل جو

اقتباس

الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور