النـصر يـربط أحزمته أسـتعداداً للـهـبـوط ..!!

منسدح في طريق العليا · #1

.
.

السلام وعليكم ورحمه الله وبركاته ..

حياكم الله اخواني و اخواتي ..

.
.

انتهت قبل قليل مباراه النصر و الفيصلي بالتعادل الأيجابي 1 \ 1 ..

و بذلك يحافظ النصر على موقعه و ترتيبه 11 ..

و الفيصلي يستمر في المركز 10 ..

و بذلك يكون النصر استعد بربط الأحزمه للهبوط ..

الا اذا تداركوا الأمر في آخر الدوري ..

و خربوها وطبوا مع الدرايش ..

.
.

بــأيـــجـــاز :

المباراه كانت من طرف واحد الي هو النصر ..

و لكن هذه السيطره لم يكن لها اي معنى ..

امتلاك للكره بغير اي فائده ..

في ظل تكتل دفاعي من الفيصلي ..

و الي انتهجه المدرب من بدايه اللقاء بلعبه بسته مدافعين ..

الزهراني صاحب هدف الفيصلي ..

و الشهراني صاحب التعديل ..

.
.

الى الان و النصر يعاني من صانع لعب يفيده و يفيد خط هجومه ..

باسيوس لم يتأقلم الى الان مع لاعبين الفريق ..

و دينلسون الى الان لم نرى منه ما يخدم الفريق ..

الحارثي لم يكن في يومه ..

ابي اعرف متى بشوف خالد راضي في الحراسه ..

لأن شريفي طاعاته واجده و الله يستر ..

.
.

الي قهرني صراحه جمهور النصر ..

حضور متواصل و بكثافه على شي مايستاهل ..

و الله حرام ادفع قيمه التذكره في ظل هالمستويات ..

و لكن يضل الجمهور النصراوي مخلص ووفي لفريقه ..

لأنه يعشق الشعار و الكيان لا يعشق فلان و علان ..!!

.
.

اعترف بمستوانا الهابط ..

و لكن كلمه حق الحكم لم يكن في الفورمه ..

.
.

تحيــــــتي ،،

// .. امبراطور الرياض ..// · 08-02-2007, 09:14 PM

والله النصر ظاايع

الله يستر

مشكور أخوي

منسدح في طريق العليا · 08-02-2007, 09:17 PM

العفووو ..

و اشكر حضورك ..

تحيـــتي ،،

المجهول · 08-02-2007, 09:21 PM

والله بديت اخاف بصراحه

ان شاءالله يتداركون الوضع...

لإنه من جد صار يخوف!!!

تعادل مذل!!!

مشكور على هالمتابعه...

وعظم الله اجركم مقدما

تقبلوا تحياتي...

منسدح في طريق العليا · 08-02-2007, 09:25 PM

8
8

أجرنا و أجرك ..

<<-- طقته البتسوه عقب ماشاف و احد من الجمهور منهار و يبتسي ..

تحيــــتي ،،

مهستر والله يستر · 08-02-2007, 09:41 PM

لا إنشاء الله النصر مايروح للدرجه الاولى مع إني انا هلالي بس ابي النصر يرجع لمستواه القديم عشان تكون مباريات الديربي قويه
وان شاء الله يرجعون لمستواهم الحقيقي واقوى مباراه لعبها النصر في الدوري مباراة الهلال ومشكور واحب اقول للجماهير النصراويه ساندون فريقهم عشان يتحسن شوي عالأقل

عاشق الليث · 08-02-2007, 09:45 PM

إنشاء الله تصحح الوضاااااع
ويبتعد النصر عن المراكز المتأخره

ويعوض جماااااهيره الموسم القادم
عن المستويات الغيرمقنعه هذا الموسم

عزيزي شكرلك
ومااااااازال هناك أمل

توتة · 08-02-2007, 10:35 PM

الشكوى لله مالنا الا نربط الاحزمه ونستعد للسفر ..
ان ظل الوضع على ماهو عليه

<<<<بس ماراح نكون مثل اللي فقد اعصابه في الملعب وصاح والله اني رحمته..وضاق صدري عليه
اول مره اشوف دموع من قلب

يعطيك العافيه اخوي منسدح

دمت بخير

فتى الرياض · 09-02-2007, 01:15 AM

يبدو انه فات الاوان على النصر

وحتى لو تدارك فهوا متأخر جداً

مشكور اخوي منسدح على هذي التغطيه

تقبل تحياتي

فيصل السويلم · 09-02-2007, 04:36 AM

الله يستر

النـصر يـربط أحزمته أسـتعداداً للـهـبـوط ..!!

اليوم يبدأ بيع الطقم الرسمي لفريق الهلال في الملعب ومقر النادي

الزعيم يسعى لتثبيت الصدارة ومباراة متكافئة بين القادسية والطائي :)

»

الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور

زوار هذا الموضوع الآن : 1 (0 عضو و 1 ضيف)

أدوات الموضوع
عرض صفحة الطباعة إرسال هذه الصفحة إلى صديق