تـوتـنـهـام بـطـلاً لـكـأس الـرابـطـة الإنـجـلـيـزيـة عـلـى حـسـاب تـشـلـسـي

الصبر مفتاح 14 · #1

[عزيزي الزائر يتوجب عليك التسجيل لمشاهدة الرابط للتسجيل اضغط هنا]

فشل فريق تشلسي في الحفاظ على كونه بطلاً لكأس الرابطة الإنجليزية
وذلك بخسارته أمام توتنهام هوتسبير بهدفين مقابل هدف،
في المباراة النهائية التي جرت مساء اليوم الأحد على استاد ويمبلي.
جاء هدف الفوز لتوتنهام مع الدقيقة الرابعة من الشوط الإضافي الأول عن طريق المدافع جوناثان وودجيت.
وكان تشلسي قد افتتح التسجيل مع الدقيقة 39 من ركلة حرة سددها ديدييه دروجبا،
وأدرك بعد ذلك البلغاري ديمتار بيرباتوف التعادل من ركلة جزاء عند الدقيقة 70
بعد لمس مدافع تشلسي واين بريدج للكرة بيده داخل منطقة الجزاء.
وبهذه النتيجه انتهت المباراة

وخرو شوي خلوني اطلع اللي فيني

مدرب خنزير وطرنبه و(دلخ 666)
من مباراة الي الثانيه يثبت فشله
ومع ذالك الخنزير الثاني مقتنع فيه
ما راح التكلم عن اللي راح كله
باخذ هالنهائي بس
يعني مدرب يلعب بتشكيله ثابته له تقريبا شهرين
تجي مباراة مثل هذي يحوس ام الدعوه كلها
بلاك وجوكول اللي تعودنا انا انشوفهم اساسيين يعني متفاهمين متجانسين مع الفريق واليوم ناطلهم احتياط
ما ادري وش الهدف من اللي يسويه
والادهى والامر دخول ميكيل في التشكيل الاساسي على حساب بلاك وميكاللي
مع انه توه راجع من بطوله افريقيا وله فتره ما لعب معهم
ما ادري ليش ملعب انيلكا من بدايه المباراة
والمشكله انا ما شفناه لو على الاقل مشاركه مع الفريق
والمصيبه انه استمر لين نهاية المباراة
تعالو شوفو التغييرات علشان تضحكون صدق
دخول كالو بدال النمله (فليبس)
دخول بلاك بدال ايسيان << شوفو هالتغيير قمه في الدلاخه اجل احد يطلع ايسيان الله يعمي بصره وبصيرته
دخول جوكول بدال ميكيل
يعني نتف المحاور كلهم ولعب باربع مهاجمين ماوراهم الا صانع العاب واحد فقط

ووتراجع لامبارد لخانة المحور
ويبدي وش يخلي المسكين
وربي تمنيت الفوز علشان الاعبين بس
واوقات اقول الخسارة في مثل هالمباريات يمكن يجي منها شيء
<<< بالعربي يبي يقولكم يمكن يقيلون الخنزير مع تراجع المستوى
فيني حره على هالدلخ ودي اسجل مقطع صوتي وانزله مليت وانا اكتب

معليش طولت عليكم

برنس الشوق · 24-02-2008, 09:30 PM

احسن خبر مبرووك لتوتنهام

تسلم اخوي الصبر مقتاح 14

ارق التحية لك

اتحادي الشرقيه · 24-02-2008, 09:34 PM

مبروووووووك لتوتنهام الفوز المستحق وهارلك لتشلسي

مشكووووور اخوي الصبر مفتاح 14 عالمتابعه ((الحصريه))

تحياتي..........

ولد ابو فهد · 24-02-2008, 09:56 PM

ياااخي و قسـم بالله غبــنة هالمدرب

من جد كلامك صح اخووي الصبر يعني جو كول و بالاك يقعدون احتياط كيف ما تجي

بعدين ملعبلي انيلكا مع دروجبا ماا يصلح و الله ما يصلح

الا اذا بتحطهم مهاجمين صريحين ..

افرام جرانت يلعب بخطة مورينهو عام 2004 بس الغبي ما يعرف يطبقها

اللي هي 4-5-1 و تتحول لـ 4 -3-3

بس ماا تصلح يا غبي و انت ما عندك اجنحة صح !!

مورينهو يوم يسويها عنده رووبن اساسي و عنده دامين دف .. و من لا يعرف دف يكاد يكوون أفضل جناح في العالم

و يعتمد على رأس حربه واحد كائنا من كان و حاليا ليس هناك أفض من دروغبا

الحين يا فاهم اذا بتسويها حط عندك الاجنحه يا جو كوول أو مالوداا ( بس مالودا مصاب ) .. و ينفع بعد رايت فلبس

اما تجيب انيلكا و تذبه يميين مدري يساار جنب الكوورنر و هو بطيء يسحب نفسه سححب ووين يا حبيبي

و قسم بالله اني فاهم كوره أكثر منه ذا التفـخ

لامبارد كان شايل الفريق علة كتفه .. و لا يهون دروغبا

بالاك و الله يوم دخل ضبط الاوضاع و بعدين ياخي تكفيك خبرته

بريدج كان سيء جدا و بيليتي سيء و لكن ماله بديل

انيلكا وجوده من عدمه مع ان البعض يقولون انه قدم مستوى بس انا لا أرى هذ االشيء

كارفالهو ما قصر و تيري مستواه متوسط يعني كل شوي يطيح بس يمشي حاااله

ايسيان سيء و ميكيل سيء << الى الحين آثار كأس افريقيا اللي تهد الحيل

تشيـك آآخ يا حبي لك يا تشيك .. و قسم بالله انك فريق بلحالك

و الله و الله و الله مدري وش اقوول

اهدافهم واحد بلنتي صحييح بس ما كانت اعاقة تقول لو ما اعاقه كانت هدف او كذاا لا لا كورة شبه ميتة تضرب في اجسامهم و ترجع وو مدري وش و لمسها الاخ بيده و العبهاا بلنتي

و الهدف الثاني لو تبون احلفلكم انه ما يدري وين الكووره حلفت

تشيلسي باين اللي في الملعب نااس تبني و ناس تهدم

عند و الله ان لامبارد يشتغل لحاله يلعب من قلب

و دروغبا بعد بس تبقى عقلية الافارقه

جون تيري يلعب و هو مصااب

و عندك تنـكة مسندينهاا عالدكه و الله نايم يوم سمع صوت الجمهور قام و فرح

تشيلسي بدوونك يا مورينهوو مجرد نجووم بلا اشراف .. بل ليتهم بلا اشراف بل تحت اشراف منيب قاايل بس

كأنهم اسوارة ألمااس في يد وحده تقطع بصل << ابووك يالتشبيه

سبحة في يد دااشر << لاااه

سكين في يد بعير << اقوول زودتهاا

معليش يالصبر خررفت بس لا تلوومني

طوولت عليكم ,,

هاردلك لكل تشلساوي على الكرة الارضية

تقبل تحياتي يالصبر ..

ســلامــ ..

عـبدالعزيز · 24-02-2008, 10:12 PM

هههههههههههههههههههههههه

وهـ بس

احسن تستاهلون

باقي بس اوربا اوت وخلاص

اجل ايسيان يقول لن يهدأ لنا بال حتى نحصد كل البطولات

بدري عليكم

سي يو

eL sEcret0s · 24-02-2008, 11:46 PM

هارد لك لتشيلساوية

وين هياط غرانت اللي راح ينسينا مورينهو

أهلاوي الرياض · 25-02-2008, 01:10 AM

الف مبروكـ لتوتنهام

وهاردلكـ لتشلسي

يعطيكـ الف عافية ياغالي

أرق التحايا

أهلاوووي

الشوق جابك · 25-02-2008, 01:24 AM

اقتباس


	بالعربي يبي يقولكم يمكن يقيلون الخنزير مع تراجع المستوى فيني حره على هالدلخ ودي اسجل مقطع صوتي وانزله مليت وانا اكتب

قلتها مدرب خنزير لا يستحق ان تتعب نفسك بمشاهدت فريق يدربه مثل هذا الوضيع

مبروك لتوتنهام البطوله

يعطيك العافيه يا الغالي للمتابعه الرائعه

تقبل تحياتي

الورد الاحمر · 25-02-2008, 03:23 AM

اااااااااااااه بس شئ يقهر والله البلوز من بعد مورينهو مايستحق المتابعه

( وفي الليلة الظلماء يفتقد البدر )

كلام فهــــودي بمكانه والله

يسلموووووووووو الصبر

shelal · 25-02-2008, 04:57 PM

احسن من يوم جابو هالمدرب المرووووح ..
ضع البلووووز .. والف مبروووووووك لتوتنهام ..
ولاهنت يالغالي على متابعتك ..
تحياتي لك

تـوتـنـهـام بـطـلاً لـكـأس الـرابـطـة الإنـجـلـيـزيـة عـلـى حـسـاب تـشـلـسـي

ادارة الهلال توقف المفاوضات مع الطريدي

رأس مدرب الهلال بيد الشباب.. والحسيني بديلا

»

الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور

زوار هذا الموضوع الآن : 1 (0 عضو و 1 ضيف)

أدوات الموضوع
عرض صفحة الطباعة إرسال هذه الصفحة إلى صديق