عندي مشكله كبيره مره .. تكفون يا النشاما ساعدوني في حلها

أميرة الرياض · #1

السلام عليكم ورحمة الله

كيفكم عساكم طيبين

المشكله ومافيها

أني إذا جيت أفتح أيميلي يكتب لي لا يمكن العثور على الصفحه ويرفض يفتح لو أحدث من اليوم لين بكره

بس عادي يفتح معي كل الصفحات إلي أبيها يعني مجالس الرياض يفتح ومواقع كثيره يفتح إلي الأيميل

ليه وهل عندكم له حل

تحياتي لكم

أموووووووووره أنا

رفيع الشان · 31-12-2004, 07:01 PM

اموره

جربي اول حل انك تحذفين الكوكيز من متصفحك
ان شاء الله ينفع معك

تحياتي

ابو شوشه · 31-12-2004, 07:03 PM

انااقول ان إيميلك فيه هنووووود ماسافروا بلغي عليهمالجوازات ويفتحون لك كل شي

<--- اسلوب تحجير

أمير الجزيره · 31-12-2004, 08:17 PM

ياهلا بأميرة الرياض..

شوفي هو لازم تفتحين على نفس الصفحه..

يعني لا تفتحينها بإيطار جديد إفتحيها على نفس صفحة الإيميل

على ما أظن هذا نوع من الحمايه انك ما تقدر تفتح اكثر من صفحه

في نفس الوقت للإيميل ما ادري ليش..وإنشاء الله إني أفدتك وبالتوفيق..

بنت النور · 01-01-2005, 05:20 AM

هاه عاد بشري عساه فتح ولالا

تصدقين انا قد حصلت لي نفس المشكله

بس بعد فرمتة الجهاز الحمدلله رجع كل شي لوضعه

تحياتي

Nasser · 01-01-2005, 09:04 AM

أميرة الرياض

حاولي تفتحين الايميل من الماسنجر

او احذفي ملفات الكوكيز

وان شاء الله تنحل مشكلتك

تحياتي

أميرة الرياض · 01-01-2005, 01:17 PM

اقتباس

الكاتب : الساحر


	اموره جربي اول حل انك تحذفين الكوكيز من متصفحك ان شاء الله ينفع معك تحياتي

مشكور والله يا أخي

بس ممكن تعلمني كيف الكزكيز ماعرفه أول مره أشمع عنه

معليش أنا ممله خخخخخ

تحياتي لك

أموووووووووره أنا

اقتباس

الكاتب : ابو شوشه


	انااقول ان إيميلك فيه هنووووود ماسافروا بلغي عليهمالجوازات ويفتحون لك كل شي <--- اسلوب تحجير

شكله والله خخخخخخخخ

مشكور على المرور يا أبو شوشه

تحياتي لك

أموووووووره أنا

اقتباس

الكاتب : أبو طريخم


	ياهلا بأميرة الرياض.. شوفي هو لازم تفتحين على نفس الصفحه.. يعني لا تفتحينها بإيطار جديد إفتحيها على نفس صفحة الإيميل على ما أظن هذا نوع من الحمايه انك ما تقدر تفتح اكثر من صفحه في نفس الوقت للإيميل ما ادري ليش..وإنشاء الله إني أفدتك وبالتوفيق..

أنا صفحة الأيميل خلقه ماتفتح مو قصدي إذا حطيت فتح في إيطار جديد

يعني أنا ماعرف ألحين كم رساله وصلتني

ومشكووووووووور مررررررررررره وماتقصر الله يعطيك العافيه

تحياتي لك

أمووووووره أنا

اقتباس

الكاتب : بنت النور


	هاه عاد بشري عساه فتح ولالا تصدقين انا قد حصلت لي نفس المشكله بس بعد فرمتة الجهاز الحمدلله رجع كل شي لوضعه تحياتي

الله لا يحرمني منك إن شالله

لا والله ما فتح لاني ماعرف الطريقه إلي قال عنها أخوي الساحر

صعبه أفرمته أح حياتي بتنتهي خخخخخ كل شي في الجهاز ولا ودي أفرط فيه

وألف ألف شكر لك يا الغاليه

تحياتي لك

أمووووووووره أنا

اقتباس

الكاتب : Nasser


	أميرة الرياض حاولي تفتحين الايميل من الماسنجر او احذفي ملفات الكوكيز وان شاء الله تنحل مشكلتك تحياتي

حاولت بس رفض

أبي أحذفها بس ما أدري وشي

مشكوووووووور مرررررررره على التواجد والحلول

تحياتي لك

أمووووووووره أنا

مجنونها · 01-01-2005, 01:44 PM

مراحب اميره
معليش رد عالسريع اختبارات وحوسه
حذف الكوكيز من هوون
اضغطي من فوق في المتصفح على ادوات ----->خيارات إنترنت ------> حذف ملفات تعريف الارتباط
اسف عالتقصير ان شاء الله تنحل مشكلتتس

مـــــلاذ · 02-01-2005, 01:39 AM

السلام عليكم و رحمة الله وبركاته

اختي اميرة ..

افتحي اي صفحة على النت ..

بعدين

أدوات >> خيارات الأنترنت >> خيارات متقدمه >>> استعداة الأفتراضي ..

بعدين

جهاز الكمبيوتر

كلك يمين على قرص السي ( او القرص الي عليه الوندز)

خصائص >>>تنضيف القرص >> راح يطلع لك مربع داخله اشياء او ملفات قدامها مربع حطي على جميع

المربعات علامة صح ثم موافق ..

اتمنى يساعدك هذا ..

مودتي

مزاجي · 02-01-2005, 05:13 AM

المشكله هذي في اغلب احياء الرياض

مايفتح الايميل وماتقدر تكتب كلام طويل سواء كان رد او موضوع

ماتقدر ترسل ملفات في الماسنجر

عندي مشكله كبيره مره .. تكفون يا النشاما ساعدوني في حلها

حمل اكثر من 10000 شكل جميل لمؤشر الفأره

مقطعين 3pg جديده !!

»

الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور

زوار هذا الموضوع الآن : 1 (0 عضو و 1 ضيف)

أدوات الموضوع
عرض صفحة الطباعة إرسال هذه الصفحة إلى صديق