جمهور الهلال بــ جــدهـ له رائي أخـــر

معانق الليل · #1

السلام عليكم ورحمة الله

اول شي هارد لكم يازعمـــاء صحيح انا خســرنا البطولة السابعــة وفقدنــا انجاز غير مسبوق

بس لاتنسون انــا قبل كل شي محتكرين البطولات السعوديــة سنتين متتاليتين ومن العدل

والمســاواة واقل حقوق الانســان انــا نعطي جماهير المملكة ولو بطولة وحدة

عشان كذا عطيناهم هالبطولة ومثل ماتعرفون بعد ان في لاعب فقراوي مع الشباب وبسبب

هالاعب وبسبب ان جمهور الشباب في الجهــة الجنوبية وهي جهة النصر وصكها معهم

على قولة بعض النصرواويين فهم شركاء في البطولة وكنهم ماخذينهــا بعد

ومن جهــة ثانية لابد للذهب من زكاة وللبطولات من دفعــة بلا وهذي زكاتنــا

ودفعـــة بلانـــا مستقبلاً ان شاء الله

ما ابي اطول عليكم بس فعلاً رغم الهزيمــة والي نعتبرهــا بكل صراحة تاريخية

الا ان في نــاس قلوبهم كبيرة واوفيــاء للزعيم رغم الهزيمــة راحوا يشجعون بكل حب

وبكل تفــاؤل ولســان حالهم يقول مايكفي ان بطولتنـــا ماكملت اسبوع واحد !!!

وغيرنا اذا خذا بطولة جلس يشجع ثلاثة شهور وممكن يشجع سنوات مثل بعض الافرقــة

الفقيــرة الي لليوم وهم محتفلين بمــاجد ومحيسن اللهم لاشمــاتة بس

والشي الثاني ان جمهور جدة معروف وش يشجعون ومعروفــة مواقف الزعيم معهم

واخراجهم من البطولات صحيح ان الكل استغرب من هالناس المتفائلة الي ماضربوا

حســاب للخسارة وطلعوا يشجعون بأعلامهم وسووا مواكب وقلبوا جدة فوق تحت

بس والله كان ودي كل الهلاليين يسوون مثلنـــا لأنا خسرنا من الشباب وكنا المركز الثاني

وطلعنـــا افرقتهم فريق فريق والشباب يعجبونكم أي شبابي يدخلون في عينة ويستلمونة

شرشحــة عشان كلكم عارفين مافية جمهور شبابي بالمملكة كلهم عشرة مشجعين

ثمانية منهم موظفين فالنادي واثنين انتقلوا الى الدار الآخرة لأنهم منومين بشهــار

واي واحد يقابلنا يهايط بالشباب وماخذ اعلامهم نوقفــة ونسئلة وش تشجع انت ؟؟؟

طبعــاً بيطلع يا اهلاوي حاقد او اتحادي حاسد وكل الفريقين مأدبهم الهلال هذي السنة

اذا كان اهلاوي ردينــا علية وش الشي الي صار يوم الاحد الي فات ؟؟؟؟

واذا كان اتحادي نقولة يابو اثنين طبعاًَ مهوب فيصل واحد ثاني غيرة

يعني نتيجة مبارتنــا معهم والشي الثاني نقولة من الفريق الي مطلعكم من الدوري ؟؟؟

خلاصــة الموضوع كل مارفع احد يدة وأشر بثلاثة والي هي نتيجة مباراة البارح

اشرنـــا بستة وهي عدد البطولات الي صاف فيهم الهلال فرق الدوري السعودي فريق فريق

المهم ما اطول عليكم هذي صور مصورهم انـــا لأحتفالات البارح وكلة لعيون الزعيم

وقبل كل شي ابيكم تعذوروني عشان قلة جودة الصور لأنهم بالفلاش والفلاش مايوصل بعيد

والليل ظلام والظلام مافية نور ونور لاعب وصخ عشان كذا الجودة مهيب بالحيل

يعني لكم عليها شوي من ناحيـــة الوضوح :

طبعــاً هذولا ماشاء الله عيني عليهم باردة شباب متحمسين ولا اهتموا في احد

وهذا منظر لبدايــة تجمهــر عشـــاق الزعيم والنواة الاولى للموكب

هنا الشباب سدوا طريق الكورنيش والمشكلة فيه ناس يتلزقون معهم اعلام شبابية بس مسكتينهم

ولايقدرون يقولن شي

شبـــاب في قمــة الحمــاس رافعين روسهم بالزعيـــم

من داخــــل الموكب

صورة طوليـــة للموكب بعد انضمام الكثير من السيارات لنــــا

تفـــاؤل كبير وروح مرحـــة بين الزعمــــاء

وهذولا الشباب الا يبينون فرحهـــم قدام الموكـــب بعد ماسدينـــا الشارع

في نهــــاية الموضوع اتمنـــى يارب تكون الصور والتقرير اعجبوكم

وما انسى اشكرك كل الرئعين الي قابلناهم البــــارح وشجعوا وكأن الهلال فائز

ونبي هذي الروح هي روح الزعمـــــاء دوم ووقوفهم مع فريقهم في حال الفوز والخســـارة

مثل بعض ....... وارفـــــع راسك انت هلالي

كل الود والتقدير

تقرير الأخ .. أبو جلوي .. وتصويرهـ ... شبكة الزعيم

مهوب طبيعي · 23-04-2006, 03:34 PM

هلا اخوي معانق ...

والحمدلله على كل حال ...

وحظا ً اوفر للهلال وعشاقه ...

وبأذن الله يعوضونها في المشاركات القادمة ...

والله يعطي هالجمهور العافيه ... وماشاء الله عليهم محتفلين ولا اروع من كذا ...

عسى هالافراح ان شاء الله دوم ... ومشكور على هالمشاركه وعلى هالصور ...

بالتوفيق ان شاء الله ...

فمان الله ...

صدى الكلمة · 23-04-2006, 06:01 PM

الجمهور الهلالي على وعي تام

يعي ما قدمه لهم هذا النادي خلال عامين فقط

ولن يحبطهم او ينغص عليهم ذهاب بطولة

كل الشكر على النقل الجميل

معانق الليل · 23-04-2006, 07:05 PM

تسلمون يالغالين على تعطيركم للمشاركهـ

فتى الرياض · 23-04-2006, 09:02 PM

مشكووووووور على موضوعك

واحنا تعودنا على الفرحه دائما

وانشاءالله تتواصل افراحنا

وهذا الهلال الكل يعرفه لكن ينكرون انجازاته من مبارت واحد لتخفيف مما عيانون

مشكوووووور على الموضوع

تقبل تحياتي

معانق الليل · 23-04-2006, 10:10 PM

تسلم لى يامليح على مرورك الكريم لاحرمت من تواصلك الدائم

الحزن حياتي · 23-04-2006, 11:48 PM

كلامك عين الصووووواب

مشكور على الابداع واحترامي لك

Empire · 23-04-2006, 11:52 PM

ايه والله ارفع راسك انت هلالي ..

تسلم تسلم تسلم ياقلبي .. والله انك كفيت ووفيت ..

بس احب اضيف على كلامك ...

ان الهلال زكى بهذه البطووووووولة .. عن البطوووولات السابقة المحتصرة للهلالين ..

بس احلى شي ... انه اللي فاز على الزعيم .. الشباب .. مب النصر ولا الاتي ولا الاهلي ..

ودمتم سالمين ..

ღ FAISAL ღ · 23-04-2006, 11:54 PM

بس احلى مافي الموضوع يوم قلتو اننا عطيناكم البطوله .. (:

ياحبيبي البطوله راحت لفريق كبير .. عرف كيف يبهذلكم وينهي على لياقتكم في الشوط الأول .. هذا تفكير الكبار سواءاً مدرب أو لاعبين ..

وربي رأفنا بحالكم والا كانت 4 و 5 .. بس الحمدلله على كل حال ..

البطوله ذهبت لمن يستحقها .. وتصدر الفرق لسنتين متتايتين و3 نهائيات ورا بعض .. ما أتوقع ان احد يقدر ينكر قوة الشباب .. واستحقاقه لهذي البطوله ..

أجملـ تحيهـ ،،،

فهد المهوس · 24-04-2006, 12:18 AM

^
^
^

ياحبني لك مير ماتنلام فرحان

الزعيم زعيم والهلال نادي كبير ودايم مشرفنا ومشرف الأنديه السعوديه واتحدا اي واحد يقول العكس

وكون الشباب فاز على الهلال فهذا مو معناته ان الزعيم انتكس ,,,

بالعكس

الهلال قدم الكثير والكثير ولا احد ينكر هالشي واذا على ماتقول صغار الأقلام ان الشباب فتح كباري بالهلال فـ مباراة وحده بالله عليكم شوفوا وش سوا الهلال بالأنديه السعوديه وبالشباب من قبل

لكن هذي الكورة زي الاسهم مرة نسبه فوق ومره يصير فيه تذبذب <-- فاضختن قلبك الاسهم

بالتوفيق للشباب وكبير يازعيم

جمهور الهلال بــ جــدهـ له رائي أخـــر

"الفعال" يلطف أجواء الهلال ومساءلة كماتشو وتفاريس

الأمير فيصل بن سعود بن محمد يحتفي بالإدارة والفريق ( صور خاصة )

»

الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور

زوار هذا الموضوع الآن : 1 (0 عضو و 1 ضيف)

أدوات الموضوع
عرض صفحة الطباعة إرسال هذه الصفحة إلى صديق