مشـكلة النصـر .. (( هي خاربـه خاربـه .. خلنا نعميـها )) .. !!

ولد ابو فهد · #1

الســلامــ عليــكمــ ..

هي خــاربه خــاربه .. خــلنا نعــميهاا

احـس هذا اللي كان يقوله البحري و المرداسي و جميع لاعبي النصر في أنـفسهم في مباارة الاتحاد الاخيره ..

انهـزمنا 4-0 .. كان ممكن نخسر 2-0 .. أو 3-0 .. بس خسرنا 4-0

دايــم بـوادر الاستسلام في النصر تبـدأ مبكرا في المبااراة .. ولكن الحق يقال في بعض المباريات نرى النصر يقاتل حتى آخر دقيقه ..

فـبـمجرد ان يدخل على النصر هدفين او اكثر يبدأ لاعبو الفريق بالاستهتار و اعتبار ان المباارة انتهت و تغيب الروح و الحماس .. يعني يحسون انها خاربه خاربه ..

لهـذا ننهـزم بالنتائج الكبيـره ..

أتـمنى الفكرة تكون وصـلت و مادري توافقـوني هالشـي أو لا ..

ياخي اخسر بـ 2 احسن من 3 .. اخير بـ 3 احسن من 4 .. بـ4 احسن من 5 ..

طيب الحين بعد هاذي الهزيمه ابتعد النصر بعض الشيء عن المنافسه على الدوري ..

مو يجـي يقول هي خاربه خاربه و يـــنزل بالترتيب ..

فكـل مركـز أفضـل من اللي تحـته ..

عيــب و الله عيـب فنـادي كبير مثل النصر بقاعده جماهيريه كبيره له هيـبة و شخصيـة بس و الله ما خليــتم لا هيـبة ولا بطيــخ !!

ويــن أول من متـى و النصر يخسـر بالـ 4 و الـ 5

بس الحيـن صار شي عـادي

و البـركه فيـكم ..

بس .. و الله مادري وش اقوول ..

يا شــماتة الفرق الثانيـه فيــكم ..

من بعـد ما كــنتم ..

ســـلامــ ..

فتى الرياض · 04-01-2008, 03:48 AM

اقتباس


	عيــب و الله عيـب فنـادي كبير مثل النصر بقاعده جماهيريه كبيره له هيـبة و شخصيـة بس و الله ما خليــتم لا هيـبة ولا بطيــخ !!

هذي اهم النقاط التي كرتها

النصر كيان كبير وله جمهور كبير

للاسف لم يستغله ولم يحترمها

وخاصه من الاداره التي مستخفه بالعناصر التي ذكرتها

نقد هادف منك اخوي الغالي

واتمنى ان يكون للجمهور كلمه تؤثر على الاداره

ءأسف على الإطاله

تقبلوا تحياتي

قلبـ العنا · 04-01-2008, 04:16 AM

بصراااحه متعودين النتائج الكبيرة في مرمى النصر وخصوصاً أمام الاتحاد ..!!
يعني الاتحاد في هذا الموسم ومن مباراتين بس سجل 9 أهداااااااااااف ..!!

ومن 4 سنوات والنصر لم يحقق بطولة خصوصاً ع ملعب جده ..!!

وسبحان الله تغيير الطموح عندهم في دقيقة قبل المباراة يقولون نبي ننافس ع بطولة ..!!
وبعد المباراة يقولون أهم شي نبني فريق !!!!!

هع

بالله عدوو معي (شريفي البحري المرداسي الواكد الزهراني النفطي التون مرزوق العتيبي) 8 لاعبين منهم المحترفين ومنهم من تعدا سنه 29 سنه !!
والبقية ما يلعبون في حواااري بستثناء سعد !!!!

وعاش زمن البناء .!!

شـــ سعوديةـــموخ · 04-01-2008, 05:20 AM

مشكور أخوي على الطرح المميز

وأنا أوافق على كلامك100%100

والله مو مضيعينا غير الشريفي لويخلون الباب فاضي أحسن>>ماتحبه

عاشق فن الكاسر · 04-01-2008, 05:24 AM

اخوي كاتب الموضوع

محد طقك على يدك وقالك شجع النصر
أنت اللي شجعته تحمل
وبعدين النصر كان قبل 11 سنه كبير

بس النصر اللحين صائد الكبار

و اليوم ما مشت معه

وان شاء لله معوضين في لمباريات الجايه

تحياتي

الورد الاحمر · 04-01-2008, 05:49 AM

كلامك ولد ابوفهد يدل على عقلية مشجع غيور فعلا على فريقه ليس

كحال بعض

جماهير التعصب الذين الى درجة انهم فرحين بفوز الاتحاد عليهم ويقولون عادي قمة الغباء والله ان ينتهي بناء العقل هنا

والسبب بعقلهم اغاظة جماهير الزعيم

المهم ابي اشاركك موضوعك ولا ابي اخرج عنه

فعلا النصر ليس الفريق الذي يبقى صامدا ما ان تسجل واحد واثنين حتى صار الباب بدون حارس

وعزيمة اللاعبين انهارت

تدري ليه ؟

السبب وجود اداره عقيمه ومحتكره من قبل آل عبدالرحمن الله يرحمه

وايضا وجود (( سوسة )) الفريق كما قال رمز الكره المرحوم له بأذن الله ( طلال الرشيد ) لا يفقه في اساليب الاداره

شئ

ربما ايضا راح اقولك بعد الدعم المالي للاعبين ليس موجود

بأختصار فريق النصر لو جاء لاعب عالمي راح يصير حاله مثل حال اي لاعب عادي بالفريق

لان اليد الواحده لا تصفق

اتمنى ان اكون شاركتك النقاش بعقلانية الغيورين على الكره السعوديه وشموخها فقط

ملك بدون مملكة · 04-01-2008, 11:43 AM

يعطيك العافية ولد ابو فهد

باختصار ما دام عيال سعود موجودين في النادي فالا يا شامين بطولة

غير عقليات الادارة بعقليات مفتحة وناس تقدر تدفع بيرجع النصر للمنصات

بالتوفيق للعالمي

كنكولوجن · 04-01-2008, 01:18 PM

اهـ يالنصر احس النادي يقول وينك يا ماجد عبدالله

وياليت ذيك الايام ترجع لكن اتحطمت مره

بسبب الخساير المتكرره ليش؟؟

ودي بهاذي السنه يفوز بالدوري السعودي

مع اني ما اشجع النصر لكني سعوديه

واحب ان كل شي بالسعودية يكون بيييييييرفكت

وممتاز واحسن شي

وانا حبيت اشارك بموضوعك مع اني مو مره شاطره بالكوره

تقبل مروري

المجهول · 04-01-2008, 01:32 PM

اخيرا طرح نصراوي حقيقي يشاهد في مجالسنا

نعم هذا ما أريده وهذا ما أطالب به...

نعم نريد مواضيع تبحث عن حلول!!

لا مواضيع لا تسمن ولا تغني من جوع!!

ما حدث امس للنصر هي مهزله في حق تاريخ كبير...

مالذي حدث؟!!

لأول مره أرى آساد يخربها!!!

معليش بس تطلع إلتون هذا قمة الغباء!!

إلا اذا كان مصاب فهذا كلام ثاني!!

وبعدين وين البيشي اللي بدع؟!!

تجي تنزل مرزوق المنتهي؟!!

معليش امس والله كنت ابي النصر يفوز!!

لكن اللي شفته فريق ما يبي يفوز!!

الوطني استطاع ان يحشر الإتحاد على ملعبه!!

مالذي ينقص النصر عنه؟!!

عموما هي اخطاء تكتيكيه وقعت...

كالأخطاء التكتيكه اللتي وقع بها مدرب الهلال قبل البارحه وتسبب بالثلاثيه!!

كل الشكر للغالي ولد ابو فهد على هالطرح الرائع كعادته...

واتمنى من الجميع ان يناقش بعقلانيه ويبتعد عن الردود اللتي لا تسمن ولا تغني من جوع

تقبلوا تحياتي...

@..الــحــالــم..@ · 04-01-2008, 01:56 PM

خاربه خاربه

صحيح الفريق سيء

بس فيه عناصر مميزه

ولا تنسون التفاحه الفاسده تأثر على الناضجه

النصر محتاج شوي غربله

حظ اوفر للنصر

ومبروك الف مبروك للعميد

واسبوع ناري لأهل الغربيه

دمتم بود

مشـكلة النصـر .. (( هي خاربـه خاربـه .. خلنا نعميـها )) .. !!

( حصريا ) .. ’’ حقائق ’’ خطيرة تنشر لأول مرة عن ( قضية كالون)

توقفات الدوري السعودي تبعده إلى المركز السابع عربياً والثامن آسيوياً

»

الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور

زوار هذا الموضوع الآن : 1 (0 عضو و 1 ضيف)

أدوات الموضوع
عرض صفحة الطباعة إرسال هذه الصفحة إلى صديق